ಟೈಪ್‌ 1 ಮಧುಮೇಹ ಪತ್ತೆಯಾಗುವ ಮುನ್ನ ನನ್ನ ದೇಹದಲ್ಲಿ ಈ 4 ಬದಲಾವಣೆಗಳಾಗಿತ್ತು: ಪ್ರಿಯಾಂಕಾ ಚೋಪ್ರಾ ಪತಿ ನಿಕ್‌ ಜೋನಸ್

13 ವರ್ಷವಿದ್ದಾಗಲೇ ನಿಕ್‌ ಜೋನಸ್‌ಗೆ ಟೈಪ್‌ 1 ಮಧುಮೇಹ

ಇದೀಗ ಈ ಗಾಯಕನಿಗೆ 30 ಹರೆಯ. ಅವರಿಗೆ 13 ವರ್ಷವಿದ್ದಾಗಲೇ ಟೈಪ್‌ 1 ಮಧುಮೇಹ ಕಾಣಿಸಿಕೊಂಡಿತ್ತು.

ವಿಶ್ವದಲ್ಲಿ ಸುಮಾರು 29 ಮಿಲಿಯನ್‌ ಜನರಲ್ಲಿ ಈ ಟೈಪ್‌ 1 ಮಧುಮೇಹವಿದೆ.

ಟೈಪ್ 1 ಮಧುಮೇಹದ ಲಕ್ಷಣಗಳು

* ತೂಕ ಇಳಿಕೆ

* ತುಂಬಾ ಬಾಯಾರಿಕೆ

* ಆಗಾಗ ಮೂತ್ರವಿಸರ್ಜನೆ

* ಒಂದು ರೀತಿಯ ಕಿರಿಕಿರಿ

ನಿಕ್ ಜೋನಸ್‌ ನನಗೆ ಈ ಬಗೆಯ ಲಕ್ಷಣಗಳು ನನಗೆ ಕಾಣಿಸಿಕೊಂಡಾಗ ಮೊದಲು ಪೋಷಕರಿಗೆ ತಿಳಿಸಿದೆ ಅವರು ಮಕ್ಕಳ ತಜ್ಞರ ಬಳ ಕರೆದುಕೊಂಡು ಹೋದರು ಆಗ ನನಗೆ ಟೈಪ್‌ 1 ಮಧುಮೇಹವಿರುವುದು ಪತ್ತೆ ಮಾಡಿದರು ಎಂಬುವುದಾಗಿ ತಮ್ಮ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಹೇಳಿಕೊಂಡಿದ್ದಾರೆ.

ಮಕ್ಕಳಲ್ಲಿ ಟೈಪ್‌ 1 ಮಧುಮೇಹ ಪತ್ತೆಗೆ ತಡ ಏಕೆ?

ಸಾಕಷ್ಟು ಬಾರಿ ಮಕ್ಕಳಲ್ಲಿ ಟೈಪ್‌ 1 ಮಧುಮೇಹದ ಲಕ್ಷಣಗಳಿದ್ದರೆ ಪೋಷಕರ ಗಮನಕ್ಕೆ ಬೇಗನೆ ಬಂದಿರುವುದಿಲ್ಲ. ಮಕ್ಕಳ ಓಡಾಡಿ ಆಟ ಆಡುವುದು ಅಧಿಕ ಅವರು ಆಗಾಗ ಬಂದು ನೀರು ಕುಡಿಯುತ್ತಾರೆ, ಹಾಗಾಗಿ ಆಗಾಗ ಮೂತ್ರ ವಿಸರ್ಜನೆಗೆ ಹೋಗುತ್ತಿರಬಹುದು ಎಂದು ಭಾವಿಸಿ ಸುಮ್ಮನಾಗುತ್ತಾರೆ. ಹೀಗಾಗಿ ಟೈಪ್‌ 1 ಮಧುಮೇಹದ ಲಕ್ಷಣಗಳು ಪ್ರಾರಂಭದಲ್ಲಿಯೇ ತಿಳಿಯದೇ ಹೋಗಬಹುದು.

ಸೂಕ್ತ ಚಿಕಿತ್ಸೆ ದೊರೆಯದೇ ಹೋದರೆ ಅಪಾಯ

ಮಕ್ಕಳಿಗೆ ಟೈಪ್‌ 1 ಮಧುಮೇಹ ಬಂದಾಗ ಅದಕ್ಕೆ ಸೂಕ್ತ ಚಿಕಿತ್ಸೆ ದೊರೆಯದೇ ಹೋದರೆ ಡಯಾಬಿಟಕ್ ಕೋಮಾ ಉಂಟಾಗಿ ಪ್ರಾಣಕ್ಕೆ ಅಪಾಯ ಉಂಟಾಗಬಹುದು.

ಟೈಪ್‌ 1 ಮಧುಮೇಹ ಎಂದರೇನು?

ಟೈಪ್‌ 1 ಮಧುಮೇಹದಲ್ಲಿ ದೇಹದಲ್ಲಿರುವ ರೋಗ ನಿರೋಧಕ ಶಕ್ತಿ (ವೈರಸ್‌, ಬ್ಯಾಕ್ಟಿರಿಯಾಗಳ ವಿರುದ್ಧ ಹೋರಾಡುವ ವ್ಯವಸ್ಥೆ) ತಪ್ಪಾಗಿ ಇನ್ಸುಲಿನ್ ಉತ್ಪತ್ತಿ ಮಾಡುವ ಮೇಧೋಜೀರಕ ಗ್ರಂಥಿ ಮೇಲೆ ದಾಳಿ ಮಾಡುತ್ತದೆ. ಆಗ ಟೈಪ್‌ 1 ಮಧುಮೇಹ ಉಂಟಾಗುವುದು.

ಯಾರಿಗೆ ಟೈಪ್‌ 1 ಮಧುಮೇಹದ ಅಪಾಯ ಅಧಿಕ?

ಕುಟುಂಬದಲ್ಲಿ ಟೈಪ್‌ 1 ಮಧುಮೇಹದ ಇತಿಹಾಸವಿದ್ದರೆ ಅಂದರೆ ತಂದೆ-ತಾಯಿ, ಸಹೋದರ-ಸಹೋದರಿ ಅವರಿಗೆ ಮಧಮೇಹವಿದ್ದರೆ (ಟೈಪ್ 1 ಅಥವಾ ಟೈಪ್‌ 2) ಟೈಪ್‌ 1 ಮಧುಮೇಹ ಬರಬಹುದು.

ಮಧುಮೇಹದಿಂದ ಬರುವ ಇತರ ಆರೋಗ್ಯ ಸಮಸ್ಯೆಗಳು

ಯಾವುದೇ ಮಧುಮೇಹವಾಗಿದ್ದರೂ ಅದು ನಿಯಂತ್ರಣದಲ್ಲಿ ಇರದಿದ್ದರೆ ಇದರಿಂದ ಕಿಡ್ನಿ ಸಮಸ್ಯೆ ಉಂಡಾಗಿ ಡಯಾಲಿಸಿಸ್‌ ಮಾಡಬೇಕಾಗುತ್ತದೆ. ಟೈಪ್‌ 1 ಮಧುಮೇಹ ನಿಯಂತ್ರಣದಲ್ಲಿಡದಿದ್ದರೆ ಕುರುಡುತನ ಬರಬಹುದು.

ಅಲ್ಲದೆ ಮಧುಮೇಹದಿಂದ ನರಕ್ಕೆ ಸಂಬಂಧಿಸಿದ ಸಮಸ್ಯೆ ಬರಬಹುದು.

ಮಧುಮೇಹವನ್ನು ಪ್ರಾರಂಭದಲ್ಲಿಯೇ ಗುರುತಿಸಿದರೆ ಆಹಾರ ಶೈಲಿ, ಜೀವನಶೈಲಿ ಮೂಲಕ ನಿಯಂತ್ರಿಸಬಹುದು. ಕೆಲವರಿಗೆ ಮಾತ್ರೆ ಸಾಕಾಗುವುದು, ಮಧುಮೇಹದ ನಿಯಂತ್ರಣದಲ್ಲಿಡಲು ತುಂಬಾನೇ ಕಷ್ಟವಾದರೆ ಇನ್ಸುಲಿನ್‌ ಚುಚ್ಚುಮದ್ದು ಪ್ರಾರಂಭಿಸಬೇಕಾಗುತ್ತದೆ.

ಟೈಪ್‌ 1 ಮಧುಮೇಹ ಬಾರದಂತೆ ತಡೆಗಟ್ಟಬಹುದೇ?

ಟೈಪ್‌ 1 ಮಧುಮೇಹ ತಡೆಗಟ್ಟುವುದು ಅಸಾಧ್ಯ, ಏಕೆಂದರೆ ಇದು ದೇಹದ ರೋಗ ನಿರೋಧಕ ವ್ಯವಸ್ಥೆ ವಿಚಿತ್ರವಾಗಿ ವರ್ತಿಸಿದಾಗ ಆಗುವ ಸಮಸ್ಯೆಯಾಗಿದೆ. ಟೈಪ್‌ 1 ಮಧುಮೇಹದ ರೋಗ ಲಕ್ಷಣಗಳು ಹೆಚ್ಚಾಗುವುದನ್ನು ನಿಧಾನ ಮಾಡುವ ಔಷಧ((teplizumab) ಅಮೆರಿಕದಲ್ಲಿ ಕಂಡು ಹಿಡಿಯಲಾಗಿದ್ದು, ಅಮೆರಿಕ ಈ ಔಷಧ ಬಳಕೆಗೆ ಅನುಮತಿ ನೀಡಿದೆ, ಇನ್ನಿತರ ರಾಷ್ಟ್ರಗಳಿಂದ ಒಪ್ಪಿಗೆ ಸಿಗಬೇಕಾಗಿದೆ.

ಟೈಪ್‌1 ಮಧುಮೇಹಿಗಳಿಗೆ ವರದಾನವಾಗಿದೆ ಈ ಹೊಸ ಔಷಧ: ಮಧುಮೇಹ ಚಿಕಿತ್ಸೆಯಲ್ಲಿ ಗೇಮ್‌ ಚೇಜಿಂಗ್‌ ಆಗಲಿದೆ ಈ ಡ್ರಗ್