ವೃಶ್ಚಿಕರಾಶಿಯ ವ್ಯಕ್ತಿಗಳಿಗೆ ಮೇ 2018 ಹೀಗಿರಲಿದೆ

ವೃಶ್ಚಿಕರಾಶಿಯ ವ್ಯಕ್ತಿಗಳು ಭಾವೋದ್ದೀಪ್ತ ಹಾಗೂ ಭಾವನಾತ್ಮಕ ವ್ಯಕ್ತಿಗಳಾಗಿರುತ್ತಾರೆ ಹಾಗೂ ಇವರ ಗುರಿಸಾಧನೆಗೆ ಎದುರಾಗುವ ಅಡ್ಡಿಗಳನ್ನು ಎದುರಿಸಿ ಗೆಲುವು ಸಾಧಿಸುವ ವ್ಯಕ್ತಿಗಳೂ ಆಗಿರುತ್ತಾರೆ. ಇವರಿಗೆ ಎದುರಾಗುವ ನಷ್ಟ ಅಥವಾ ಸೋಲು ಇವರನ್ನು ಗೆಲುವಿನತ್ತ ಕೊಂಡೊಯ್ಯುವುದನ್ನು ತಡೆಯಲಾಗದು.

ಈ ವ್ಯಕ್ತಿಗಳು ಸತತವಾಗಿ ತಮ್ಮ ಗುರಿಯ ಕಡೆಗೆ ಗಮನ ಹರಿಸುವ ಹಾಗೂ ಹಿಂದೆ ಆಗಿದ್ದ ತಪ್ಪುಗಳನ್ನು ಮನಸ್ಸಿಗೆ ಹಚ್ಚಿಕೊಳ್ಳದವರೂ ಆಗಿದ್ದಾರೆ. ಇವರಿಗೆ ಯಾವುದೇ ಪ್ರಶ್ನೆಗೆ ’ಇಲ್ಲ’ ಅಥವಾ ’ಆಗದು’ ಎಂಬ ಉತ್ತರ ಇಷ್ಟವಾಗುವುದಿಲ್ಲ ಹಾಗೂ ಇದೇ ಕಾರಣದಿಂದ ಈ ವ್ಯಕ್ತಿಗಳು ಅಸಾಮಾನ್ಯ ಸಾಧನೆ ಸಾಧಿಸುತ್ತಾರೆ.

ಇವರಿಗೆ ಇತರರನ್ನು ತನ್ನತ್ತ ಸೆಳೆಯುವ ವ್ಯಕ್ತಿತ್ವವಿರುತ್ತದೆ ಹಾಗೂ ಇತರರೂ ತಮಗರಿವಿಲ್ಲದಂತೆಯೇ ಇವರತ್ತ ಆಕರ್ಷಿಸಲ್ಪಡುತ್ತಾರೆ. ಇನ್ನೊಂದು ಕಡೆಯಿಂದ, ಇವರಿಗೆ ತಮ್ಮ ಭಾವನೆಯನ್ನು ಮುಚ್ಚಿಡುವ ಅಭ್ಯಾಸವಿರುತ್ತದೆ ಹಾಗೂ ಇದು ಇವರ ಸಂಬಂಧ ಬೆಸುಗೆಯನ್ನು ಕೆಳಗೆಳೆಯಲು ಕಾರಣವಾಗುತ್ತದೆ.

ಆರೋಗ್ಯ ಭಾಗ್ಯ:

ಈ ತಿಂಗಳಲ್ಲಿ ವೃಶ್ಚಿಕರಾಶಿಯ ವ್ಯಕ್ತಿಗಳ ಆರೋಗ್ಯ ಅಷ್ಟೊಂದು ಚೆನ್ನಾಗಿರುವುದಿಲ್ಲ. ಹಾಗಾಗಿ ಈ ತಿಂಗಳಲ್ಲಿ ಸಾಧ್ಯವಾದಷ್ಟು ಎಣ್ಣೆ ಅಭ್ಯಂಜನ ಅಥವಾ ಮಸಾಜ್ ಮಾಡಿಸಿಕೊಂಡು ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಒಳಿತು. ಅಲ್ಲದೇ ದೇಹದಿಂದ ಕಲ್ಮಶಗಳನ್ನು ನಿವಾರಿಸುವ ಕ್ರಮಗಳನ್ನು ಕೈಗೊಳ್ಳುವುದು ಹೆಚ್ಚಿನ ಆರೋಗ್ಯ ನೀಡುತ್ತದೆ.

