Just In
- 1 hr ago 5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ
- 2 hrs ago ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- 3 hrs ago ವೃಷಭ ರಾಶಿಗೆ ಗುರು ಸಂಚಾರ: 11ನೇ ಮನೆಯಲ್ಲಿ ಗುರು ಕರ್ಕ ರಾಶಿಯವರಿಗೆ ಅದೃಷ್ಟವೋ ಅದೃಷ್ಟ
- 5 hrs ago ವೃಷಭ ರಾಶಿಗೆ ಗುರು ಸಂಚಾರ: 12ನೇ ಮನೆಯಲ್ಲಿ ಗುರು ಮಿಥುನ ರಾಶಿಯ ಮೇಲೆ ಬೀರುವ ಪ್ರಭಾವ ಹೇಗಿರಲಿದೆ?
Don't Miss
- News Lok Sabha Election 2024: ಈ 6 ಜಿಲ್ಲೆಗಳಲ್ಲಿ 0% ಮತದಾನ-ಎಲ್ಲಿ ಹಾಗೂ ಕಾರಣ ಏನು?
- Automobiles ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Movies ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ನಟ ದರ್ಶನ್ ಪ್ರಚಾರ; ಸುಮಲತಾ ಅಂಬರೀಶ್ ಪ್ರತಿಕ್ರಿಯೆ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Florona: ಏನಿದು ಫ್ಲೋರೋನಾ? ಇದು ಕೊರೊನಾದ ಮತ್ತೊಂದು ರೂಪಾಂತರವೇ?
ಕೊರೊನಾ ಒಮಿಕ್ರಾನ್, ಡೆಲ್ಮಿಕ್ರಾನ್ ಎಂದೆಲ್ಲಾ ರೂಪಾಂತರವಾಗಿದೆ, ಈಗ ಫ್ಲೋರೋನಾ ಹೆಸರು ಹೇಳಿ ಬರುತ್ತಿದೆ. ಫ್ಲೋರೋನಾ ಮೊದಲ ಕೇಸ್ ಇಸ್ರೇಲ್ನಲ್ಲಿ ಪತ್ತೆಯಾಗಿದೆ. ವರದಿ ಪ್ರಕಾರ ಇದು ಮನುಷ್ಯರ ದೇಹಕ್ಕೆ ಸೇರಿಸಿದರೆ ರೋಗ ನಿರೋಧಕ ಶಕ್ತಿಯನ್ನು ನಾಶ ಮಾಡುತ್ತದೆ. ಇನ್ಫ್ಲುಯೆಂಜಾ ವೈರಸ್ ಹಾಗೂ ಕೊರೊನಾ ವೈರಸ್ ವೈರಸ್ ಎರಡು ಒಂದೇ ಸಮಯದಲ್ಲಿ ಶರೀರವನ್ನು ಸೇರಿದಾಗ ಫ್ಲೋರೋನಾ ಉಂಟಾಗುವುದು.
ಇಸ್ರೇಲ್ನಲ್ಲಿ ಹೆರಿಗೆಗಾಗಿ ಆಸ್ಪತ್ರೆಗೆ ದಾಖಲಾದ ಮಹಿಳೆಯಲ್ಲಿಫ್ಲೋರೋನಾ ಪತ್ತೆಯಾಗಿದ್ದು ಈ ಮಹಿಳೆ ಕೊರೊನಾ ಲಸಿಕೆಯನ್ನು ಪಡೆದಿರಲಿಲ್ಲ.
ವೈದ್ಯರು ಹೇಳುವ ಪ್ರಕಾರ ಫ್ಲೋರೋನಾ ಎಂಬುವುದು ಮತ್ತೊಂದು ರೂಪಾಂತರವಲ್ಲ, ಪ್ಲೂ ಹಾಗೂ ಕೊರೊನಾವೈರಸ್ ಎರಡೂ ಒಟ್ಟಿಗೆ ತಗುಲಿದಾಗ ಫ್ಲೋರೋನಾ ಉಂಟಾಗುವುದು. ಇದರ ಕುರಿತ ಹೆಚ್ಚಿನ ಮಾಹಿತಿ ಇಲ್ಲಿದೆ ನೋಡಿ:
ಫ್ಲೋರೋನಾ ಎಂದರೇನು?
ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಎರಡು ಕಾಯಿಲೆಗಳು ಒಟ್ಟಿಗೆ ಬರುವ ಸಾಧ್ಯತೆ ಇದೆ. ಫ್ಲೂ ಹಾಗೂ ಕೋವಿಡ್ 19 ಒಟ್ಟಿಗೆ ಒಬ್ಬ ವ್ಯಕ್ತಿಗೆ ತಗುಲಿದಾಗ ಫ್ಲೋರೋನಾ ಕಂಡು ಬರುವುದು. ಕೋವಿಡ್ 19ಗೆ ಲಸಿಕೆ ಹಾಗೂ ಇನ್ಫ್ಲುಯೆಂಜಾ ಲಸಿಕೆ ಪಡೆಯುವುದರಿಂದ ಇದನ್ನು ತಡೆಗಟ್ಟಬಹುದು.
