Just In
- 2 hrs ago ಬಾಯಲ್ಲಿ ನೀರು ತರಿಸುವ ಮಸಾಲೆ ಮೊಟ್ಟೆ ಬುರ್ಜಿ ಮಾಡೋದು ಹೇಗೆ.? ತುಂಬಾ ಸಿಂಪಲ್ ರೆಸಿಪಿ
- 15 hrs ago ಪೂರ್ವಜನರಿಗೆ ಗ್ರಹಣಗಳು ಹೇಗೆ ತಿಳಿಯುತ್ತಿತ್ತು..? ಅವರು ಏನೆಲ್ಲಾ ಕಥೆ ನಂಬಿದ್ದರು ಗೊತ್ತೆ.?
- 15 hrs ago ಇವುಗಳಿಂದ ತೊಂದರೆಯಿಲ್ಲ ಅಂದ್ಕೊಳ್ಳುತ್ತೇವೆ, ಆದರೆ ಸಂಸಾರ ಹಾಳುಮಾಡುವ 6 ಸಂಗತಿಗಳಿವು
- 17 hrs ago ನಾರಾಯಣ ಮೂರ್ತಿ 4 ತಿಂಗಳ ಮೊಮ್ಮಗ ಈಗ ₹240 ಕೋಟಿ ಆಸ್ತಿ ಒಡೆಯ..! ಹೇಗೆ ಸಾಧ್ಯ..?
Don't Miss
- News ಕನಕಪುರಕ್ಕೆ ಕಾಲಿಡಲು ಭಯ; ಕೋರ್ಟ್ಗೆ ಯತ್ನಾಳ್ ಹೇಳಿಕೆ!
- Finance ತನ್ನ 4 ವರ್ಷದ ಮೊಮ್ಮಗನಿಗೆ 240 ಕೋಟಿ ಮೌಲ್ಯದ ಇನ್ಫೋಸಿಸ್ ಷೇರುಗಳನ್ನು ಉಡುಗೊರೆಯಾಗಿ ನೀಡಿದ ನಾರಾಯಣ ಮೂರ್ತಿ
- Technology ಇಂದು ಮಾರುಕಟ್ಟೆಗೆ ಬರಲಿದೆ ಗೆಸ್ಚರ್ ಮೂಲಕ ಕೆಲಸ ಮಾಡುವ ಸ್ಮಾರ್ಟ್ಫೋನ್!
- Automobiles Tata Nexon: ಮುಂಬರಲಿರುವ ಟಾಟಾ ನೆಕ್ಸಾನ್ ಸಿಎನ್ಜಿ ಕಾರಿನ ವಿಶೇಷತೆಗಳಿವು.. ಹೆಚ್ಚು ಮೈಲೇಜ್!
- Sports IPL 2024: ಐಪಿಎಲ್ ಆರಂಭಕ್ಕೂ ಮುನ್ನವೇ 'ಸೂಪರ್' ಭವಿಷ್ಯ; ಆರ್ಸಿಬಿ ಈ ಬಾರಿ ಕಪ್ ಗೆಲ್ಲುತ್ತದಾ? ಇಲ್ಲಿದೆ ಉತ್ತರ
- Movies ರಣ್ವೀರ್ ಸಿಂಗ್ ಗೆ ಶಕ್ತಿಮಾನ್ ಪಾತ್ರ ಮಾಡುವ ಅರ್ಹತೆ-ಯೋಗ್ಯತೆ ಇಲ್ಲ ; ಮುಖೇಶ್ ಖನ್ನಾ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆರೋಗ್ಯವಾಗಿರಬೇಕೆ? ಹಾಗಾದರೆ ನೀವು 3 ವಿಷಯಗಳಲ್ಲಿ ನಂಬಿಕೆ ಇಡಲೇಬೇಕು
ಆರೋಗ್ಯವೇ ಭಾಗ್ಯ ಎಂಬ ಗಾದೆ ಮಾತು ಖಂಡಿತ ಕೇಳಿರುತ್ತೀರಿ. ಆರೋಗ್ಯ ಚೆನ್ನಾಗಿದ್ದರೆ ಅದುವೇ ದೊಡ್ಡ ಆಸ್ತಿ. ತುಂಬಾ ಆಸ್ತಿ ಇದೆ, ಸಂಪತ್ತು ಇದೆ, ಒಳ್ಳೆಯ ಉದ್ಯೋಗವಿದೆ ಹೀಗೆ ಎಲ್ಲವೂ ಇದ್ದು ದೈಹಿಕ, ಮಾನಸಿಕ ಆರೋಗ್ಯ ಸರಿಯಿಲ್ಲ ಎಂದಾದರೆ ಎಷ್ಟೇ ಏನು ಇದ್ದು ಪ್ರಯೋಜನ ಅಲ್ವಾ? ಆದ್ದರಿಂದ ಆರೋಗ್ಯ ತುಂಬಾನೇ ಮುಖ್ಯ, ಆರೋಗ್ಯವೇ ಭಾಗ್ಯ ಅಂತ ಹೇಳುವುದು ಇದೇ ಕಾರಣಕ್ಕೆ.
