'ಎ' ಅಕ್ಷರದಿಂದ ಆರಂಭವಾಗುವ ಹೆಸರಿನವರ ನಡವಳಿಕೆ ಹೀಗಿರುತ್ತದೆ ನೋಡಿ...

ಪ್ರಾಯೋಗಿಕ

ಎ ಅಕ್ಷರಿಂದ ಆರಂಭವಾಗುವಂತಹ ಹೆಸರಿನವರು ಯಾವಾಗಲೂ ತುಂಬಾ ಪ್ರಾಯೋಗಿಕವಾಗಿರುವರು ಎಂದು ಹೇಳಲಾಗುತ್ತದೆ. ಇವರು ತಮ್ಮ ಕಿವಿಯಲ್ಲಿ ಕೇಳಿದ ಅಥವಾ ಹೇಳಿದ ಮಾತನ್ನು ಹಾಗೆ ನಂಬುವುದಿಲ್ಲ. ಇವರು ತಮ್ಮ ಬುದ್ಧಿ ಉಪಯೋಗಿ ಮತ್ತೆ ನಿರ್ಧಾರ ಮಾಡುವರು. ಈಗಾಗಲೇ ಇರುವಂತಹ ಕೆಲವೊಂದು ನಿಯಮಗಳನ್ನು ಅವರು ನಂಬಲೇಬೇಕೆಂದಿಲ್ಲ ಮತ್ತು ನಿಯಮವನ್ನು ಉಲ್ಲಂಘಿಸುವಂತಹ ಕೆಲಸವು ಕೆಲವೊಮ್ಮೆ ನಡೆಯಬಹುದು. ಬೇರೆಯವರು ಹೇಳಿರುವ ವಿಚಾರವನ್ನು ನಂಬಲು ಅವರು ತುಂಬಾ ವಿಶ್ಲೇಷಣೆ ಮಾಡುವರು. ಇದರಿಂದಾಗಿ ಅವರು ತುಂಬಾ ಪ್ರಾಯೋಗಿಕವಾಗಿರುವರು.

ಬದ್ಧತೆ

ಇವರು ಒಮ್ಮೆ ಗುರಿಯ ಬಗ್ಗೆ ನಿರ್ಧರಿಸಿದರೆ, ಅದರಿಂದ ವಿಮುಖರಾಗುವ ಅಥವಾ ಬದಲಾಯಿಸುವ ಪ್ರಶ್ನೆಯೇ ಇಲ್ಲ. ತಮ್ಮ ಗುರಿ ಸಾಧಿಸಿದ ಬಳಿಕ ಅವರು ನಿಲ್ಲುವರು. ಯಾಕೆಂದರೆ ಇವರು ತುಂಬಾ ಬದ್ಧತೆ ಪ್ರದರ್ಶಿಸುವರು. ಈ ಕಾರಣದಿಂದಾಗಿ ತಮ್ಮ ಗುರಿ ಸಾಧಿಸಲು ಇವರಿಗೆ ಹೆಚ್ಚಿನ ಆತ್ಮವಿಶ್ವಾಸವಿರುವುದು. ಕೆಲವೊಂದು ಸಲ ಬದ್ಧತೆಯು ಅತಿಯಾದಾಗ ಇವರು ತುಂಬಾ ಹಠ ಮಾರಿಯಾಗುವರು.

ತಾಳ್ಮೆ

ಇವರಲ್ಲಿ ತಾಳ್ಮೆಯು ತುಂಬಾ ಒಳ್ಳೆಯ ಗುಣವಾಗಿರುವುದು. ಎ ಅಕ್ಷರದಿಂದ ಹೆಸರು ಆರಂಭವಾಗುವಂತಹವರಲ್ಲಿ ಬೇರೆಯವರಿಗಿಂತ ಹೆಚ್ಚಿನ ತಾಳ್ಮೆ ಇರುವುದು. ಇವರು ಒಂದು ಸಲ ಕಠಿಣ ಪರಿಶ್ರಮ ವಹಿಸಿದ ಬಳಿಕ ಫಲಿತಾಂಶಕ್ಕಾಗಿ ಕಾಯುವರು. ಯಾಕೆಂದರೆ ಒಳ್ಳೆಯ ವಿಚಾರಗಳಿಗೆ ಸಮಯಬೇಕಾಗುತ್ತದೆ ಎಂದು ಅವರಿಗೆ ತಿಳಿದಿದೆ. ಒಳ್ಳೆಯ ಆಹಾರ ತಯಾರಿಸುತ್ತೇವೆಂದು ಹೇಳಿದರೆ ಆಗ ಅವರು ಎಷ್ಟು ಸಮಯ ಬೇಕಿದ್ದರೂ ಕಾಯಬಹುದು. ಇವರು ತಾಳ್ಮೆಯಿಂದಾಗಿ ಕೆಲವೊಂದು ಸಲ ಇವರನ್ನು ಆಲಸಿ ಎಂದು ಕರೆಯುವುದು ಇದೆ.

