Just In
- 1 hr ago ವಿಕಲಚೇತನರಿಗೆ ಸ್ಕೂಟಿ ಗಿಫ್ಟ್..! ಮನೆ ಕಟ್ಟಿಕೊಡುವ ಭರವಸೆ ನೀಡಿದ ನಟ ಲಾರೆನ್ಸ್..!
- 3 hrs ago ಗರಿ ಗರಿಯಾದ ಕೋಡುಬಳೆ ಮನೆಯಲ್ಲೇ ಮಾಡಿ.! 4 ವಸ್ತು ಇದ್ದರೆ ಸಾಕು
- 6 hrs ago Zero Shadow Day: ಬೆಂಗಳೂರಲ್ಲಿ ಇಂದು ಶೂನ್ಯ ನೆರಳು ದಿನ.! ಯಾವ ಸಮಯದಲ್ಲಿ ಗೊತ್ತಾ?
- 8 hrs ago ಹೋಟೆಲ್ ರುಚಿಯ ಪನೀರ್ ಪೆಪ್ಪರ್ ಫ್ರೈ ಮನೆಯಲ್ಲೇ ಮಾಡಿ..! 10 ನಿಮಿಷದಲ್ಲಿ ರೆಡಿ..!
Don't Miss
- Movies ಮದುವೆ ಆಗದೇ ಗರ್ಭಿಣಿಯಾಗಿದ್ರಾ ಮಾಧುರಿ ದಿಕ್ಷಿತ್? ವಿವಾದಾತ್ಮಕ ಟ್ವೀಟ್ಗೆ ಫ್ಯಾನ್ಸ್ ಆಕ್ರೋಶ!
- News Namma Metro Service Extend: ಲೋಕಸಭಾ ಚುನಾವಣೆಗಾಗಿ ಮೆಟ್ರೋ ಸೇವೆ ವಿಸ್ತರಣೆ, ಗಮನಿಸಿ
- Automobiles Hero: ಮಧ್ಯಮ ವರ್ಗದವರ ನೆಚ್ಚಿನ ಬೈಕ್.. ರೂ.75 ಸಾವಿರ ಬೆಲೆ.. ಮೈಲೇಜ್ನಲ್ಲಿ ಸರಿ ಸಾಟಿಯಿಲ್ಲ!
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಲಿಂಬೆಯಲ್ಲಿ ಎಷ್ಟೊಂದು ಲಾಭಗಳಿವೆ ಗೊತ್ತಾ? ಕೇಳಿದರೆ ಅಚ್ಚರಿ ಪಡುವಿರಿ!
ಬೀಜವಿಲ್ಲದಿದ್ದರೆ ಲಿಂಬೆಯಂತಹ ಔಷಧಿ ಇನ್ನೊಂದಿರುತ್ತಿರಲಿಲ್ಲ ಎಂದು ಆಯುರ್ವೇದವೇ ಬಣ್ಣಿಸಿದ ಬಳಿಕ ಇದರ ಗುಣಗಳಿಗೆ ಎರಡು ಮಾತನಾಡಲು ಸಾಧ್ಯವಿಲ್ಲ. ಹಲವಾರು ಕಾಯಿಲೆಗಳಿಗೆ ಲಿಂಬೆಯನ್ನು ಔಷಧಿಯ ರೂಪದಲ್ಲಿ ಬಳಸಲಾಗುತ್ತಿದೆ. ಹೃದಯದ ಕ್ಷಮತೆಯನ್ನು ಹೆಚ್ಚಿಸುವ ಈ ಲಿಂಬೆ ತ್ವಚೆಯ ಸ್ಥಿತಿಯನ್ನೂ ಉತ್ತಮಗೊಳಿಸುತ್ತದೆ ಹಾಗೂ ಬ್ಯಾಕ್ಟೀರಿಯಾ ಮತ್ತು ಇತರ ಕ್ರಿಮಿಗಳಿಂದ ಆವರಿಸಿದ್ದ ಸೋಂಕನ್ನೂ ನಿವಾರಿಸುತ್ತದೆ.
ಲಿಂಬೆ ಹಣ್ಣು- ಹುಳಿಯಾದರೂ, ಆರೋಗ್ಯಕ್ಕೆ ಸಿಹಿ!