ಹಾಗಂತ ಎಲ್ಲಾ ಸಮಯದಲ್ಲಿ ಆರೋಗ್ಯವಂತರಾಗಿರಲು ಸಾಧ್ಯವೇ? ಎಂದು ನೀವು ಕೇಳುವುದಾದರೆ ಖಂಡಿತ ಸಾಧ್ಯವಿದೆ, ಆರೋಗ್ಯ ಎಂಬುವುದು ನಿಮ್ಮ ಆಯ್ಕೆಯಾಗಿದೆ.
ಹೌದು ನೀವು ಬಯಸಬೇಕಷ್ಟೇ, ನೀವು ಆರೋಗ್ಯವಾಗಿರಬೇಕೆಂದು ಬಯಸಿದರೆ ಖಂಡಿತ ಇರಬಹುದು, ಹೇಗೆ? ಅದಕ್ಕಾಗಿ ನೀವು ಏನು ಮಾಡಬೇಕು ಎಂದು ನೋಡೋಣ ಬನ್ನಿ:
ಆರೋಗ್ಯವಾಗಿರಲು ನೀವು ಮೊದಲು ಮಾಡಬೇಕಾಗಿರುವುದು ಏನು?
ನಾವು ನೀವು ಆರೋಗ್ಯವಾಗಿರಲು ಮನಸ್ಸು ಮಾಡಬೇಕು ಎಂದಾಗ 10 ಕಿ ಮೀ ನಡೆಯಲು ಹೇಳುತ್ತೇವೆ, ಒಂದು ಗಂಟೆ ಜಿಮ್ ಮಾಡ್ತೀನಿ ಎಂದೆಲ್ಲಾ ಭಾವಿಸಬೇಡಿ, ಆರೋಗ್ಯವಾಗಿರಬೇಕೆಂದರೆ ಮೊದಲು ನೀವು ಸಾಕಷ್ಟು ತಯಾರಿ ಮಾಡಿಕೊಳ್ಳಬೇಕಾಗುತ್ತದೆ.
ಹೌದು ನೀವು ಆಯಾ ಕ್ಷೇತ್ರದಲ್ಲಿ ಪರಿಣಿತರಿಂದ ಪಡೆಯುವ ತರಬೇತಿ ಮತ್ತು ಶಿಸ್ತಿನಿಂದ ಮಾಡುವ ಅಭ್ಯಾಸ ಮುಖ್ಯವಾಗಿರುತ್ತೆ. ನೀವು ಜಿಮ್ಗೆ ಹೋಗುವುದಾದರೆ ಒಳ್ಳೆಯ ಜಿಮ್ ಟ್ರೈನರ್ ಬಳಿ ಹೋಗಿ, ಯೋಗ ಅಭ್ಯಾಸ ಮಾಡುವುದಾದರೆ ಒಳ್ಳೆಯ ಯೋಗ ಟ್ರೈನರ್ ಬಳಿ ಹೋಗಿ.
