ರಂಜಾನ್ ಉಪವಾಸ: ಪ್ರತಿನಿತ್ಯದ ಆಹಾರ ಕ್ರಮ ಹೀಗಿರಲಿ...

ತರಕಾರಿಗಳನ್ನು ಬಳಸಿ

ತರಕಾರಿಯಲ್ಲಿ ಹಲವಾರು ರೀತಿಯ ನಾರಿನಾಂಶಗಳಿವೆ. ಇದು ತುಂಬಾ ಆರೋಗ್ಯಕಾರಿ. ಬೀನ್ಸ್, ಬೀಜಗಳು ಮತ್ತು ಗಜ್ಜರಿ ರಂಜಾನ್ ಸಮಯದಲ್ಲಿ ನಿಮ್ಮ ಆಹಾರದಲ್ಲಿ ಅಳವಡಿಸಿಕೊಳ್ಳಿ. ಇದು ನಿಮ್ಮ ಮಲವನ್ನು ಮೃಧುವಾಗಿಸಿ ಸುಲಭವಾಗಿ ಹೊರಹೋಗಲು ನೆರವಾಗುವುದು.

ಹಣ್ಣುಗಳನ್ನು ಬಳಸಿ

ಸೇಬು, ಬಾಳೆಹಣ್ಣು, ಪಪ್ಪಾಯಿ, ಫ್ಯಾಷನ್ ಫ್ರೂಟ್, ಅವಕೋಡ್ ಇತ್ಯಾದಿ ಹಣ್ಣುಗಳನ್ನು ಬಳಸಿ. ಇದರಲ್ಲಿ ನಾರಿನಾಂಶ ಅಧಿಕಾಗಿದೆ. ಇದನ್ನು ಸುಹೂರ್ ವೇಳೆ ತಿನ್ನಿ. ಇದು ದೇಹಕ್ಕೆ ಬೇಕಿರುವ ನೀರಿನಾಂಶವನ್ನು ಒದಗಿಸುತ್ತದೆ.

ಧಾನ್ಯ ಹಾಗೂ ದ್ವಿದಳ ಧಾನ್ಯಗಳನ್ನು ತಿನ್ನಿ

ತುಂಬಾ ನಿಧಾನವಾಗಿ ಜೀರ್ಣವಾಗುವಂತಹ ಓಟ್ಸ್, ಪಲ್ಸ್, ಗೋಧಿ, ಫ್ಲೆಕ್ಸ್ ಬೀಜ ಇತ್ಯಾದಿಗಳನ್ನು ಬಳಸಿ. ಇವುಗಳನ್ನು ನೀವು ಆಹಾರದಲ್ಲಿ ಅಳವಡಿಸಿದರೆ ರಂಜಾನ್ ತಿಂಗಳಲ್ಲಿ ಆಗುವಂತಹ ಮಲಬದ್ಧತೆ ನಿವಾರಣೆಯಾಗುವುದು.

ಕೊಬ್ಬು ಕಡಿಮೆಯಿರುವ ಆಹಾರ

ಚರ್ಮ ರಹಿತ ಕೋಳಿ, ಮೀನು ಇತ್ಯಾದಿಗಳಲ್ಲಿ ಕೊಬ್ಬು ತುಂಬಾ ಕಡಿಮೆ ಇರುತ್ತದೆ ಮತ್ತು ಇದೇ ವೇಳೆ ಪ್ರೋಟೀನ್ ಅಧಿಕವಾಗಿರುತ್ತದೆ. ಇದರಿಂದ ರಂಜಾನ್ ಉಪವಾಸದ ವೇಳೆ ನಿಮ್ಮ ಪ್ರತಿರೋಧಕ ಶಕ್ತಿ ಬಲಗೊಳ್ಳುತ್ತದೆ. ಉಪವಾಸದ ವೇಳೆ ಮಲಬದ್ಧತೆಯನ್ನು ದೂರವಿರಿಸಲು ಉಪವಾಸಕ್ಕೆ ಮೊದಲು ಮತ್ತು ಬಳಿಕ ಸಾಕಷ್ಟು ನೀರು ಕುಡಿಯಿರಿ.

ಜೈವಿಕ ಆಹಾರ ಅಳವಡಿಸಿ

ಜೈವಿಕ ಆಹಾರವಾಗಿರುವ ಮೊಸರನ್ನು ಆಹಾರದಲ್ಲಿ ಅಳವಡಿಸಿ. ರಂಜಾನ್ ಉಪವಾಸದ ವೇಳೆ ಕಡಿಮೆ ಕ್ಯಾಲರಿ ಇರುವ ಆಹಾರಗಳನ್ನು ಸೇವಿಸುವುದರಿಂದ ಉಂಟಾಗುವ ಮಲಬದ್ಧತೆಯನ್ನು ನಿವಾರಿಸಲು ಮೊಸರನ್ನು ಅಧಿಕವಾಗಿ ಸೇವಿಸಿ.

ಜ್ಯೂಸ್ ಹಾಗೂ ನೀರು

ನೀರನ್ನು ಹೊರತುಪಡಿಸಿ ತಾಜಾ ಹಣ್ಣುಗಳ ಜ್ಯೂಸ್ ನ್ನು ರಂಜಾನ್ ಉಪವಾಸದ ಆಹಾರದಲ್ಲಿ ಅಳವಡಿಸುವುದರಿಂದ ಮಲಬದ್ಧತೆ ಸಮಸ್ಯೆ ದೂರವಾಗಬಹುದು. ಸೀಯಾಳ, ಕಿತ್ತಳೆ, ಅನಾನಸು ಮತ್ತು ದ್ರಾಕ್ಷಿ ಜ್ಯೂಸ್ ನ್ನು ಕುಡಿಯುವುದರಿಂದ ನಿರ್ಜಲೀಕರಣ ದೂರವಿಡಬಹುದು.

ಖರ್ಜೂರ

ರಂಜಾನ್ ಉಪವಾಸದ ಆಹಾರ ಕ್ರಮದಲ್ಲಿ ಖರ್ಜೂರವನ್ನು ಬಳಸಿಕೊಳ್ಳಿ. ಕರ್ಜೂರದಲ್ಲಿ ನಾರಿನಾಂಶ, ಕಾರ್ಬೋಹೈಡ್ರೆಟ್ಸ್, ಪೊಟಾಶಿಯಂ, ಮೆಗ್ನಿಶಿಯಂ ಮತ್ತು ಸಕ್ಕರೆಯಂಶ ಹೆಚ್ಚಿದೆ. ಇದು ಸಕ್ಕರೆ ಮಟ್ಟವನ್ನು ನಿಯಂತ್ರದಲ್ಲಿಟ್ಟು ನಿಶಕ್ತಿಯನ್ನು ದೂರವಿಡುತ್ತದೆ.

ಬಾದಾಮಿ

ಇತರ ಎಲ್ಲಾ ಒಣ ಹಣ್ಣುಗಳಿಗಿಂತ ಬಾದಾಮಿಯನ್ನು ರಂಜಾನ್ ಉಪವಾಸದ ವೇಳೆ ಬಳಸಿದರೆ ಅದು ಅತೀ ಹೆಚ್ಚು ಉಪಯೋಗಕಾರಿ. ಬಾದಾಮಿಯಲ್ಲಿ ಹೆಚ್ಚಿನ ಮಟ್ಟದ ಪ್ರೋಟೀನ್ ಮತ್ತು ನಾರಿನಾಂಶವಿದೆ ಮತ್ತು ಇದರಲ್ಲಿ ಕೊಬ್ಬಿನ ಅಂಶ ಕಡಿಮೆಯಿದೆ.