Just In
- 3 min ago ಗಂಡು ಎಂದು ಸಾಕಿದ್ದ ನೀರು ಕುದುರೆ 7 ವರ್ಷದ ಬಳಿಕ ಹೆಣ್ಣಾಗಿತ್ತು..! ಝೂನಲ್ಲಿ ಅಚ್ಚರಿ..!
- 1 hr ago ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
- 5 hrs ago ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- 14 hrs ago ದಿನ ಭವಿಷ್ಯ ಏಪ್ರಿಲ್ 25, 2024: ಗುರುವಾರ ಈ 4 ರಾಶಿಯವರಿಗೆ ತುಂಬಾನೇ ಶುಭ ದಿನ
Don't Miss
- Technology HMD ಪಲ್ಸ್ ಸರಣಿ ಅಡಿಯಲ್ಲಿ 3 ಹೊಸ ಸ್ಮಾರ್ಟ್ಫೋನ್ ಲಾಂಚ್! ಫೀಚರ್ಸ್ ಏನಿವೆ?
- News Tamannaah Bhatia: ಮಿಲ್ಕಿ ಬ್ಯೂಟಿ ತಮನ್ನಾಗೆ ಮುಂಬೈ ಸೈಬರ್ ಪೊಲೀಸರಿಂದ ಸಮನ್ಸ್.!-ಕಾರಣ ಏನು?
- Automobiles ವಿಮಾನದಂತಹ ಸೌಲಭ್ಯ ಹೊಂದಿರುವ ವಂದೇ ಭಾರತ್ ಸರಣಿ ರೈಲುಗಳು ಶೀಘ್ರ ಬರಲಿವೆ.. ಆರಾಮದಾಯಕ ಪ್ರಯಾಣ!
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- Movies 'ಯುವ ರಣಧೀರ ಕಂಠೀರವ' ಸಿನಿಮಾ ನಿಂತಿದ್ದೇಕೆ? ಕಥೆಗಾರ ಭಗೀರಥ ಏನಂದ್ರು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಫೇಸ್ ಮಾಸ್ಕ್ ಕೋವಿಡ್ 19 ತಡೆಗಟ್ಟುವಲ್ಲಿ ಸಮರ್ಥವೇ?
ಕೋವಿಡ್-19 ಸೋಂಕು ವಿಶ್ವದಾದ್ಯಂತ ಸಾಕಷ್ಟು ಹರಡಿದೆ. ಆದರೆ ಗಂಭೀರವಾಗಿ ಹರಡಬಹುದಾಗಿದ್ದ ಈ ಸೋಂಕು ಇಂದು ಇರುವಷ್ಟಕ್ಕೆ ಮಿತಿಗೊಂಡಿರಬೇಕಾದರೆ ಇದಕ್ಕೆ ನಾವು ತೊಡುವ ಮುಖದ ಮಾಸ್ಕ್ ಪ್ರಮುಖ ಪಾತ್ರ ವಹಿಸಿದೆ ಎಂಬುದು ಸ್ಪಷ್ಟ. ಸೋಂಕುಪೀಡಿತ ವ್ಯಕ್ತಿಯಿಂದ ಸೋಂಕು ಇರುವ ಸೂಕ್ಷ್ಮ ಹನಿಗಳು ಸಿಡಿದಾಗ ಇನ್ನೊಬ್ಬ ವ್ಯಕ್ತಿಯ ದೇಹಕ್ಕೆ ಇವು ಪ್ರವೇಶಿಸದಂತೆ ಈ ಮಾಸ್ಕ್ ಗಳು ತಡೆಯೊಡ್ಡುವ ಮೂಲಕ ರಕ್ಷಣೆ ಒದಗಿಸುತ್ತವೆ.
ಈಗಾಗಲೇ ಲಭ್ಯವಿರುವ ಸಾಕ್ಷಿಗಳು ಈ ಮಾಸ್ಕ್ ಗಳ ಸಫಲತೆಯನ್ನು ಖಚಿತಪಡಿಸುತ್ತಿವೆ.
ಮಾಸ್ಕ್ ಧರಿಸಲು ಹಲವರು ಅಮೇರಿಕನ್ನರು ಮೊದಲು ಆಕ್ಷೇಪ ಎತ್ತಿದ್ದರೂ ಬಳಿಕ ಸಾಕ್ಷಿ ಸಹಿತ ವಿವರ ನೀಡಿದ ಬಳಿಕ ಇವರ ಆಕ್ಷೇಪ ಈಗ ಇಲ್ಲವಾಗಿದೆ.
