ಆಲೂಗಡ್ಡೆ ಕೂದಲನ್ನು ನೀಳ ಮತ್ತು ಸೊಂಪಾಗಿಸುತ್ತದೆ-ಒಂದಲ್ಲಾ, ಎರಡಲ್ಲಾ, ಮೂರು ವಿಧಗಳಲ್ಲಿ!

ಕೂದಲ ಹೊಳಪಿಗಾಗಿ

ಆಲೂಗಡ್ಡೆ ಒಂದು ರೀತಿಯ ಸಾರ್ವತ್ರಿಕ ಆಹಾರ. ಇದರ ಜೊತೆಗೂಡಿದ ಇನ್ನೊಂದು ತರಕಾರಿಯೊಂದಿಗೆ ಸುಲಭವಾಗಿ ಬೆರೆತು ವೈವಿಧ್ಯವಾದ ಖಾದ್ಯಗಳನ್ನು ತಯಾರಿಸಬಹುದು. ಇವು ರುಚಿಕರ, ಆರೋಗ್ಯಕರವೂ ಆಗಿವೆ. ಇದೇ ರೀತಿಯಾಗಿ ಆಲುಗಡ್ಡೆ ಕೂದಲ ಹೊಳಪನ್ನು ಹೆಚ್ಚಿಸಲೂ ನೆರವಾಗುತ್ತದೆ.

ಅಗತ್ಯವಿರುವ ಸಾಮಾಗ್ರಿಗಳು

*3-4 ಮಧ್ಯಮ ಗಾತ್ರದ ಆಲೂಗಡ್ಡೆಗಳು

*ತೆಳುವಾದ ಮಸ್ಲಿನ್ ಅಥವಾ ಸೋಸುವ ಇತರ ಯಾವುದೇ ಬಟ್ಟೆ

*ಒಂದು ಮೊಟ್ಟೆಯ ಹಳದಿಭಾಗ

*ಒಂದು ಚಿಕ್ಕ ಚಮಚ ಜೇನು

ತಯಾರಿಕಾ ವಿಧಾನ:

* ಮೊದಲು ಆಲುಗಡ್ಡೆಯನ್ನು ಚಿಕ್ಕದಾಗಿ ಹೆಚ್ಚಿಕೊಂಡು ಮಿಕ್ಸಿಯಲ್ಲಿ ನುಣ್ಣಗೆ ಅರೆಯಿರಿ

* ಬಳಿಕ ತೆಳುವಾದ ಬಟ್ಟೆಯಲ್ಲಿ ಹಾಕಿಕೊಂಡು ಸುರುಳಿ ಸುತ್ತಿ ರಸವನ್ನು ಹಿಂಡಿ ತೆಗೆಯಿರಿ.

* ಈ ರಸಕ್ಕೆ ಮೊಟ್ಟೆಯ ಹಳದಿಭಾಗವನ್ನು ಮಿಶ್ರಣ ಮಾಡಿ ಬಳಿಕ ಜೇನನ್ನು ಹಾಕಿ ಚೆನ್ನಾಗಿ ಬೆರೆಸಿ.

* ಈ ಮಿಶ್ರಣವನ್ನು ನೆತ್ತಿಯ ಭಾಗಕ್ಕೆ, ಕೂದಲ ಬುಡಗಳಿಗೆ ಹಚ್ಚಿ ನಯವಾಗಿ ಮಸಾಜ್ ಮಾಡಿ ಕೂದಲ ತುದಿಯವರೆಗೂ ಬರುವಂತೆ ಹಚ್ಚಿಕೊಳ್ಳಿ.

* ಬಳಿಕ ಸುಮಾರು ಅರ್ಧ ಘಂಟೆಯವರೆಗೆ ಹಾಗೇ ಒಣಗಲು ಬಿಡಿ.

* ಬಳಿಕ ನಿಮ್ಮ ನಿತ್ಯದ ಸೌಮ್ಯ ಶಾಂಪೂ ಬಳಸಿ ತೊಳೆದುಕೊಳ್ಳಿ.

ಉತ್ತಮ ಪರಿಣಾಮಕ್ಕಾಗಿ ಈ ವಿಧಾನವನ್ನು ವಾರಕ್ಕೆರಡು ಬಾರಿ ಪುನರಾವರ್ತಿಸಿ.

ಕೂದಲ ಉದ್ದವನ್ನು ಹೆಚ್ಚಿಸಲು ಮತ್ತು ನೆತ್ತಿ ಸ್ವಚ್ಛವಾಗಿರಲು

ಈ ವಿಧಾನ ಕೂದಲು ಉದುರುವುದನ್ನು ತಡೆಗಟ್ಟಬಹುದು, ತಲೆಹೊಟ್ಟು ಮತ್ತು ಇತರ ಕೊಳೆಗಳನ್ನು ಸ್ವಚ್ಛಗೊಳಿಸಲು ನೆರವಾಗುತ್ತದೆ.

ಅಗತ್ಯವಿರುವ ಸಾಮಾಗ್ರಿಗಳು

2 ಮಧ್ಯಮ ಗಾತ್ರದ ಆಲೂಗಡ್ಡೆಗಳು

1 -1.5 ಚಿಕ್ಕ ಚಮಚ ತಾಜಾ ಲೋಳೆಸರದ ತಿರುಳು. ತಾಜಾ ಸಿಗದೇ ಇದ್ದಲ್ಲಿ ಲೋಳೆಸರದ ಇತರ ಉತ್ಪನ್ನವೂ ಆಗಬಹುದು.