ಯೂಟ್ಯೂಬ್ ನೋಡಿ ಅಭ್ಯಾಸ ಮಾಡಲು ಹೋಗಬೇಡಿ, ಇನ್ನು ಯಾವುದೇ ವ್ಯಾಯಾಮ ಮಾಡುವುದಾದರೆ ಶಿಸ್ತು ತುಂಬಾ ಮುಖ್ಯ. ನೀವು ಒಂದು ದಿನ ವ್ಯಾಯಾಮ ಮಾಡುವುದು, ಮತ್ತೆ ಎರಡು ದಿನ ವ್ಯಾಯಾಮ ಮಾಡದೇ ಇರುವುದು ಈ ರೀತಿ ಮಾಡಿದರೆ ಏನೂ ಪ್ರಯೋಜನ ಸಿಗುವುದಿಲ್ಲ.
ನಿಮ್ಮ ಪ್ರಕಾರ ಆರೋಗ್ಯಕರವಾಗಿರುವುದು ಎಂದರೇನು?
ಆರೋಗ್ಯವಾಗಿರುವುದು ಎಂದರೆ ಒಬ್ಬೊಬ್ಬರಿಗೆ ಒಂದೊಂದು ರೀತಿಯ ಸಮಸ್ಯೆ ಇರುತ್ತದೆ, ಅದರಿಂದ ಹೊರಬರಲು ಪ್ರಯತ್ನಿಸಬೇಕು.
ನೀವು ಆರೋಗ್ಯವಾಗಿರಬೇಕೆಂದರೆ ಏನು ಮಾಡಬೇಕು? ಅಧಿಕವಾಗಿರುವ ಮೈ ಬೊಜ್ಜು ಕರಗಿಸುವುದೇ? ಅಥವಾ ತುಂಬಾ ಸಮಯದಿಂದ ಕಾಡುತ್ತಿರುವ ಆರೋಗ್ಯ ಸಮಸ್ಯೆಯಿಂದ ಹೊರಬರುವುದೇ ಅಥವಾ ನಿಮ್ಮ ಸ್ಟಾಮಿನಾ ಹೆಚ್ಚಿಸುವುದೇ? ಇಲ್ಲಾ ತುಂಬಾ ಸಮಯದಿಂದ ಕಾಡುತ್ತಿರುವ ಬೆನ್ನು ನೋವು ಕಾಲು ನೋವಿನಿಂದ ಮುಕ್ತಿ ಪಡೆಯುವುದಾ? ಹೀಗೆ ನಿಮ್ಮ ಆರೋಗ್ಯಕ್ಕಾಗಿ ನೀವೇನು ಮಾಡಬೇಕು ಅದರತ್ತ ಗಮನ ನೀಡಬೇಕು.
ನಿಮ್ಮ ಆರೋಗ್ಯ ಸಮಸ್ಯೆ ಹೋಗಲಾಡಿಸಲು ಔಷಧಿ ತೆಗೆದುಕೊಳ್ಳಬೇಕೆ ಅಥವಾ ಆಹಾರಕ್ರಮದಲ್ಲಿ ಬದಲಾವಣೆ ಮಾಡಬೇಕೆ? ಅದನ್ನು ತಿಳಿದುಕೊಂಡು ನೀವು ಪ್ರಯತ್ನ ಮಾಡಬೇಕು.
ಇನ್ನು ವ್ಯಾಯಾಮ ಮಾಡುವಾಗ ನಮ್ಮ ವಯಸ್ಸಿಗೆ ತಕ್ಕ ರೀತಿಯಲ್ಲಿ ವ್ಯಾಯಾಮ ಮಾಡಬೇಕು, ವ್ಯಾಯಾಮದ ಹೆಸರಿನಲ್ಲಿ ದೇಹವನ್ನು ದಂಡಿಸಲು ಹೋಗಬೇಡಿ.
