ದುಃಖ ಮತ್ತು ಖಿನ್ನತೆಯ ನಡುವಿನ ಪ್ರಮುಖ ವ್ಯತ್ಯಾಸ ತಿಳಿಯುವುದು ಹೇಗೆ?

ಖಿನ್ನತೆ ಎಂದರೇನು?

ಖಿನ್ನತೆಯು ಒಂದು ರೀತಿಯ ಮಾನಸಿಕ ಅಸ್ವಸ್ಥತೆಯಾಗಿದೆ, ಇದು ದುಃಖಕ್ಕಿಂತ ಭಿನ್ನವಾದ ಭಾವನೆಯಾಗಿದೆ. ದುಃಖದ ಭಾವನೆಯು ತಮ್ಮನ್ನು ಸಂಪೂರ್ಣವಾಗಿ ಆವರಿಸುವವರೆಗೂ ಅನೇಕ ಜನರು ತಮ್ಮ ಖಿನ್ನತೆಯನ್ನು ಅರಿತುಕೊಳ್ಳುವುದಿಲ್ಲ.

ಖಿನ್ನತೆಯು ದೀರ್ಘಕಾಲದವರೆಗೆ ಇರುತ್ತದೆ ಮತ್ತು ವ್ಯಕ್ತಿಯ ದಿನನಿತ್ಯದ ಜೀವನದ ಮೇಲೆ ಪರಿಣಾಮ ಬೀರುತ್ತದೆ. ಖಿನ್ನತೆಯು ನಿರಂತರ ದುಃಖದಿಂದ ಮಾತ್ರವಲ್ಲದೆ ಪ್ರೇರಣೆಯ ಕೊರತೆ, ಆಹಾರ ಪದ್ಧತಿಯಲ್ಲಿ ಬದಲಾವಣೆ, ನಿದ್ರೆಯ ತೊಂದರೆಗಳು, ಉದ್ವೇಗ, ಕಿರಿಕಿರಿ, ತೂಕದಲ್ಲಿ ಇಳಿಕೆ, ನಿರ್ಧಾರ ತೆಗೆದುಕೊಳ್ಳುವಲ್ಲಿ ತೊಂದರೆ, ಉತ್ಸಾಹ ಕಳೆದುಕೊಳ್ಳುವುದು, ಆಸಕ್ತಿ ಕಳೆದುಕೊಳ್ಳುವುದು ಮುಂತಾದ ಇತರ ಚಿಹ್ನೆಗಳೊಂದಿಗೆ ಪ್ರಕಟಗೊಳ್ಳುತ್ತದೆ.

ತೀವ್ರ ತಲೆನೋವು ಮತ್ತು ಆಯಾಸ, ನಿಷ್ಪ್ರಯೋಜಕತೆಯ ಭಾವನೆ, ಏಕಾಗ್ರತೆಯ ತೊಂದರೆಗಳು ಮತ್ತು ನಿರಂತರ ಆತ್ಮಹತ್ಯಾ ಆಲೋಚನೆಗಳೂ ಖಿನ್ನತೆಯ ಪರಿಣಾಮದಿಂದಲೇ ಎದುರಾಗುತ್ತವೆ.

ಖಿನ್ನತೆಗೆ ಕಾರಣವೇನು?

ಖಿನ್ನತೆಯ ಸ್ಥಿತಿ ಪ್ರೀತಿಪಾತ್ರರ ಸಾವು, ಆರ್ಥಿಕ ಬಿಕ್ಕಟ್ಟು ಅಥವಾ ಸಂಬಂಧದ ಸಮಸ್ಯೆಗಳಂತಹ ಅಪಾರ ದುಃಖದ ಕ್ಷಣಗಳೊಂದಿಗೂ ಎದುರಾಗಬಹುದು, ಆದರೆ ಇದು ಆ ವ್ಯಕ್ತಿಯೊಂದಿಗೆ ಸಾರ್ವಕಾಲಿಕ ಮತ್ತು ಪ್ರತಿಯೊಂದು ಪರಿಸ್ಥಿತಿಯಲ್ಲೂ ಇರುತ್ತದೆ.

