ಚೆನ್ನಾಗಿ ಅಗಿದು ತಿಂದರೆ ತೂಕ ಕಡಿಮೆಯಾಗುತ್ತೆ

ಆಹಾರವನ್ನು ಚೆನ್ನಾಗಿ ಅಗಿದು ತಿನ್ನುವುದರಿಂದ ತೂಕ ಕಡಿಮೆಗೊಳಿಸಬಹುದು, ಹೆಚ್ಚು ಕಾಲ ಆಹಾರ ಅಗಿದಷ್ಟು, ತೂಕ ಇಳಿಸುವಲ್ಲಿ ಸಹಾಯ ಮಾಡುತ್ತದೆ ಮತ್ತು ಹೆಚ್ಚು ಕ್ಯಾಲೊರಿ ಸೇವನೆಯೂ ನಿಯಂತ್ರಣದಲ್ಲಿರುತ್ತದೆ ಎಂದಿದೆ ಈ ಸಂಶೋಧನೆ.

ಆಹಾರವನ್ನು ಸುಮಾರು 40 ಬಾರಿ ಅಗಿದು ತಿಂದವರು, 15 ಬಾರಿ ಅಗಿದವರಿಗಿಂತ ಶೇಕಡಾ 12 ರಷ್ಟು ಕಡಿಮೆ ಆಹಾರ ಸೇವನೆ ಮಾಡುತ್ತಾರೆ. ಇದರಿಂದ ಅತಿಯಾಗಿ ತಿನ್ನುವುದೂ ತಪ್ಪುತ್ತದೆ, ದೇಹದಲ್ಲಿ ಕ್ಯಾಲೊರಿ ಪ್ರಮಾಣವೂ ಕಡಿಮೆಯಾಗುತ್ತದೆ ಎಂದು ತಿಳಿಸಿದೆ.

ಅಷ್ಟೇ ಅಲ್ಲ, ಆಹಾರವನ್ನು ಅಗಿಯದೆ ತಿನ್ನುವುದರಿಂದ, ಹಸಿವನ್ನು ನಿಯಂತ್ರಿಸುವ ಗ್ರೆಲಿನ್ ಎಂಬ ಅಂಶ ಕಡಿಮೆಗೊಳ್ಳುತ್ತದೆ. ಇದರಿಂದ ಬೇಗನೆ ಹಸಿವಾಗುವ ಸಾಧ್ಯತೆ ಹೆಚ್ಚಾಗಿ ಕ್ರಮೇಣ ತೂಕವೂ ಹೆಚ್ಚುತ್ತದೆ ಎಂದಿದೆ ಸಂಶೋಧನೆ.

ಚೀನಾದ ಹರ್ಬಿನ್ ಮೆಡಿಕಲ್ ಯೂನಿವರ್ಸಿಟಿಯಲ್ಲಿ 16 ಸಣ್ಣಗಿನ ಮತ್ತು 14 ಸ್ಥೂಲಕಾಯದ 20ರ ವಯೋಮಿತಿಯ ವ್ಯಕ್ತಿಗಳ ಮೇಲೆ ನಡೆಸಿದ ಸಂಶೋಧನೆಯಿಂದ ಈ ಅಂಶ ತಿಳಿದುಬಂದಿದೆ.

ಈ ಎರಡೂ ಗುಂಪನ್ನು ಸಂಶೋಧನೆಗೆ ಒಳಪಡಿಸಿ, ಆಹಾರವನ್ನು ನುಂಗುವ ಮುನ್ನ ಈ ಎರಡೂ ಗುಂಪು ಎಷ್ಟು ಬಾರಿ ಅಗಿದು ತಿಂದರು ಎಂದು ಗುಪ್ತ ಕ್ಯಾಮೆರಾ ಮೂಲಕ ಸೆರೆಹಿಡಿದಾಗ, ಸ್ಥೂಲಕಾಯದವರು ಸಣ್ಣಗಿರುವವರಿಗಿಂತ ಕಡಿಮೆ ಅಗಿಯುತ್ತಾ, ಬೇಗನೆ ಆಹಾರವನ್ನು ನುಂಗಿರುವುದು ಕಂಡುಬಂದಿದೆ.

ಊಟವಾದ 90 ನಿಮಿಷದ ನಂತರ ಎರಡೂ ಗುಂಪನ್ನು ರಕ್ತ ಪರೀಕ್ಷೆಗೆ ಒಳಪಡಿಸಿದಾಗ ಆಹಾರವನ್ನು 40 ಬಾರಿ ಅಗಿದವರಲ್ಲಿ ಗ್ರೆಲಿನ್ ಮಟ್ಟ ಕೂಡ ಕಡಿಮೆಯಾಗಿದ್ದು ತಿಳಿದುಬಂದಿದೆ. ಆಹಾರವನ್ನು ಅಗಿದು ತಿಂದವರಲ್ಲಿ ಕೇವಲ 11.9 % ಕ್ಯಾಲೊರಿ ಮಾತ್ರ ಇರುವುದು ಕಂಡುಬಂದಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.