ರೇಷ್ಮೆಯಂತಹ ಕೂದಲಿಗೆ, ಹರಳೆಣ್ಣೆ-ಜೇನಿನ ಹೇರ್ ಪ್ಯಾಕ್!

ಹೊಳೆಯುವ ರೇಷ್ಮೆಯಂತಹ ಕೂದಲನ್ನು ಪಡೆಯುವುದು ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ? ಇಂತಹ ಕೂದಲು ಹೊಂದಿದ್ದರೆ ಎಲ್ಲರ ಕಣ್ಣು ನಿಮ್ಮ ಕೂದಲ ಮೇಲೆಯೇ ನೆಟ್ಟಿರುತ್ತದೆ. ಅಂದವಾದ ಕೂದಲನ್ನು ಗಾಳಿಗೆ ಹಾರಾಡಲು ಬಿಡುತ್ತಾ ನೀವು ಮಿಂಚಬಹುದು ಅಲ್ಲವೇ? ಆದರೆ ಇಂತಹ ಕೂದಲನ್ನು ಪಡೆಯುವುದು ಹೇಗೆ ಎಂಬುದು ಮಾತ್ರ ಯಕ್ಷಪ್ರಶ್ನೆಯಾಗಿದೆ. ಸುತ್ತಲಿನ ಧೂಳುಮಯ ವಾತಾವರಣ, ಕಲುಷಿತ ಗಾಳಿ, ಒತ್ತಡ, ಸಮಸ್ಯೆಗಳು ಹೀಗೆ ನೂರಾರು ತಾಪತ್ರಯಗಳು ಕೂದಲಿನ ಅಂದಕ್ಕೆ ಕೊಡಲಿಯೇಟನ್ನು ಹಾಕುತ್ತಿವೆ. ಇನ್ನು ಕೂದಲಿನ ಪೋಷಣೆಗೆ ಬೇಕಾದ ಸಮಯವನ್ನು ನೀಡಲು ನಮಗೆ ಸಮಯ ಇಲ್ಲದಂತಾಗಿದೆ.

ಈ ಎಲ್ಲಾ ಕಾರಣಗಳಿಂದಾಗಿ ಕೂದಲು ಸೊರಗಿ ತನ್ನ ಹೊಳಪನ್ನು ಕಳೆದುಕೊಳ್ಳುತ್ತದೆ ಅಂತೆಯೇ ಬುಡ ದುರ್ಬಲಗೊಂಡು ಉದುರಲು ಆರಂಭವಾಗಿ ಈ ಚಿಂತೆಯಿಂದಾಗಿ ಇನ್ನಷ್ಟು ಸೊರಗಿ ಕೃಷವಾಗುತ್ತದೆ. ನಂತರ ಜಾಹೀರಾತಿನಲ್ಲಿ ಪ್ರಸಾರವಾಗುವ ಎಣ್ಣೆ ಮತ್ತು ಶಾಂಪೂಗಳಿಗಾಗಿ ಒಂದಿಷ್ಟು ದುಡ್ಡು ಸುರಿಯುತ್ತೇವೆ. ಆದರೂ ಕೂದಲು ಏನೂ ಬೆಳವಣಿಗೆಯನ್ನು ಹೊಂದುವುದಿಲ್ಲ. ಇಲ್ಲಿ ನಾವು ಮಾಡುತ್ತಿರುವ ತಪ್ಪೆಂದರೆ ಕೂದಲಿಗೆ ಚೆನ್ನಾಗಿ ಅರೈಕೆ ಮಾಡದಿರುವುದೇ ಆಗಿದೆ. ನೈಸರ್ಗಿಕ ಸಾಮಾಗ್ರಿಗಳನ್ನು ಬಳಸಿಕೊಂಡು ಕೂದಲಿನ ಚೆಲುವನ್ನು ದುಪ್ಪಟ್ಟುಗೊಳಿಸುವ ಹೇರ್ ಪ್ಯಾಕ್ ವಿಧಾನವನ್ನು ನಿಮ್ಮದಾಗಿಸಿದಲ್ಲಿ ಕೂದಲು ಸಮೃದ್ಧವಾಗಿರುವುದು ಖಂಡಿತ. ಹಳ್ಳಿಗಾಡಿನ ಮನೆಮದ್ದು- ಹರಳೆಣ್ಣೆಯ ಔಷಧೀಯ ಗುಣಗಳು

