ಸಮಂತಾ ಮಯೋಸೈಟಿಸ್‌ನಿಂದ ಚೇತರಿಸಿಕೊಳ್ಳಲು ಪಾಲಿಸುತ್ತಿರುವ ಡಯಟ್‌

Updated: Monday, January 30, 2023, 17:02 [IST]

ಸಮಂತಾ ಈ ನಟಿಯೆಂದರೆ ದಕ್ಷಿಣ ಭಾರತದ ಸಿನಿ ಪ್ರಿಯರಿಗೆ ತುಂಬಾನೇ ಪ್ರೀತಿ. ಮುದ್ದು ಮುಖದ ಈ ನಟಿ ಕನ್ನಡದಲ್ಲಿ ಯಾವುದೇ ಚಿತ್ರದಲ್ಲಿ ನಟಿಸದಿದ್ದರೂ ಕೂಡ ಸಮಂತಾ ಚಿರಪರಿಚಿತ. ಅವರಿಗೆ ಮಯೋಸೈಟಿಸ್‌ ಎಂಬ ಕಾಯಿಲೆ ಇರುವುದರ ಬಗ್ಗೆ ಕೆಲವು ತಿಂಗಳ ಹಿಂದೆಯಷ್ಟೇ ಹೇಳಿದ್ದರು.

ಮಯೋಸೈಟಿಸ್‌ ಎಂಬುವುದು ಅಟೋಇಮ್ಯೂನೆ ಕಾಯಿಲೆಯಾಗಿದ್ದು ಈ ಕಾಯಿಲೆ ಬಂದರೆ ಮೈಯಲ್ಲಿ ಉರಿಯೂತ ಉಂಟಾಗಿ ಈ ಕಾಯಿಲೆ ಬಂದರೆ ನಡೆದಾಡಲು ಕೂಡ ಕಷ್ಟವಾಗುವುದು, ಬೆಡ್‌ನಿಂದ ಏಳಲು ಕೂಡ ಕಷ್ಟವಾಗುವುದು. ಈ ಕಾಯಿಲೆ ಸಮಂತಾ ತುಂಬಾನೇ ಬಳಲಿದ್ದಾರೆ, ಒಂದು ಕಾರ್ಯಕ್ರಮದಲ್ಲಿ ಕೂಡ ಭಾಗವಹಿಸಲು ಸಾಧ್ಯವಾಗುತ್ತಿರಲಿಲ್ಲ.

ಅವರು ಈ ಕಾಯಿಲೆಗೆ ವಿದೇಶಕ್ಕೆ ಹೋಗಿ ಚಿಕಿತ್ಸೆ ಪಡೆದು ಬಂದಿದ್ದರು. ಈಗ ಅವರು ಪೋಸ್ಟ್‌ ಮಾಡಿ ತಾವು ಕಠಿಣವಾದ ಆಹಾರಕ್ರಮ ಅನುಸರಿಸುವ ಮೂಲಕ ಚೇತರಿಸಿಕೊಳ್ಳುತ್ತಿರುವುದಾಗಿ ಹೇಳಿದ್ದಾರೆ. ಅಷ್ಟು ಮಾತ್ರವಲ್ಲ ಅವರು ವ್ಯಾಯಾಮ ಕೂಡ ಮಾಡುತ್ತಿರುವ ವೀಡಿಯೋ ಶೇರ್‌ ಮಾಡಿಕೊಳ್ಳುವ ಮೂಲಕ ಶೀಘ್ರದಲ್ಲಿಯೇ ನಾನು ಸಂಪೂರ್ಣವಾಗಿ ಚೇತರಿಸಿಕೊಳ್ಳುತ್ತಿರುವುದಾಗಿ ಹೇಳಿದ್ದಾರೆ.

View this post on Instagram

A post shared by Samantha (@samantharuthprabhuoffl)

ಫುಲ್‌ ಅಪ್‌ ವ್ಯಾಯಾಮ ಮಾಡುತ್ತಿರುವ ಸಮಂತಾ

ಇತ್ತೀಚೆಗೆ ಒಂದು ಕಾರ್ಯಕ್ರಮದಲ್ಲಿ ಅವರಿಗೆ ಕುಳಿತುಕೊಳ್ಳಲು ಕಷ್ಟವಾಗುತ್ತಿತ್ತು. ಸುಸ್ತು ಅವರ ಮುಖದಲ್ಲಿ ಎದ್ದು ಕಾಣುತ್ತಿತ್ತಿ. ಅವರು ಸಂದರ್ಶನವೊಂದರಲ್ಲಿ ನನಗೆ ಕೆಲವೊಮ್ಮೆ ಬೆಡ್‌ನಿಂದ ಏಳಲು ಕೂಡ ಕಷ್ಟವಾಗುವುದು, ಅಷ್ಟೊಂದು ಸುಸ್ತಾಗುವುದು ಎಂಬುವುದಾಗಿ ಹೇಳಿದ್ದರು. ಇದೀಗ ಪುಲ್‌ ಅಪ್‌ ಮಾಡುತ್ತಿರುವ ವೀಡಿಯೋ ಶೇರ್‌ ಮಾಡುವ ಮೂಲಕ ತಾನು ಚೇತರಿಸಿಕೊಳ್ಳುತ್ತಿದ್ದೇನೆ ಎಂಬುವುದನ್ನು ತಿಳಿಸಿದ್ದಾರೆ.

