ಕಾಂತಿಯುಕ್ತ, ಪ್ರಜ್ವಲಿಸುವ ತ್ವಚೆಗಾಗಿ ಸಂಪೂರ್ಣ ನೈಸರ್ಗಿಕ ಆರೈಕೆಯ ಗುಟ್ಟು

ವಾರಕ್ಕೊಮ್ಮೆ ಸತ್ತ ಜೀವಕೋಶಗಳನ್ನು ನಿವಾರಿಸಿ (Exfoliate)

ನಮ್ಮ ಚರ್ಮದ ಜೀವಕೋಶಗಳು ಸತತವಾಗಿ ಸಾಯುತ್ತಾ ಹೊಸ ಜೀವಕೋಶಗಳು ಹುಟ್ಟುತ್ತಿರುತ್ತವೆ. ಹಳೆಯ ಜೀವಕೋಶಗಳು ಒಣಗಿ ಪುಡಿಯಂತೆ ಉದುರುತ್ತವೆ. ಆದರೆ ಮುಖದ ಚರ್ಮದಲ್ಲಿ ಹೆಚ್ಚಾಗಿರುವ ತೈಲದ ಕಾರಣ ಈ ಪುಡಿ ತೆಳುವಾದ ಪದರದಂತೆ ಚರ್ಮಕ್ಕೆ ಅಂಟಿಕೊಂಡಿರುತ್ತದೆ. ನೀರು ಮತ್ತು ಸೋಪಿನಿಂದ ಈ ಪದರವನ್ನು ಪೂರ್ಣವಾಗಿ ನಿವಾರಿಸಲು ಸಾಧ್ಯವಿಲ್ಲ. ಹಾಗಾಗಿ ಇದನ್ನು ಕೆರೆದು ತೆಗೆಯುವ ವಿಧಾನವನ್ನೇ exfoliationಎಂದು ಕರೆಯುತ್ತಾರೆ. ಉತ್ತಮ ಸೌಂದರ್ಯಕ್ಕೆ ವಾರಕ್ಕೊಮ್ಮೆಯಾದರೂ ಈ ವಿಧಾನವನ್ನು ಅನುಸರಿಸಬೇಕು. ಇದಕ್ಕೆ ಅತ್ಯುತ್ತಮವಾದ ವಿಧಾನವೆಂದರೆ ಒಂದು ದೊಡ್ಡ ಚಮಚ ನೈಸರ್ಗಿಕ ಕೊಬ್ಬರಿ ಎಣ್ಣೆಯನ್ನು ಒಂದು ಚಿಕ್ಕ ಚಮಚ ಸಕ್ಕರೆಯೊಂದಿಗೆ ಬೆರೆಸಿ ಮುಖ ಮತ್ತು ಕುತ್ತಿಗೆಗೆ ವೃತ್ತಾಕಾರದಲ್ಲಿ ಮಸಾಜ್ ಮಾಡುತ್ತಾ ಹಚ್ಚಿಕೊಳ್ಳಬೇಕು. ಕೊಂಚ ಹೊತ್ತಿನ ಮಸಾಜ್ ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಬೇಕು. ನಿಮ್ಮ ಸ್ನಾನದ ಸಮಯದಲ್ಲಿ ಈ ಕಾರ್ಯವನ್ನು ನಿರ್ವಹಿಸಲು ನಾನು ಸಲಹೆ ಮಾಡುತ್ತೇನೆ ಹಾಗೂ ವಾರಕ್ಕೆ ಕನಿಷ್ಟ ಒಂದು ಬಾರಿ, ಸಾಧ್ಯವಾದರೆ ಎರಡು ಬಾರಿ ಹಾಗೂ ನಿಮ್ಮ ವೃತ್ತಿಪರರ ಭೇಟಿಗೂ ನಡುವಣ ಸಮಯದಲ್ಲಿ ನಿರ್ವಹಿಸಿ.

ರಾತ್ರಿ ಮಲಗುವ ಮುನ್ನ ಸೂಕ್ತ ಲೇಪನ ಹಚ್ಚಿಕೊಂಡು ಮಲಗಿ

ನಮ್ಮ ಚರ್ಮದ ರಿಪೇರಿ ಕೆಲಸ ಬಹುತೇಕವಾಗಿ ನಾವು ಮಲಗಿದ್ದ ಸಮಯದಲ್ಲಿಯೇ ಆಗುತ್ತದೆ. ಹಾಗಾಗಿ ದೇಹದ ಯಾವುದೇ ತ್ವಚೆಯ ಆರೈಕೆಯನ್ನು, ವಿಶೇಷವಾಗಿ ಮುಖದ ತ್ವಚೆಯ ಆರೈಕೆಯನ್ನು ರಾತ್ರಿ ಹೊತ್ತು ನಿರ್ವಹಿಸುವ ಮೂಲಕ ಗರಿಷ್ಟ ಪ್ರಯೋಜನ ದೊರಕುತ್ತದೆ. ಹಾಗಾಗಿ ರಾತ್ರಿ ಮಲಗುವ ಮುನ್ನ ಅವರ ಆಯ್ಕೆಯ ಸಂಜೆ ಅಥವಾ ರಾತ್ರಿ ಹಚಿಕೊಳ್ಳಬಹುದಾದ ತೇವಕಾರಕ ಲೇಪನವನ್ನು ತೆಳುವಾಗಿ ಹಚ್ಚಿಕೊಂಡು ಮಲಗಲು ನಾನು ಸಲಹೆ ಮಾಡುತ್ತೇನೆ.

