ಒಡೆದ ತುಟಿಗಳ ಸಮಸ್ಯೆಗೆ ಬಾದಾಮಿ ಎಣ್ಣೆಯ ಲಿಪ್ ಸ್ಕ್ರಬ್

ಬಾದಾಮಿ ಎಣ್ಣೆಯ ಸ್ಕ್ರಬ್

ಬೇಕಾಗುವ ಸಾಮಗ್ರಿಗಳು

*5-10 ಹನಿ ಬಾದಾಮಿ ಎಣ್ಣೆ

*1 ಚಮಚ ಸಕ್ಕರೆ ಹರಳು

*1 ಚಮಚ ಸಾವಯವ ಜೇನುತುಪ್ಪ

*1 ವಿಟಮಿನ್ ಇ ಕ್ಯಾಪ್ಸೂಲ್

ತಯಾರಿಸುವ ವಿಧಾನ

*20-30 ನಿಮಿಷ ಕಾಲ ಒಂದು ತವಾದಲ್ಲಿ ಹಾಕಿ ಸಾವಯವ ಆಗಿರುಂತಹ ಜೇನುತುಪ್ಪವನ್ನು ಬಿಸಿ ಮಾಡಿಕೊಳ್ಳಿ.

*ಬಿಸಿಯಾದ ಜೇನುತುಪ್ಪವನ್ನು ಈಗ ಶುದ್ಧವಾಗಿರುವ ಪಿಂಗಾಣಿಗೆ ಹಾಕಿ ಮತ್ತು ಅದಕ್ಕೆ ಸಕ್ಕರೆ ಹರಳುಗಳನ್ನು ಸೇರಿಸಿಕೊಳ್ಳಿ.

*ಇದಕ್ಕೆ ವಿಟಮಿನ್ ಇ ಎಣ್ಣೆ ಹಾಕಿಕೊಳ್ಳಿ. ವಿಟಮಿನ್ ಇ ಮಾತ್ರೆಗೆ ಪಿನ್ ಚುಚ್ಚಿಕೊಂಡು ಅದರಿಂದ ಹೊರಬರುವ ಎಣ್ಣೆಯನ್ನು ಮಿಶ್ರಣಕ್ಕೆ ಹಾಕಿಕೊಳ್ಳಿ.

*ಅಂತಿಮವಾಗಿ ಕೆಲವು ಹನಿ ಬಾದಾಮಿ ಎಣ್ಣೆ ಹಾಕಿಕೊಂಡು ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

*ಈ ಮಿಶ್ರಣವನ್ನು ಒಂದು ಗಾಳಿಯಾಡದ ಡಬ್ಬಕ್ಕೆ ಹಾಕಿ ಬಿಡಿ.

*ಈ ಸ್ಕ್ರಬ್ ನ ಸ್ವಲ್ಪ ಭಾಗವನ್ನು ತೆಗೆದುಕೊಂಡು ನೀವು ತುಟಿಗಳಿಗೆ ಹಚ್ಚಿಕೊಳ್ಳಿ. ಇದನ್ನು ಐದು ನಿಮಿಷ ಕಾಲ ವೃತ್ತಾಕಾರದಲ್ಲಿ ಮಸಾಜ್ ಮಾಡಿ ಮತ್ತು ಇದರ ಬಳಿಕ ಸಾಮಾನ್ಯ ನೀರಿನಿಂದ ತೊಳೆಯಿರಿ.

*ಇದು ಚರ್ಮದ ಸತ್ತ ಕೋಶಗಳನ್ನು ತೆಗೆದುಹಾಕುವುದು ಮಾತ್ರವಲ್ಲದೆ ನಯ ಹಾಗೂ ಮೃದುವಾದ ಚರ್ಮವನ್ನು ನೀಡುವುದು.

ಬಾದಾಮಿ ಎಣ್ಣೆಯ ಲಾಭಗಳು

ಹೆಚ್ಚಾಗಿ ಇಂದು ಸಿಗುವಂತಹ ಪ್ರತಿಯೊಂದು ಚರ್ಮದ ಆರೈಕೆಯ ಉತ್ಪನ್ನಗಳಲ್ಲಿ ಬಾದಾಮಿ ಎಣ್ಣೆಯನ್ನು ಬಳಸಿಕೊಳ್ಳಲಾಗುತ್ತದೆ. ಬಾದಾಮಿ ಎಣ್ಣೆಯು ಚರ್ಮದಲ್ಲಿರುವಂತಹ ಸತ್ತ ಚರ್ಮದ ಕೋಶಗಳನ್ನು ತೆಗೆಯುವುದು ಮತ್ತು ಚರ್ಮವು ನಯ ಹಾಗೂ ಮೃಧುವಾಗುವಂತೆ ಮಾಡುವುದು. ಇದು ತುಟಿಗಳಿಗೆ ಆಳವಾಗಿ ಪೋಷಣೆ ನೀಡಿ ಚರ್ಮವು ಪುನರ್ ಶ್ಚೇತನಗೊಳ್ಳುವಂತೆ ಮಾಡುವುದು.

