ಈ ರೆಸ್ಟೋರೆಂಟ್‌ನಲ್ಲಿ ದೆವ್ವಗಳು ಗ್ರಾಹಕರಿಗೆ ಆಹಾರ ಸರಬರಾಜು ಮಾಡುತ್ತವೆಯಂತೆ!!

ರೆಸ್ಟೋರೆಂಟ್ ನ ಪರಿಕಲ್ಪನೆ

ರೆಸ್ಟೋರೆಂಟ್ ನ ಸಂಪೂರ್ಣ ಪರಿಕಲ್ಪನೆಯನ್ನು ಇತಿಹಾಸದಿಂದ ಪ್ರೇರಣೆ ಪಡೆದುಕೊಂಡು ತಯಾರಿಸಲಾಗಿದೆ ಎಂದು ಹೇಳಲಾಗುತ್ತಿದೆ. ಈ ರೆಸ್ಟೋರೆಂಟ್ ನಲ್ಲಿ ನಿಜವಾಗಿಯೂ ದೆವ್ವಗಳು ಇಲ್ಲದೆ ಇದ್ದರೂ ಗ್ರಾಹಕರಿಗೆ ಮಾತ್ರ ಈ ವಿಭಿನ್ನ ಪರಿಕಲ್ಪನೆಯಿಂದಾಗಿ ತುಂಬಾ ರೋಮಾಂಚನ ಸಿಗಲಿದೆ. ಇದು ತುಂಬಾ ಭೀತಿ ಮೂಡಿಸುವಂತಹ ವಾತಾವರಣ ನಿರ್ಮಾಣ ಮಾಡುತ್ತದೆ.

ದೆವ್ವ ಆಹಾರ ಸರಬರಾಜು ಮಾಡುವುದು!

ಇಲ್ಲಿ ರೆಸ್ಟೋರೆಂಟ್ ಸಿಬ್ಬಂದಿ ದೆವ್ವದ ಹಾಗೆ ಬಟ್ಟೆ ಧರಿಸುವರು ಮತ್ತು ರೆಸ್ಟೋರೆಂಟ್ ಗೆ ಭೇಟಿ ನೀಡುವಂತಹ ಗ್ರಾಹಕರಿಗೆ ಇವರು ತುಂಬಾ ರುಚಿಕರವಾಗಿರುವಂತಹ ಆಹಾರ ಸರಬರಾಜು ಮಾಡುವರು. ಇಲ್ಲಿನ ಆಹಾರವು ತುಂಬಾ ರುಚಿಯಾಗಿರುವ ಕಾರಣದಿಂದಾಗಿ ಭಯ ಮೂಡಿಸುವಂತಹ ವಾತಾವರಣವು ಇನ್ನಷ್ಟು ಇಷ್ಟವಾಗಿದೆ ಎಂದು ಗ್ರಾಹಕರು ಹೇಳುತ್ತಾರೆ.

ಗ್ರಾಹಕರನ್ನು ಚಾಕು ಹಿಡಿದು ಸ್ವಾಗತಿಸಲಾಗುತ್ತದೆ

ರೆಸ್ಟೋರೆಂಟ್ ನ ಪ್ರವೇಶ ದ್ವಾರದಿಂದ ಹಿಡಿದು ಹೊರಬರುವ ತನಕ ಪ್ರತಿಯೊಂದು ಕೂಡ ದೆವ್ವಗಳ ಲೋಕದಂತಿದೆ. ಇಲ್ಲಿಗೆ ದುರ್ಬಲ ಹೃದಯದವರು ಭೇಟಿ ನೀಡಬಾರದು. ಗ್ರಾಹಕರನ್ನು ರಕ್ತಮಯವಾಗಿರುವಂತಹ ಚಾಕುವಿನೊಂದಿಗೆ ಸ್ವಾಗತ ನೀಡಲಾಗುತ್ತದೆ ಮತ್ತು ಟೇಬಲ್ ಗೆ ಕೂಡ ಇದೇ ರೀತಿಯಲ್ಲಿ ಕರೆದುಕೊಂಡು ಹೋಗಲಾಗುತ್ತದೆ.

ದಿನದಲ್ಲಿ ಮೂರು ಗಂಟೆಗಳ ಕಾಲ ಮಾತ್ರ ರೆಸ್ಟೋರೆಂಟ್ ಕಾರ್ಯನಿರ್ವಹಿಸುವುದು

ವರದಿಗಳು ಹೇಳುವ ಪ್ರಕಾರ ಈ ರೆಸ್ಟೋರೆಂಟ್ ದಿನದಲ್ಲಿ ಮೂರು ಗಂಟೆಗಳ ಕಾಲ ಮಾತ್ರ ಕಾರ್ಯನಿರ್ವಹಿಸುತ್ತದೆ. ಇಲ್ಲಿ 60 ಆಸನ ವ್ಯವಸ್ಥೆಯಿದೆ ಮತ್ತು ಇದು ತುಂಬಾ ಜನಪ್ರಿಯವಾಗಿರುವ ಕಾರಣದಿಂದಾಗಿ ಮೊದಲೇ ತಮ್ಮ ಟೇಬಲ್ ಅನ್ನು ಕಾಯ್ದಿರಿಸಬೇಕಾಗುತ್ತದೆ.

ರೆಸ್ಟೋರೆಂಟ್ ನ ಒಳಗಡೆ

ರೆಸ್ಟೋರೆಂಟ್ ಗೆ ಪ್ರವೇಶ ಮಾಡಿದ ಬಳಿಕ ಗ್ರಾಹಕರಿಗೆ ತುಂಬಾ ಭೀತಿಯ ವಾತಾವರಣ ನಿರ್ಮಾಣ ಮಾಡುವ ಸಲುವಾಗಿ ಅಲ್ಲಿ ಹೆದರುವ ವಾತಾವರಣವಿದೆ. ಇಲ್ಲಿ ನೇತಾಡುವಂತಹ ಅಸ್ಥಿಪಂಜರಗಳನ್ನು ಇಡಲಾಗಿದೆ ಮತ್ತು ವೈಟರ್ ಗಳ ಬಟ್ಟೆಯು ದೆವ್ವದಂತೆ ಇದೆ. ಗ್ರಾಹಕರ ಸುತ್ತಲು ಕೆಲವೊಂದು ಭಯಭೀತ ವಾತಾವರಣ ನಿರ್ಮಾಣ ಮಾಡಲಾಗುತ್ತದೆ. ಈ ರೆಸ್ಟೋರೆಂಟ್ ತುಂಬಾ ಭೀತಿಯನ್ನು ಸೃಷ್ಟಿಸುತ್ತದೆ. ಇಲ್ಲಿಗೆ ದುರ್ಬಲ ಹೃದಯದವರು ಮತ್ತು ಅಸ್ತಮಾ ರೋಗಿಗಳಿಗೆ ಪ್ರವೇಶವಿಲ್ಲ. ಗರ್ಭಿಣಿ ಮಹಿಳೆಯರು ಮತ್ತು ವಿಕಲಾಂಗರಿಗೂ ಪ್ರವೇಶವಿಲ್ಲ. 14ರ ಕೆಳಹರೆಯದ ಮಕ್ಕಳಿಗೂ ಇಲ್ಲಿ ಪ್ರವೇಶ ನಿಷೇಧಿಸಲಾಗಿದೆ.