ವೃತ್ತಿಜೀವನದ ಬಗ್ಗೆ:

ಈ ತಿಂಗಳು ನಿಮಗೆ ಹೆಚ್ಚಿನ ಎದುರಾಳಿಗಳು ಎದುರಾಗಲಿದ್ದಾರೆ. ವೃತ್ತಿಜೀವನದಲ್ಲಿ ನಿಮ್ಮ ಏಳ್ಗೆ ಇತರರಿಗೆ ಒಂದು ಮಾದರಿಯಾಗಿ ಪರಿಣಮಿಸಬಹುದು. ತನ್ಮೂಲಕ ಕೆಲವರಿಂದ ಅಸೂಯೆಯೂ ಪ್ರಕಟವಾಗಬಹುದು. ಈ ತಿಂಗಳಲ್ಲಿ ನೀವು ಆದಷ್ಟೂ ಸರಳ ಹಾಗೂ ಆರಾಮದಾಯಕ ಜೀವನಕ್ರಮವನ್ನು ಅಳವಡಿಸಿಕೊಳ್ಳಬೇಕು. ನಿಮ್ಮ ವೃತ್ತಿಯಲ್ಲಿ ನಿಮ್ಮ ಜೀವನಸಂಗಾತಿಯಿಂದ ದೊರಕುವ ಸಹಕಾರ ನಿಮಗೆ ಹೆಚ್ಚಿನ ಏಳ್ಗೆಯನ್ನು ನೀಡಲಿದೆ. ಅಲ್ಲದೇ ನಿಮ್ಮ ಕೆಲಸದ ಸ್ಥಳದಲ್ಲಿ ವಿಸ್ತರಣೆಯ ಸಾಧ್ಯತೆಯೂ ದಟ್ಟವಾಗಿದೆ.

ಈ ತಿಂಗಳ ಹಣಕಾಸಿನ ವ್ಯವಸ್ಥೆ ಹೇಗೆ?

ಈ ತಿಂಗಳಲ್ಲಿ ಹೆಚ್ಚಿನ ಪ್ರಯಾಣದ ಭಾಗ್ಯವಿದ್ದರೂ ಇದರಿಂದ ಹೆಚ್ಚೇನೂ ಲಾಭವಾಗದು. ವೃತ್ತಿಪರ ಲೇಖಕರು, ಚಿತ್ರಕಾರರು ಹಾಗೂ ಇತರ ಕಲಾಸೇವಕರು ಈ ತಿಂಗಳಲ್ಲಿ ಅತ್ಯಂತ ಕಷ್ಟಕರ ಸಮಯವನ್ನು ಎದುರಿಸಲಿದ್ದಾರೆ, ಹಾಗಾಗಿ ಈ ದಿನಗಳಲ್ಲಿ ಇತರ ಕೆಲಸಗಳಿಗೆ ಬಾಧೆಯುಂಟಾಗದಂತೆ ಸಾಕಷ್ಟು ಹಣಕಾಸಿನ ವ್ಯವಸ್ಥೆ ಮಾಡಿಕೊಳ್ಳುವುದು ಅಗತ್ಯ. ಈ ತಿಂಗಳಲ್ಲಿ ಆದಷ್ಟೂ ಸರಳ ಜೀವನ ನಡೆಸುವುದು ಮೇಲು.

ಈ ತಿಂಗಳಲ್ಲಿ ಅವಿವಾಹಿತರಿಗೆ ಸಂಬಂಧಗಳು ಕುದುರುವ ಸಾಧ್ಯತೆಗಳು ಹೆಚ್ಚು ಹಾಗೂ ವೃತ್ತಿಪರರಿಗೆ ತಮ್ಮ ಮಹತ್ವಾಕಾಂಕ್ಷೆಯತ್ತ ತೆರಳಲು ಹೆಚ್ಚು ಅನುಕೂಲಕರವಾಗಲಿದೆ. ಈ ತಿಂಗಳಲ್ಲಿ ಸಾಮಾಜಿಕ ಸಂಬಂಧಗಳು ಹೆಚ್ಚು ಮುದ ನೀಡುವಂತಹದ್ದೂ ಹಾಗೂ ಹೆಚ್ಚು ಚಟುವಟಿಕೆಯಿಂದ ಕೂಡಿರುವುದೂ ಆಗಿರುತ್ತದೆ. ಇವುಗಳನ್ನು ನಿಮ್ಮ ವೃತ್ತಿಯ ಏಳ್ಗೆಗೆ ಬಳಸಿಕೊಳ್ಳುವುದರಲ್ಲಿಯೇ ಜಾಣತನವಿದೆ. ನಿಮ್ಮ ಸಂಗಾತಿಯೊಂದಿಗೆ ಈ ನಿಟ್ಟಿನಲ್ಲಿ ಜೊತೆಯಾಗಿರುವುದು ನಿಮ್ಮ ಅನ್ಯೋನ್ಯತೆಯನ್ನು ಇನ್ನಷ್ಟು ಹೆಚ್ಚಿಸಲಿದೆ.

ಅದೃಷ್ಟಶಾಲಿ ದಿನಾಂಕ ಮತ್ತು ಬಣ್ಣಗಳು:

ಈ ತಿಂಗಳಲ್ಲಿ ನಿಮಗೆ ಅದೃಷ್ಟಶಾಲಿಯಾಗಿರುವ ಸಂಖ್ಯೆಗಳೆಂದರೆ: 27, 29, 45, 53 ಮತ್ತು 89.

ಅದೃಷ್ಟಶಾಲಿ ದಿನಾಂಕಗಳೆಂದರೆ: 9, 10, 19, 20, 27, 28.

ಅದೃಷ್ಟ ತರುವ ಬಣ್ಣಗಳೆಂದರೆ: ಬಿಳಿ ಮತ್ತು ಗಾಢನೀಲಿ ಬಣ್ಣ