ಎರಡೇ ವಾರದಲ್ಲಿ ಹೊಟ್ಟೆಯ ಬೊಜ್ಜು ಕರಗಿಸುವ ಪಾನೀಯಗಳು

ಪಾನೀಯ-1

ಅಗತ್ಯವಿರುವ ಸಾಮಾಗ್ರಿಗಳು:

ಒಂದು ಎಳೆ ಸೌತೆ

ಎರಡು ಲಿಂಬೆಹಣ್ಣು

ಕೆಲವು ಪುದೀನಾ ಎಲೆಗಳು

ಎರಡು ದೊಡ್ಡ ಚಮಚದಷ್ಟು ಚಿಕ್ಕದಾಗಿ ತುರಿದ ಹಸಿಶುಂಠಿ

ನೀರು

ತಯಾರಿಸುವ ವಿಧಾನ

ಮೊದಲು ಸೌತೆಕಾಯಿಯನ್ನು ಮಿಕ್ಸಿಯಲ್ಲಿ ಹಾಕಿ ಇದಕ್ಕೆ ಲಿಂಬೆರಸ ಸೇರಿಸಿ ಚೆನ್ನಾಗಿ ಗೊಟಾಯಿಸಿ.

ಬಳಿಕ ಪುದೀನಾ ಮತ್ತು ಶುಂಠಿಗಳನ್ನು ಸೇರಿಸಿ ಇನ್ನಷ್ಟು ಗೊಟಾಯಿಸಿ. ನಿಮಗೆ ಅಗತ್ಯವೆನಿಸಿದಷ್ಟು ನೀರು ಬೆರೆಸಿ.

ಈ ಪಾನೀಯವನ್ನು ನಿತ್ಯವೂ ಬೆಳಗ್ಗಿನ ಪ್ರಥಮ ಆಹಾರವಾಗಿ ಸತತವಾಗಿ ಹದಿನೈದು ದಿನ ಕಾಲ ಸೇವಿಸಿ.

ಪಾನೀಯ 2

ಬೆಳ್ಳುಳ್ಳಿ - ಮೂರು ಎಸಳು

ಒಂದು ದೊಡ್ಡ ಚಮಚ ಜೇನು

ಒಂದು ಲಿಂಬೆಹಣ್ಣು

ಉಗುರುಬೆಚ್ಚನೆಯ ನೀರು

ತಯಾರಿಕಾ ವಿಧಾನ

*ಉಗುರುಬೆಚ್ಚನೆಯ ನೀರಿಗೆ ಲಿಂಬೆರಸ ಮತ್ತು ಜೇನು ಬೆರೆಸಿ. ಬೆಳಗ್ಗಿನ ಹೊತ್ತಿನಲ್ಲಿ ಬೆಳ್ಳುಳ್ಳಿಯ ಸಿಪ್ಪೆಯನ್ನು ಸುಲಿದು ಹಸಿಯಾಗಿ ಜಗಿಯಿರಿ, ಆದರೆ ನುಂಗಬೇಡಿ. *ಬದಲಿಗೆ ಈ ನೀರನ್ನು ಕುಡಿಯುವಾಗ ಜಗಿದಿದ್ದ ಬೆಳ್ಳುಳ್ಳಿಯೂ ಹೊಟ್ಟೆಗೆ ಹೋಗುವಂತೆ ಮಾಡಿ.

*ಒಂದು ವೇಳೆ ನಿಮಗೆ ಬೆಳ್ಳುಳ್ಳಿಯ ರುಚಿ ಹಿಡಿಸದೇ ಇದ್ದರೆ ಇದನ್ನು ಮಿಕ್ಸಿಯಲ್ಲಿ ಈ ನೀರನ್ನು ಹಾಕಿ ಗೊಟಾಯಿಸಿ ಕುಡಿಯಿರಿ.

