Easter 2020 : ಈಸ್ಟರ್‌ ಆಚರಣೆ ಹಾಗೂ ಈಸ್ಟರ್ ಮೊಟ್ಟೆಯ ವಿಶೇಷತೆ

ಇತಿಹಾಸ

ಈಸ್ಟರ್ ನ ಹಿಂದಿನ ಕಥೆ ಬೈಬಲ್ ನ ಹೊಸ ಒಡಂಬಡಿಕೆಯಲ್ಲಿದ್ದು ಇದು ಏಸು ತಾನು ದೇವರ ಮಗ ಎಂದು ಹೇಳಿದ್ದಕ್ಕಾಗಿ ಹೇಗೆ ರೋಮನ್ ಅಧಿಕಾರಿಗಳು ಏಸುವನ್ನು ಬಂಧಿಸಿದರು ಎಂಬುದರ ಬಗ್ಗೆ ವಿವರಣೆ ನೀಡುತ್ತದೆ. ಇದರ ನಂತರ ಏಸುವನ್ನು ರೋಮ್ ನ ದೊರೆ ಪೊಂಟಿಯಸ್ ಪಿಲಾತನ ಆದೇಶದ ಮೇರೆಗೆ ಶಿಲುಬೆಗೇರಿಸುವ ಮೂಲಕ ಮರಣದಂಡನೆಗೆ ಗುರಿಪಡಿಸಲಾಯಿತು. ಇದಾದ ಮೂರು ದಿನಗಳ ನಂತರ ಏಸುವಿನ ಪುನರುತ್ಥಾನವು ಯಹೂದಿಗಳ ಹಬ್ಬ ಪಾಸ್ ಓವರ್ ನ ಜೊತೆಗೂ ನಿಕಟ ಸಂಬಂಧ ಹೊಂದಿದೆ.

ಈಸ್ಟರ್ ಮೊಟ್ಟೆಗಳು

ಚಾಕೋಲೇಟ್ ನಿಂದ ಅಥವಾ ಸಿಹಿತಿನಿಸುಗಳಿಂದ ತುಂಬಿದ ಆಕರ್ಷಕ ಬಣ್ಣಗಳಿಂದ ಕೂಡಿದ ಮೊಟ್ಟೆಗಳು ಈಸ್ಟರ್ ನ ಸಮಯದ ಸಾಮಾನ್ಯವಾದ ಉಡುಗೊರೆಗಳಾಗಿವೆ. ಈಸ್ಟರ್ ನ ಕೊನೆಯ ವಾರ ಲೆಂಟ್ ನ ನಲವತ್ತು ದಿನಗಳ ಉಪವಾಸದ ಅವಧಿಯ ನಂತರ ಬರುವ ಕಾರಣ ಜನಗಳು ಮನಸ್ಸು ಬಿಚ್ಚಿ ಖರ್ಚು ಮಾಡುತ್ತಾರೆ.

ಈ ಅವಧಿಯ ಧಾರ್ಮಿಕ ಅಲ್ಲದ ಕೆಲವು ಆಚರಣೆಗಳೆಂದರೆ ಈಸ್ಟರ್ ಮೊಟ್ಟೆಗಳ ನಿಧಿ ಹುಡುಕಾಟ, ಮೊಟ್ಟೆಗಳ ಉರುಳಿಸುವಿಕೆ ಮತ್ತು ಮೊಟ್ಟೆಗಳ ಅಲಂಕಾರ.

ನಿಮಗಿದು ಗೊತ್ತೇ?

ಗುಪ್ತ ಸಂದೇಶಗಳು ಅಥವಾ ಚಲನಚಿತ್ರಗಳಲ್ಲಿ, ಅಂತರ್ಜಾಲ ಆಟಗಳಲ್ಲಿ ಅಥವಾ ಇನ್ನಿತರ ಆಟಗಳಲ್ಲಿ ಇರುವ ಪಾಪ್ ಸಂಸ್ಕೃತಿಯ ಉಲ್ಲೇಖಗಳನ್ನೂ ಈಸ್ಟರ್ ಮೊಟ್ಟೆಗಳೆಂದೇ ಕರೆಯಲಾಗುತ್ತದೆ. ಇದಕ್ಕೆ ಕಾರಣ ಈಸ್ಟರ್ ಮೊಟ್ಟೆಗಳು ಈಸ್ಟರ್ ಹಬ್ಬದ ಅವಧಿಯಲ್ಲಿ ಮೊಟ್ಟೆಗಳ ಬೇಟೆಯ ಯೋಚನೆಯನ್ನು ಪ್ರತಿನಿಧಿಸುತ್ತದೆ.

ಮೊಟ್ಟೆಯಲ್ಲಿ ಅಡಗಿರುತ್ತವೆ ಸಂದೇಶಗಳು

ಮೊಟ್ಟೆಗಳಲ್ಲಿ ಅಡಗಿರುವ ಸಂದೇಶಗಳಾಗಿರಬಹುದು, ಪಾತ್ರಗಳಾಗಿರಬಹುದು ಅಥವಾ ಚಿತ್ರಗಳಾಗಿರಬಹುದು. ಇವುಗಳು ಸಾಫ್ಟ್ ವೇರ್ ಪ್ರೋಗ್ರಾಮರ್ ಗಳು ಅಥವಾ ನಿರ್ದೇಶಕರುಗಳು ಹಂಚಿಕೊಳ್ಳಬೇಕಾಗಿರುವ ಕೆಲವು ರಹಸ್ಯಗಳಾಗಿದ್ದು ಅವನ್ನು ವಿವೇಚನೆಯಿಂದ ಹಂಚಲಾಗುತ್ತದೆ. ಈ ಮೊಟ್ಟೆಗಳ ಹುಡುಕಾಟದಿಂದ ಆ ಪಾತ್ರಗಳ ಮತ್ತು ಕಥಾಸಾರದ ಬಗ್ಗೆ ಇನ್ನಷ್ಟು ವಿಷಯಗಳು ತಿಳಿಯುವುದರಿಂದ ಈ ಈಸ್ಟರ್ ಮೊಟ್ಟೆಗಳ ಮಹತ್ವ ಬಹಳ.