ಸೊಂಪಾದ ಕೂದಲಿಗಾಗಿ ಹರ್ಬಲ್ ಎಣ್ಣೆ ಮಾಡುವುದು ಹೇಗೆ?

ಬೇಕಾಗುವ ಸಾಮಗ್ರಿ

200ml ತೆಂಗಿನೆಣ್ಣೆ

ಅರ್ಧ ಕಪ್ ಕರಿಬೇವಿನ ಎಲೆ

ಅರ್ಧ ಕಪ್ ನೆಲ್ಲಿಕಾಯಿ (ಕತ್ತರಿಸಿದ್ದು)

ವಿಟಮಿನ್‌ ಇ ಎಣ್ಣೆ

ಹರಳೆಣ್ಣೆ (optional)

ಹರ್ಬಲ್ ಎಣ್ಣೆ ಮಾಡುವಾಗ ಗಮನಿಸಬೇಕಾದ ಅಂಶಗಳು

• ಈ ಎಣ್ಣೆ ಮಾಡಲು ಕಬ್ಬಿಣದ ಬಾಣಲೆಯನ್ನೇ ಉಪಯೋಗಿಸಿ, ಯಾವುದೇ ಕಾರಣಕ್ಕೆ ನಾನ್‌ಸ್ಟಿಕ್ ಪ್ಯಾನ್ ಬಳಸಬೇಡಿ.ಕಬ್ಬಿಣದ ಬಾಣಲೆ ಇಲ್ಲದೇ ಹೋದರೆ ದಪ್ಪ ತಳದ ಅಲ್ಯುಮಿನಿಯಂ ಪಾತ್ರೆ ಬೇಕಾದರೆ ಬಳಸಬಹುದು.
• ಎಣ್ಣೆಯನ್ನು ಕಡಿಮೆ ಉರಿಯಲ್ಲಿ ಬಿಸಿ ಮಾಡಬೇಕು, ಎಣ್ಣೆ ಸೀದಿ ಹೋಗಬಾರದು ಅಥವಾ ಅದರಲ್ಲಿ ಹಾಕುವ ಪದಾರ್ಥಗಳು ಸುಟ್ಟು ಹೋಗಬಾರದು.



ಮಾಡುವುದು ಹೇಗೆ?

• ಕರಿಬೇವು, ಈರುಳ್ಳಿ, ಕತ್ತರಿಸಿದ ಈರುಳ್ಳಿಯನ್ನು ರುಬ್ಬಿ ಇಡಿ, ಕಲ್ಲಿನಲ್ಲಿ ರುಬ್ಬಿದರೆ ತುಂಬಾ ಒಳ್ಳೆಯದು, ಮಿಕ್ಸಿಯಲ್ಲೂ ರುಬ್ಬಬಹುದು. (ರುಬ್ಬುವಾಗ ನೀರು ಹಾಕಬೇಡಿ)
• ಮಿಶ್ರಣವನ್ನು ತುಂಬಾ ನುಣ್ಣನೆ ರುಬ್ಬಿ.

ಮೊದಲಿಗೆ 100ml ಎಣ್ಣೆಯನ್ನು ಪ್ಯಾನ್‌ಗೆ ಹಾಕಿ. ಎಣ್ಣೆ ಸ್ವಲ್ಪ ಬಿಸಿಯಾದಾಗ ಅದಕ್ಕೆ ರುಬ್ಬಿದ ಸಾಮಗ್ರಿ ಹಾಕಿ. ಕಡಿಮೆ ಉರಿಯಲ್ಲಿ 30-50 ನಿಮಿಷ ಕುದಿಯಲಿ. ಹೀಗೆ ಕುದಿಯುವಾಗ ತಳ ಹಿಡಿಯದಂತೆ ಎಚ್ಚರವಹಿಸಿ, ಅದರಲ್ಲಿರುವ ತೇವಾಂಶ ಆವಿಯಾಗಿ ಮಿಶ್ರಣ ಕಪ್ಪು ಬಣ್ಣಕ್ಕೆ ತಿರುಗಲಿ. ಸಾಮಗ್ರಿ ಕಪ್ಪು ಬಣ್ಣಕ್ಕೆ ತಿರುಗಿದ ಮೇಲೆ ಗ್ಯಾಸ್ ಆಫ್ ಮಾಡಿ, ಅದನ್ನು ಒಂದು ರಾತ್ರಿ ಹಾಗೇ ಬಿಡಿ.



