ಮುಖದಲ್ಲಿ ಮೂಡುವ ನೆರಿಗೆಯ ಸಮಸ್ಯೆಗೆ-ಒಂದೆರಡು ಚಮಚ ಲಿಂಬೆ ರಸ ಸಾಕು!

ಲಿಂಬೆ ಮತ್ತು ಆಲಿವ್ ತೈಲ

ಬೇಕಾಗುವ ಸಾಮಗ್ರಿಗಳು

• 1 ಚಮಚ ಲಿಂಬೆರಸ
• 1 ಚಮಚ ಆಲಿವ್ ತೈಲ

ತಯಾರಿಸುವ ವಿಧಾನ

ಶುದ್ಧವಾದ ಪಿಂಗಾಣಿಗೆ ಲಿಂಬೆರಸ ಹಾಕಿ. ಇದಕ್ಕೆ ಆಲಿವ್ ತೈಲ ಹಾಕಿಕೊಂಡು ಸರಿಯಾಗಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ಕೈಬೆರಳಿನಿಂದ ತೆಗೆದುಕೊಂಡು ಹಣೆ ಹಾಗೂ ಕಣ್ಣಿನ ಕೆಳಭಾಗಕ್ಕೆ ಹಚ್ಚಿಕೊಳ್ಳಿ. ಹತ್ತು ನಿಮಿಷ ಕಾಲ ಇದು ಹಾಗೆ ಇರಲಿ ಮತ್ತು ಬಳಿಕ ತಣ್ಣೀರಿನಿಂದ ತೊಳೆಯಿರಿ. ಆಲಿವ್ ತೈಲದ ಬದಲು ಬಾದಾಮಿ ಎಣ್ಣೆ ಬಳಸಬಹುದು.

Most Read: ಅಡುಗೆಮನೆಯ ಪುಟ್ಟ 'ಬೆಳ್ಳುಳ್ಳಿ'ಯ ಪವರ್‌ಗೆ ಬೆರಗಾಗಲೇಬೇಕು!



ಲಿಂಬೆ ಮತ್ತು ಜೇನುತುಪ್ಪ

ಬೇಕಾಗುವ ಸಾಮಗ್ರಿಗಳು

• 1 ಚಮಚ ಲಿಂಬೆರಸ
• 1 ಚಮಚ ಜೇನುತುಪ್ಪ

ತಯಾರಿಸುವ ವಿಧಾನ

ಜೇನುತುಪ್ಪ ಮತ್ತು ತಾಜಾ ಲಿಂಬೆರಸವನ್ನು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ. ಇದನ್ನು ಮುಖ ಹಾಗೂ ಕುತ್ತಿಗೆಗೆ ಹಚ್ಚಿಕೊಂಡು ಹತ್ತು ನಿಮಿಷ ಕಾಲ ಹಾಗೆ ಬಿಡಿ. 10 ನಿಮಿಷ ಬಿಟ್ಟು ತಣ್ಣೀರಿನಿಂದ ತೊಳೆಯಿರಿ. ವಾರದಲ್ಲಿ 2-3 ಸಲ ಇದನ್ನು ಬಳಸಿದರೆ ಒಳ್ಳೆಯ ಫಲಿತಾಂಶ ಪಡೆಯಬಹುದು.



ಲಿಂಬೆ ಮತ್ತು ಸಕ್ಕರೆ

ಬೇಕಾಗುವ ಸಾಮಗ್ರಿಗಳು

• 2 ಚಮಚ ಲಿಂಬೆರಸ
• 1 ಚಮಚ ಸಕ್ಕರೆ

ವಿಧಾನ

ಇದು ಸ್ಕ್ರಬ್ ಇದ್ದಂತೆ. ಒಂದು ಪಿಂಗಾಣಿಯಲ್ಲಿ ಲಿಂಬೆರಸ ಮತ್ತು ಸಕ್ಕರೆ ಮಿಶ್ರಣ ಮಾಡಿಕೊಳ್ಳಿ. ಶುಚಿಗೊಳಿಸಿದ ಮುಖಕ್ಕೆ ಇದನ್ನು ಹಚ್ಚಿಕೊಳ್ಳಿ ಮತ್ತು 2-3 ನಿಮಿಷ ಕಾಲ ಬೆರಳಿನಿಂದ ವೃತ್ತಾಕಾರದಲ್ಲಿ ಸ್ಕ್ರಬ್ ಮಾಡಿಕೊಳ್ಳಿ. 15 ನಿಮಿಷ ಹಾಗೆ ಬಿಡಿ. ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ. ವಾರದಲ್ಲಿ ಮೂರು ಸಲ ಹೀಗೆ ಮಾಡಿ.