COVID-19 ಗೆ ಕಾರಣವಾಗುವ SARS-CoV-2 ವೈರಸ್ ಹರಡುವುದನ್ನು ತಡೆಗಟ್ಟಲು ಮುಖದ ಮಾಸ್ಕ್ ಧರಿಸುವುದನ್ನು ಸೆಂಟರ್ಸ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಷನ್ (CDC) ಸಂಸ್ಥೆ ಪ್ರಬಲವಾಗಿ ಪಾಲಿಸುವಂತೆ ಸಲಹೆ ನೀಡುತ್ತಿದೆ.
ಜುಲೈ 14, 2020 ರಂದು ಸಿಡಿಸಿ ನಿರ್ದೇಶಕ ಡಾ. ರಾಬರ್ಟ್ ರೆಡ್ಫೀಲ್ಡ್ ಪತ್ರಿಕಾ ಪ್ರಕಟಣೆಯಲ್ಲಿ ಹೀಗೆ ವಿವರಿಸಿದ್ದಾರೆ: ವಿಶೇಷವಾಗಿ ಸಮುದಾಯ ವ್ಯವಸ್ಥೆಯಲ್ಲಿ ಸಾರ್ವತ್ರಿಕವಾಗಿ ನಾವು ಬಟ್ಟೆಯ ಮುಖದ ಮಾಸ್ಕ್ ಗಳನ್ನು ಧರಿಸುವ ಮೂಲಕ ವಿಶ್ವಮಟ್ಟದಲ್ಲಿ ನಾವು ವೈರಸ್ ಹರಡುವುದನ್ನು ನಿಧಾನಗೊಳಿಸಬೇಕು ಮತ್ತು ನಿಲ್ಲಿಸಬೇಕು"
ಈ ಶಿಫಾರಸ್ಸುಗಳು ಸಾರ್ವಜನಿಕರಲ್ಲಿ ಕೆಲವು ಸಂದೇಹಗಳನ್ನು ಮೂಡಿಸಿದ್ದರೂ ಮಾಸ್ಕ್ ಗಳು ನಿಜವಾಗಿಯೂ ಸೋಂಕು ಹರಡುವಿಕೆಯನ್ನು ತಪ್ಪಿಸುತ್ತವೆ ಎಂದು ವೈಜ್ಞಾನಿಕ ಪುರಾವೆಗಳು ಸಾಕ್ಷಿ ಸಹಿತ ತೋರಿಸುತ್ತಲೇ ಇವೆ.
ಏಕೆ ಎಂಬ ಪ್ರಶ್ನೆಗೆ ನೀಡುವ ಉತ್ತರದಲ್ಲಿ, ಇದರ ಹಿಂದಿನ ವಿಜ್ಞಾನವು ತುಂಬಾ ಸರಳವಾಗಿದೆ ಎಂದು ತಜ್ಞರು ವಿವರಿಸುತ್ತಾರೆ.
ಮುಖದ ಮಾಸ್ಕ್ ಏಕೆ ಸಫಲವಾಗಿದೆ?
ಸೋಂಕು ಪೀಡಿತ ಜನರು ಮಾತನಾಡುವಾಗ, ಸೀನುವಾಗ ಅಥವಾ ನಗುವಾಗ ಬಿಡುಗಡೆಯಾಗುವ ಉಸಿರಾಟದ ಹನಿಗಳ ಮೂಲಕ ಕೊರೋನಾ ವೈರಸ್ ಹರಡುತ್ತದೆ ಎಂದು ಭಾವಿಸಲಾಗಿದೆ ಎಂದು ಮಿಚಿಗನ್ ವಿಶ್ವವಿದ್ಯಾಲಯದ ಶ್ವಾಸಕೋಶ ಮತ್ತು ವಿಮರ್ಶಾತ್ಮಕ ಆರೈಕೆಯ ವಿಭಾಗದಲ್ಲಿ ವೈದ್ಯಕೀಯ ಪ್ರಾಧ್ಯಾಪಕ ಡಾ. ಮೀಲಾನ್ ಹಾನ್ ಹೇಳಿದ್ದಾರೆ.
