ಎಲ್ಲರ ಗೋಜಲು, ಪದೇಪದೇ ಉದುರುವ ತಲೆಕೂದಲು

ಒತ್ತಡ

ಅತಿ ವೇಗದ ಜೀವನ ಶೈಲಿಯು ನಿಮ್ಮ ಚೈತನ್ಯವನ್ನು ಹಿಂಡಿ ಹಿಪ್ಪೆ ಮಾಡುತ್ತದೆ. ಜೊತೆಗೆ ನಿಮ್ಮ ಮೇಲೆ ಒತ್ತಡವನ್ನು ಸಹ ಅಧಿಕಗೊಳಿಸುತ್ತದೆ. ಇದರಿಂದ ನಿಮಗೆ ತಲೆನೋವು ಮುಂತಾದ ಸಮಸ್ಯೆಗಳು ಬರುತ್ತವೆ ಎಂದು ಹಲವಾರು ಅಧ್ಯಯನಗಳು ಸಾಭೀತು ಮಾಡಿವೆ. ಇದಲ್ಲದೆ ಪರಿಸ್ಥಿತಿ ವಿಕೋಪಕ್ಕೆ ಹೋದಾಗ ಕೆಲವರಿಗೆ ಇದರಿಂದ ಹೃದಯಾಘಾತ ಸಹ ಸಂಭವಿಸಬಹುದು. ಕೂದಲು ಉದುರಲು ಮೊದಲ ಕಾರಣವೆ ಇದು, ವಿಪರೀತ ಒತ್ತಡ. ವಿಪರೀತ ಒತ್ತಡವು ನಿಮ್ಮ ಬೊಕ್ಕ ತಲೆಗೆ ಕಾರಣವಾಗುತ್ತದೆ. ಆದ್ದರಿಂದ ಒತ್ತಡವನ್ನು ದೂರವಿರಿಸಿ. ಕೂದಲನ್ನು ಕಾಪಾಡಿಕೊಳ್ಳಿ.

ಕೌಟುಂಬಿಕ ಇತಿಹಾಸ

ನಿಮ್ಮ ಕುಟುಂಬದಲ್ಲಿ ಕೂದಲು ಉದುರುವ ಸಮಸ್ಯೆ ಇದ್ದಲ್ಲಿ, ನಿಮಗೆ ಸಹ ಅದು ಬರುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಇದನ್ನು ನೀವು ಸಂಪೂರ್ಣವಾಗಿ ನಿವಾರಿಸಿಕೊಳ್ಳಲು ಸಾಧ್ಯವಿಲ್ಲದಿದ್ದರು, ಸರಿಯಾದ ಆಹಾರ ಕ್ರಮ ಮತ್ತು ಜೀವನ ಶೈಲಿಯನ್ನು ಅನುಸರಿಸುವ ಮೂಲಕ ಕೂದಲು ಉದುರುವುದನ್ನು ಕಡಿಮೆ ಮಾಡಿಕೊಳ್ಳಬಹುದು.

ಹೇರ್ ಸ್ಟೈಲ್ ಸಾಧನಗಳು

ನಿಮ್ಮ ಕೂದಲಿಗೆ ಒಳ್ಳೆಯ ಆಕರ್ಷಣೆಯನ್ನು ನೀಡಬಹುದು. ಹೇರ್ ಡ್ರೈಯರ್ ಮತ್ತು ಹೇರ್ ಸ್ಟ್ರೈಟೆನರ್ ಮುಂತಾದ ಸಾಧನಗಳು ನಿಮ್ಮ ನೆಚ್ಚಿನ ಉಪಕರಣಗಳಾಗಿರಬಹುದು. ಆದರೆ ನೆನಪಿಡಿ, ಇವುಗಳಿಂದ ನಿಮ್ಮ ಕೂದಲಿಗೆ ಸೌಂದರ್ಯವು ಹೇಗೆ ಲಭಿಸುತ್ತದೆಯೋ, ಅಷ್ಟೇ ಹಾನಿ ಸಹ ಸಂಭವಿಸುತ್ತದೆ. ಇವುಗಳನ್ನು ನಿಯಮಿತವಾಗಿ ಮಾಡಿಸಿಕೊಳ್ಳುವುದರಿಂದ ಸಹ ಕೂದಲು ಉದುರುವುದು ಹೆಚ್ಚಾಗುತ್ತದೆ. ಹಾಗಾಗಿ ಹೇರ್ ಡ್ರೈಯರ್, ಸ್ಟ್ರೈಟೆನಿಂಗ್ ಮತ್ತು ಕರ್ಲಿಂಗ್‌ಗಳಿಂದ ದೂರವಿರಿ.

