ಅಡುಗೆಮನೆಯಲ್ಲಿ ತ್ಯಾಜ್ಯ ಕಡಿಮೆಯಾಗಲು ಈ ಟಿಪ್ಸ್‌ಗಳನ್ನು ಅಳವಡಿಸಿಕೊಳ್ಳಿ

ಸ್ಥಳೀಯ ಉತ್ಪನ್ನಗಳನ್ನು ಖರೀದಿಸಿ:

ಸಾಧ್ಯವಾದಾಗಲೆಲ್ಲಾ, ಸ್ಥಳೀಯ ರೈತರ ಮಾರುಕಟ್ಟೆಯಿಂದ ಉತ್ಪನ್ನಗಳನ್ನು ಆರಿಸಿಕೊಳ್ಳಿ. ಇದು ಹೇಗೆ ಸಹಾಯ ಮಾಡುತ್ತದೆ ಎಂದು ನೀವು ಆಶ್ಚರ್ಯ ಪಡ್ತಾ ಇದೀರಾ ಅಲ್ವಾ? ಹೌದು, ನೀವು ಸ್ಥಳೀಯ ಮಾರುಕಟ್ಟೆಯಿಂದ ಉತ್ಪನ್ನಗಳನ್ನು ಖರೀದಿಸುವಾಗ ಅವರು ಆ ಉತ್ಪನ್ನಗಳನ್ನು ಸುತ್ತಿ ಅಥವಾ ಪ್ಯಾಕ್ ಮಾಡಿ ಕೊಡದೇ ನೇರವಾಗಿ, ನಿಮ್ಮ ಸ್ವಂತ ಚೀಲಕ್ಕೆ ಹಾಕುತ್ತಾರೆ. ಅಲ್ಲದೆ, ಅಂತಹ ಮಾರುಕಟ್ಟೆಗಳಲ್ಲಿ ತಾಜಾ ಉತ್ಪನ್ನಗಳು ಅಗ್ಗವಾಗಿ ಲಭ್ಯವಾಗುತ್ತವೆ.

ಮರುಬಳಕೆಯ ಬ್ಯಾಗ್‌ ಬಳಸಿ:

ಈಗ ಪ್ಲಾಸ್ಟಿಕ್ ಚೀಲಗಳನ್ನು ಬಳಸುವಂತಿಲ್ಲ. ಆದ್ದರಿಂದ ನೀವು ದಿನಸಿ ಶಾಪಿಂಗ್‌ಗಾಗಿ ಹೊರಗೆ ಹೋಗುವಾಗ, ಮರುಬಳಕೆ ಮಾಡಬಹುದಾದ ಬ್ಯಾಗ್‌ಗಳನ್ನು ತೆಗೆದುಕೊಂಡು ಹೋಗಿ, ಅಲ್ಲದೆ, ನಿಮ್ಮ ಅಡುಗೆಮನೆಯಲ್ಲಿ ಆಹಾರ ಸಂಗ್ರಹಣೆಗೆ ಬಂದಾಗ ಮರುಬಳಕೆ ಮಾಡಬಹುದಾದ ಜಾರ್‌ ಮತ್ತು ಪೆಟ್ಟಿಗೆಗಳನ್ನು ಇಡಬಹುದು.

ದೊಡ್ಡ ಪ್ರಮಾಣದಲ್ಲಿ ಶಾಪಿಂಗ್ ಮಾಡಿ:

ನೀವು ದಿನಸಿ ಖರೀದಿಸಲು ಹೋಗುವಾಗ ಪಟ್ಟಿ ಮಾಡಿಕೊಳ್ಳಿ, ಅಗತ್ಯ ಅನುಗುಣವಾಗಿ ವಸ್ತುಗಳನ್ನು ಖರೀದಿಸಿ. ಇದರಿಂದ , ಆಗಾಗ ಶಾಪಿಂಗ್‌ ಮಾಡುವುದು, ಅದರಿಂದ ಉಂಟಾಗುವ ಕಸಗಳು ಕಡಿಮೆಯಾಗುವುದು.