ಈ ಹನಿಗಳು ಹತ್ತಿರವೇ ಇರುವ ಇತರ ಜನರ ಬಾಯಿ ಅಥವಾ ಮೂಗಿನ ಮೂಲಕ ದೇಹ ಪ್ರವೇಶಿಸಿದರೆ ಅಥವಾ ಶ್ವಾಸಕೋಶಕ್ಕೆ ಉಸಿರಾಟದ ಮೂಲಕ ಗಾಳಿಯ ಮೂಲಕ ಆಗಮಿಸುವ ಅತಿ ಸೂಕ್ಷ್ಮ ಕಣವೂ ಆ ವ್ಯಕ್ತಿಯನ್ನು ವೈರಸ್ಸಿನ ಸೋಂಕಿಗೆ ತುತ್ತಾಗಿಸಬಹುದು.
ಮಾಸ್ಕ್ ಗಳು ಈ ಹನಿಗಳನ್ನು ಹಿಡಿಯುವ ಭೌತಿಕ ತಡೆಗೋಡೆ ಸೃಷ್ಟಿಸುತ್ತವೆ ಮತ್ತು ಅವು ಸಾಮಾನ್ಯವಾಗಿ ಸುತ್ತಮುತ್ತಲಿನ ಗಾಳಿಯಲ್ಲಿ ಹರಡುವುದನ್ನು ತಡೆಯುತ್ತದೆ.
COVID-19 ಸೋಂಕು ಪೀಡಿತರಾದರೂ ಹೆಚ್ಚಿನ ಜನರಲ್ಲಿ ಗಮನಾರ್ಹ ಪ್ರಮಾಣದ ರೋಗಲಕ್ಷಣಗಳೇನೂ ತಕ್ಷಣಕ್ಕೆ ಕಾಣಬರುವುದಿಲ್ಲ ಅಥವಾ ರೋಗಲಕ್ಷಣಗಳು ಕಾಣಿಸಿಕೊಳ್ಳಲು ಸಾಕಷ್ಟು ಸಮಯ ತೆಗೆದುಕೊಳ್ಳುವುದರಿಂದ ಮಾಸ್ಕ್ ಗಳು ಇನ್ನಷ್ಟು ಮಹತ್ವದ್ದಾಗಿವೆ ಎಂದು ಹ್ಯಾನ್ ಹೇಳುತ್ತಾರೆ.
ಆದರೂ, ಲಕ್ಷಣಗಳು ಇನ್ನೂ ಪ್ರಕಟಗೊಳ್ಳದೇ ಇರುವ ಸೋಂಕುಪೀಡಿತ ವ್ಯಕ್ತಿಗಳು ಲಕ್ಷಣ ಕಾಣಬರುವ ಮುನ್ನವೇ ತಮ್ಮ ಸುತ್ತಲಿನ ಜನರಿಗೆ ವೈರಸ್ ಹರಡಬಹುದು ಎಂದು ಅಧ್ಯಯನಗಳು ತೋರಿಸುತ್ತವೆ.
ಮುಖದ ಮಾಸ್ಕ್ ಗಳ ಬಳಕೆಯು ಈ ಲಕ್ಷಣರಹಿತ ಮತ್ತು ಲಕ್ಷಣಪೂರ್ವ (presymptomatic) ವ್ಯಕ್ತಿಗಳಿಂದ ರೋಗದ ಹರಡುವಿಕೆಯನ್ನು ಮಿತಿಗೊಳಿಸಲು ಸಹಾಯ ಮಾಡುತ್ತದೆ ಎಂದು ಮಾಹಿತಿಗಳು ಸೂಚಿಸುತ್ತದೆ ಎಂದು ಹಾನ್ ಹೇಳುತ್ತಾರೆ.
ಹೆಚ್ಚುತ್ತಲೇ ಹೋಗುತ್ತಿರುವ ಪುರಾವೆಗಳು ಮಾಸ್ಕ್ ನ ಪರಿಣಾಮಕಾರಿತ್ವವನ್ನು ಬೆಂಬಲಿಸುತ್ತದೆ
ಜರ್ನಲ್ ಆಫ್ ದಿ ಅಮೆರಿಕನ್ ಮೆಡಿಕಲ್ ಅಸೋಸಿಯೇಷನ್ನ (Journal of the American Medical Association (JAMA) ಜುಲೈ 14, 2020 ರ ಸಂಚಿಕೆಯಲ್ಲಿ, ಸಂಪಾದಕೀಯದಲ್ಲಿ ಲೇಖಕರು ಸಾರ್ವತ್ರಿಕ ಮಾಸ್ಕ್ ಧರಿಸಲು " ಈಗ ಸರಿಯಾದ ಸಮಯ" ಎಂದು ಹೇಳಿದ್ದಾರೆ.
ಅವರ ಅಭಿಪ್ರಾಯಗಳನ್ನು ಬೆಂಬಲಿಸಿದ ಹಾನ್ ರವರು ಅದೇ ದಿನ ಪ್ರಕಟವಾದ ಎರಡು ಪ್ರಕರಣಗಳ ಅಧ್ಯಯನದತ್ತ ಗಮನಸೆಳೆದರು.
ಬೋಸ್ಟನ್ ಆಸ್ಪತ್ರೆ ವ್ಯವಸ್ಥೆಯಲ್ಲಿ ಸಾರ್ವತ್ರಿಕ ಮುಖವಾಡ ಧರಿಸುವ ನೀತಿಯು SARS-CoV-2 ರ ಪ್ರಸರಣವನ್ನು ಕಡಿಮೆ ಮಾಡುತ್ತದೆ ಎಂದು ಮೊದಲ ಅಧ್ಯಯನವು ಸ್ಪಷ್ಟಪಡಿಸಿದೆ.
ಮಾಸ್ಕ್ ಧರಿಸುವುದನ್ನು ಕಡ್ಡಾಯಗೊಳಿಸುವ ಮೊದಲು, ನೇರ ಅಥವಾ ಪರೋಕ್ಷ ರೋಗಿಗಳ ಸಂಪರ್ಕವನ್ನು ಹೊಂದಿದ್ದ ಆರೋಗ್ಯ ಕಾರ್ಯಕರ್ತರಲ್ಲಿ ಹೊಸ ಪ್ರಕರಣಗಳು ಆತಂಕಕಾರಿಯಾಗಿ ಹೆಚ್ಚುತ್ತಿವೆ.
ಆದರೂ, ನೀತಿಯನ್ನು ಜಾರಿಗೆ ತಂದ ನಂತರ, ವರದಿಯ ಪ್ರಕಾರ, COVID-19 ಗೆ ಧನಾತ್ಮಕತೆಯನ್ನು ಪರೀಕ್ಷಿಸಿದ ರೋಗಲಕ್ಷಣದ ಆರೋಗ್ಯ ಕಾರ್ಯಕರ್ತರ ಪ್ರಮಾಣವು "ಸ್ಥಿರವಾಗಿ ಕಡಿಮೆಯಾಗುತ್ತಾ ಹೋಗಿದೆ".
ಸಂಪಾದಕೀಯವು ಹೆಚ್ಚುವರಿಯಾಗಿ ಸಿಡಿಸಿಯ ಅಸ್ವಸ್ಥತೆ ಮತ್ತು ಮರಣ ಸಾಪ್ತಾಹಿಕ ವರದಿಯಲ್ಲಿ (Morbidity and Mortality Weekly Report (MMWR)) ವರದಿಯ ವಿಶ್ವಾಸಾರ್ಹ ಮೂಲದ ಬಗ್ಗೆ ಮಾತನಾಡಿದೆ, ಇದು ಎರಡು ಮಿಸೌರಿಯ ಕೇಶ ವಿನ್ಯಾಸಕರು ತಮ್ಮ ಗ್ರಾಹಕರಿಗೆ ರೋಗವನ್ನು ಹರಡುವುದನ್ನು ತಡೆಯಲು ಮಾಸ್ಕ್ ಧರಿಸಿ ಸೇವೆ ಒದಗಿಸಿದ ಬಳಿಕ ಕಂಡುಬಂದಿದೆ ಎಂದು ತೋರಿಸಿದೆ.
