Just In
Don't Miss
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಸ್ಪಿರಿನ್ ಬಗ್ಗೆ ಈ ಅಂಶಗಳು ತಿಳಿದಿದ್ದರೆ ಒಳ್ಳೆಯದು!
ಸ್ವಲ್ಪ ಮೈಕೈ ನೋವು ಬಂತು ಅಥವಾ ತಲೆ ನೋವು ಕಾಣಿಸಿದರೆ ಸಾಕು ತಕ್ಷಣ ಒಂದು ಆಸ್ಪಿರಿನ್ (Aspirin) ಮಾತ್ರೆ ನುಂಗಿ ಬಿಡುತ್ತೇವೆ. ಆಸ್ಪಿರಿನ್ ನುಂಗಿದ ಸ್ವಲ್ಪ ಕ್ಷಣದಲ್ಲಿಯೇ ನಮ್ಮ ಮೈಕೈ ನೋವು, ತಲೆ ನೋವು ಮಾಯವಾಗಿ ಬಿಡುತ್ತದೆ.
ಈ ಆಸ್ಪಿರಿನ್ ಮಾತ್ರೆಯನ್ನು ಬರೀ ನೋವು ನಿವಾರಕವಾಗಿ ಮಾತ್ರವಲ್ಲ, ಕೆಲವೊಮ್ಮೆ ತುರ್ತು ಚಿಕಿತ್ಸೆಯಲ್ಲೂ ಬಳಸಬಹುದು! ಹೃದಯಾಘಾತವಾದವರಿಗೆ ತುರ್ತು ಚಿಕಿತ್ಸೆ ನೀಡುವಾಗ ಇದನ್ನು ಬಳಸಬಹುದು. ಈ ಮಾತ್ರೆಯಲ್ಲಿ ಆರೋಗ್ಯಕರ ಗುಣವಿದೆ, ಅನಾರೋಗ್ಯಕರ ಗುಣ ಕೂಡ ಇದೆ.
ಆಸ್ಪಿರಿನ್ ಮಾತ್ರೆಯ ಆರೋಗ್ಯಕರ, ಅನಾರೋಗ್ಯಕರ ಗುಣಗಳ ಬಗ್ಗೆ ತಿಳಿಯೋಣ ಬನ್ನಿ:
ತಲೆನೋವಿಗೆ ತಕ್ಷಣ ಪರಿಹಾರ
ತಲೆನೋವು ಬಂದರೆ ಒಂದು ಆಸ್ಪಿರಿನ್ ಮತ್ರೆಯನ್ನು ನುಂಗಿದರೆ ಸಾಕು. ಈ ಮಾತ್ರೆಯಷ್ಟು ಬೇಗನೆ ಯಾವ ಮಾತ್ರೆಯೂ ತಲೆನೋವನ್ನು ಕಡಿಮೆ ಮಾಡುವುದಿಲ್ಲ.
ಹೃದಯಾಘಾತದ ತುರ್ತು ಚಿಕಿತ್ಸೆಗೆ ಒಳ್ಳೆಯದು
ಹೃದಯಾಘಾತ ಉಂಟಾದ ವ್ಯಕ್ತಿಯ ನಾಲಗೆಯ ಕೆಳಗೆ ತಕ್ಷಣ ಒಂದು ಆಸ್ಪಿರಿನ್ ಮಾತ್ರೆ ಇಟ್ಟರೆ ಸಾಕು. ಇದು ಕರಗಿ ಹೆಪ್ಪು ಗಟ್ಟಿದ ರಕ್ತವನ್ನು ಕರಗಿಸುತ್ತದೆ.
ಜ್ವರ
ಜ್ವರ ಬಂದಾಗ ಸುಸ್ತು, ತಲೆನೋವು, ಮೈಕೈ ನೋವು ಉಂಟಾಗುತ್ತದೆ. ಆಗ ಒಂದು ಆಸ್ಪಿರಿನ್ ಮಾತ್ರೆಯನ್ನು ನುಂಗಿದರೆ ಸಾಕು ಈ ಎಲ್ಲಾ ನೋವುಗಳು ಕಡಿಮೆಯಾಗುವುದು.
ಮೊಡವೆಯನ್ನು ಹೋಗಲಾಡಿಸುತ್ತದೆ
ಆಸ್ಪಿರಿನ್ ಮಾತ್ರೆಯನ್ನು ಪುಡಿ ಮಾಡಿ ಅದಕ್ಕೆ ಸ್ವಲ್ಪ ನೀರು ಹಾಕಿ ಪೇಸ್ಟ್ ರೀತಿ ಮಾಡಿ ಮೊಡವೆಯ ಮೇಲೆ ಹಚ್ಚಿದರೆ ಮೊಡವೆ ಕಡಿಮೆಯಾಗುವುದು.
