ಊಹೆಗೂ ನಿಲುಕದ ಆಲೂಗಡ್ಡೆಯ ಕಾರುಬಾರು....

ತುಟಿಯ ಪಕ್ಕದ ನೆರಿಗೆಗಳನ್ನು ನಿವಾರಿಸಲು

ವಯಸ್ಸಾಗುತ್ತಾ ಹೋದಂತೆ ಮೊದಲು ಕಾಣಿಸಿಕೊಳ್ಳುವ ನೆರಿಗೆ ಎಂದರೆ ತುಟಿಯ ಅಕ್ಕಪಕ್ಕದ ಭಾಗ. ಇದನ್ನು ನಿಧಾನಗೊಳಿಸಲು ಚರ್ಮಕ್ಕೆ ಸತು ಮತ್ತು ತಾಮ್ರದ ಪೋಷಣೆಯ ಅಗತ್ಯವಿದೆ. ಈ ಕೊರತೆಯನ್ನು ಆಲೂಗಡ್ಡೆ ಸಮರ್ಥವಾಗಿ ನೀಗಿಸುತ್ತದೆ. ಇದಕ್ಕಾಗಿ ಎರಡು ದೊಡ್ಡಚಮಚ ಆಲೂಗಡ್ಡೆಯ ತಿರುಳು (ಸಿಪ್ಪಿ ಸಹಿತ) ಮತ್ತು ಕೊಂಚ ಉಗುರುಬೆಚ್ಚನೆಯ ನೀರು ಸೇರಿಸಿ ಅರೆಯಿರಿ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ತುಟಿಯ ಪಕ್ಕದ ನೆರಿಗೆಗಳನ್ನು ನಿವಾರಿಸಲು

ಈ ಲೇಪನವನ್ನು ನೇರವಾಗಿ ಮುಖಕ್ಕೆ ಹಚ್ಚಿ. ಆದರೆ ಕಣ್ಣುಗಳ ಸುತ್ತ ಮತ್ತು ಕುತ್ತಿಗೆಯ ಮುಂಭಾಗದ ಚರ್ಮಕ್ಕೆ ಹಚ್ಚಬೇಡಿ. ಇಪ್ಪತ್ತು ನಿಮಿಷದ ಬಳಿಕ ಒದ್ದೆಯಾದ ಬಟ್ಟೆ ಅಥವಾ ಟಿಶ್ಯೂ ಪೇಪರ್ ಒತ್ತಿ ಒರೆಸಿಕೊಳ್ಳಿ. ಕೊಂಚ ಹೊತ್ತಿನ ಬಳಿಕ ಉಗುರುಬೆಚ್ಚನೆಯ ಅಥವಾ ಇನ್ನೂ ಕೊಂಚವೇ ಬಿಸಿ ಇರುವ ನೀರಿನಿಂದ ತೊಳೆದುಕೊಳ್ಳಿ. ಸೋಪು ಬಳಸಬೇಡಿ.

ಸಲಹೆ #1

ಆಲುಗಡ್ಡೆಯ ಮುಖಲೇಪ ಚರ್ಮದ ಸೂಕ್ಷ್ಮರಂಧ್ರಗಳನ್ನು ಬಿಗಿಗೊಳಿಸುತ್ತದೆ, ರಕ್ತಸಂಚಾರ ಹೆಚ್ಚಿಸುತ್ತದೆ ಹಾಗೂ ಚರ್ಮವನ್ನು ಮೃದುಗೊಳಿಸಲೂ ನೆರವಾಗುತ್ತದೆ. ಈ ಎಲ್ಲಾ ಗುಣಗಳ ಕಾರಣ ಆಲುಗಡ್ಡೆಯ ಮುಖಲೇಪವನ್ನು ನಿಯಮಿತವಾಗಿ ಬಳಸುವುದನ್ನು ಸೌಂದರ್ಯತಜ್ಞರು ಶಿಫಾರಸ್ಸು ಮಾಡುತ್ತಾರೆ. ಅಷ್ಟೇ ಅಲ್ಲ, ಆಲುಗಡ್ಡೆಯ ಹಸಿ ತಿರುಳನ್ನು ಕೈಗಳಿಗೆ ಹಚ್ಚಿಕೊಳ್ಳುವ ಮೂಲಕವೂ ಹಸ್ತ, ಮೊಣಕೈಗಳ ಚರ್ಮವನ್ನೂ ಮೃದುಗೊಳಿಸಬಹುದು. ಇದಕ್ಕಾಗಿ ಹಸಿ ಆಲುಗಡ್ಡೆಯನ್ನು ಸಿಪ್ಪೆ ಸಹಿತ ಅರೆದು ತೆಳುವಾಗಿ ಕೈಗಳಿಗೆ ಲೇಪಿಸಿ ಅರ್ಧಘಂಟೆ ಕಾಲ ಒಣಗಲು ಬಿಟ್ಟು ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ.

