ಧನತ್ರಯೋದಶಿ 2021: ಲಕ್ಷ್ಮಿ ಪೂಜೆಗೆ ಶುಭ ಸಮಯ ಯಾವಾಗ? ಫುಜಾ ವಿಧಿಗಳೇನು?

ಧನತ್ರಯೋದಶಿ ಪೂಜಾ ಮುಹೂರ್ತ

ಯಮ ದೀಪಂ: ನವೆಂಬರ್ 2, 2021 ಮಂಗಳವಾರ

ಸಂಜೆ 06:48ರಿಂದ 08:29ರವರೆಗೆ

ಪ್ರದೋಷ ಕಾಲ: ಸಂಜೆ 06:01 ರಿಂದ 08:29ರವರೆಗೆ

ವೃಷಭ ಕಾಲ: ಸಂಜೆ 06:48 ರಿಂದ ರಾತ್ರಿ 08:51ರವರೆಗೆ

ತ್ರಯೋದಶಿ ತಿಥಿ ಪ್ರಾರಂಭ: ನವೆಂಬರ್ 2 ಬೆಳಗ್ಗೆ 11:31ರಿಂದ

ತ್ರಯೋದಶಿ ತಿಥಿ ಮುಕ್ತಾಯ: ನವೆಂಬರ್ 3, ಬೆಳಗ್ಗೆ 09:02ಕ್ಕೆ

2021 ಧನ್‌ತೆರೇಸ್‌ ಇತಿಹಾಸ ಹಾಗೂ ಪೂಜಾ ವಿಧಿ

ದೀಪಾವಳಿಯ ಮೊದಲ ದಿನವೇ ಧನ್‌ತೆರೇಸ್‌ ಅಥವಾ ಧನತ್ರಯೋದಶಿ. ದೀಪಾವಳಿ ಎಂಬುವುದು 5 ದಿನಗಳ ಆಚರಣೆ. ಮೊದಲನೇ ದಿನ ಅಂದರೆ ಧನ್‌ತ್ರಯೋದಶಿಯಂದು ಕ್ಷೀರ ಸಮುದ್ರದಿಂದ ಲಕ್ಷ್ಮಿ ಹುಟ್ಟಿ ಬಂದಳು ಎಂಬ ಪೌರಾಣಿಕ ಕತೆಯಿದೆ. ಈ ದಿನ ಲಕ್ಷ್ಮಿ ಜೊತೆ ಕುಬೇರನನ್ನು ಕೂಡ ಪೂಜಿಸಲಾಗುವುದು. ತ್ರಯೋದಶಿಯಂದು ಲಕ್ಷ್ಮಿ ಪೂಜೆ ಮಾಡಿದರೆ ಶುಭ ಎಂದು ಹೇಳಲಾಗುವುದು. ಆದರೆ ಧನತ್ರಯೋದಶಿ ಬಳಿಕ ಬರುವ ಅಮವಾಸ್ಯೆಯಂದು ಲಕ್ಷ್ಮಿ ಪೂಜೆ ಮಾಡಿದರೆ ಹೆಚ್ಚು ಶುಭಕರ ಎಂದು ಪರಿಗಣಿಸಲಾಗಿದೆ.

ಲಕ್ಷ್ಮಿ ಪೂಜೆಯನ್ನು ಈ ಸಮಯದಲ್ಲಿ ಮಾಡಿ

ಧನ್‌ತೆರೇಸ್‌ ಅಥವಾ ಧನತ್ರಯೋದಶಿಯಂದು ಲಕ್ಷ್ಮಿ ಪೂಜೆಯನ್ನು ಪ್ರದೋಷ ಕಾಲದಲ್ಲಿ ಮಾಡಬೇಕು. ಪ್ರದೋಷ ಕಾಲ ಸೂರ್ಯಾಸ್ತದ ಬಳಿಕ ಪ್ರಾರಂಭವಾಗುವುದು. ಈ ಸಮಯ 2 ಗಂಟೆ 24 ನಿಮಿಷ ಇರುತ್ತದೆ.

ಯಾವ ಸಮಯದಲ್ಲಿ ಮಾಡಬಾರದು?

ಲಕ್ಷ್ಮಿ ಪೂಜೆಯನ್ನು ಚೋಘಾಡ್ಯ ಮುಹೂರ್ತದಲ್ಲಿ ಮಾಡಬಾರದು. ಈ ಸಮಯ ಏನಿದ್ದರೂ ಪ್ರಯಾಣ ಮಾಡೋಕೆ ಅಷ್ಟೇ ಸೂಕ್ತ. ಲಕ್ಷ್ಮಿ ಪೂಜೆಯನ್ನು ಸ್ಥಿರ ಲಗ್ನದಲ್ಲಿ ಮಾಡಬೇಕು. ಆಗ ಲಕ್ಷ್ಮಿ ಮನೆಯಲ್ಲಿ ನೆಲೆಸಿರುತ್ತಾಳೆ ಎಂದು ಹೇಳಲಾಗುವುದು. ಆದ್ದರಿಂದ ಲಕ್ಷ್ಮಿ ಪೂಜೆ ಪ್ರದೋಷ ಕಾಲದಲ್ಲಿ ಮಾಡಬೇಕು.