ಅಲ್ಲದೆ, ಖಿನ್ನತೆಯಿಂದ ಬಳಲುತ್ತಿರುವ ಜನರು ಆಗಾಗ್ಗೆ ತಮ್ಮ ಭಾವನೆ ಮತ್ತು ಭಾವನೆಗಳ ನಿಯಂತ್ರಣವನ್ನು ಕಳೆದುಕೊಳ್ಳುತ್ತಾರೆ, ಮತ್ತು ಪ್ರೀತಿಪಾತ್ರರ ಜೊತೆ ಅಳುವುದು ಮತ್ತು ಮಾತನಾಡಿದ ನಂತರವೂ ಅವರು ತಮ್ಮ ಸಾಮಾನ್ಯ ಜೀವನಕ್ಕೆ ಮರಳಲು ಹೆಣಗಾಡುತ್ತಾರೆ.

ಖಿನ್ನತೆ ಪತ್ತೆ ಹೇಗೆ?

ಖಿನ್ನತೆಯನ್ನು ಡಯಾಗ್ನೋಸ್ಟಿಕ್ ಮತ್ತು ಸ್ಟ್ಯಾಟಿಸ್ಟಿಕಲ್ ಮ್ಯಾನ್ಯುಯಲ್ ಆಫ್ ಮೆಂಟಲ್ ಡಿಸಾರ್ಡರ್ಸ್ Diagnostic and Statistical Manual of Mental Disorders (DSM-IV) ಎಂಬ ಗುಂಪು ಪತ್ತೆ ಮಾಡುತ್ತದೆ, ಇದು ಮಾನಸಿಕ ಅಸ್ವಸ್ಥತೆಯನ್ನು ಪತ್ತೆಹಚ್ಚಲು ವೈದ್ಯಕೀಯ ವೃತ್ತಿಪರರು ಬಳಸುವ ಮಾನದಂಡಗಳ ಪ್ರಮಾಣಿತ ಗುಂಪಾಗಿದೆ. ತ

ಜ್ಞರ ಪ್ರಕಾರ, ಒಬ್ಬ ವ್ಯಕ್ತಿಯು ಎರಡು ವಾರಗಳಿಗಿಂತ ಹೆಚ್ಚು ಕಾಲ ದುಃಖಿತನಾಗಿದ್ದರೆ, ಇದು ಖಿನ್ನತೆಯ ಅಸ್ವಸ್ಥತೆಯ ಸಂಕೇತವಾಗಿದೆ ಮತ್ತು ನೇರಸಂವಾದ ಅಥವಾ ಔಷಧಿಗಳಿಗಾಗಿ ವ್ಯಕ್ತಿಯು ಶೀಘ್ರದಲ್ಲೇ ವೈದ್ಯಕೀಯ ತಜ್ಞರನ್ನು ಸಂಪರ್ಕಿಸಬೇಕು.

ಅಂತಿಮ ತೀರ್ಮಾನ:

ದುಃಖವು ಒಂದು ಅಮೂರ್ತ ಭಾವನೆಯಾಗಿದ್ದು, ಖಿನ್ನತೆಯು ಅದರ ತೀವ್ರತೆಯಿಂದಾಗಿ ವ್ಯಕ್ತಿನಿಷ್ಠವಾಗಿರುತ್ತದೆ. ನೀವು ಯಾವುದಾದರ ಬಗ್ಗೆ ದುಃಖಿಸುತ್ತಿದ್ದರೆ ಪರವಾಗಿಲ್ಲ ಆದರೆ ಖಿನ್ನತೆಯ ಚಿಹ್ನೆಗಳಲ್ಲಿ ಯಾವೊಂದು ಲಕ್ಷಣವೂ ಕಂಡುಬಂದರೆ ಇದನ್ನು ನಿರ್ಲಕ್ಷಿಸಬೇಡಿ.

ಆರಂಭಿಕ ಚಿಕಿತ್ಸೆಯು ನಿಮ್ಮ ಸಮಸ್ಯೆಯಿಂದ ಶೀಘ್ರದಲ್ಲೇ ಹೊರಬರಲು ಮತ್ತು ನಿಮ್ಮ ಜೀವನದ ಗುಣಮಟ್ಟವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.