ಹಾರ್ಮೊನ್‍ಗಳ ಬದಲಾವಣೆ

ಹಾರ್ಮೋನುಗಳ ಮಟ್ಟದಲ್ಲಿ ಹಾಗುವ ಏರುಪೇರುಗಳು ಕೂದಲು ಉದುರುವಿಕೆಗೆ ಕಾರಣವಾಗುತ್ತದೆ. ಅದರಲ್ಲಿಯೂ ಗರ್ಭಿಣಿ ಮತ್ತು ಪ್ರಸವದ ಸಂದರ್ಭದಲ್ಲಿ ಈ ಕೂದಲು ಉದುರುವಿಕೆ ಮತ್ತಷ್ಟು ಹೆಚ್ಚಾಗುತ್ತದೆ. ಥೈರಾಯ್ಡ್ ಅಸಮತೋಲನ, ಋತು ಚಕ್ರ ಮತ್ತು ಇತರೆ ಹಾರ್ಮೋನ್ ಸಂಬಂಧಿತ ಸಮಸ್ಯೆಗಳು ನಿಮ್ಮ ಕೂದಲು ಉದುರುವಿಕೆಗೆ ಕಾರಣವಾಗುತ್ತವೆ.

ರಾಸಾಯನಿಕಗಳ ನಿಯಮಿತ ಬಳಕೆ

ಶಾಂಪೂಗಳು, ಕಂಡೀಶನರ್‌ಗಳು ಮತ್ತು ಕೆಲವೊಂದು ಎಣ್ಣೆಗಳು ಸಹ ರಾಸಾಯನಿಕಗಳಿಂದ ಕೂಡಿರುತ್ತವೆ. ಇವುಗಳು ನಿಮ್ಮ ಕೂದಲಿಗೆ ಆರೈಕೆಯನ್ನು ನೀಡುವ ಬದಲಿಗೆ, ಅವುಗಳಿಗೆ ಹಾನಿಯನ್ನೆ ಹೆಚ್ಚಾಗಿ ಮಾಡುತ್ತವೆ. ನಾವು ಬಳಸುವ ಹಲವಾರು ಸೌಂದರ್ಯದ ಉತ್ಪನ್ನಗಳು ರಾಸಾಯನಿಕಗಳಿಂದ ಕೂಡಿರುತ್ತವೆ. ಇವುಗಳು ಕೂದಲಿನ ಬುಡವವನ್ನು ಮತ್ತು ಕಾಂಡ ಎರಡನ್ನು ದುರ್ಬಲಗೊಳಿಸುತ್ತವೆ. ಇದರಿಂದ ನಿಮಗೆ ಒಡೆದ ತುದಿ, ಕೂದಲು ಉದುರುವಿಕೆಯಂತಹ ಕೂದಲಿನ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.

ಲಿಂಗ

ಕೂದಲು ಉದುರುವಿಕೆಯು ಎರಡೂ ಲಿಂಗಗಳಲ್ಲಿ ಕಾಣಿಸಿಕೊಳ್ಳುತ್ತದೆ. ಮಹಿಳೆಯರಲ್ಲಿ ಕೂದಲು ಉದುರುವಿಕೆಯು ಎಲ್ಲಾ ಕಡೆ ಸಮಪ್ರಮಾಣದಲ್ಲಿ ಕಾಣಿಸಿಕೊಳ್ಳುತ್ತದೆ. ಆದರೆ ಗಂಡಸರಲ್ಲಿ, ಕೆಲವೊಂದು ಭಾಗದಲ್ಲಿ ಮಾತ್ರ ಕೂದಲು ಉದುರುವಿಕೆ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಗಂಡಸರಲ್ಲಿ ಕಾಣಿಸಿಕೊಳ್ಳುವ ಸ್ವಯಂಚಾಲಿತ ರೋಗ ನಿರೋಧಕ ಸ್ಥಿತಿಯು ಬೊಕ್ಕತಲೆಗೆ ನಿಜವಾದ ಕಾರಣವಾಗಿರುತ್ತದೆ.ಹೀಗೆ ಈ ಮೇಲಿನ ಸಮಸ್ಯೆಗಳು ಇರುವವರೆಗೆ ನಿಮ್ಮ ಕೂದಲು ಉದುರುವುದು ತಪ್ಪುವುದಿಲ್ಲ.