ಕೋವಿಡ್‌ 19ಗೆ ಆ್ಯಂಟಿಬಯೋಟಿಕ್ ಸೇವಿಸಿದರೆ ಜನನೇಂದ್ರೀಯ ಸೋಂಕು ಉಂಟಾಗುವುದೇಕೆ? ಪರಿಹಾರವೇನು?

ಒಮಿಕ್ರಾನ್‌ ಮೈಲ್ಡ್‌ ಎನ್ನುತ್ತಿದ್ದರೂ ಕಂಡು ಬರುತ್ತಿದೆ ತುಂಬಾ ಸುಸ್ತು

ಒಮಿಕ್ರಾನ್‌ ತುಂಬಾ ಮೈಲ್ಡ್ ಎಂದು ಹೇಳುತ್ತಿದ್ದರೂ ಒಮಿಕ್ರಾನ್‌ ಬಂದವರಲ್ಲಿ ತುಂಬಾ ಸುಸ್ತು, ಜ್ವರದ ಜೊತೆಗೆ ತುಂಬಾ ಮೈಕೈ ನೋವು, ತಲೆಸುತ್ತು ಕಂಡು ಬರುತ್ತಿದೆ. ಈ ಲಕ್ಷಣಗಳು ಕಡಿಮೆಯಾಗಬೇಕೆಂದರೆ ಆ್ಯಂಟಿಬಯೋಟಿಕ್‌ ತೆಗೆದುಕೊಳ್ಳಲೇಬೇಕು. ಆದರೆ ಹೀಗೆ ಆ್ಯಂಟಿಬಯೋಟಿಕ್ ತೆಗೆದುಕೊಂಡಾಗ ಕೋವಿಡ್ 19 ಲಕ್ಷಣಗಳು ಕಡಿಮೆಯಾದರು ಜನನೇಂದ್ರೀಯದ ಸೋಂಕು ಕಂಡು ಬರುತ್ತಿದೆ.

ಆ್ಯಂಟಿಬಯೋಟಿಕ್ ತೆಗೆದುಕೊಂಡಾಗ ಜನನೇಂದ್ರೀಯದ ಸೋಂಕು ಉಂಟಾಗುತ್ತಿರುವುದು ಏಕೆ?

ಆ್ಯಂಟಿಬಯೋಟಿಕ್ ತೆಗೆದುಕೊಂಡಾಗ ಅದರ ಅಡ್ಡಪರಿಣಾಮ ಇದ್ದೇ ಇರುತ್ತದೆ. ಕರುಳಿನಲ್ಲಿರುವ ಬ್ಯಾಕ್ಟಿರಿಯಾಗಳನ್ನು ಕೊಲ್ಲುತ್ತದೆ. ಹೀಗೆ ಆ್ಯಂಟಿಬಯೋಟಿಕ್ ಬ್ಯಾಕ್ಟಿರಿಯಾಗಳನ್ನು ಕೊಲ್ಲುವಾಗ ಕೆಟ್ಟ ಬ್ಯಾಕ್ಟಿರಿಯಾ ಜೊತೆಗೆ ಒಳ್ಳೆಯ ಬ್ಯಾಕ್ಟಿರಿಯಾಗಳನ್ನೂ ಕೊಲ್ಲುತ್ತದೆ. ಇದರಿಂದ ವಾಂತಿ, ತಲೆಸುತ್ತು ಈ ರೀತಿಯ ಅಡ್ಡಪರಿಣಾಮಗಳು ಕಂಡು ಬರುವುದು. ಅಲ್ಲದೆ ರೋಗ ನಿರೋಧಕ ಶಕ್ತಿಯನ್ನೂ ಕಡಿಮೆ ಮಾಡುತ್ತದೆ.

ಆ್ಯಂಟಿಬಯೋಟಿಕ್ ಜನನೇಂದ್ರೀಯದಲ್ಲಿರುವ ಕೆಟ್ಟ ಹಾಗೂ ಒಳ್ಳೆಯ ಬ್ಯಾಕ್ಟಿರಿಯಾಗಳನ್ನು ಕೊಲ್ಲುತ್ತದೆ, ಇದರಿಂದಾಗಿ ಜನನೇಂದ್ರೀಯದಲ್ಲಿ ಸೋಂಕು ಉಂಟಾಗುವುದು. ಆ್ಯಂಟಿಬಯೋಟಿಕ್ ಜನನೇಂದ್ರೀಯದ pH ಸಮತೋಲನದ ಮೇಲೆ ಪರಿಣಾಮ ಬೀರುತ್ತದೆ, ಇದರಿಂದಾಗಿ ಜನನೇಂದ್ರೀಯದ ಸೋಂಕು ಉಂಟಾಗುವುದು.

ಜನನೇಂದ್ರೀಯದ ಸೋಂಕಿನ ಲಕ್ಷಣಗಳು

* ಜನನೇಂದ್ರೀಯದ ಸುತ್ತ ಉರಿ ಕಂಡು ಬರುವುದು

* ಬಿಳಿ ಮತ್ತು ವಾಸನೆ ರಹಿತ ಬಿಳುಪು ಹೋಗುವುದು

* ಸೆಕ್ಸ್ ಸಮಯದಲ್ಲಿ ನೋವುಂಟಾಗುವುದು

* ಮೂತ್ರವಿಸರ್ಜನೆ ಸಮಯದಲ್ಲಿ ನೋವುಂಟಾಗುವುದು

* ಬಿಳುಪು ಹೋಗುವುದು ಹೆಚ್ಚುವುದು.

ಜನನೇಂದ್ರೀಯದ ಸೋಂಕು ಕಂಡು ಬಂದಾಗ ಏನು ಮಾಡಬೇಕು?

* ವೈದ್ಯರನ್ನು ಕಂಡು ಚಿಕಿತ್ಸೆ ಪಡೆಯಿರಿ

* ಜೀರಿಗೆ ನೀರು ಮಾಡಿ ಕುಡಿಯಿರಿ

* ಎಳನೀರು ಕುಡಿಯಿರಿ

* ಗಂಜಿ ನೀರು ಕೂಡ ಒಳ್ಳೆಯದು