ತಲೆ ಹೊಟ್ಟನ್ನು ಹೋಗಲಾಡಿಸುತ್ತದೆ
ಶ್ಯಾಂಪೂ ಜೊತೆ ಆಸ್ಪಿರಿನ್ ಮಾತ್ರೆಯನ್ನು ಮಿಶ್ರ ಮಾಡಿ ತಲೆಗೆ ಹಚ್ಚಿದರೆ ತಲೆಹೊಟ್ಟು ಸಂಪೂರ್ಣವಾಗಿ ಹೋಗುತ್ತದೆ.
ಲಿವರ್ ಹಾನಿಯಾಗದಂತೆ ತಡೆಯುತ್ತದೆ
ಆಸ್ಪಿರಿನ್ ಮಾತ್ರೆ ಲಿವರ್(ಯಕೃತ್ತ್) ಹಾನಿಯಾಗದಂತೆ ತಡೆಯುತ್ತದೆ ಎಂದು ವೈಜ್ಞಾನಿಕವಾಗಿ ಸಾಬೀತಾಗಿದೆ.
ಕ್ಯಾನ್ಸರ್ ಕಣಗಳ ವಿರುದ್ಧ ಹೋರಾಡುತ್ತದೆ
ಆಸ್ಪಿರಿನ್ ಮಾತ್ರೆಯು ಕ್ಯಾನ್ಸರ್ ಕಣಗಳು ಹೆಚ್ಚಾಗುವುದನ್ನು ತಡೆಯುವ ಸಾಮರ್ಥ್ಯವನ್ನು ಹೊಂದಿದೆ.
ಅಸ್ತಮಾದವರಿಗೆ ಒಳ್ಳೆಯದಲ್ಲ
ಉಸಿರಾಟದ ತೊಂದರೆ ಇರುವವರಿಗೆ, ಅಸ್ತಮಾ ರೋಗಿಗಳಿಗೆ ಆಸ್ಪಿರಿನ್ ಮಾತ್ರೆ ಒಳ್ಳೆಯದಲ್ಲ . ಆಸ್ಪಿರಿನ್ ಮಾತ್ರೆ ಗಂಟಲಿನಲ್ಲಿ ಸ್ನಾಯುಗಳ-ಹಠಾತ್ ಸೆಳೆತ ಉಂಟು ಮಾಡುತ್ತದೆ. ಈ ರೀತಿಯಾದರೆ ಅಸ್ತಮಾ ರೋಗಿಗಳಿಗೆ ಒಳ್ಳೆಯದಲ್ಲ.
ಅಲರ್ಜಿ ಉಂಟಾಗಬಹುದು
ಕೆಲವರಿಗೆ ಆಸ್ಪಿರಿನ್ ಮಾತ್ರೆ ನುಂಗಿದರೆ ಅಲರ್ಜಿ ಉಂಟಾಗುತ್ತದೆ. ಅಲರ್ಜಿ ಉಂಟಾಗುವುದಾದರೆ ಈ ಮಾತ್ರೆ ನುಂಗಬಾರದು.
ರಕ್ತಸ್ರಾವ
ಪ್ರತಿನಿತ್ಯ ಆಸ್ಪಿರಿನ್ ಮಾತ್ರೆ ತೆಗೆದುಕೊಂಡರೆ, ಈ ಮಾತ್ರೆ ರಕ್ತವನ್ನು ತೆಳುವಾಗಿಸುವುದರಿಂದ ಅತೀ ಹೆಚ್ಚು ರಕ್ತಸ್ರಾವ ಉಂಟಾಗುವುದು. ಗಾಯವಾದರೆ ರಕ್ತ ಬೇಗನೆ ಹೆಪ್ಪುಗಟ್ಟದವರು ಈ ಮಾತ್ರೆಯನ್ನು ತೆಗೆದುಕೊಳ್ಳಬಾರದು.
16 ವರ್ಷಕ್ಕಿಂತ ಕೆಳಗಿನ ಮಕ್ಕಳಿಗೆ ಕೊಡಬೇಡಿ
ಚಿಕ್ಕ ಮಕ್ಕಳಿಗೆ ಜ್ವರ ಬಂದಾಗ ವೈದ್ಯರ ಸೂಚಿಸಿದ ಔಷಧಿ ಮಾತ್ರ ಕೊಡಿ. ಆಸ್ಪಿರಿನ್ ಮಾತ್ರೆ ಮಕ್ಕಳ ಲಿವರ್ ಹಾಗೂ ಮೆದುಳಿನ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು.