ಕಾಫಿಯಲ್ಲಿದೆ ಸೌಂದರ್ಯದ ನೂರೆಂಟು ಉಪಯೋಗ

ಸೌಂದರ್ಯಕ್ಕೆ ಕಾಫಿ ಬಳಕೆಯ ಐದು ಮಾರ್ಗ:

* ಮುಖಕ್ಕೆ ಕಾಫಿ ಬಳಕೆ ಹೇಗೆ: ಒಣತ್ವಚೆಯಿದ್ದವರಿಗೆ ಕಾಫಿ ಸ್ಕ್ರಬ್ ತುಂಬಾ ಸಹಕಾರಿ. ಕಾಫಿ ಪುಡಿಯಲ್ಲಿ ಸುಕ್ಕಿನ ವಿರುದ್ಧ ಹೋರಾಡುವ ಗುಣವಿರುವುದರಿಂದ ತ್ವಚೆಗೆ ಅವಶ್ಯಕ. 3 ಚಮಚ ನುಣ್ಣನೆಯ ಕಾಫಿ ಪುಡಿಗೆ 1 ಚಮಚ ಹಾಲು ಸೇರಿಸಿ ಪೇಸ್ಟ್ ನಂತೆ ಮಾಡಿ ವೃತ್ತಾಕಾರವಾಗಿ ಮುಖಕ್ಕೆ ಮಸಾಜ್ ಮಾಡಿಕೊಂಡು ಒಣಗಿದ ನಂತರ ತಣ್ಣನೆ ನೀರಿನಿಂದ ತೊಳೆದುಕೊಂಡು ಮಾಯಿಶ್ಚರೈಸರ್ ಹಚ್ಚಿಕೊಂಡರೆ ಉತ್ತಮ ಫಲಿತಾಂಶ ಹೊಂದಬಹುದು.

* ಕಾಫಿ ಫೇಸ್ ಪ್ಯಾಕ್: ಕೋಕೊ ಪೌಡರ್ ಜೊತೆ ಕಾಫಿ ಪುಡಿ ಸೇರಿಸಿ ಹಾಲು ಮತ್ತು ಸ್ವಲ್ಪ ಬೆಲ್ಲದ ರಸ ಸೇರಿಸಬೇಕು. ಈ ಫೇಸ್ ಪ್ಯಾಕ್ ಹಾಕಿಕೊಳ್ಳುವುದರಿಂದ ತ್ವಚೆಯಲ್ಲಿನ ಸುಕ್ಕನ್ನೂ ತಡೆಯುತ್ತದೆ ಮತ್ತು ಮುಖವನ್ನು ಶುದ್ಧವಿರುವಂತೆ ನೋಡಿಕೊಳ್ಳುತ್ತದೆ.

* ಕೂದಲಿಗೆ ಕಾಫಿ ಬಳಕೆ: ಕೂದಲಿನ ಬುಡದ ಚರ್ಮಕ್ಕೆ ಬೇಕಾದ ಅನೇಕ ಅಂಶ ಕಾಫಿಯಲ್ಲಿದೆ. ಕಾಫಿ ಕೂದಲಿಗೂ ತುಂಬಾ ಒಳ್ಳೆಯದು. ಕಾಫಿ ನೈಸರ್ಗಿಕ ಕಂಡೀಶನರ್ ನಂತೆ ಕೆಲಸ ನಿರ್ವಹಿಸಿ ಕೂದಲುದುರುವಿಕೆ ತಡೆದು ಮೃದುವಾಗಿಸುತ್ತೆ. ಮೆಹಂದಿಯೊಂದಿಗೆ ಕಾಫಿ ಡಿಕಾಕ್ಷನ್ ಬೆರೆಸಿ ಹಚ್ಚಿಕೊಂಡು 2 ಗಂಟೆ ಬಿಟ್ಟರೆ ಕೂದಲಿಗೆ ಒಳ್ಳೆ ಕಲರ್ ನೊಂದಿಗೆ ಹೊಳಪೂ ಬರುತ್ತದೆ.

* ದೇಹದ ಮಸಾಜ್ ಗೆ ಕಾಫಿ: ಕೋಕೊ ಬಟರ್ ಅಥವಾ ಬೆಣ್ಣೆಯೊಂದಿಗೆ ಕಾಫಿ ಪುಡಿ ಬೆರೆಸಿ ದೇಹಕ್ಕೆ ಮಸಾಜ್ ಮಾಡಿಕೊಂಡರೆ ಬೇಗನೆ ಚರ್ಮದ ಒಳಗೆ ಈ ಅಂಶ ಸೇರಿಕೊಂಡು ತ್ವಚೆಯನ್ನು ನುಣುಪಾಗುತ್ತದೆ.

* ಕಾಫಿ ಮೆನಿಕ್ಯೂರ್ ಮತ್ತು ಪೆಡಿಕ್ಯೂರ್: ಒಡೆದ ಹಿಮ್ಮಡಿ ಮತ್ತು ಕಪ್ಪಾದ ಮೊಣಕೈ ಮೊಣಕಾಲಿಗೂ ಕಾಫಿ ಮಸಾಜ್ ಉತ್ತಮ ಪರಿಹಾರ. ಇದರೊಂದಿಗೆ ಕೈ ಬೆರಳುಗಳ ಮಧ್ಯೆ, ಅಂಗಾಲುಗಳಿಗೆ ಕಾಫಿ ಪುಡಿ ಮಸಾಜ್ ಮಾಡಿದರೆ ಫಲಿತಾಂಶ ನಿಮಗೇ ಗೋಚರಿಸುತ್ತೆ.