Most Read: ಪಪ್ಪಾಯಿ ತಿಂದರೂ ಸಾಕು-ದೇಹದ ತೂಕ ಹಾಗೂ ಬೊಜ್ಜು ಇಳಿಸಿಕೊಳ್ಳಬಹುದು



ಲಿಂಬೆ ಮತ್ತು ಮೊಸರು

ಬೇಕಾಗುವ ಸಾಮಗ್ರಿಗಳು

• 1 ಚಮಚ ಲಿಂಬೆರಸ
• 1 ಚಮಚ ಮೊಸರು

ತಯಾರಿಸುವ ವಿಧಾನ

ಶುಚಿಯಾಗಿರುವಂತಹ ಪಿಂಗಾಣಿಯಲ್ಲಿ ಲಿಂಬೆರಸ ಮತ್ತು ಮೊಸರು ಹಾಕಿಕೊಳ್ಳಿ. ಇದನ್ನು ಮುಖಕ್ಕೆ ಹಚ್ಚಿಕೊಂಡು ನಿಧಾನವಾಗಿ ಕೆಲವು ನಿಮಿಷ ಕಾಲ ಮುಖಕ್ಕೆ ಮಸಾಜ್ ಮಾಡಿ. 30 ನಿಮಿಷ ಕಾಲ ಇದನ್ನು ಹಾಗೆ ಬಿಡಿ. 30 ನಿಮಿಷ ಬಿಟ್ಟು ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ ಮತ್ತು ಕೊನೆಯದಾಗಿ ತಣ್ಣೀರಿನಿಂದ ತೊಳೆಯಿರಿ. ವೇಗವಾಗಿ ಫಲಿತಾಂಶ ಪಡೆಯಲು ದಿನದಲ್ಲಿ ಮೂರು ಸಲ ಹೀಗೆ ಮಾಡಿ.



ಲಿಂಬೆ ಮತ್ತು ಗ್ಲಿಸರಿನ್

ಬೇಕಾಗುವ ಸಾಮಗ್ರಿಗಳು

• 5 ಚಮಚ ಲಿಂಬೆರಸ
• 1 ಚಮಚ ಗ್ಲಿಸರಿನ್
• 1 ಚಮಚ ರೋಸ್ ವಾಟರ್

ತಯಾರಿಸುವ ವಿಧಾನ

ಲಿಂಬೆರಸ, ಗ್ಲಿಸರಿನ್ ಮತ್ತು ರೋಶ್ ವಾಟರ್ ನ್ನು ಸ್ಪ್ರೇ ಬಾಟಲಿಗೆ ಹಾಕಿ ಮಿಶ್ರಣ ಮಾಡಿ. ನೀವು ಪ್ರತಿನಿತ್ಯ ಮಲಗುವ ಮೊದಲು ಈ ಮಿಶ್ರಣವನ್ನು ಮುಖಕ್ಕೆ ಸ್ಪ್ರೇ ಮಾಡಿಕೊಂಡು ಮಲಗಿ. ಮರುದಿನ ಬೆಳಗ್ಗೆ ಮುಖ ತೊಳೆಯಿರಿ. ಇದನ್ನು ನೀವು ರೆಫ್ರಿಜರೇಟರ್ ನಲ್ಲಿಡಬಹುದು ಮತ್ತು ನಿಮಗೆ ಬೇಕಾದಾಗ ಬಳಸಬಹುದು.

Most Read: ಬ್ಯೂಟಿ ಟಿಪ್ಸ್: ಕೂದಲು ಹಾಗೂ ಮುಖದ ಸೌಂದರ್ಯ ಹೆಚ್ಚಿಸುತ್ತೆ 'ಮೂಲಂಗಿ'



ಲಿಂಬೆ ಮತ್ತು ವಿಟಮಿನ್ ಇ ತೈಲ

ಬೇಕಾಗುವ ಸಾಮಗ್ರಿಗಳು

• 2-3 ಹನಿ ಲಿಂಬೆತೈಲ
• 1 ಚಮಚ ವಿಟಮಿನ್ ಇ ತೈಲ
• 1 ಚಮಚ ಬಾದಾಮಿ ತೈಲ

ತಯಾರಿಸುವ ವಿಧಾನ

ಲಿಂಬೆತೈಲ, ವಿಟಮಿನ್ ಇ ಮತ್ತು ಬಾದಾಮಿ ತೈಲವನ್ನು ಮಿಶ್ರಣ ಮಾಡಿಕೊಳ್ಳಿ. ಇದನ್ನು ಮುಖಕ್ಕೆ ಹಚ್ಚಿಕೊಳ್ಳಿ. ಕಣ್ಣಿನ ಕೆಳಭಾಗಕ್ಕೆ ಗಮನಹರಿಸಿ ಹಚ್ಚಿ ಮತ್ತು ಕೆಲವು ನಿಮಿಷ ಕಾಲ ನಯವಾಗಿ ಮಸಾಜ್ ಮಾಡಿ. ರಾತ್ರಿ ಮಲಗುವ ಮೊದಲು ನೀವು ಇದನ್ನು ಬಳಸಿಕೊಳ್ಳಿ.