ಮಂಗಳ ಗೌರಿ ವ್ರತಕ್ಕೆ ದೇವರ ಕೋಣೆಯ ಅಲಂಕಾರ

ಮಂಗಳ ಗೌರಿ ವ್ರತದಲ್ಲಿ ಮುತ್ತೈದೆಯರು ಗೌರಿಯನ್ನು ಪೂಜಿಸುತ್ತಾರೆ. ಈ ವ್ರತವನ್ನು ತುಂಬಾ ಜೋರಾಗಿ ಮಾಡಲಾಗುವುದು ಮನೆ ಮತ್ತು ದೇವರ ಕೋಣೆಯನ್ನು ಶುದ್ಧ ಮಾಡಿ, ದೇವರ ಕೋಣೆಯನ್ನು ಅಲಂಕರಿಸಲಾಗುವುದು. ಮಂಗಳ ಗೌರಿವ್ರತಕ್ಕೆ ಈ ಕೆಳಗಿನಂತೆ ದೇವರ ಕೋಣೆಯನ್ನು ಅಲಂಕರಿಸಲಾಗುವುದು.

ಈ ವ್ರತ ಮಾಡುವವರು ಮನೆಯನ್ನು ಶುದ್ಧ ಮಾಡಿ ದೇವರ ಕೋಣೆಯನ್ನುರಂಗೋಲಿ ಮತ್ತು ದೀಪ, ಹೂಗಳಿಂದ ಅಲಂಕರಿಸುತ್ತಾರೆ. ಗೌರಿ ಮೂರ್ತಿಗೆ ತುಂಬಾ ಅಲಂಕಾರ ಮಾಡಲಾಗುವುದು.

ದೇವರ ಕೋಣೆಯ ಮುಂದುಗಡೆ ರಂಗೋಲಿ ಹಾಕಿ ಅದರಲ್ಲಿ ಒಂದು ಮರದ ಹಲಗೆ ಇಟ್ಟು ಅದರ ಮೇಲೆ ಬ್ಲೌಸ್ ಪೀಸ್ ಇಟ್ಟು ಅದರಲ್ಲಿ ಅಕ್ಕಿ ಹಾಕಿ ಅದರ ಮೇಲೆ ಕಲಶ ಇಡಲಾಗುವುದು. ಕಲಶದಲ್ಲಿ ಅರ್ಧ ಭಾಗದಷ್ಟು ಶುದ್ಧ ನೀರು ತುಂಬಬೇಕು. ಅದರ ಸುತ್ತ ವೀಳ್ಯದೆಲೆಯಿಂದ ಅಲಂಕಾರ ಮಾಡಿರುತ್ತಾರೆ.

ಸಾಮಾನ್ಯವಾಗಿ 5 ವೀಳ್ಯದೆಲೆ ಇಡಲಾಗುವುದು. ನಂತರ ಒಂದು ತಟ್ಟೆಯಲ್ಲಿ ಅರಿಶಿಣ, ಕುಂಕುಮ, ತೇಯ್ದ ಗಂಧ ಇತರ ಪೂಜಾ ಸಾಮಾಗ್ರಿಗಳನ್ನು ಇಡಲಾಗುವುದು. ನಂತರ ಕಲಶದ ಬಾಯಿಯನ್ನು ತೆಂಗಿನ ಕಾಯಿಯನ್ನು ಕೆಂಪು ಬಟ್ಟೆಯಿಂದ ಸುತ್ತಿ ಅದನ್ನು ಕಲಶದ ಮೇಲೆ ಇಡಲಾಗುವುದು. ಹೂ, ಹಣ್ಣುಗಳು, ತೆಂಗಿನಕಾಯಿ ಮತ್ತು ಪಾಯಸವನ್ನು ತಯಾರಿಸಿ ಗೌರಿ ಮೂರ್ತಿ ಮುಂದೆ ಇಡಬೇಕು.

ಪೂಜೆ ಮಾಡುವಾಗ ತೇಯ್ದ ಗಂಧ, ಕೆಂಪು ಹೂ, ಅಗರಬತ್ತಿ ಮತ್ತು ದೀಪಗಳಿಂದ ಅಲಂಕರಿಸಲಾಗುವುದು. ಹೊಸದಾಗಿ ಮದುವೆಯಾದ ಹೆಣ್ಣು ಮಕ್ಕಳು ಹಾಗೂ ಮದುವೆಯಾಗಿ ಐದು ವರ್ಷ ಆಗಿರದ ಮುತ್ತೈದೆಯರು ಸೇರಿ ಪೂಜೆ ಮಾಡಿ ಪೂಜೆಗೆ ಬಂದಂತಹ ಮುತ್ತೈದೆಯರಿಗೆ ಉಡುಗೊರೆ ಮತ್ತು ಅರಿಶಿಣ, ಕುಂಕುಮ ನೀಡಿ ಆರ್ಶೀವಾದ ಪಡೆಯುವುದು ಈ ವ್ರತದ ವಿಶೇಷ.