ಮೈ ಮನಸ್ಸು ಸೆಳೆಯುವ ತರಹೇವಾರಿ ಮದರಂಗಿ ಡಿಸೈನ್‌ಗಳು

ಭಾರತೀಯ ಮದರಂಗಿ ವಿನ್ಯಾಸ

ಭಾರತೀಯ ಮೆಹಂದಿ ವಿನ್ಯಾಸದಲ್ಲಿ ವಿಶೇಷವಾಗಿ ಸುಂದರವಾಗಿರುವ ಹೂವುಗಳು, ನವಿಲಿನ ನರ್ತನ, ಕೆಲವೊಮ್ಮೆ ಮನುಷ್ಯರ ಆಕೃತಿಗಳು ಇರುವುದು. ಇದರಲ್ಲಿ ಯಾವುದೇ ಜಾಗವಿರುವುದಿಲ್ಲ. ಇದರಿಂದಾಗಿ ವಿನ್ಯಾಸವೂ ಪರಿಪೂರ್ಣ ಹಾಗೂ ಇಡೀಯಾಗಿ ಕಾಣುವುದು. ಈ ವಿನ್ಯಾಸಗಳು ತುಂಬಾ ಜಟಿಲ ಮತ್ತು ಕ್ಲಾಸಿಯಾಗಿರುವ ಕಾರಣ ಕೈಯಲ್ಲಿ ಅದು ಅದ್ಭುತವಾಗಿ ಕಾಣಿಸುವುದು.

ಅರೇಬಿಕ್ ಮದರಂಗಿ ವಿನ್ಯಾಸ

ಅರೇಬಿಕ್ ಮದರಂಗಿ ವಿನ್ಯಾಸವು ತುಂಬಾ ಸಾಂದ್ರ. ಈ ವಿನ್ಯಾಸಗಳಲ್ಲಿ ಹೊರಭಾಗವು ತುಂಬಾ ಅಲಂಕಾರ ಮಾಡಿದಂತೆ ಕಾಣಿಸುವುದು. ಆದರೆ ವಿನ್ಯಾಸದ ಒಳಭಾಗದಲ್ಲಿ ಹೆಚ್ಚಿಗೆ ತುಂಬಿರುವುದಿಲ್ಲ. ಭಾರತೀಯ ವಿನ್ಯಾಸಕ್ಕೆ ಹೋಲಿಸಿದರೆ ಇದು ತುಂಬಾ ಸರಳ. ಈ ವಿನ್ಯಾಸದಲ್ಲಿ ಹೂವುಗಳು, ಬಳ್ಳೀಗಳು ಮತ್ತು ಎಲೆಗಳಿರುವುದು. ಇದನ್ನು ಮದರಂಗಿಯಲ್ಲಿ ಅತಿಯಾಗಿ ಬಳಸುವ ವಿನ್ಯಾಸ.

ಪಾಕಿಸ್ತಾನಿ ಮದರಂಗಿ ವಿನ್ಯಾಸ

ಪಾಕಿಸ್ತಾನದ ಮದರಂಗಿ ವಿನ್ಯಾಸವು ಭಾರತೀಯ ಮತ್ತು ಅರೇಬಿಕ್ ಮದರಂಗಿ ವಿನ್ಯಾಸದ ಮಿಶ್ರಣವಾಗಿದೆ. ಇದರಲ್ಲಿ ಹೂವುಗಳು ಹಾಗೂ ಇತರ ಕೆಲವೊಂದು ವಿನ್ಯಾಸಗಳಿರುವುದು. ಭಾರತೀಯ ವಿನ್ಯಾಸದಂತೆ ತುಂಬಾ ಗಾಢ ಮತ್ತು ಅರೇಬಿಕ್ ವಿನ್ಯಾಸದಂತೆ ತುಂಬಾ ಸರಳ ವಿನ್ಯಾಸಗಳು ಬೇಡವೆನ್ನುವವರು ಪಾಕಿಸ್ತಾನಿ ಮದರಂಗಿ ವಿನ್ಯಾಸ ಆಯ್ಕೆ ಮಾಡಿಕೊಳ್ಳಿ. ಇದರಿಂದ ಕೈಗಳು ತುಂಬಾ ಸುಂದರ ಹಾಗೂ ಅಮೋಘವಾಗಿ ಕಾಣಿಸುವುದು.

ಇಂಡೋ ಅರೇಬಿಕ್ ಮೆಹಂದಿ ವಿನ್ಯಾಸ

ಅರೇಬಿಕ್ ಶೈಲಿಯಲ್ಲಿ ಹಲವಾರು ರೀತಿಯ ಸುಂದರ ಸಾಂಪ್ರದಾಯಿಕ ನಮೂನೆಗಳಿವೆ ಮತ್ತು ಇದು ತುಂಬಾ ಸೂಕ್ಷ್ಮವಾಗಿವೆ. ಇದು ಭಾರತೀಯ ಮದುವೆಗಳಿಗೆ ಅತ್ಯುತ್ತಮವಾಗಿ ಹೊಂದಿಕೊಳ್ಳುವುದು.

ಮೊರೊಕ್ಕನ್ ಮೆಹಂದಿ ವಿನ್ಯಾಸ

ಮಧ್ಯಪೂರ್ವದಿಂದ ಮೊರೊಕ್ಕನ್ ಮದರಂಗಿ ವಿನ್ಯಾಸವು ಬಂದಿದೆ. ಇದು ಜ್ಯಾಮಿತಿಯ ಮತ್ತು ಹಲವಾರು ಸುಂದರ ಹೂಗಳ ವಿನ್ಯಾಸ ಒಳಗೊಂಡಿದೆ. ಈ ವಿನ್ಯಾಸದಲ್ಲಿ ದೊಡ್ಡ ಮತ್ತು ಸಣ್ಣ ಚೌಕಗಳು, ತ್ರಿಕೋನಗಳು ಮತ್ತು ಆಯತಗಳು ಇವೆ. ಮತ್ತಷ್ಟು ನಾವೀನ್ಯತೆ ನೀಡಲು ಹೂಗಳನ್ನು ಇದರಲ್ಲಿ ಬಿಡಿಸಬಹುದು.

ಮುಘಲೈ ಮೆಹಂದಿ ವಿನ್ಯಾಸ

ಮುಘಲೈ ಮದರಂಗಿಯು ತುಂಬಾ ಸ್ವಚ್ಛ ಹಾಗೂ ವಿವರಣೆಯುಳ್ಳದ್ದಾಗಿದೆ. ಈ ವಿನ್ಯಾಸವು ತುಂಬಾ ಸುಂದರವಾಗಿರುವುದು ಮತ್ತು ವಿಭಿನ್ನ ಶೈಲಿಗಳನ್ನು ಒಳಗೊಂಡಿದೆ. ಅಲ್ಲಿ ಚುಕ್ಕೆಗಳೂ ಮತ್ತು ಸುರುಳಿಗಳು ತುಂಬಾ ಗಾಢವಾಗಿ ಎದ್ದು ಕಾಣುವುದು. ಇದು ತುಂಬಾ ಹಳೆಯ ಹಾಗೂ ಸಾಂಪ್ರದಾಯಿಕ ಮದರಂಗಿ ವಿನ್ಯಾಸವಾಗಿದೆ.