ಸಕ್ಕರೆಯ ಲಾಭಗಳು

ಸಕ್ಕರೆಯನ್ನು ನೈಸರ್ಗಿಕವಾಗಿ ಕಿತ್ತೊಗೆಯುವ ಗುಣವುಳ್ಳ ಸಾಮಗ್ರಿ ಎಂದು ಪರಿಗಣಿಸಲಾಗಿದೆ. ಇದು ಚರ್ಮದ ನಿಸ್ತೇಜವನ್ನು ತೆಗೆಯುವುದು ಮತ್ತು ಸತ್ತ ಕೋಶಗಳ ನಿವಾರಣೆ ಮಾಡುವುದು. ಇದರಿಂದ ಚರ್ಮವು ತುಂಬಾ ಗುಲಾಬಿಯಾಗಿ ಹಾಗೂ ಸುಂದರವಾಗಿ ಕಾಣುವುದು. ಇದರಿಂದಾಗಿ ಇದನ್ನು ಎಲ್ಲಾ ಸ್ಕ್ರಬ್ ಗಳಲ್ಲಿ ಬಳಸಿಕೊಳ್ಳಲಾಗುತ್ತದೆ.

ಜೇನುತುಪ್ಪದ ಲಾಭಗಳು

ಜೇನುತುಪ್ಪವು ನೈಸರ್ಗಿಕ ಮೊಶ್ಚಿರೈಸರ್ ಆಗಿರುವ ಕಾರಣದಿಂದ ಇದು ಚರ್ಮಕ್ಕೆ ತೇವಾಂಶ ನೀಡುವುದು. ಇದು ತುಟಿಗಳಿಗೆ ಮೊಶ್ಚಿರೈಸರ್ ನೀಡುವ ಜತೆಗೆ ಕಪ್ಪು ತುಟಿಗಳು ಬಿಳಿಯಾಗಲು ನೆರವಾಗುವುದು ಮತ್ತು ಸುಂದರ, ನಯ ಹಾಗೂ ಗುಲಾಬಿ ಬಣ್ಣದ ತುಟಿಗಳು ಸಿಗುವುದು. ಇಂತಹ ತುಟಿಗಳು ಸೌಂದರ್ಯವನ್ನು ನೈಸರ್ಗಿಕವಾಗಿ ವೃದ್ಧಿಸುವುದು. ಇದಕ್ಕೆ ನೀವು ಮೇಕಪ್ ಕೂಡ ಮಾಡಬೇಕೆಂದಿಲ್ಲ.

ವಿಟಮಿನ್ ಇಯ ಲಾಭಗಳು

ಚರ್ಮಕ್ಕೆ ವಿಟಮಿನ್ ಇ ಎಷ್ಟು ಲಾಭಕಾರಿ ಆಗಿದೆ ಎಂದು ನಮಗೆಲ್ಲರಿಗೂ ತಿಳಿದಿರುವ ವಿಚಾರ. ಒಡೆದಿರುವಂತಹ ತುಟಿಗಳಿಗೆ ಇದು ಅತ್ಯುತ್ತಮವಾಗಿರುವ ಪರಿಹಾರವಾಗಿದೆ. ಇದು ತುಟಿಗಳನ್ನು ಮೊಶ್ಚಿರೈಸ್ ಮಾಡುವುದು ಮತ್ತು ತುಟಿಗಳು ತುಂಬಾ ನಯ ಹಾಗೂ ಸುಂದರವಾಗುವಂತೆ ಮಾಡುವುದು. ನೀವು ವಿಟಮಿನ್ ಇ ಎಣ್ಣೆಯನ್ನು ನಿಯಮಿತವಾಗಿ ಬಳಕೆ ಮಾಡಿಕೊಂಡರೆ ಆಗ ಅದರಿಂದ ನಿಮಗೆ ಹೆಚ್ಚಿನ ಲಾಭವಿದೆ. ಯಾಕೆಂದರೆ ಹಲವಾರು ಕಾರಣಗಳಿಂದ ಕಪ್ಪಾಗಿರುವಂತಹ ತುಟಿಯನ್ನು ಬಿಳಿ ಮಾಡಲು ಇದು ನೆರವಾಗುವುದು. ವಿಟಮಿನ್ ಇ ಎಣ್ಣೆಯು ಧೂಮಪಾನದಿಂದ ಕಪ್ಪಾಗಿರುವಂತಹ ತುಟಿಗಳನ್ನು ಬಿಳಿ ಮಾಡಿ ಸೌಂದರ್ಯ ವೃದ್ಧಿ ಮಾಡುವುದು.