ಸಲಹೆ #2

ಒಂದು ಆಲುಗಡ್ಡೆಯನ್ನು ಬೇಯಿಸಿ ಇದನ್ನು ಕಿವುಚಿ ಮತ್ತೆ ನೀರಿಗೆ ಬೆರೆಸಿ ಚೆನ್ನಾಗಿ ಕಲಕಿ ಮತ್ತೊಮ್ಮೆ ಕುದಿಸಿ. ಈ ನೀರು ತಣಿದ ಬಳಿಕ ಸೋಸಿ ನೀರನ್ನು ಸಂಗ್ರಹಿಸಿ. ಈ ನೀರಿಗೆ ಸಮಪ್ರಮಾಣದಲ್ಲಿ ಹಸಿ ಹಾಲನ್ನು ಬೆರೆಸಿ ಬಾಟಲಿಯಲ್ಲಿ ಸಂಗ್ರಹಿಸಿ. ಈ ನೀರಿನಲ್ಲಿ ಹತ್ತಿಯುಂಡೆಯನ್ನು ಅದ್ದಿ ಮುಖದ ಚರ್ಮಕ್ಕೆ ನವಿರಾಗಿ ಹಚ್ಚಿ ಹತ್ತು ಅಥವಾ ಹದಿನೈದು ನಿಮಿಶ ಬಿಟ್ಟು ತಣ್ಣೀರಿನಲ್ಲಿ ತೊಳೆದುಕೊಳ್ಳುವ ಮೂಲಕ ಕಡಿಮೆ ವಯಸ್ಸಿನಲ್ಲಿಯೇ ಎದುರಾದ ನೆರಿಗೆಗಳನ್ನು ನಿವಾರಿಸಬಹುದು.

ಸಲಹೆ #3

ಒಂದು ವೇಳೆ ನಿಮ್ಮ ತ್ವಚೆ ಎಣ್ಣೆತ್ವಚೆಯಾಗಿದ್ದರೆ ಹಸಿ ಆಲುಗಡ್ಡೆ (ಸಿಪ್ಪೆ ಸಹಿತ) ಯಿಂದ ಸಂಗ್ರಹಿಸಿದ ಕಾಲುಕಪ್ ರಸ ಮತ್ತು ಕಾಲು ಕಪ್ ಟೊಮೇಟೊ ತಿರುಳನ್ನು ಅರೆದು ತೆಗೆದ ರಸವನ್ನು ಸೇರಿಸಿ ಮಿಶ್ರಣ ಮಾಡಿ ಈ ರಸವನ್ನು ಬಾಟಲಿಯಲ್ಲಿ ಸಂಗ್ರಹಿಸಿ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಸಲಹೆ #3

ಹತ್ತಿಯುಂಡೆಯೊಂದನ್ನು ಈ ದ್ರವದಲ್ಲಿ ಮುಳುಗಿಸಿ ಎಣ್ಣೆಪಸೆ ಇರುವಲ್ಲಿ ಕೊಂಚ ಒತ್ತಡದಿಂದ ಒರೆಸಿಕೊಳ್ಳಿ. ಎಣ್ಣೆ ಪಸೆ ಸುಲಭವಾಗಿ ಹತ್ತಿಯುಂಡೆಗೆ ಅಂಟಿಕೊಂಡು ಬರುತ್ತದೆ. ಪ್ರತಿದಿನ ಎರಡರಿಂದ ಮೂರು ಬಾರಿ ಬಳಸುವ ಮೂಲಕ ಇಡಿಯ ದಿನ ಎಣ್ಣೆಪಸೆಯಿಂದ ಮುಕ್ತರಾಗಬಹುದು.