ಒಣಗಿದ ಗುಲಾಬಿಯ ದಳದಿಂದ ಮನೆಯ ಅಲಂಕಾರ!

ಹೂ ತೋಟದಲ್ಲಿ ಅರಳಿದ ಗುಲಾಬಿ ದಳನ್ನು ನೋಡುವಾಗ ಅದರ ಅಂದ ಮನಸೂರೆಗೊಳ್ಳುತ್ತದೆ. ಈ ಹೂವಿನಿಂದ ಅಂದವಾದ ಹೂ ಗುಚ್ಛ ಮಾಡಲಾಗುವುದು, ಮನೆಯ ಅಲಂಕಾರ ಮಾಡಲಾಗುವುದು , ತಲೆಗೆ ಮುಡಿಯಲಾಗುವುದು.

ಈ ಹೂ ಹೆಚ್ಚೆಂದರೆ ಒಂದುವಾರ ಕಾಲ ಇಡಬಹುದು. ನಂತರ ಇದರ ದಳಗಳು ಒಣಗುತ್ತವೆ. ಆ ಒಣಗಿದ ದಳಗಳನ್ನು ಕಸದ ಬುಟ್ಟಿಗೆ ಎಸೆದು ಬಿಡುತ್ತೇವೆ. ಆದರೆ ಈ ಒಣಗಿದ ದಳದಿಂದ ಈ ಕೆಳಗಿನಂತೆ ಮನೆ ಅಲಂಕಾರಕ್ಕೆ ಬಳಸಬಹುದು.

1. ಒಂದು ಗಾಜಿನ ಡಬ್ಬಿಯಲ್ಲಿ ವಿವಿಧ ಬಣ್ಣದ ಗುಲಾಬಿಗಳ ದಳಗಳನ್ನು ಹಾಕಿದರೆ ಆಕರ್ಷಕವಾದ ಶೋಪೀಸ್ ಆಗುತ್ತದೆ.

2. ಲವಂಗ, ಚಕ್ಕೆ, ಏಲಕ್ಕಿ, ಸ್ವಲ್ಪ ಗಂಧ, ರೋಸ್ ಮೆರಿ ಮತ್ತು ರೋಸ್ ನ ದಳಗಳನ್ನು ಒಂದು ಗಾಜಿನ ಬಟ್ಟಲಿನಲ್ಲಿ ಹಾಕಿ ರೂಮಿನಲ್ಲಿಟ್ಟರೆ ರೂಂ ಸುವಾಸನೆಯಿಮದ ಕೂಡಿರುತ್ತದೆ.

3. ಗಾಜಿನ ಮೇಜಿನಲ್ಲಿ ಫೋಟೊ ಇಡುವ ರೀತಿ ರೋಸ್ ದಳಗಳನ್ನು ಆಕರ್ಷಕವಾದ ವಿನ್ಯಾಸದಲ್ಲಿ ಹಾಕಿಡಬಹುದು.

4. ಒಣಗಿದ ರೋಸ್ ದಳಗಳ ಮೇಲೆ ಸುವಾಸನೆ ಇರುವ ಎಣ್ಣೆಯನ್ನು ಚಿಮುಕಿಸಿ ಆ ದಳಗಳನ್ನು ಒಂದು ಬಟ್ಟಲಿನಲ್ಲಿ ಹಾಕಿ ರೂಂನಲ್ಲಿ ಇಟ್ಟರೆ ರೂಂ ಸುಗಂಧ ದ್ರವ್ಯ ಹಾಕಿದ ರೀತಿಯಲ್ಲಿ ಸುವಾಸನೆಯಿಂದ ಕೂಡಿರುತ್ತದೆ.

5. ಮನೆಯ ಹಾಲ್ ನ ಮಧ್ಯದಲ್ಲಿ ಒಂದು ಗಾಜಿನ ಶೋಪೀಸ್ ಇಟ್ಟು ಅದರಲ್ಲಿ ರೋಸ್ ಹೂಗಳನ್ನು ಇಟ್ಟು ಒಣಗಿದ ದಳದಿಂದ ಅದರ ಕೆಳಭಾಗದಲ್ಲಿ ಅಲಂಕಾರ ಮಾಡಬಹುದು.