ತಯಾರಿಕಾ ವಿಧಾನ:

* ಮೊದಲು ಆಲುಗಡ್ಡೆಯನ್ನು ಚಿಕ್ಕದಾಗಿ ತುರಿದು ಮಿಕ್ಸಿಯಲ್ಲಿ ನುಣ್ಣಗೆ ಅರೆಯಿರಿ ಹಾಗೂ ಬಟ್ಟೆಯಲ್ಲಿ ಸೋಸಿ ರಸ ಸಂಗ್ರಹಿಸಿ

* ಇದಕ್ಕೆ ಲೋಳೆಸರದ ತಿರುಳನ್ನು ಮಿಶ್ರಣ ಮಾಡಿ.

* ಈ ಮಿಶ್ರಣವನ್ನು ತಲೆಗೂದಲ ಬುಡಕ್ಕೆ ದಪ್ಪನಾಗಿ ಹಚ್ಚಿ ಸುಮಾರು ಮೂವತ್ತರಿಂದ ನಲವತ್ತು ನಿಮಿಷ ಹಾಗೇ ಬಿಡಿ.

* ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.

ಸಾರಂಶ: ಲೋಳೆಸರ ಅತ್ಯುತ್ತಮ ಸ್ವಚ್ಛಕಾರಕವಾಗಿರುವ ಕಾರಣ ನೆತ್ತಿಯನ್ನು ಇದು ಸ್ವಚ್ಛಗೊಳಿಸಿ ಆಗತ್ಯ ಪ್ರಮಾಣದ ಆರ್ದ್ರತೆಯನ್ನೂ ನೀಡುತ್ತದೆ ಈ ಮೂಲಕ ಕೂದಲು ಉದುರುವುದನ್ನು ತಡೆಗಟ್ಟುತ್ತದೆ.

ತಲೆಹೊಟ್ಟು ಇಲ್ಲವಾಗಲು

ಆಲೂಗಡ್ಡೆ ವರ್ಷದ ಎಲ್ಲಾ ಸಮಯದಲ್ಲಿ ಸುಲಭವಾಗಿ ಸಿಗುವ ತರಕಾರಿಯಾಗಿದ್ದು ಯಾವಾಗ ತಲೆಹೊಟ್ಟು ಕಾಣಿಸಿಕೊಂಡಿತೋ ಅಗ ಬಳಸಲು ಲಭಿಸುತ್ತದೆ. ಒಂದು ವೇಳೆ ಇತರ ಸಾಮಾಗ್ರಿಗಳು ಆ ಸಮಯದಲ್ಲಿ ಸಿಗದೇ ಹೋದರೂ ಕೇವಲ ಆಲುಗಡ್ಡೆಯ ರಸವನ್ನೇ ನೇರವಾಗಿ ನೆತ್ತಿಯ ಮೇಲೆ ಹಚ್ಚಿಕೊಂಡೂ ಕೂದಲಿಗೆ ಉತ್ತಮವಾದ ಆರೈಕೆಯನ್ನು ಪಡೆಯಬಹುದು.

ಅಗತ್ಯವಿರುವ ಸಾಮಾಗ್ರಿಗಳು

*ಎರಡು ಚಿಕ್ಕಗಾತ್ರದ ಆಲೂಗಡ್ಡೆಗಳು

*ಒಂದು ದೊಡ್ಡಚಮಚ ಮೊಸರು

*ಅರ್ಧ ಚಿಕ್ಕಚಮಚ ಲಿಂಬೆರಸ

ತಯಾರಿಕಾ ವಿಧಾನ

* ಮೊದಲು ಮೇಲಿನ ವಿಧಾನದಂತೆಯೇ ಆಲುಗಡ್ಡೆಯ ರಸವನ್ನು ಸಂಗ್ರಹಿಸಿ ಇದಕ್ಕೆ ಮೊಸರು ಮತ್ತು ಲಿಂಬೆರಸ ಬೆರೆಸಿ ಮಿಶ್ರಣ ಮಾಡಿ

* ಈ ಲೇಪನವನ್ನು ಕೂದಲ ಬುಡಗಳಿಗೆ ತಗಲುವಂತೆ ಬೆರಳುಗಳಿಂದ ಮಸಾಜ್ ಮಾಡುತ್ತಾ ಹಚ್ಚಿ ಕೂದಲ ಬುಡಗಳಷ್ಟೂ ಈ ಮಿಶ್ರಣದಲ್ಲಿ ಆವರಿಸುವಂತೆ ಮಾಡಿ

* ಬಳಿಕ ಸುಮಾರು ಅರ್ಧ ಗಂಟೆ ಹಾಗೇ ಒಣಗಲು ಬಿಡಿ.

* ನಂತನ ನಿಮ್ಮ ನಿತ್ಯದ ಸೌಮ್ಯ ಶಾಂಪೂ ಬಳಸಿ ತೊಳೆದುಕೊಳ್ಳಿ.

ಸಾರಾಂಶ: ಮೊಸರು ನೆತ್ತಿಯ ಚರ್ಮದಲ್ಲಿರುವ ಎಣ್ಣೆಯನ್ನು ನಿವಾರಿಸುತ್ತದೆ ಹಾಗೂ ಲಿಂಬೆ ತಲೆಹೊಟ್ಟನ್ನು ಸಡಿಲಿಸಿ ನಿವಾರಿಸಲು ನ್ರೆಅವಾಗುತ್ತದೆ ಹಾಗೂ ಆಲುಗಡ್ಡೆ ರಸ ಕೂದಲ ಬೆಳವಣಿಗೆಗೆ ನೆರವಾಗುತ್ತದೆ.