ಇಬ್ಬರೂ ಕೇಶ ವಿನ್ಯಾಸಕರ ರೋಗಲಕ್ಷಣಗಳನ್ನು ಅಭಿವೃದ್ಧಿಪಡಿಸಿದ ನಂತರವೂ ಹಲವಾರು ದಿನಗಳವರೆಗೆ ಗ್ರಾಹಕರನ್ನು ನೋಡುವುದನ್ನು ಮುಂದುವರೆಸಿದ್ದರು, ಆದರೆ ಸ್ಥಳೀಯ ಸರ್ಕಾರದ ಸುಗ್ರೀವಾಜ್ಞೆಯ ಪ್ರಕಾರ ಮಾಸ್ಕ್ಗಳನ್ನು ಧರಿಸಿದ್ದರು. ಅವರ ಗ್ರಾಹಕರಲ್ಲಿ ತೊಂಬತ್ತೆಂಟು ಪ್ರತಿಶತದಷ್ಟು ಜನರೂ ಮಾಸ್ಕ್ಗಳನ್ನು ಧರಿಸಿದ್ದರು.
ರೋಗನಿರ್ಣಯ ಮಾಡುವ ಮೊದಲು ಕೇಶ ವಿನ್ಯಾಸಕರು ನೋಡಿದ 139 ಗ್ರಾಹಕರಲ್ಲಿ, ನಂತರದ ಅವಧಿಯಲ್ಲಿ ಯಾರೂ COVID-19 ರೋಗಲಕ್ಷಣಗಳನ್ನು ಅಭಿವೃದ್ಧಿಪಡಿಸಿಲ್ಲ. ಅವರ ದ್ವಿತೀಯ ಸಂಪರ್ಕಗಳಲ್ಲಿ ಯಾವುದೂ ರೋಗಲಕ್ಷಣಗಳನ್ನು ಅಭಿವೃದ್ಧಿಪಡಿಸಿಲ್ಲ.
ಇದರ ಜೊತೆಗೇ, ಪರೀಕ್ಷೆಗೆ ಒಪ್ಪಿದ 67 ಗ್ರಾಹಕರಲ್ಲಿ ಯಾರೊಬ್ಬರೂ ವೈರಸ್ ಸೋಂಕು ಪರೀಕ್ಷೆಯಲ್ಲಿ ಧನಾತ್ಮಕ ಫಲಿತಾಂಶ ಪ್ರಕಟಿಸಲಿಲ್ಲ.
ಸಂದೇಹವಾದಿಗಳಿಗೆ ಉತ್ತರಿಸುವುದು
ಮಾಸ್ಕ್ಗಳನ್ನು ಧರಿಸುವುದನ್ನು ಬೆಂಬಲಿಸುವ ವೈಜ್ಞಾನಿಕ ಪುರಾವೆಗಳ ಹೊರತಾಗಿಯೂ, ಅನೇಕ ಅಮೆರಿಕನ್ನರು ಅವುಗಳ ಬಳಕೆಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ಮೇರಿಲ್ಯಾಂಡ್ನ ಅಪ್ಪರ್ ಚೆಸಾಪೀಕ್ ಹೆಲ್ತ್ ವಿಶ್ವವಿದ್ಯಾಲಯದ ಆಸ್ಪತ್ರೆಯಲ್ಲಿ ಔಷಧಿ ತಜ್ಞರಾದ ಡಾ. ವಿನಿಶಾ ಆಮೀನ್ ರವರು ಮಾಸ್ಕ್ ಗಳ ಬಗ್ಗೆ ಹಲವಾರು ಮಾಹಿತಿಗಳನ್ನು ವಿವರಿಸಿದ್ದು ಈ ಬಗ್ಗೆ ಇರುವ ಮಿಥ್ಯೆಗಳನ್ನೂ ಅಲ್ಲಗಳೆದಿದ್ದಾರೆ. ಇವರು ಒದಗಿಸಿದ ವಿವರಗಳನ್ನು ನೋಡೋಣ:
1. ಮಾಸ್ಕ್ಗಳು ಫಲಕಾರಿಯಲ್ಲ
" ಈ ಸುಳ್ಳನ್ನು ಅನಾವರಣಗೊಳಿಸೋಣ, ನಿಮ್ಮನ್ನು ಮತ್ತು ನಿಮ್ಮ ಪ್ರೀತಿಪಾತ್ರರನ್ನು ವೈರಸ್ನಿಂದ ರಕ್ಷಿಸಲು ಮಾಸ್ಕ್ಗಳು ಸಹಾಯಕವಾಗಿವೆ ಮತ್ತು ಪರಿಣಾಮಕಾರಿಯೂ ಆಗಿವೆ"
"ಈ ಶಿಫಾರಸ್ಸಿಗೆ ಬೆಂಬಲ ನೀಡಲು ಸಹಾಯ ಮಾಡಲು ವೈಜ್ಞಾನಿಕ ದತ್ತಾಂಶ ಮತ್ತು ಸಂಶೋಧನೆಗಳ ಸಮೃದ್ಧಿಯೇ ಇದೆ" ಎಂದು ಅವರು ಹೇಳಿದರು.