ಆರೋಗ್ಯವಾಗಿರಲು ಬರೀ ಫಿಟ್ನೆಸ್ ಟ್ರೈನರ್ ಸಾಕಾಗಲ್ಲ
ಬರೀ ಫಿಟ್ನೆಸ್ ಟ್ರೈನರ್ ಅಷ್ಟೇ ಸಾಕಾ? ಫಿಟ್ನೆಸ್ಅವರ ಜೊತೆಗೆ ನಿಮಗೆ ವೈದ್ಯರ ಸಲಹೆ ಕೂಡ ಬೇಕು, ನಿಮ್ಮ ಸುಗರ್, ಬಿಪಿ, ಎಲ್ಲಾ ಕಂಟ್ರೋಲ್ನಲ್ಲಿದೆಯೇ? ಒಂದು ವೇಳೆ ಹೆಚ್ಚು-ಕಡಿಮೆಯಾದರೆ ಏನು ಮಾಡಬೇಕು ಎಂಬುವುದನ್ನು ಅವರು ತಿಳಿಸುತ್ತಾರೆ. ಒಬ್ಬ ಫ್ಯಾಮಿಲಿ ಡಾಕ್ಟರ್ ಅಂತ ಇದ್ದರೆ ಒಳ್ಳೆಯದು.
ಅಲ್ಲದೆ ನೀವು ನಿಯಮಿತವಾಗಿ ಆರೋಗ್ಯ ತಪಾಸಣೆ ಮಾಡಿಸಬೇಕು, ವೈದ್ಯರು ನೀಡಿರುವ ಸಲಹೆ ಸೂಚನೆ ಪಾಲಿಸಿ.
ಗುರುವನ್ನು ಸಂಪೂರ್ಣವಾಗಿ ಒಪ್ಪಿಕೊಳ್ಳಿ
ನಿಮ್ಮ ಗುರು ಅಥವಾ ಎಕ್ಸ್ಪರ್ಟ್ ಏನು ಹೇಳುತ್ತಾರೆ ಅದನ್ನು ಸಂಪೂರ್ಣವಾಗಿ ಒಪ್ಪಿಕೊಳ್ಳಿ, ಅವರು ಹೇಳಿದಷ್ಟೂ ಮಾಡಿ... ಅವರು ನೀಡಿರುವ ಸಲಹೆಯಲ್ಲಿ ಕೆಲವೊಂದನ್ನು ಪಾಲಿಸುವುದು, ಕೆಲವೊಂದನ್ನು ಬಿಡುವುದು ಮಾಡಿದರೆ ನೀವು ಬಯಸಿದ ರಿಸಲ್ಟ್ ಖಂಡಿತ ಸಾಧ್ಯವಿಲ್ಲ. ಯಾವುದೇ ಸಂಶಯವಿಲ್ಲದೆ ಸಂಪೂರ್ಣವಾಗಿ ಅವರನ್ನು ನಂಬಿ. ಇತರರ ಜೊತೆ ಹೋಲಿಕೆ ಮಾಡಲು ಹೋಗಬೇಡಿ. ಆದರೆ ಸೆಕೆಂಡ್ ಒಪಿನಿಯನ್ ತೆಗೆದುಕೊಳ್ಳುವುದು ಒಳ್ಳೆಯದು
ವೈದ್ಯರೇ ಆಗಲಿ, ಎಕ್ಸ್ಪರ್ಟ್ ಆಗಲಿ ಅವರು ಏನು ಹೇಳುತ್ತಾರೆ ಅದರ ಬಗ್ಗೆ ಸಂಪೂರ್ಣ ಮಾಹಿತಿ ಗೂಗಲ್ನಲ್ಲಿ ದೊರೆಯುತ್ತದೆ, ಹಾಗಂತ ಗೂಗಲ್ ಸೋರ್ಸ್ ನಂಬುವುದಕ್ಕಿಂತ ಪರಿಣಿತರಿಂದ ಸಲಹೆ ಸೂಚನೆಗಳನ್ನು ಪಡೆಯಿರಿ.