ಗಿಡಮೂಲಿಕೆಗಳನ್ನು ಮನೆಯಲ್ಲಿ ಬೆಳೆಸಿ:

ಪುದೀನ, ಕೊತ್ತಂಬರಿ ಮುಂತಾದ ಸಾವಯವ ಮತ್ತು ಪ್ಯಾಕೇಜ್-ಮುಕ್ತ ಗಿಡಮೂಲಿಕೆಗಳನ್ನು ಖರೀದಿಸುವುದು ತುಂಬಾ ಕಷ್ಟ. ನಿಮ್ಮ ಅಡುಗೆಮನೆಯಲ್ಲಿ ತ್ಯಾಜ್ಯ ಕಡಿಮೆಮಾಡಲು ಈ ಗಿಡಮೂಲಿಕೆಗಳನ್ನು ನೀವೇ ಸಣ್ಣ ಮಡಕೆಗಳಲ್ಲಿ ಬೆಳೆಸಬಹುದು. ಹೆಚ್ಚುವರಿ ಸ್ಥಳಾವಕಾಶವನ್ನು ತಡೆಗಟ್ಟಲು ಅವುಗಳನ್ನು ಕೌಂಟರ್ಟಾಪ್ನಲ್ಲಿ ಇರಿಸಬಹುದು. ಇದು ನಿಮ್ಮ ಅಡುಗೆಮನೆಗೆ ಉತ್ತಮ ನೋಟವನ್ನು ನೀಡುತ್ತದೆ.

ಉಳಿದ ಆಹಾರವನ್ನು ಬಳಸಿ:

ಅಡುಗೆಮನೆಗೆ ಯಾವುದಾದರೂ, ಆಹಾರ ತಯಾರಿಸಲು ಬಂದಾಗ, ಉಳಿದಿರುವ ಆಹಾರವನ್ನು ಬಳಸಲು ಮರೆಯದಿರಿ. ಹೊಸ ಖಾದ್ಯವನ್ನು ಮಾಡಲು ಅವುಗಳನ್ನು ಎಸೆಯದೇ, ಬಳಸಿ. ಅಡುಗೆಮನೆಯನ್ನು ತ್ಯಾಜ್ಯಮುಕ್ತ ಮಾಡಲು ಅಳವಡಿಸಿಕೊಳ್ಳಬಹುದಾದ ಪ್ರಮುಖ ವಿಧಾನಗಳಲ್ಲಿ ಇದು ಒಂದಾಗಿದೆ.

ತಿನ್ನಲು ಸಣ್ಣತಟ್ಟೆ ಬಳಸಿ:

ಮುಂದಿನ ಬಾರಿ ಆಹಾರ ಸೇವಿಸಲು ಕುಳಿತಾಗ, ಸಣ್ಣ ತಟ್ಟೆಯಲ್ಲಿ ಬಡಿಸಿಕೊಳ್ಳಿ. ಇದರಿಂದ ಆಹಾರ ವ್ಯರ್ಥವಾಗುವುದನ್ನು ತಡೆಯಬಹುದು. ನಿಮಗೇನಾದರೂ ಬೇಕೆನೆಸಿದರೆ, ಮತ್ತೊಮ್ಮೆ ಬಡಿಸಿಕೊಳ್ಳಬಹುದು. ಈ ರೀತಿ ಮಾಡುವುದರಿಂದ ಆಹಾರ ತ್ಯಾಜ್ಯವನ್ನು ಕಡಿಮೆ ಮಾಡಬಹುದು.

ಜಾರ್‌ಗಳನ್ನು ಮರುಬಳಕೆ ಮಾಡಿ:

ನಿಮ್ಮ ಹಳೆಯ ಜಾರ್‌ಗಳನ್ನು ಆದಷ್ಟು ಮರುಬಳಕೆ ಮಾಡಿ. ಮನೆಯಲ್ಲಿ ಹಳೆಯ ಜಾರ್ ಬಿದ್ದಿದ್ದರೆ, ಅದನ್ನು ತೆಗೆದು ಚೆನ್ನಾಗಿ ತೊಳೆದು, ಒಣಗಿಸಿ. ಪ್ಯಾಕೆಟ್ ಇರುವ ಯಾವುದೇ ಆಹಾರವನ್ನು ಸಂಗ್ರಹಿಸಲು ಅದನ್ನು ಮರುಬಳಕೆ ಮಾಡಬಹುದು. ಅಷ್ಟೇ ಅಲ್ಲ, ತೋಟದಲ್ಲಿ ಗಿಡ ನೆಡಲು ಸಹ ಬಳಸಬಹುದು.