ಸಭ್ಯ

ನೀವು ಭೇಟಿಯಾಗಿರುವಂತಹ ವ್ಯಕ್ತಿಯು ಅವರ ಸಭ್ಯತೆಯಿಂದಾಗಿ ನಿಮ್ಮನ್ನು ಆಕರ್ಷಿಸಿದ್ದಾರೆಯಾ? ನಿಮಗೆ ಹೀಗೆ ಆಗಿದ್ದರೆ ಆಗ ಖಂಡಿತವಾಗಿಯೂ ಆತನ ಹೆಸರು ಎ ಅಕ್ಷರದಿಂದ ಆರಂಭವಾಗುತ್ತಿರಬೇಕು. ಎ ಅಕ್ಷರದಿಂದ ಹೆಸರು ಆರಂಭವಾಗುವಂತಹ ವ್ಯಕ್ತಿಗಳು ತುಂಬಾ ಸಭ್ಯರಾಗಿರುವರು. ಅವರ ಒಳಮನಸ್ಸಿನಲ್ಲಿ ನಿಮ್ಮ ಬಗ್ಗೆ ಹಲವಾರು ತೀರ್ಪು ಮತ್ತು ಅಭಿಪ್ರಾಯಗಳಿರುವುದು. ಆದರೆ ಇದನ್ನು ಹೇಳದೆ ತುಂಬಾ ಸಭ್ಯವಾಗಿ ವರ್ತಿಸುವರು.

ಮುಕ್ತ ಮನಸ್ಸಿನವರು

ಎ ಅಕ್ಷರದಿಂದ ಆರಂಭವಾಗುವ ಹೆಸರಿನವರ ಪ್ರಶಂಸೆ ಮಾಡಬಹುದಾದ ಮತ್ತೊಂದು ಒಳ್ಳೆಯ ನಡತೆಯೆಂದರೆ ಇವರು ಮುಕ್ತ ಮನಸ್ಸಿನವರು. ಇವರು ಸಮಾಜದ ಬಗ್ಗೆ ಚಿಂತೆ ಮಾಡಲ್ಲ, ಇವರು ಯಾರ ಬಗ್ಗೆಯೂ ತೀರ್ಪು ನೀಡಲ್ಲ ಮತ್ತು ಸಮಾಜದಲ್ಲಿನ ವ್ಯವಸ್ಥೆ ಬಗ್ಗೆ ಯಾವುದೇ ಹೇಳಿಕೆ ನೀಡಲ್ಲ. ಇವರಿಗೆ ತಮ್ಮದೇ ಆಗಿರುವ ಅಭಿಪ್ರಾಯವಿದ್ದು, ಉದಾರವಾದಿಯಂತೆ ಕಾಣುವರು. ಪ್ರತಿಯೊಬ್ಬರಿಗೂ ತಮ್ಮದೇ ಆದ ರೀತಿಯಲ್ಲಿ ಬದುಕುವ ಹಕ್ಕಿದೆ ಎಂದು ನಂಬಿರುವವರು. ಇವರು ತಮ್ಮ ಸಂಗಾತಿಗೆ ಕೆಲವೊಂದು ಕಟ್ಟಪಾಡುಗಳನ್ನು ವಿಧಿಸುವರು. ಆದರೆ ಇವರು ಸರಿಯಾಗಿ ಅರ್ಥ ಮಾಡಿಕೊಳ್ಳುವರು. ಇವರು ತುಂಬಾ ಪ್ರೋತ್ಸಾಹ ನೀಡುವಂತಹ ವ್ಯಕ್ತಿತ್ವದವರು.