ಮನೆ ಸ್ವಚ್ಛ ಮಾಡುವ ವಸ್ತುಗಳೇ ಅಪಾಯಕರವಾದರೆ?

ಆಧುನಿಕ ತಂತ್ರಜ್ಞಾನ ಬೆಳದಂತೆ ರಾಸಾಯನಿಕ ವಸ್ತುಗಳನ್ನು ಹೆಚ್ಚಾಗಿ ಬಳಸುತ್ತಿದ್ದೇವೆ. ಅರೋಗ್ಯವಾಗಿರಲು ಮನೆ ಮತ್ತು ಅದರ ಸುತ್ತ-ಮುತ್ತದ ಪ್ರದೇಶವನ್ನು ಸ್ವಚ್ಛವಾಗಿಡಲು ಕೆಲವು ರಾಸಾಯನಿಕಗಳನ್ನು ಬಳಸುತ್ತಿದ್ದೇವೆ. ಈ ರಾಸಾಯನಿಕಗಳು ಒಂದಲ್ಲಾ ಒಂದು ರೀತಿಯಲ್ಲಿ ಆರೋಗ್ಯಕ್ಕೆ ಹಾನಿಯನ್ನು ಉಂಟು ಮಾಡುತ್ತದೆ! ಮನೆ ಬಳಕೆಗೆ ಅಂತ ಬಳಸುವ ರಾಸಾಯನಿಕ ವಸ್ತುಗಳ ಪಟ್ಟಿ ಇಲ್ಲಿ ನೀಡಲಾಗಿದೆ.

ಅವುಗಳನ್ನು ಸಾಮಾನ್ಯವಾಗಿ ಮನೆ ಸ್ವಚ್ಛ ಮಾಡಲು ಬಳಸುತ್ತವೆ. ಚೋದ್ಯವೆಂದರೆ ಆ ವಸ್ತುಗಳು ಮನೆಯನ್ನು ಶುದ್ಧ ಮಾಡುವ ಬದಲು ಮತ್ತಷ್ಟು ಮಾಲಿನ್ಯ ಮಾಡುತ್ತವೆ.

1. ಶೌಚಾಲಯ ಶುಚಿಗೊಳಿಸಲು ಬಳಸುವ ರಾಸಾಯನಿಕಗಳು: ಸ್ನಾನದ ಕೋಣೆ ಮತ್ತು ಶೌಚಾಲಯಗಳನ್ನು ಶುಚಿಗೊಳಿಸಲು ಬಳಸುವ ಲಿಕ್ವಿಡ್‌ಗಳಲ್ಲಿ ಹೈಡ್ರೋಕ್ಲೋರಿಕ್ ಆಸಿಡ್, ಸಲ್ಫೂರಿಕ್ ಅಸಿಡ್ ಮುಂತಾದ ರಾಸಾಯನಕಗಳಿರುತ್ವೆ. ಈ ರಾಸಾಯನಿಕಗಳು ಅಸ್ತಮಾ ಮತ್ತು ಕರಳು ಸಂಬಂಧಿ ರೋಗಗಳನ್ನು ತರುವುದು.
ಪರಿಹಾರ: ಸ್ನಾನದ ಕೋಣೆ ಮತ್ತು ಶೌಚಾಲಯಗಳನ್ನು ವಿನಿಗರ್ ಅನ್ನು ನೀರಿನಲ್ಲಿ ಕಲೆಸಿ ಅಥವಾ ಅಡುಗೆ ಸೋಡಾವನ್ನು ನೀರಿನಲ್ಲಿ ಕಲೆಸಿ ಶುಚಿಗೊಳಿಸಬಹುದು.

2. ಸೋಂಕಾಣುಗಳ ವಿರುದ್ಧ ಹೋರಾಡುವ ಸೋಪ್: ಈ ರೀತಿಯ ಸೋಪಿನಲ್ಲಿರುವ ಟ್ರೈಕ್ಲೋಸಂ ಒಂದು ರೀತಿಯ ಡಯಾಕ್ಸಿನ್ ಆಗಿದ್ದು ಇದು ರೋಗ ನಿರೋಧಕ ಸಾಮರ್ಥ್ಯವನ್ನು ಕಡಿಮೆ ಮಾಡುತ್ತದೆ, ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ, ಬಂಜೆತನ ಮುಂತಾದ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ.
ಪರಿಹಾರ:ಸಾಮಾನ್ಯವಾಗಿ ಬಲಸುವ ಸೋಪುಗಳನ್ನು ಬಳಸಿದರೆ ಸಾಕು. ಈ ಸೋಪು ಶೇ. 99.4 ಬ್ಯಾಕ್ಟಿರೀಯಾಗಳನ್ನು ಕೊಂದರೆ ಸೋಂಕಾಣುಗಳ ವಿರುದ್ಧ ಹೋರಾಡುವ ಸೋಪ್ ಶೇ. 99.6 ರಷ್ಟು ಸೋಂಕಾಣುಗಳ ವಿರುದ್ಧ ಹೋರಾಡುತ್ತದೆ.

3. ಏರ್ ಫ್ರೆಶ್: ಇದರಿಂದ ಅಲರ್ಜಿ ಉಂಟಾಗುತ್ತದೆ. ತಲೆನೋವು, ಖಿನ್ನತೆ, ಎದೆ ನೋವು, ತಲೆ ಸುತ್ತು, ಜೀರ್ಣಕ್ರಿಯೆಗೆ ಮುಂತಾದ ಸಮಸ್ಯೆಗಳನ್ನು ಈ ಏರ್ ಫ್ರೆಶ್ ತರುವುದು.
ಪರಿಹಾರ: ದೊಡ್ಡ ಕಿಟಕಿಗಳನ್ನು ಮಾಡಿ, ಕಿಟಕಿಗಳನ್ನು ತೆರೆದು ಇಟ್ಟರೆ ರೂಂನಲ್ಲಿ ದೂಳು ಅಥವಾ ಇತರ ಕೆಟ್ಟ ವಾಸನೆಯಿಲ್ಲದೆ ಶುದ್ಧವಾಗಿರುತ್ತದೆ.

4. ಪಾತ್ರೆಗಳನ್ನು ತೊಳೆಯುವ ಡಿಟರ್ಜೆಂಟ್: ಈ ಡಿಟರ್ಜೆಂಟ್ ಗಳಲ್ಲಿ ಕ್ಲೋರಿನ್ ಮತ್ತು ರಂಜಕ ಇರುವುದರಿಂದ ತ್ವಚೆ ಅಲರ್ಜಿ ಉಂಟಾಗುತ್ತದೆ, ಕೈ ಉರಿ ಉಂಟಾಗುವುದು, ಅಂಗೈ ತ್ವಚೆ ಹಾಳಾಗುವುದು ಮುಂತಾದ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ.
ಪರಿಹಾರ: ಕ್ಲೋರಿನ್ ಮತ್ತು ರಂಜಕ ಇಲ್ಲದಿರುವ ಡಿಟರ್ಜೆಂಟ್ ಬಳಸಬೇಕು.

5. ರಗ್ ಮತ್ತು ಕಾರ್ಫೆಟ್ ತೊಎಯಲು ಬಳಸುವ ಶ್ಯಾಂಪೂ: ಇದರಲ್ಲಿ ಬಳಸಿರುವ ಪರ್ ಕ್ಲೋರೊ ಈಥೈಲ್ ಎಬ ರಾಸಾಯನಿಕ ದೇಹದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀಳುತ್ತದೆ.
ಪರಿಹಾರ: ಹಣ್ಣು ಅಥವಾ ವೈನ್ ಕಲೆಯನ್ನು ಉಪ್ಪು ಹಾಕಿ ಹೋಗಲಾಡಿಸಬಹುದು, ಅಡುಗೆ ಸೋಡಾ ಬಳಸಿದರೆ ಚಿಕ್ಕ ಪುಟ್ಟ ಕಲೆಗಳನ್ನು ಹೋಗಲಾಡಿಸಬಹುದು. ಕ್ಲೀನ್ ಮಾಡಲು ಇತರ ಸಲ್ಯೂಷನ್ ಬಳಸುವುದಾದರೆ ಅದರಲ್ಲಿ ಹಸಿರು ಮುದ್ರೆ (Green Seal Certified) ಇರಬೇಕು .