"ವೈಜ್ಞಾನಿಕ ಜಗತ್ತಿನಲ್ಲಿ, ಸಾಕ್ಷ್ಯ ಆಧಾರಿತ ಔಷಧವು ಆದ್ಯತೆಯನ್ನು ಪಡೆಯುತ್ತದೆ, ಮತ್ತು ನಮ್ಮ ವೈದ್ಯರು ಮತ್ತು ವೈಜ್ಞಾನಿಕ ಸಮುದಾಯದವರು ನಿಮ್ಮ ಮತ್ತು ನಿಮ್ಮ ಪ್ರೀತಿಪಾತ್ರರ ವೈದ್ಯಕೀಯ / ಆರೋಗ್ಯ ಸುರಕ್ಷತೆಗಾಗಿ ಇಂತಹ ಶಿಫಾರಸುಗಳನ್ನು ಮಾಡಿದಾಗ ನಾವು ಅವರ ಮೇಲೆ ನಂಬಿಕೆ ಇಡಬೇಕು" ಎಂದು ಅವರು ಹೇಳಿದರು.
2. ಅವರು ಧರಿಸಲು ತುಂಬಾ ಅನಾನುಕೂಲವಾಗಿವೆ
"ಇದರರ್ಥ ನೀವು ಕೇವಲ ಒಂದು ಮಾಸ್ಕ್ ಅನ್ನು ಮಾತ್ರ ಪ್ರಯತ್ನಿಸಿದ್ದೀರಿ ಮತ್ತು ಉತ್ತಮವಾಗಿ ಕಾರ್ಯನಿರ್ವಹಿಸುವದನ್ನು ಕಂಡುಕೊಳ್ಳುವ ಮುನ್ನವೇ ತಾಳ್ಮೆ ಕಳೆದುಕೊಂಡು ಧರಿಸುವುದನ್ನು ಅವಸರದಲ್ಲಿ ಬಿಟ್ಟುಬಿಟ್ಟಿದ್ದೀರಿ" ಎಂದು ಅಮೀನ್ ಹೇಳಿದರು.
"ಹೌದು ಮಾಸ್ಕ್ಗಳು ಆರ್ದ್ರತೆಯನ್ನು ಉಂಟುಮಾಡಬಹುದು, ಆದರೆ ಆ ಪರಿಸ್ಥಿತಿಯಲ್ಲಿ, ಹತ್ತಿಯ ಮೂಲವಸ್ತುವಿನಿಂದ ತಯಾರಿಸಿರುವ ಮಾಸ್ಕ್ ಅನ್ನೇ ಧರಿಸಿ, ಇದು ಪಾಲಿಯೆಸ್ಟರ್ಗಿಂತ ಹೆಚ್ಚು ಗಾಳಿಯಾಡುವ ಮೂಲವಸ್ತುವಾಗಿದೆ" ಎಂದು ಅವರು ಸಲಹೆ ನೀಡಿದರು.
"ಹೌದು, ಇವುಗಳ ಸತತ ಧರಿಸುವಿಕೆಯಿಂದ ನಿಮ್ಮ ಕಿವಿಗಳಿಗೆ ನೋವು ಎದುರಾಗಬಹುದು ಆ ಪರಿಸ್ಥಿತಿಯಲ್ಲಿ ಕಿವಿಯ ಹಿಂದೆ ಅಲ್ಲದೇ ತಲೆಯ ಹಿಂದೆ ಸುತ್ತುವ ಸ್ಥಿತಿಸ್ಥಾಪಕ ಬ್ಯಾಂಡ್ ಬಟ್ಟೆಯಿಂದ ಮುಚ್ಚಲ್ಪಟ್ಟಿದೆ ಅಥವಾ ಮೃದುವಾದ ಸ್ಥಿತಿಸ್ಥಾಪಕ ಬ್ಯಾಂಡ್ ನಿಮ್ಮ ಚರ್ಮಕ್ಕೆ ಉರಿ ತರುವುದಿಲ್ಲ" ಎಂದು ಅವರು ಹೇಳಿದರು.