ಲಿಂಬೆಯ ಗುಣಪಡಿಸುವ, ಬ್ಯಾಕ್ಟೀರಿಯಾ ನಿವಾರಕ ಹಾಗೂ ಆಂಟಿ ಆಕ್ಸಿಡೆಂಟುಗಳಿರುವ ಗುಣಗಳನ್ನು ಹಲವಾರು ಚರ್ಮಸಂಬಂಧಿತ ಚಿಕಿತ್ಸೆಗಳಿಗೆ ಬಳಸಬಹುದು. ಬನ್ನಿ, ಆರು ವಿಧಗಳಲ್ಲಿ ಈ ಲಿಂಬೆಯನ್ನು ಮುಖದ ಸೌಂದರ್ಯ ಹೆಚ್ಚಿಸಲು ಹೇಗೆ ಬಳಸಬಹುದು ಎಂಬುದನ್ನು ನೋಡೋಣ....
ಮೊಡವೆಗಳ ವಿರುದ್ಧ ಹೋರಾಡುತ್ತದೆ
ಇದರ ಬ್ಯಾಕ್ಟೀರಿಯಾ ನಿವಾರಕ ಗುಣ ಮೊಡವೆಗಳ ನಿಗ್ರಹಕ್ಕೆ ಅತ್ಯಂತ ಸೂಕ್ತವಾಗಿದೆ. ಇದಕ್ಕಾಗಿ ಒಂದು ಲಿಂಬೆಯನ್ನು ಅಡ್ಡಲಾಗಿ ಕತ್ತರಿಸಿ ನೇರವಾಗಿ ಮೊಡವೆಯ ಮೇಲೆ ಕೊಂಚವೇ ಹಿಂಡುತ್ತಾ ರಸ ಇಳಿಯುವಂತೆ ಹಚ್ಚಿಕೊಳ್ಳಬೇಕು. ರಾತ್ರಿ ಮಲಗುವ ಮುನ್ನ ಹಚ್ಚಿಕೊಂಡು ಬೆಳಿಗ್ಗೆದ್ದ ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಬೇಕು. ಈ ಸುಲಭ ಕ್ರಮದಿಂದ ಮೊಡವೆಗಳು ಶೀಘ್ರವೇ ವಾಸಿಯಾಗುವುದು ಮಾತ್ರವಲ್ಲ ಹೊಸ ಮೊಡವೆಗಳು ಮೂಡುವುದನ್ನೂ ತಡೆಯಬಹುದು.
ಲಿಂಬೆ ರಸ+ ಆಲಿವ್ ಎಣ್ಣೆ
ಒಂದು ಲಿಂಬೆಯ ರಸವನ್ನು ಒಂದು ದೊಡ್ಡಚಮಚ ಆಲಿವ್ ಎಣ್ಣೆಯೊಂದಿಗೆ ಬೆರೆಸಿ. ಇದಕ್ಕೆ ಐದು ದೊಡ್ಡಚಮಚ ಸಕ್ಕರೆ ಮತ್ತು ಒಂದು ಚಿಕ್ಕ ಚಮಚ ಜೇನು ಬೆರೆಸಿ. ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ ಮುಖದ ಮೇಲೆ ಚಿಕ್ಕ ವೃತ್ತಾಕಾರದಲ್ಲಿ ಮಸಾಜ್ ಮಾಡುತ್ತಾ ಹಚ್ಚಿ. ಕೊಂಚ ಹೊತ್ತಿನ ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.
ಎಣ್ಣೆಚರ್ಮದ ಪಸೆಯನ್ನು ನಿವಾರಿಸಲು
ಲಿಂಬೆರಸದಲ್ಲಿರುವ ಗುಣಪಡಿಸುವ ಗುಣದಿಂದಾಗಿ ಚರ್ಮದ ಹಿಗ್ಗಿರುವ ಸೂಕ್ಷ್ಮರಂಧ್ರಗಳನ್ನು ಕಿರಿದಾಗಿಸಿ ಈ ಮೂಲಕ ಎಣ್ಣೆಯ ಪಸೆಯನ್ನು ಕನಿಷ್ಟಗೊಳಿಸಬಹುದು. ಎಣ್ಣೆ ಚರ್ಮದ ವ್ಯಕ್ತಿಗಳು ಪ್ರತಿದಿನ ಮನೆಯಿಂದ ಹೊರಡುವ ಮುನ್ನ ಕೊಂಚ ಲಿಂಬೆಯ ಎಣ್ಣೆಯನ್ನು ಎಣ್ಣೆಚರ್ಮಕ್ಕೆ ಹಚ್ಚಿಕೊಂಡು ಹೊರಹೋಗಬೇಕು. ಆದರೆ ಬಿಸಿಲಿಗೆ ಹೋಗುವ ಮುನ್ನ ಉತ್ತಮ ಗುಣಮಟ್ಟದ ಸನ್ ಸ್ಕ್ರೀನ್ ಹಚ್ಚಿಕೊಳ್ಳುವುದನ್ನು ಮರೆಯದಿರಿ. ಏಕೆಂದರೆ ಲಿಂಬೆಯ ಎಣ್ಣೆ ಹಚ್ಚಿಕೊಂಡಿರುವ ಚರ್ಮ ಸೂರ್ಯನ ಬೆಳಕಿನ ಅತಿನೇರಳೆ ಕಿರಣಗಳ ಪ್ರಭಾವಕ್ಕೆ ಸುಲಭವಾಗಿ ಒಳಗಾಗುತ್ತದೆ.
ಕಪ್ಪು ಕಲೆಗಳನನ್ನು ನಿವಾರಿಸಲು
ಹಿಂದೆಂದೋ ಮೊಡವೆ ಒಡೆದ ಬಳಿಕ ಉಳಿದಿದ್ದ ಕಲೆಗಳನ್ನು ಲಿಂಬೆರಸದ ಮೂಲಕ ಸುಲಭವಾಗಿ ನಿವಾರಿಸಬಹುದು. ಲಿಂಬೆರಸ ಉತ್ತಮ ಬಿಳಿಚುಕಾರಕವಾಗಿದೆ ಹಾಗೂ ನಿಧಾನವಾಗಿ ಕಲೆಗಳನ್ನು ನಿವಾರಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದಕ್ಕಾಗಿ ಕಲೆಗಳ ಮೇಲೆ ಲಿಂಬೆರಸವನ್ನು ನೇರವಾಗಿ ರಾತ್ರಿ ಮಲಗುವ ಮುನ್ನ ಹಚ್ಚಿ ಬೆಳಿಗ್ಗೆದ್ದ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ.
ತೇವಕಾರಕವಾಗಿ
ತಲಾ ಒಂದು ದೊಡ್ಡಚಮಚ ಕೊಬ್ಬರಿ ಎಣ್ಣೆ ಮತ್ತು ಜೇನಿಗೆ ಒಂದು ಲಿಂಬೆಯ ರಸವನ್ನು ಬೆರೆಸಿದರೆ ಅಮೋಘವಾದ ತೇವಕಾರಕ ಸಿದ್ಧ. ಈ ಮಿಶ್ರಣವನ್ನು ಮುಖದ ಮೇಲೆ ಹಚ್ಚಿ ಹದಿನೈದು ನಿಮಿಷ ಬಿಟ್ಟು ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳುವ ಮೂಲಕ ಉತ್ತಮ ಪ್ರಮಾಣದ ಆರ್ದ್ರತೆ ದೊರಕುತ್ತದೆ.
ಚರ್ಮವನ್ನು ಬೆಳ್ಳಗಾಗಿಸಲು
ಲಿಂಬೆರಸದಲ್ಲಿ ಅತಿ ಹೆಚ್ಚಾಗಿರುವ ವಿಟಮಿನ್ ಸಿ ಚರ್ಮದಲ್ಲಿ ಕೊಲ್ಯಾಜೆನ್ ಪ್ರಮಾಣವನ್ನು ಹೆಚ್ಚಿಸುವ ಕ್ಷಮತೆ ಹೊಂದಿದೆ. ಇದರಿಂದ ಚರ್ಮ ಹೆಚ್ಚು ಸೆಳೆತ ಹೊಂದುತ್ತದೆ ಹಾಗೂ ಸಹಜವರ್ಣ ಇನ್ನಷ್ಟು ಪ್ರಕಾಶಮಾನವಾಗುತ್ತದೆ. ಮೊಡವೆಗಳನ್ನು ನಿವಾರಿಸಲು ಉಪಯೋಗಿಸಿದಂತೆಯೇ ರಾತ್ರಿ ಮಲಗುವ ಮುನ್ನ ಲಿಂಬೆರಸವನ್ನು ನೇರವಾಗಿ ಚರ್ಮಕ್ಕೆ ಹಚ್ಚಿ ಬೆಳಿಗ್ಗೆದ್ದ ಬಳಿಕ ತಣ್ಣೀರಿನಿಂದ ತೊಳೆದುಕೊಂಡರೆ ಸಾಕು.