ಮೈ ಕಾಂತಿ ಹೆಚ್ಚಿಸಬೇಕೇ? ಬಾದಾಮಿ ಫೇಸ್ ಮಾಸ್ಕ್ ಪ್ರಯತ್ನಿಸಿ

ನೈಸರ್ಗಿಕ ತೇವಕಾರಕ (ಮಾಯಿಶ್ಚರೈಸರ್)

ಬಾದಾಮಿಯಲ್ಲಿ ಹೇರಳವಾಗಿರುವ ಕೊಬ್ಬಿನ ಆಮ್ಲಗಳು ಚರ್ಮದ ಆಳಕ್ಕೆ ಇಳಿದು ಅಗತ್ಯವಿರುವ ಆರ್ದ್ರತೆಯನ್ನು ನೀಡಲು ಸಕ್ಷಮವಾಗಿವೆ. ಬಾದಾಮಿಯನ್ನು ಚರ್ಮದ ಮೇಲೆ ಬಳಸುವುದರಿಂದ ಇದೊಂದು ನೈಸರ್ಗಿಕ ತೇವಕಾರಕದಂತೆ ಕಾರ್ಯ ನಿರ್ವಹಿಸುತ್ತದೆ. ಈ ಮೂಲಕ ಚರ್ಮ ಆರೋಗ್ಯಕರ ಹಾಗೂ ಮೃದುವಾಗಿರುತ್ತದೆ.

ವೃದ್ಧಾಪ್ಯದ ಚಿಹ್ನೆಗಳನ್ನು ತಡೆಯುತ್ತದೆ

ಬಾದಾಮಿಯಲ್ಲಿರುವ ವಿಟಮಿನ್ ಇ ಹಾಗೂ ಆಂಟಿಆಕ್ಸಿಡೆಂಟುಗಳು ದೇಹದಲ್ಲಿರುವ ಫ್ರೀ ರ್‍ಯಾಡಿಕಲ್ ಎಂಬ ಕ್ಯಾನ್ಸರ್ ಕಾರಕ ಕಣಗಳ ವಿರುದ್ಧ ಹೋರಾಡುತ್ತವೆ. ಈ ಕಣಗಳು ಚರ್ಮವನ್ನು ಘಾಸಿಗೊಳಿಸಿ ಸಹಜ ಸೌಂದರ್ಯವನ್ನು ಕಸಿಯುತ್ತದೆ. ಬಾದಾಮಿಯನ್ನು ಚರ್ಮದ ಮೇಲೆ ಹಚ್ಚಿಕೊಳ್ಳುವ ಮೂಲಕ ಈ ಕಣಗಳ ಪ್ರಭಾವವನ್ನು ನಿಷ್ಕ್ರಿಯಗೊಳಿಸಿ ಮುಖದ ಚರ್ಮದ ಮೇಲೆ ಬೀಳುವ ಸೂಕ್ಷ್ಮ ಗೆರೆಗಳನ್ನು ಹಾಗೂ ನೆರಿಗೆಗಳನ್ನು ಮೂಡದಂತೆ ತಡೆಯಬಹುದು.

ಇದನ್ನು ಹೇಗೆ ತಯಾರಿಸುವುದು....

ಇದಕ್ಕಾಗಿ ಕೆಲವು ಬಾದಾಮಿಗಳನ್ನು ನುಣ್ಣಗೆ ಅರೆದು ಒಂದು ಚಿಕ್ಕ ಚಮಚ ಅರಿಶಿನ ಪುಡಿ ಹಾಗೂ ಒಂದು ಚಿಕ್ಕಚಮಚ ಗುಲಾಬಿ ನೀರಿನೊಂದಿಗೆ ಚೆನ್ನಾಗಿ ಬೆರೆಸಿ ಲೇಪ ತಯಾರಿಸಿ. ಈ ಲೇಪವನ್ನು ಈಗತಾನೇ ತೊಳೆದುಕೊಂಡ ಮುಖದ ಮೇಲೆ ತೆಳುವಾಗಿ ಹಚ್ಚಿ ಒಣಗಲು ಬಿಡಿ. ಈ ಪದರ ಒಣಗಿ ಬಿರುಕು ಬಿಡಲು ಪ್ರಾರಂಭಿಸಿದ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ.

ಸೂರ್ಯನ ಪ್ರಖರ ಕಿರಣಗಳಿಂದ ರಕ್ಷಿಸುತ್ತದೆ

ಕೆಲವು ಬಾದಾಮಿಗಳನ್ನು ಕೊಂಚ ಹಸಿಹಾಲಿನಲ್ಲಿ ಇಡಿಯರಾತ್ರಿ ನೆನೆಸಿಡಿ. ಮರುದಿನ ಈ ಬಾದಾಮಿಗಳನ್ನು ನುಣ್ಣಗೆ ಅರೆದು ಎರಡು ಚಿಕ್ಕ ಚಮಚ ಗ್ಲಿಸರಿನ್ ದ್ರವವನ್ನು ಬೆರೆಸಿ. ಈ ಮಿಶ್ರಣವನ್ನು ಈಗತಾನೇ ತೊಳೆದುಕೊಂಡ ಮುಖಕ್ಕೆ ಹಚ್ಚಿ ಒಣಗಲು ಬಿಡಿ. ಒಣಗಿದ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಈ ಮುಖಲೇಪದ ನಿಯಮಿತ ಬಳಕೆಯಿಂದ ಬಿಸಿಲಿಗೆ ಚರ್ಮ ಕಪ್ಪಗಾಗುವುದನ್ನು ತಡೆಯಬಹುದು ಹಾಗೂ ಈಗಾಗಲೇ ಘಾಸಿಗೊಂಡಿದ್ದ ಚರ್ಮವನ್ನು ಪುನಃಶ್ಚೇತನಗೊಳಿಸಬಹುದು.

ಕಣ್ಣ ಕೆಳಗಿನ ಕಪ್ಪು ವರ್ತುಲಗಳಿಗೆ

ಒಂದು ಚಿಕ್ಕ ಚಮಚ ಬಾದಾಮಿಯನ್ನು ಅರೆದ ಲೇಪ ಹಾಗೂ ಒಂದು ಚಿಕ್ಕ ಚಮಚ ಬಾದಾಮಿ ಎಣ್ಣೆಯನ್ನು ಬೆರೆಸಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ಕಣ್ಣ ಕೆಳಗಿನ ಕಪ್ಪಗಾಗಿರುವ ಭಾಗಕ್ಕೆ ತೆಳುವಾಗಿ ನಯವಾದ ಮಸಾಜ್ ಮೂಲಕ ಹಚ್ಚಿ. ಉಳಿದ ಭಾಗಕ್ಕೂ ತೆಳುವಾಗಿ ಹಚ್ಚಿ. ಕೊಂಚ ಹೊತ್ತಿನ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ.

ಉರಿಯುತ್ತಿರುವ ಚರ್ಮವನ್ನು ಶಮನಗೊಳಿಸುತ್ತದೆ

ಒಂದು ವೇಳೆ ಮುಖದ ಚರ್ಮ ಉರಿಯುತ್ತಿರುವಂತೆ ಅನ್ನಿಸಿದರೆ ಸುಮಾರು ಎರಡರಿಂದ ಮೂರು ಚಮಚ ಬಾದಾಮಿ ಅರೆದ ಲೇಪ ಹಾಗೂ ಒಂದು ಚಿಕ್ಕ ಚಮಚ ಲಿಂಬೆರಸ ಮತ್ತು ಒಂದು ಚಿಕ್ಕ ಚಮಚ ಮೊಸರು ಬೆರೆಸಿ ಮಿಶ್ರಣ ಮಾಡಿ. ಈ ಲೇಪವನ್ನು ಮುಖಕ್ಕೆ ದಪ್ಪನಾಗಿ ಹಚ್ಚಿ ಒಣಗಲು ಬಿಡಿ. ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ.