ಗರ್ಭನಿರೋಧಕ ಮಾತ್ರೆ-ಅಪಾಯ ಕಟ್ಟಿಟ್ಟ ಬುತ್ತಿ..!

ಪಾರ್ಶ್ವವಾಯುವಿನ ಸಾಧ್ಯತೆ

ಅತಿ ಹೆಚ್ಚು ಗರ್ಭನಿರೋಧಕ ಗುಳಿಗೆಗಳನ್ನು ಸೇವಿಸಿದ ಮಹಿಳೆಯರಲ್ಲಿ ಈ ಗುಳಿಗೆಗಳು ಹಾರ್ಮೋನುಗಳ ಸ್ರವಿಕೆಯ ಪ್ರಮಾಣವನ್ನು ವಿಪರೀತವಾಗಿ ಏರುಪೇರು ಮಾಡುವುದರಿಂದ ಇದರ ಪರಿಣಾಮವಾಗಿ ರಕ್ತ ಹೆಪ್ಪುಗಟ್ಟುವ ಸಾಧ್ಯತೆ ಹೆಚ್ಚುತ್ತದೆ. ಇದು ಪ್ರತ್ಯಕ್ಷವಾಗಿ ಪಾರ್ಶ್ವವಾಯುವಿಗೆ ಕಾರಣವಾಗಬಹುದು. ಅದರಲ್ಲೂ ಕುಟುಂಬದಲ್ಲಿ ರಕ್ತಪರಿಚಲನೆಯ ತೊಂದರೆಯ ಆನುವಂಶೀಯ ಕಾರಣ ಇರುವ ಮಹಿಳೆಯರಲ್ಲಿ ಸಂಭವಿಸುವ ಸಾಧ್ಯತೆ ಅತಿ ಹೆಚ್ಚು.

ಹೃದಯ ಸ್ತಂಭನದ ಸಾಧ್ಯತೆ

ಒಂದು ಸಮೀಕ್ಷೆಯ ಪ್ರಕಾರ ಗರ್ಭ ನಿರೋಧಕ ಗುಳಿಗೆಗಳನ್ನು ಸೇವಿಸುವ ಮಹಿಳೆಯರು ಇತರರಿಗಿಂತ ಹೃದಯಾಘಾತಕ್ಕೆ ಒಳಗಾಗುವ ಸಾಧ್ಯತೆ ಹೊಂದಿರುತ್ತಾರೆ. ಆದ್ದರಿಂದ ಗರ್ಭನಿರೋಧಕ ಗುಳಿಗೆಗಳನ್ನು ಸೇವಿಸುತ್ತಾ ಬಂದಿರುವ ಮಹಿಳೆಯರಿಗೆ ಹೃದಯ ಸಂಬಂಧಿ ಕಾಯಿಲೆಗಳು ಮತ್ತು ಹೃದಯಸ್ತಂಭನದ ಸಾಧ್ಯತೆ ಹೆಚ್ಚು.

ಬಿಳಿಸೆರಗು

ಸಾಮಾನ್ಯವಾಗಿ ಗರ್ಭನಿರೋಧಕ ಗುಳಿಗೆಗಳನ್ನು ಸೇವಿಸುತ್ತಾ ಬಂದಿರುವ ಮಹಿಳೆಯರಲ್ಲಿ ಇದು ಸಾಮಾನ್ಯವಾದ ತೊಂದರೆಯಾದರೂ ಅತಿಹೆಚ್ಚು ಬಳಸುವವರಲ್ಲಿ ರಕ್ತಸ್ರಾವವೂ ಕಂಡುಬರುತ್ತದೆ. ಏಕೆಂದರೆ ಇದು ಸೂಕ್ಷ್ಮಾಂಗಗಳ ರಕ್ತನಾಳಗಳನ್ನು ಇನ್ನಷ್ಟು ಶಿಥಿಲಗೊಳಿಸಿ ಘಾಸಿಗೊಳಿಸಲು ಸಾಧ್ಯವಾಗುತ್ತದೆ. ಅದರಲ್ಲೂ ರಕ್ತದ ಗಾಢತೆಯನ್ನು ಕಡಿಮೆಗೊಳಿಸಲು ಚಿಕಿತ್ಸೆ ಪಡೆಯುತ್ತಿರುವ ಮಹಿಳೆಯರಿಗೆ ಇದು ಮಾರಕವಾಗಿದೆ.

ಚರ್ಮದ ಅಲರ್ಜಿ

ಗರ್ಭನಿರೋಧಕ ಗುಳಿಗೆಗಳ ಒಂದು ಅಡ್ಡಪರಿಣಾಮವೆಂದರೆ ಚರ್ಮದಲ್ಲಿ ಅಲರ್ಜಿಯುಂಟಾಗುವುದು. ಆದರೆ ವಿಪರೀತವಾದ ಸೇವನೆಯಿಂದ ಚರ್ಮ ಊದಿಕೊಳ್ಳುವುದು, ಕೆಂಪಗಾಗುವುದು, ಉರಿ, ಸತತ ತುರಿಕೆ ಮೊದಲಾದ ತೊಂದರೆಗಳನ್ನು ತಂದೊಡ್ಡುತ್ತದೆ.