ಸಂಗ್ರಹಣೆ

• ಎಣ್ಣೆಯನ್ನು ಸೋಸಿ ಡಬ್ಬದಲ್ಲಿ ಹಾಕಿಡಿ.
• ಈಗ ವಿಟಮಿನ್ ಇ ಮತ್ತು ಹರಳೆಣ್ಣೆ ಹಾಕಿ.

ಇಷ್ಟು ಮಾಡಿದರೆ ತಲೆಗೆ ಹಚ್ಚಲು ಎಣ್ಣೆ ರೆಡಿ.

ಎಷ್ಟು ಸಮಯ ಬಳಸಬಹುದು?

• ಈ ಎಣ್ಣೆಯನ್ನು ನೀವು 6 ತಿಂಗಳವರೆಗೆ ಇಟ್ಟು ಬಳಸಬಹುದು.



ಹರ್ಬಲ್ ಎಣ್ಣೆಯ ಪ್ರಯೋಜನಗಳು

• ಕೂದಲು ಉದುರುವ ಸಮಸ್ಯೆ ಇರುವವರು ಇದನ್ನು ಹಚ್ಚುವುದರಿಂದ ಕೂದಲು ಉದುರುವುದು ಕಡಿಮೆಯಾಗುವುದು.
• ಕೂದಲು ಮಂದವಾಗಿ ಬೆಳೆಯುವುದು.
• ಅಕಾಲಿಕ ನೆರೆ (ಬಿಳಿ ಕೂದಲು) ಉಂಟಾಗುವುದಿಲ್ಲ
• ತೆಂಗಿನೆಣ್ಣೆ: ತೆಂಗಿನೆಣ್ಣೆ ಕೂದಲನ್ನು ನೈಸರ್ಗಿಕವಾಗಿ ಪೋಷಣೆ ಮಾಡುತ್ತದೆ.
• ಕರಿಬೇವು: ಕರಿಬೇವಿನಲ್ಲಿ ಆ್ಯಂಟಿಆಕ್ಸಿಡೆಂಟ್ ಅಧಿಕವಿದ್ದು ಇದು ತಲೆಬುಡದಲ್ಲಿ ಮಾಯಿಶ್ಚರೈಸರ್ ಕಾಪಾಡುತ್ತದೆ, ಅಲ್ಲದೆ ಇದರಲ್ಲಿರುವ ಬೀಟಾ ಕೆರೋಟಿನ್ ಮತ್ತು ಪ್ರೊಟೀನ್ ಅಧಿಕವಿದ್ದು ಇದು ಕೂದಲು ಉದುರುವುದನ್ನು ಹಾಗೂ ಕೂದಲು ತೆಳ್ಳಗಾಗುವುದನ್ನು ತಡೆಗಟ್ಟುತ್ತದೆ.
• ನೆಲ್ಲಿಕಾಯಿ: ನೆಲ್ಲಿಕಾಯಿ ಕೂಡ ಕೂದಲಿನ ಬೆಳವಣಿಗೆಗೆ ತುಂಬಾನೇ ಸಹಕಾರಿ, ಇದು ಕೂದಲಿನ ಬುಡವನ್ನು ಬಲವಾಗಿಸಿ ಕೂದಲು ಮಂದವಾಗಿ ಬೆಳೆಯುವಂತೆ ಮಾಡುತ್ತದೆ.
• ವಿಟಮಿನ್ ಇ ಮತ್ತು ಹರಳೆಣ್ಣೆ: ವಿಟಮಿನ್ ಇ ಮತ್ತು ಹರಳೆಣ್ಣೆ ಕೂಡ ಕೂದಲಿನ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು.

ಈ ಎಲ್ಲಾ ಸಾಮಗ್ರಿಗಳ ಎಣ್ಣೆ ಹಚ್ಚಿದರೆ ನಿಮ್ಮ ಕೂದಲು ಸೊಂಪಾಗಿ ಬೆಳೆಯುವುದು ನೋಡಿ.