ಫ್ಲೋರೋನಾ ಹರಡುವುದು ಹೇಗೆ?
mayoclinic.org ಪ್ರಕಾರ ಕೋವಿಡ್ 19 ಹಾಗೂ ಫ್ಲೂ ವೈರಸ್ ಒಂದೇ ರೀತಿಯಲ್ಲಿ ಹರಡುವುದು. ಒಬ್ಬ ವ್ಯಕ್ತಿಗೆ ಫ್ಲೋರೋನಾ ಬಂದರೆ ಅವರ ಸಂಪರ್ಕಕ್ಕೆ ಬಂದ ಮತ್ತೊಂದು ವ್ಯಕ್ತಿಗೆ ಈ ಎರಡೂ ಹರಡಬಹುದು. ಈ ವೈರಸ್ಗಳು ಮಾತನಾಡುವಾಗ, ಸೀನಿದಾಗ, ಕೆಮ್ಮಿದಾಗ ಅವರ ಬಾಯಿಯ ಎಂಜಲಿನ ಹನಿ ಮತ್ತೊಬ್ಬರಿಗೆ ತಗುಲಿದರೆ ಅವರಲ್ಲಿ ಈ ಕಾಯಿಲೆಗಳು ಕಂಡು ಬರುವುದು. ಕಾಯಿಲೆ ಇರುವ ವ್ಯಕ್ತಿ ತನ್ನ ಬಾಯಿ, ಮೂಗು ಮುಟ್ಟಿ ವಸ್ತುಗಳನ್ನು ಮುಟ್ಟಿದರೆ ಅದರಲ್ಲಿ ವೈರಸ್ ಇರುತ್ತದೆ, ಆ ವಸ್ತುಗಳನ್ನು ಬೇರೆಯವರು ಮುಟ್ಟಿದಾಗ ವೈರಸ್ ಅವರಿಗೆ ಹರಡುವುದು.
ಫ್ಲೋರೋನಾ ಪ್ರಾಣಕ್ಕೆ ಅಪಾಯಕಾರಿಯೇ?
ಎರಡು ವೈರಸ್ಗಳು ಒಟ್ಟಿಗೆ ತಗುಲಿದಾಗ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ತುಂಬಾನೇ ಕಡಿಮೆಯಾಗುವುದು. ಇದರಿಂದ ಬೇರೆ ಆರೊಗ್ಯ ಸಮಸ್ಯೆ ಕೂಡ ಉಂಟಾಗುವುದು, ಇದರಿಂದ ಪರಿಸ್ಥಿತಿ ಗಂಭೀರವಾಗುವ ಸಾಧ್ಯತೆ ಇದೆ. ನ್ಯುಮೋನಿಯಾ, ಉಸಿರಾಟದ ತೊಂದರೆ, ಅಂಗಾಂಗ ವೈಫಲ್ಯ, ಹೃದಯಾಘಾತ, ಮೆದುಳಿನ ಉರಿಯೂತ, ಪಾರ್ಶ್ವವಾಯು ಮುಂತಾದ ಸಮಸ್ಯೆ ಕಂಡು ಬರಬಹುದು, ಸಾವು ಕೂಡ ಸಂಭವಿಸಬಹುದು, ಆದ್ದರಿಂದ ಪ್ಲೋರೋನಾ ಅಪಾಯಕಾರಿಯಾಗಿದೆ.
ಪತ್ತೆ ಹೇಗೆ?
ಕೊರೊನಾ ವೈರಸ್ ಲಕ್ಷಣಗಳು ಕಂಡು ಬರಲು 2-14 ದಿನಗಳು ಬೇಕಾಗುವುದು. ಕೆಮ್ಮು, ಶೀತ, ಜ್ವರ, ಶೀತ ಇಂಥ ಲಕ್ಷಣಗಳು ಕಂಡು ಬಂದಾಗ PCR ಹಾಗೂ RNA ಪರೀಕ್ಷೆ ಮಾಡಬೇಕು. ಎರಡು ವೈರಸ್ಗಳು ಬೇರೆ-ಬೇರೆಯಾಗಿರುವುದರಿಂದ ಲ್ಯಾಬ್ ಪರೀಕ್ಷೆಯಲ್ಲಿ ಮಾತ್ರ ಕಂಡು ಹಿಡಿಯಲಾಗುವುದು.
ಫ್ಲೋರೋನಾ ತಡೆಗಟ್ಟುವುದು ಹೇಗೆ?
* ಕೋವಿಡ್ 19 ಲಸಿಕೆ ಹಾಗೂ ಇನ್ಫ್ಲುಯೆಂಜಾ ಲಸಿಕೆ ಪಡೆಯಬೇಕು
* ಕಾಯಿಲೆ ಇರುವ ವ್ಯಕ್ತಿಯಿಂದ ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕು.
* ಜನರು ಗುಂಪು ಸೇರಿರುವ ಸ್ಥಳಗಳಿಗೆ ಹೋಗಬೇಡಿ.
* ಮನೆಯ ಒಳಗಡೆ ಗಾಳಿಯಾಡುವಂತೆ ಇರಲಿ.