ನಿದ್ದೆ ಮಾತ್ರೆ ನಿರಂತರ ನುಂಗಿದರೆ ಏನಾಗುತ್ತೆ?

Wellness

oi-Staff

By Super

Updated: Thursday, March 14, 2013, 12:32 [IST]

ನಿದ್ರಾಹೀನತೆಯಿಂದ ಬಳಲುವವರು ನಿದ್ದೆ ಮಾತ್ರೆ ಮೊರೆ ಹೋಗುವುದು ಈಗ ಸಾಮಾನ್ಯವಾಗಿದೆ. ನಿದ್ದೆ ಮಾತ್ರೆ ಸೇವನೆ ಅಭ್ಯಾಸವಾಗಿಯೂ ಅಂಟಿಕೊಳ್ಳುತ್ತೆ. ಆದರೆ ನಿದ್ದೆ ಮಾತ್ರೆಯನ್ನು ನಿರಂತರವಾಗಿ ಸೇವಿಸಿದರೆ ಇನ್ನಿತರರಿಗಿಂತ ಬೇಗ ಸಾಯುವ ಸಾಧ್ಯತೆ ಶೇ 36 ರಷ್ಟು ಹೆಚ್ಚಿರುತ್ತದೆ ಎಂದು ಇತ್ತೀಚಿನ ಅಧ್ಯಯನವೊಂದು ತಿಳಿಸಿದೆ.

ಅಮೆರಿಕದ ಸಂಶೋಧಕರು ನಡೆಸಿದ ಈ ಅಧ್ಯಯನದಲ್ಲಿ ಮನುಷ್ಯರಲ್ಲಿ ನಿದ್ದೆಯನ್ನು ನಿಯಂತ್ರಿಸುವ ಕ್ಯಾಲ್ಸಿಯಂ ಕೈನೇಸ್ ಎಂಬ ಮೆದುಳಿನ ಎಂಝೈಮನ್ನು ಪರಿಶೀಲಿಸಿರುವುದಾಗಿ ಸಂಶೋಧಕ ಫಿಯೋನಾ ಮ್ಯಾಕ್ರಿ ತಿಳಿಸಿದ್ದಾರೆ.

ಇಲಿಯ ಮೇಲೆ ನಡೆಸಿದ ಪ್ರಯೋಗದಿಂದ ಈ ಅಂಶ ತಿಳಿದುಬಂದಿದೆ. ಇಲಿಗೆ ನಿದ್ದೆ ಮಾತ್ರೆ ಕೊಟ್ಟಾಗ ಆ ಮಾತ್ರೆ ಮೆದುಳಿನಲ್ಲಿ ಕೈನೇಸ್ ಎಂಝೈಮಿನ ಕಾರ್ಯವನ್ನು ಸ್ಥಗಿತಗೊಳಿಸಿ ಹೆಚ್ಚು ನಿದ್ದೆ ಬರುವಂತೆ ಮಾಡುತ್ತದೆ, ಇದು ನಿರಂತರವಾದರೆ ಸಂಪೂರ್ಣ ನಿದ್ದೆಗೆ ಜಾರಬೇಕಾಗುತ್ತದೆ ಎಂದು ಸಂಶೋಧನೆ ತಿಳಿಸಿದೆ.

ಕಡಿಮೆ ಮಟ್ಟದಲ್ಲಿ ಈ ಮಾತ್ರೆ ತೆಗೆದುಕೊಂಡರೂ ಕ್ರಮೇಣ ಮೆದುಳಿನ ಮೇಲೆ ಪರಿಣಾಮ ಉಂಟಾಗುತ್ತದೆ ಎಂದು ತಿಳಿಸಿದ್ದಾರೆ. ನಿದ್ರಾಹೀನತೆ ಅನೇಕ ಸಮಸ್ಯೆಗಳಿಗೆ ಆಹ್ವಾನ ನೀಡಬಹುದು. ಆದರೆ ಇದಕ್ಕೆ ಮಾತ್ರೆಗಳ ಮೊರೆಹೋಗುವ ಬದಲು ಯೋಗಾಸನ, ಧ್ಯಾನ, ಒತ್ತಡ ಕಡಿಮೆ ಮಾಡಿಕೊಳ್ಳುವ ವಿಧಾನವನ್ನು ಅನುಸರಿಸಿದರೆ ಒಳ್ಳೆಯದು ಎಂದು ಸಂಶೋಧಕರು ತಿಳಿಸಿದ್ದಾರೆ.

ನಿದ್ರಾಹೀನತೆ ತಡೆಯಲು ನುಂಗುವ ಮಾತ್ರೆಗಳು ತಕ್ಷಣದ ಪರಿಹಾರದಂತೆ ಕಂಡರೂ ಅನೇಕ ಅಡ್ಡ ಪರಿಣಾಮಕ್ಕೆ ಕಾರಣವಾಗುತ್ತದೆ. ಇದರ ದೀರ್ಘಕಾಲಿಕ ಬಳಕೆ ಜೀವಕ್ಕೂ ಮಾರಕವಾಗುತ್ತದೆ ಎಂದು ತಿಳಿಸಿದ್ದಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.