"ಹೌದು, ಮಾಸ್ಕ್ ಧರಿಸುವ ಮೂಲಕ ಕನ್ನಡಕದ ಒಳಭಾಗದಲ್ಲಿ ಇಬ್ಬನಿ ಕವಿಯಬಹುದು. ನನಗೂ ಅದೇ ಸಮಸ್ಯೆ ಇದೆ" ಎಂದು ಅವರು ಹೇಳಿದರು. "ಆ ಪರಿಸ್ಥಿತಿಯಲ್ಲಿ, ಮಾಸ್ಕ್ ನ ಮೇಲ್ಭಾಗ ನಿಮ್ಮ ಮೂಗಿನ ಸೇತುವೆಯ ಮೇಲೆ ಇರಿಸಿ ಮತ್ತು ಮಾಸ್ಕ್ ಸರಿಯಾಗಿ ಮುಖದ ಮುಂದೆ ಕೂರಲು ಮೂಗಿನ ಮೇಲ್ಭಾಗದಲ್ಲಿರುವ ಲೋಹದ ಪಟ್ಟಿಯನ್ನು ಒತ್ತಿ ಮೂಗಿಗೆ ತಾಕುವಂತೆ ಇರಿಸಿ ಸ್ಥಳದಲ್ಲಿ ಹಿಡಿದಿಡಲು ಸಹಾಯ ಮಾಡಿ ಮತ್ತು ಈ ಮೂಲಕ ನಿಮ್ಮ ಕನ್ನಡಕದ ಕೆಳಗೆ ಇಬ್ಬನಿ ಸಂಗ್ರಹವಾಗದಂತೆ ತಗ್ಗಿಸಲು ಸಹಾಯ ಮಾಡಿ."
3. ಇಂಗಾಲದ ಡೈಆಕ್ಸೈಡ್ ಸಂಗ್ರಹವಾಗುವ ಮತ್ತು ಅನಾರೋಗ್ಯ ಎದುರಿಸುವ ಬಗ್ಗೆ
"ಮಾಸ್ಕ್ಗಳ ಕಾರಣದಿಂದಾಗಿ ಇಂಗಾಲದ ಡೈಆಕ್ಸೈಡ್ ನಿರ್ಮಾಣವಾಗುತ್ತದೆ ಎಂಬ ಹೇಳಿಕೆಯನ್ನು ಬೆಂಬಲಿಸುವ ಯಾವುದೇ ವೈಜ್ಞಾನಿಕ ಮಾಹಿತಿ ಅಥವಾ ಆಧಾರ ಇಲ್ಲ" ಎಂದು ಅಮೀನ್ ಹೇಳಿದರು.
"ನಮ್ಮ ವೈದ್ಯರು ಮತ್ತು ಶಸ್ತ್ರಚಿಕಿತ್ಸಕರಂತಹ ಆರೋಗ್ಯ ವೃತ್ತಿಪರರು ದಶಕಗಳಿಂದ ಕಠಿಣ ಮತ್ತು ಅತಿ ಚಿಕ್ಕ ಕೀಟಾಣುಗಳೂ ಪ್ರವೇಶಿಸಲಾಗದ ಮಾಸ್ಕ್ಗಳನ್ನು ಬಳಸುತ್ತಿದ್ದಾರೆ, ಆದರೂ ನಾವು ಇನ್ನೂ ಅವುಗಳ ಮೂಲಕ ಉಸಿರಾಡಲು ಸಮರ್ಥರಾಗಿದ್ದೇವೆ. ನಮಗೆ ಇದು ಸಾಧ್ಯವಾಗುವುದಾದರೆ ನಿಮಗೂ ಸಾಧ್ಯವಾಗಲೇಬೇಕು" ಎಂದು ಅವರು ಹೇಳಿದರು.
"ಕಾರ್ಬನ್ ಡೈಆಕ್ಸೈಡ್ ಹೊರಹೋಗಲು ಅನುವು ಮಾಡಿಕೊಡುವ ಈ ಮಾಸ್ಕ್ಗಳು ಆಮ್ಲಜನಕವನ್ನು ಸುಲಭವಾಗಿ ಪ್ರವೇಶಿಸಲೂ ಅನುವು ಮಾಡಿಕೊಡುತ್ತದೆ" ಎಂದು ಅವರು ಮುಂದುವರಿಸಿದರು.
4. ಪ್ರಾಣ ರಕ್ಷಿಸುವ ಮಾಸ್ಕ್
ಈ ಸೋಂಕಿಗೆ ಒಳಗಾಗುವ ಸಾಧ್ಯತೆ ಇರುವ ವ್ಯಕ್ತಿಗಳೆಂದರೆ ಈಗಾಗಲೇ ಬೇರಾವುದೋ ರೋಗ ಇರುವ ವ್ಯಕ್ತಿಗಳು ಅಥವಾ ರೋಗ ನಿರೋಧಕ ಶಕ್ತಿ ಉಡುಗಿರುವ ವ್ಯಕ್ತಿಗಳು ಎಂದು ಅವರು ಒಪ್ಪಿಕೊಂಡರು.
ಆದರೂ "ನೀವು ಆರೋಗ್ಯವಂತರಾಗಿದ್ದು ಸದೃಢ ಮೈಕಟ್ಟು ಹೊಂದಿದ್ದರೂ ಮಾಸ್ಕ್ ಇಲ್ಲದೇ ಇದ್ದರೆ, ನೀವು ವೈರಸ್ ನ ಸೋಂಕಿಗೆ ಒಳಗಾಗುವ ಸಾಧ್ಯತೆ ಇದೆ ಮತ್ತು ಮನೆಯಲ್ಲಿ ನಿಮ್ಮ ದುರ್ಬಲ ಪ್ರೀತಿಪಾತ್ರರಿಗೆ ನಿಮ್ಮಿಂದ ಈ ಸೋಂಕು ಹರಡಬಹುದು ಎಂದು ನಿಮಗೆ ತಿಳಿದಿರುವುದೇ ಇಲ್ಲ" ಎಂದು ಅವರು ಗಮನಿಸಿದರು.
"ಒಂದು ಸಮುದಾಯವಾಗಿ ನಮ್ಮ ಯೋಗಕ್ಷೇಮ ಮತ್ತು ಆರೋಗ್ಯಕ್ಕಾಗಿ ನಾವೆಲ್ಲರೂ ಪರಸ್ಪರ ಅವಲಂಬಿತರಾಗಿದ್ದೇವೆ" ಎಂದು ಅವರು ವಿವರಿಸಿದರು.
ಕೊನೆಯದಾಗಿ:
COVID-19 ಹರಡುವುದನ್ನು ತಡೆಗಟ್ಟುವಲ್ಲಿ ಮಾಸ್ಕ್ಗಳು ಸಫಲತೆಯಿಂದ ಕಾರ್ಯನಿರ್ವಹಿಸುತ್ತವೆ ಎಂಬುದಕ್ಕೆ ಇಂದು ಸಾಕಷ್ಟು ಸಾಕ್ಷ್ಯಾಧಾರಗಳಿವೆ.
ನಾವು ಮಾತನಾಡುವಾಗ, ಕೆಮ್ಮುವಾಗ ಅಥವಾ ಸೀನುವಾಗ ನಾವು ಹೊರಸೂಸುವ ವೈರಸ್ ಹೊಂದಿರುವ ಹನಿಗಳನ್ನು ಸೆರೆಹಿಡಿಯುವ ಮೂಲಕ ಮಾಸ್ಕ್ಗಳು ಅತ್ಯಂತ ಸರಳ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತವೆ.
ಮಾಸ್ಕ್ಗಳ ಹಿಂದಿನ ತತ್ವವು ಸರಳವಾದರೂ, ಅವು ರೋಗವನ್ನು ಹರಡುವಿಕೆಯಿಂದ ತಪ್ಪಿಸಲು ಒಂದು ಪ್ರಮುಖ ಭಾಗವಾಗಿದೆ.
ನಾವೆಲ್ಲರೂ ಸಹಕರಿಸಿದಾಗ ಮತ್ತು ಹೊರಗೆ ಹೋಗುವಾಗ ಸದಾ ಮಾಸ್ಕ್ ಧರಿಸಿದಾಗ ಮಾತ್ರವೇ ಈ ಸೋಂಕಿಗೆ ಒಳಗಾಗದೇ ಇರಲು ಸಾಧ್ಯವಾಗುತ್ತದೆ ಎಂದು ಅವರು ವಿವರಿಸಿದರು.