ಅಧ್ಯಯನ ವರದಿ: ಕುಳಿತಲ್ಲೇ ಕೆಲಸ ಮಾಡುತ್ತಿರುವಿರಾದರೆ ಎಚ್ಚರ!

ಇಂದಿನ 4ಜಿ ಯುಗದಲ್ಲಿ ಪ್ರತಿಯೊಂದು ಕೆಲಸವು ಕುಳಿತಲ್ಲಿಂದಲೇ ಆಗುತ್ತಿರುವಾಗ ಎದ್ದು ಮೈಕೈಗೆ ಶ್ರಮ ನೀಡಬಲ್ಲ ಕೆಲಸ ಕಡಿಮೆಯಾಗುತ್ತಾ ಇದೆ. ಕಂಪ್ಯೂಟರ್ ಮುಂದೆ ಕುಳಿತರೆ ಪ್ರತಿಯೊಂದು ಕೆಲಸವೂ ನಡೆಯುತ್ತಾ ಇರುತ್ತದೆ. ಆದರೆ ಇಂತಹ ಕೆಲಸಗಳಿಂದ ಹೃದಯದ ಕಾಯಿಲೆಗಳು ಬರುವ ಸಾಧ್ಯತೆ ಹೆಚ್ಚಿದೆ ಎಂದು ಅಧ್ಯಯನಗಳು ಹೇಳಿವೆ. ನೀವು ದಿನಪೂರ್ತಿ ಕುಳಿತುಕೊಂಡೇ ಕೆಲಸ ಮಾಡುವವರಾದರೆ ಪ್ರತೀ ಅರ್ಧ ಗಂಟೆಗೊಮ್ಮೆ ಎದ್ದು ಎರಡು ನಿಮಿಷ ಕಾಲ ನಡೆದಾಡಬೇಕು.

ಇದರಿಂದ ಅಪಧಮನಿಗಳನ್ನು ಮುಚ್ಚಿ ಹಾಕುವಂತಹ ಕೊಬ್ಬಿನಾಮ್ಲದ ಮಟ್ಟವು ಕಡಿಮೆಯಾಗುವುದು. ಕುಳಿತುಕೊಂಡೇ ಕೆಲಸ ಮಾಡುವಂತಹ ಜನರು ಹೃದಯದ ಕಾಯಿಲೆ, ಮಧುಮೇಹ ಮತ್ತು ಎಲ್ಲಾ ರೀತಿಯ ಸಾವಿಗೆ ಒಳಗಾಗುವುದು ಹೆಚ್ಚು ಎಂದು ಅಧ್ಯಯನಗಳು ಹೇಳಿವೆ.

ಆಗಾಗ ನಡೆದಾಡುತ್ತಾ ಕೆಲಸದಿಂದ ವಿರಾಮ ಪಡೆದರೆ ದೈಹಿಕವಾಗಿ ಕೆಲಸ ಮಾಡಿದಂತಾಗುವುದು. ಇದೆರಡು ಸಂಯೋಜನೆಯಾದಾಗ ಜನರ ಚಯಾಪಚಾಯ ಆರೋಗ್ಯದಲ್ಲಿ ಗಮನಾರ್ಹ ಬದಲಾವಣೆ ಕಂಡುಬರುವುದು ಎಂದು ಅಧ್ಯಯನಗಳು ಹೇಳಿವೆ ಎಂದು ಜರ್ನಲ್ ಆಫ್ ಕ್ಲಿನಿಕಲ್ ಲಿಪಿಡೊಲೊಜಿಯಲ್ಲಿ ಪ್ರಕಟಗೊಂಡಿದೆ.

ಇಲ್ಲಿ ಅತೀ ಮುಖ್ಯವಾದ ಸಂದೇಶವಿದೆಯೆಂದು ನಮಗನಿಸುತ್ತದೆ. ಅರ್ಧ ಗಂಟೆ ಕೆಲಸದ ಬಳಿಕ ಸಿಗುವಂತಹ ವಿರಾಮವು ತುಂಬಾ ಮುಖ್ಯವಾಗಿರುತ್ತೆ. ಸಣ್ಣ ಸಣ್ಣ ವಿರಾಮದ ವೇಳೆ ನಡೆದಾಡುತ್ತಾ ಇದ್ದರೆ ಅದು ದೀರ್ಘವಾಗಿ ಕುಳಿತುಕೊಂಡು ಕೆಲಸ ಮಾಡುವ ಅವಧಿಯನ್ನು ಕಡಿಮೆ ಮಾಡಲಿದೆ ಎಂದು ನ್ಯೂಜಿಲ್ಯಾಂಡ್‌ನ ಒಟಾಗೊ ವಿಶ್ವವಿದ್ಯಾನಿಲಯದ ಲೇಖಕ ಮೆರೆಡಿಟ್ ಪೆಡ್ಡಿ ತಿಳಿಸಿದರು.

ದೀರ್ಘ ಕಾಲದ ತನಕ ಕುಳಿತುಕೊಂಡು ಕೆಲಸ ಮಾಡುವಂತಹ ಕಚೇರಿ ಉದ್ಯೋಗಿಗಳು ಪ್ರತೀ ಅರ್ಧ ಗಂಟೆಗೊಮ್ಮೆ ಎದ್ದು ವೇಗವಾಗಿ ನಡೆದಾಡಿದರೆ ಆಗ ರಕ್ತದಲ್ಲಿನ ಗ್ಲೂಕೋಸ್ ಮತ್ತು ಇನ್ಸುಲಿನ್ ಮಟ್ಟವು ಸರಿಯಾಗಿರುತ್ತದೆ. ಈ ನಿಯಮವನ್ನು ತಿಂಗಳುಗಳು ಅಥವಾ ವರ್ಷಗಳ ತನಕ ಮುಂದುವರಿಸಿದರೆ ಆಗ ದೀರ್ಘ ಸಮಯ ಕುಳಿತುಕೊಳ್ಳುವುದರಿಂದ ವಿರಾಮ ಪಡೆಯುವಂತಹವರ ಹೃದಯದ ಆರೋಗ್ಯವು ಒಳ್ಳೆಯ ರೀತಿಯಲ್ಲಿರುತ್ತದೆ ಎಂದು ಪೆಡ್ಡಿ ತಿಳಿಸಿದರು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.