DVT ಅಥವಾ ರಕ್ತನಾಳಗಳೊಳಗೆ ರಕ್ತ ಹೆಪ್ಪುಗಟ್ಟುವುದು

ನಮ್ಮ ರಕ್ತದ ರಚನೆ ಹೇಗಿರುತ್ತದೆ ಎಂದರೆ ಗಾಳಿಗೆ ಒಡ್ಡಿದೊಡನೆ ಗಟ್ಟಿಯಾಗತೊಡಗುತ್ತಾ ಹೆಚ್ಚಿನ ರಕ್ತಸ್ರಾವವಾಗದಂತೆ ತಡೆಯುತ್ತದೆ. ಇದನ್ನೇ ಹೆಪ್ಪುಗಟ್ಟುವುದು (clotting) ಎಂದು ಕರೆಯುತ್ತಾರೆ. ಆದರೆ ರಕ್ತವೆಂದು ರಕ್ತನಾಳಗಳಲ್ಲಿದ್ದಾಗ ಹೆಪ್ಪುಗಟ್ಟಬಾರದು. ಆದರೆ ಕೆಲವು ಮಹಿಳೆಯರಲ್ಲಿ ಆನುವಂಶೀಯ ಕಾರಣಗಳಿಂದಾಗಿ ನಾಳಗಳೊಳಗೇ ರಕ್ತ ಹೆಪ್ಪುಗಟ್ಟುವ ತೊಂದರೆ ಇರುತ್ತದೆ. ಗರ್ಭನಿರೋಧಕ ಗುಳಿಗೆಗಳು ಈ ತೊಂದರೆಯನ್ನು ಸಾವಿರಾರು ಪಟ್ಟು ಹೆಚ್ಚಿಸುತ್ತವೆ. ಪರಿಣಾಮವಾಗಿ ಹೃದಯ ಸ್ತಂಭನ ಅಥವಾ ಪಾರ್ಶ್ವವಾಯು ಎದುರಾಗುವ ಸಂಭವ ಹೆಚ್ಚುತ್ತದೆ.

ಮೂತ್ರಪಿಂಡಗಳಲ್ಲಿ ಕಲ್ಲು

ಗರ್ಭನಿರೋಧಕಗಳ ಸೇವನೆಯಿಂದ ಮೂತ್ರಪಿಂಡಗಳಲ್ಲಿ ಕಲ್ಲುಂಟಾಗುವ ಸಾಧ್ಯತೆ ಹೆಚ್ಚುತ್ತದೆ. ಆದ್ದರಿಂದ ಗರ್ಭ ನಿರೋಧಕ ಗುಳಿಗೆಗಳ ಸೇವನೆಯ ಬಳಿಕ ಸಾಕಷ್ಟು ನೀರು ಕುಡಿಯುವ ಮೂಲಕ ಈ ತೊಂದರೆಯ ಸಂಭವವನ್ನು ಸಾಕಷ್ಟು ಕಡಿಮೆಗೊಳಿಸಬಹುದು.

ಖಿನ್ನತೆಯುಂಟು ಮಾಡುತ್ತದೆ

ಕೆಲವು ಸಂದರ್ಭಗಳಲ್ಲಿ ಗರ್ಭನಿರೋಧಕದ ಸೇವನೆ ಖಿನ್ನತೆಯನ್ನು ಹೆಚ್ಚಿಸುತ್ತದೆ. ಇದು ಮಾನಸಿಕವಾದ ತೊಂದರೆಯಾಗಿದ್ದು ಬಲವಂತವಾಗಿ ಗರ್ಭನಿರೋಧಕ ಗುಳಿಗೆಗಳನ್ನು ತಿನ್ನಿಸಿದ ಪರಿಣಾಮವಾಗಿ ಖಿನ್ನತೆ ಎದುರಾಗುತ್ತದೆ. ಇದು ಮನೋಭಾವವನ್ನು ಕುಗ್ಗಿಸುತ್ತದೆ ಹಾಗೂ ನರವ್ಯವಸ್ಥೆಯನ್ನೇ ಅಲ್ಲಾಡಿಸುತ್ತದೆ. ಆದ್ದರಿಂದ ಬಲವಂತವಾಗಿ ಗುಳಿಗೆಗಳನ್ನು ತಿನ್ನಿಸುವುದು ಸರ್ವಥಾ ಸಲ್ಲದು.

ಸ್ತನ ಕ್ಯಾನ್ಸರ್ ಎದುರಾಗಬಹುದು

ನಿಯಮಿತವಾಗಿ ಗರ್ಭನಿರೋಧಕಗಳನ್ನು ಬಳಸುತ್ತಾ ಬಂದಿರುವ ಮಹಿಳೆಯರಿಗೆ ಸ್ತನ ಕ್ಯಾನ್ಸರ್ ಬರುವ ಸಾಧ್ಯತೆ 70ಶೇಖಡಾ ಹೆಚ್ಚುತ್ತದೆ. ಏಕೆಂದರೆ ಈ ಮಾತ್ರೆಗಳಲ್ಲಿ ದೇಹದ ಹಾರ್ಮೋನುಗಳನ್ನು ಏರುಪೇರು ಮಾಡುವ ಕ್ಷಮತೆಯಿದ್ದು ಈ ಏರುಪೇರು ಸ್ತನದ ಅಂಗಾಂಶವನ್ನು ಪ್ರಭಾವಗೊಳಿಸಿ ಕ್ಯಾನ್ಸರಿಗೆ ನೇರವಾಗಿ ಕಾರಣವಾಗುತ್ತದೆ.