ಪಾನೀಯ 3

ಮೂಲಂಗಿ ನೂರು ಗ್ರಾಂ

ಕೊಂಚ ಹಸಿಶುಂಠಿ

ಮೂರು ಲಿಂಬೆಹಣ್ಣು

ನಾಲ್ಕು ದೊಡ್ಡ ಚಮಚ ಜೇನು

ಎರಡು ಚಿಕ್ಕ ಚಮಚ ದಾಲ್ಚಿನ್ನಿ ಪುಡಿ

ತಯಾರಿಕಾ ವಿಧಾನ

*ಮೂಲಂಗಿ ಮತ್ತು ಶುಂಠಿಯನ್ನು ನುಣ್ಣಗೆ ರುಬ್ಬಿ.

*ಇದಕ್ಕೆ ಜೇನು, ಲಿಂಬೆರಸ, ದಾಲ್ಚಿನ್ನಿ ಪುಡಿ ಸೇರಿಸಿ ನಿಮಗೆ ಅಗತ್ಯವೆನಿಸಿದಷ್ಟು ನೀರನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

*ಈ ಪಾನೀಯವನ್ನು ಪ್ರತಿದಿನ ಬೆಳಗ್ಗಿನ ಪ್ರಥಮ ಆಹಾರವಾಗಿ ಸೇವಿಸಿ.

ಪಾನೀಯ 4: ಲೋಳೆಸರ+ಜೇನು

*ಹೊಟ್ಟೆಯ ಕೊಬ್ಬು ಕರಗಿಸಲು ಲೋಳೆಸರ ಉತ್ತಮ ಆಯ್ಕೆಯಾಗಿದೆ. ಅಲ್ಲದೇ ಇದು ಕರುಳುಗಳಲ್ಲಿನ ಕಲ್ಮಶಗಳನ್ನು ನಿವಾರಿಸುವ ಮೂಲಕ ಹೊಟ್ಟೆಯುಬ್ಬರಿಕೆಯನ್ನೂ ನಿವಾರಿಸುತ್ತದೆ.

*ಎರಡು ದೊಡ್ಡ ಚಮಚ ಲೋಳೆಸರದ ತಿರುಳನ್ನು ಹಿಂಡಿ ತೆಗೆದ ರಸ, ಒಂದು ದೊಡ್ಡ ಚಮಚ ಜೇನು ಹಾಗೂ ನಿಮಗೆ ಅಗತ್ಯವಿನಿಸಿದಷ್ಟು ನೀರನ್ನು ಬೆರೆಸಿ ಪ್ರತಿದಿನ ಬೆಳಗ್ಗಿನ ಪ್ರಥಮ ಆಹಾರವಾಗಿ ಸೇವಿಸಿ, ಒಂದು ಗಂಟೆಯ ಬಳಿಕ ಉಪಾಹಾರ ಸೇವಿಸಿ.

ಪಾನೀಯ 5: ಸೇಬಿನ ಶಿರ್ಕಾ

ಒಂದು ದೊಡ್ಡ ಲೋಟ ತಣ್ಣೀರಿಗೆ ಎರಡು ದೊಡ್ಡ ಚಮಚ ಸೇಬಿನ ಶಿರ್ಕಾ, ಒಂದು ಮಧ್ಯಮ ಗಾತ್ರದ ಲಿಂಬೆಯ ರಸ, ಚಿಟಿಕೆಯಷ್ಟು ದಾಲ್ಚಿನ್ನಿ ಪುಡಿ ಹಾಗೂ ಕೊಂಚ ಜೇನು ಸೇರಿಸಿ ಮಿಶ್ರಣ ಮಾಡಿ. ಈ ಪಾನೀಯವನ್ನು ಪ್ರತಿದಿನ ಬೆಳಗ್ಗಿನ ಪ್ರಥಮ ಆಹಾರವಾಗಿ ಸೇವಿಸಿ, ಒಂದು ಗಂಟೆಯ ಬಳಿಕ ಉಪಾಹಾರ ಸೇವಿಸಿ. ಇದು ತೂಕ ಇಳಿಸಲು ಹಾಗೂ ಹೊಟ್ಟೆಯ ಕೊಬ್ಬು ಕರಗಲು ಉತ್ತಮವಾಗಿದೆ.