ರಾತ್ರಿ ಮಲಗುವ ಮುನ್ನ ಸೂಕ್ತ ಲೇಪನ ಹಚ್ಚಿಕೊಂಡು ಮಲಗಿ

ವಿಶೇಷವಾಗಿ ಪ್ರಯಾಣದ ಅವಧಿಯಲ್ಲಿ ಬೇರೆ ಹವಾಗುಣದ ಕಾರಣ ತ್ವಚೆ ತೀರಾ ಒಣಗುವ ಅಥವಾ ಉರಿ ತರಿಸುವಂತಿದ್ದರೆ ಈ ಕ್ರಮವನ್ನು ತಪ್ಪದೇ ಅನುಸರಿಸಬೇಕು. ಇದಕ್ಕಾಗಿ ನಾನು ಸ್ವತಃ ತಯಾರಿಸಿಕೊಳ್ಳಬಹುದಾದ ಲೇಪನವನ್ನು ಒಂದು ಬೆಣ್ಣೆಹಣ್ಣಿನಿಂದ ತಯಾರಿಸಿಕೊಳ್ಳುತ್ತೇನೆ. ಒಂದು ಚೆನ್ನಾಗಿ ಹಣ್ಣಾದ ಬೆಣ್ಣೆಹಣ್ಣಿನ (avocado) ತಿರುಳನ್ನು ಸಂಗ್ರಹಿಸಿ ಕಿವುಚಿ ಲೇಪನವನ್ನಾಗಿಸಿ. ಈ ಲೇಪನವನ್ನು ಮುಖದ ಮೇಲೆ ತೆಳುವಾಗಿ ಏಕಸಮನಾಗಿ ಆವರಿಸುವಂತೆ ಹಚ್ಚಿಕೊಳ್ಳಿ. ಬಳಿಕ ಸುಮಾರು ಐದರಿಂದ ಹತ್ತು ನಿಮಿಷ ಒಣಗಲು ಬಿಡಿ. ಬಳಿಕ ಇದನ್ನು ನಿವಾರಿಸಲು ಉಗುರುಬೆಚ್ಚನೆಯ ನೀರಿನಲ್ಲಿ ಅದ್ದಿ ಹಿಂಡಿದ ದಪ್ಪ ಟವೆಲ್ಲಿನಿಂದ ಹೆಚ್ಚಿನ ಒತ್ತಡವಿಲ್ಲದೇ ಒರೆಸಿಕೊಳ್ಳಿ.

ಸಾಕಷ್ಟು ಪ್ರಮಾಣದ ಸುಪರ್ ಆಹಾರಗಳನ್ನು ಸೇವಿಸಿ

ನಮ್ಮ ದೇಹ ವಾಸ್ತವವಾಗಿ ನಾವು ಸೇವಿಸುವ ಆಹಾರದಿಂದಲೇ ಮೂಡಿದೆ ಎಂದರೆ ತಪ್ಪಾಗಲಾರದು. ಅಂತೆಯೇ ನಮ್ಮ ತ್ವಚೆ ಆರೋಗ್ಯಕರ, ಕಾಂತಿಯುಕ್ತವಾಗಬೇಕಾದರೆ ನಮ್ಮ ಆಹಾರವೂ ಇದಕ್ಕೆ ಸೂಕ್ತವಾಗಿರಬೇಕು. ಇದರಲ್ಲಿ ಹೆಚ್ಚಿನ ಆಂಟಿ ಆಕ್ಸಿಡೆಂಟುಗಳು ಇದ್ದು ಉರಿಯೂತ ನಿವಾರಕ ಗುಣ ಮತ್ತು ಗುಣಪಡಿಸುವ ಗುಣಗಳೂ ಇರಬೇಕು. ಹಾಗಾಗಿ ನಿಮ್ಮ ಪರಿಸರದಲ್ಲಿ ಸಾಮಾನ್ಯವಾಗಿ ಬೆಳೆಯುವ, ಸಾವಯವ ವಿಧಾನದಲ್ಲಿ ಬೆಳೆಸಿದ ತಾಜಾ ಆಹಾರಗಳನ್ನು ಸೇವಿಸಬೇಕು. ಸಕ್ಕರೆಯನ್ನು ಆದಷ್ಟೂ ವರ್ಜಿಸಬೇಕು. ಸಕ್ಕರೆ ಹೆಚ್ಚಿದ್ದಷ್ಟೂ ಉರಿಯೂತ ಆವರಿಸಿಕೊಳ್ಳುವ ಕ್ಷಮತೆ ಹೆಚ್ಚುವ ಕಾರಣ ನಿಮ್ಮ ಆಹಾರದಲ್ಲಿ ಸಕ್ಕರೆ ಆದಷ್ಟೂ ಕಡಿಮೆ ಇರುವುದು ಅಗತ್ಯ. ನೆನಪಿರಲಿ, ಸಹಜ ಸೌಂದರ್ಯ ನಿಜವಾಗಿಯೂ ನಿಮ್ಮ ದೇಹದ ಒಳಗಿನಿಂದ ಪ್ರಾರಂಭವಾಗುತ್ತದೆ!