ಅಟೋಇಮ್ಯೂನೆ ಡಯಟ್‌ ಫಾಲೋ ಮಾಡುತ್ತಿರುವ ಸಮಂತಾ

ಸಮಂತಾ ಅವರು ತುಂಬಾ ಕಟ್ಟುನಿಟ್ಟಿನ ಅಟೋಇಮ್ಯೂನೆ ಡಯಟ್‌ ಫಾಲೋ ಮಾಡುತ್ತಿದ್ದಾರೆ. ತಜ್ಞರ ಪ್ರಕಾರ ಈ ಡಯಟ್‌ ಸಂಧಿವಾತ, ತೈರಾಯ್ಡ್, ಉರಿಯೂತ, celiac ಕಾಯಿಲೆ ಇರುವವರು ಪಾಲಿಸಿದರೆ ಚೇತರಿಸಿಕೊಳ್ಳಲು ತುಂಬಾನೇ ಒಳ್ಳೆಯದು.

ಅಟೋಇಮ್ಯೂನೆ ಡಯಟ್‌ ಎಂದರೇನು?

ಅಟೋಇಮ್ಯೂನೆ ಡಯಟ್‌ ಅಂದರೆ ಪಲಿಯೋ ಡಯಟ್‌ಗೆ ಸಮವಾಗಿದೆ. ಈ ಡಯಟ್‌ನಲ್ಲಿ ಉರಿಯೂತ ಉಂಟು ಮಾಡುವ ಆಹಾರ ಸೇವಿಸಲೇಬಾರದು.

ಅಟೋಇಮ್ಯೂನೆ ಡಯಟ್‌ ಎಂದರೇನು?

ಅಟೋಇಮ್ಯೂನೆ ಡಯಟ್‌ನಲ್ಲಿ ಧಾನ್ಯಗಳು, ಕಾಳುಗಳು, ಬೀಜಗಳು, ನಟ್ಸ್, ಮೊಟ್ಟೆ ಹಾಗೂ ಹಾಲಿನ ಉತ್ಪನ್ನಗಳನ್ನು ಬಳಸುವಂತೆಯೇ ಇಲ್ಲ. ಮದ್ಯ, ತಂಬಾಕು, ಕಾಫಿ, ಎಣ್ಣೆ ಪದಾರ್ಥಗಳು, ಸಂಸ್ಕರಿಸಿದ ಆಹಾರ, ಸಕ್ಕರೆ ಈ ಬಗೆಯ ಆಹಾರಗಳನ್ನು ಬಳಸುವಂತಿಲ್ಲ.

ಈ ಡಯಟ್‌ನಲ್ಲಿ ತಾಜಾ ಹಣ್ಣುಗಳನ್ನು ಸೇವಿಸಲಾಗುವುದು, ತೆಳು ಕೊಬ್ಬಿನಂಶದ ಮಾಂಸ, ಹುದುಗು ಬರಿಸಿದ ಆಹಾರ, ಮೂಳೆ ಸೂಪು ಇವುಗಳನ್ನು ಬಳಸಬಹುದು.

ಇದರ ಜೊತೆಗೆ ಮಾನಸಿಕ ಒತ್ತಡ ಕಡಿಮೆ ಮಾಡಿಕೊಳ್ಳಬೇಕು, ಚೆನ್ನಾಗಿ ನಿದ್ದೆ ಮಾಡಬೇಕು ಹಾಗೂ ದೈಹಿಕ ವ್ಯಾಯಾಮ ಮಾಡಬೇಕು.

ಆಹಾರವನ್ನು ಮತ್ತೆ ಪರಿಚಯಿಸುವುದು

ಚೇತರಿಸಿಕೊಂಡ ಮೇಲೆ ಅಟೋಇಮ್ಯೂನೆ ಡಯಟ್‌ನಲ್ಲಿ ಬಳಸದೇ ಇದ್ದ ಯಾವುದೇ ಆಹಾರವನ್ನು ನಿಧಾನಕ್ಕೆ ಪರಿಚಯಿಸಬಹುದು.

* ನೀವು ಮೊದಲಿಗೆ 1 ಚಮಚದಷ್ಟು ತಿಂದು 15 ನಿಮಿಷ ಏನಾದರೂ ರಿಯಾಕ್ಷನ್ ಆಗುವುದೇ ನೋಡಬೇಕು. ಒಂದು ವೇಳೆ ಏನಾದರೂ ರಿಯಾಕ್ಷನ್ ಕಂಡು ಬಂದರೆ ಮತ್ತೆ ಬಳಸಬಾರದು. ನೀವು ಆಹಾರವನ್ನು ತಿಂದ 4-5 ದಿನ ಯಾವುದೇ ರಿಯಾಕ್ಷನ್‌ ಕಂಡು ಬರದಿದ್ದರೆ ಆ ಆಹಾರಗಳನ್ನು ಸೇವಿಸಬಹುದು.