ಹಾಗಿದ್ಗಿದರೆ ನಿಮ್ಮ ಬಿಡುವಿನ ವೇಳೆಯಲ್ಲಿ ಕೊಂಚ ಸಮಯವನ್ನು ಮಾತ್ರ ತೆಗೆದುಕೊಳ್ಳುವ ಅತಿ ಸರಳ ಹೇರ್ ಪ್ಯಾಕ್ ರೆಸಿಪಿಯನ್ನು ಇಂದು ನಾವು ನೀಡುತ್ತಿದ್ದು ಇದು ಹರಳೆಣ್ಣೆ ಮತ್ತು ಜೇನನ್ನು ಒಳಗೊಂಡಿದೆ. ನಿಮ್ಮ ಕೂದಲಿನ ಬುಡವನ್ನು ಗಟ್ಟಿಮಾಡಿ ಸುಂದರ ಹೊಳೆಯುವ ಕೂದಲನ್ನು ಇದು ನಿಮಗೆ ನೀಡುವುದು ಖಂಡಿತ. ಹಾಗಿದ್ದರೆ ಬನ್ನಿ ಈ ಹೇರ್ ಪ್ಯಾಕ್ ತಯಾರಿಯನ್ನು ಮಾಡುವುದು ಹೇಗೆ ಎಂಬುದನ್ನು ಕಂಡುಕೊಳ್ಳೋಣ.

ಹೇರ್ ಮಾಸ್ಕ್ ತಯಾರಿಸಲು ಬೇಕಾಗುವ ಸಾಮಾಗ್ರಿ
*3 ಚಮಚದಷ್ಟು ಹರಳೆಣ್ಣೆ
*3 ಚಮಚದಷ್ಟು ಜೇನು ಹರಳೆಣ್ಣೆ ಬೋಳು ತಲೆಯಲ್ಲಿ ಕೂದಲು ಮೂಡಿಸುವುದೇ?

ಹರಳೆಣ್ಣೆ ಹಿಂದಿನಿಂದಲೂ ಕೂದಲಿನ ಪೋಷಣೆಯಲ್ಲಿ ಎತ್ತಿದ ಕೈ ಎಂದೇ ಅನ್ನಿಸಿಕೊಂಡಿದ್ದು ನೈಸರ್ಗಿಕ ಕೂದಲಿನ ಪೋಷಣಾ ಮದ್ದಾಗಿದೆ. ವಿಟಮಿನ್‎ಗಳು ಮತ್ತು ನ್ಯೂಟ್ರಿನ್‎ಗಳ ಹೇರಳ ಅಂಶಗಳೊಂದಿಗೆ ಈ ಎಣ್ಣೆ ಬಂದಿದ್ದು ಕೂದಲನ್ನು ಆರೋಗ್ಯಕರವಾಗಿ ಮತ್ತು ಸುಭದ್ರವಾಗಿ ಇರಿಸುತ್ತದೆ. ಜೇನು ನೈಸರ್ಗಿಕ ಹೈಡ್ರೇಟಿಂಗ್ ಏಜೆಂಟ್ ಎಂದೆನಿಸಿದ್ದು ಕೂದಲನ್ನು ಮಾಯಿಶ್ಚರೈಸ್ ಮಾಡಿ ಮೃದು ಮತ್ತು ರೇಷ್ಮೆಯಂತೆ ಹೊಳೆಯಿಸುತ್ತದೆ. ಅಂತೆಯೇ ತಲೆ ತುರಿಕೆ ಮತ್ತು ಹೊಟ್ಟನ್ನು ನಿವಾರಣೆ ಮಾಡುತ್ತದೆ.

ಸಿದ್ಧಮಾಡುವುದು ಹೇಗೆ?
*ಮೇಲೆ ತಿಳಿಸಿದ ಪ್ರಮಾಣದಲ್ಲಿ ಜೇನು ಮತ್ತು ಎಣ್ಣೆಯನ್ನು ಮಿಕ್ಸಿಂಗ್ ಬೌಲ್‎ನಲ್ಲಿ ತೆಗೆದುಕೊಳ್ಳಿ
*ಪೇಸ್ಟ್ ತಯಾರಿಸಲು ಈ ಸಾಮಾಗ್ರಿಗಳನ್ನು ಚೆನ್ನಾಗಿ ಮಿಶ್ರ ಮಾಡಿಕೊಳ್ಳಿ
*ಕೂದಲಿಗೆ ಈ ಮಿಶ್ರಣವನ್ನು ಹಚ್ಚಿ
*ಕೂದಲಿನ ಬುಡದಿಂದ ತುದಿಯವರೆಗೆ ಮಿಶ್ರಣವನ್ನು ಹರಡಿಸಿಕೊಳ್ಳಿ
*ಸ್ವಲ್ಪ ನಿಮಷ ನೆತ್ತಿಗೆ ಮಸಾಜ್ ಮಾಡಿ
*20 ನಿಮಿಷಗಳ ಕಾಲ ಮಾಸ್ಕ್ ಅನ್ನು ಹಾಗೆಯೇ ಬಿಡಿ
*ಮೃದುವಾದ ಶಾಂಪೂ ಬಳಸಿ ಕೂದಲನ್ನು ತೊಳೆದುಕೊಳ್ಳಿ.