ಮದುಮಗಳ ಮದರಂಗಿ ವಿನ್ಯಾಸ

ಮದುಮಗಳ ಮದರಂಗಿ ವಿನ್ಯಾಸವು ತುಂಬಾ ಭಿನ್ನವಾಗಿರುವುದು. ಇದರಲ್ಲಿ ವಿವಿಧ ರೀತಿಯ ಹೂವುಗಳು ಮತ್ತು ಬಳ್ಳಿಗಳು ಹಾಗೂ ಇತರ ವಿನ್ಯಾಸವಿರುವುದು. ಈ ವಿನ್ಯಾಸವನ್ನು ಮೇಲಿನಿಂದ ಕೆಳಗಿನವರೆಗೆ ಮಾಡಲಾಗುತ್ತದೆ. ವಿನ್ಯಾಸದಲ್ಲಿ ಮದುಮಗ ಹಾಗೂ ಮದುಮಗಳ ಚಿತ್ರಗಳು ಇವೆ. ಇದು ತುಂಬಾ ಭಾರೀಯಾಗಿರುವ ಕಾರಣದಿಂದ ಕೈಗಳು ತುಂಬಾ ಅಲಂಕಾರ ಮಾಡಿದಂತೆ ಸುಂದರವಾಗಿ ಕಾಣಿಸುವುದು.

ಕ್ರಿಸ್ ಕ್ರಾಸ್ ನಮೂನೆ ವಿನ್ಯಾಸ

ಈ ವಿನ್ಯಾಸಗಳು ತುಂಬಾ ಅನನ್ಯ ಮತ್ತು ಸರಳ. ತ್ರಿಕೋನಾಕೃತಿಗಳನ್ನು ಅಂಗೈಯ ಮೇಲೆ ಬಿಡಿಸಲಾಗುತ್ತದೆ ಮತ್ತು ಈ ವಿನ್ಯಾಸವು ತುಂಬಾ ಸುಂದರವಾಗಿ ಕಾಣಿಸುವುದು. ಸಣ್ಣ ಹಾಗೂ ಸುಂದರ ಪೊಟಿಫ್ಸ್ ಗಳನ್ನು ಮಾಡಿ ವಿನ್ಯಾಸವು ಪರಿಪೂರ್ಣ ಮತ್ತು ಅನನ್ಯವಾಗಿ ಕಾಣಿಸುವಂತೆ ಮಾಡಲಾಗುತ್ತದೆ.

ಹೂವಿನ ಮದರಂಗಿ ವಿನ್ಯಾಸ

ಹೂವಿನ ಮದರಂಗಿ ವಿನ್ಯಾಸದಲ್ಲಿ ವಿವಿಧ ರೀತಿಯ ಹೂವುಗಳು ಹಾಗೂ ಬಳ್ಳಿಗಳಿರುವುದು. ಇದರಿಂದ ಕೈಗಳು ತುಂಬಾ ಸುಂದರ ಹಾಗೂ ವಿಶೇಷವಾಗಿ ಕಾಣಿಸುವುದು. ಈ ವಿನ್ಯಾಸವು ಸಂಗೀತ ಕಾರ್ಯಕ್ರಮ ಮತ್ತು ಮದುವೆ ಸಮಾರಂಭಗಳಿಗೆ ಕೇಳಿ ಮಾಡಿಸಿದ ವಿನ್ಯಾಸ.

ರಾಜಸ್ಥಾನಿ ಮೆಹಂದಿ ವಿನ್ಯಾಸ

ರಾಜಸ್ಥಾನಿ ಮಹಂದಿ ವಿನ್ಯಾಸದಲ್ಲಿ ಸುಂದರವಾಗಿರುವ ಹೂವುಗಳು, ನವಿಲುಗಳು ಇತ್ಯಾದಿ ಇರುವುದು. ಇಲ್ಲಿ ವಿನ್ಯಾಸದ ಮಧ್ಯೆ ಯಾವುದೇ ಜಾಗ ಬಿಡಲಾಗುವುದಿಲ್ಲ. ರಾಜಸ್ಥಾನಿ ವಿನ್ಯಾಸವು ಭಾರತೀಯ ಮೆಹಂದಿ ವಿನ್ಯಾಸದಂತೆ ಇರುವುದು. ಈ ವಿನ್ಯಾಸವು ಬೆರಳಿನಿಂದ ಹಿಡಿದು ಮೊಣಕೈಯವರೆಗೆ ಹಬ್ಬಿರುವುದು.