ನೋಡಿ, ಇಂತಹ ಮನೆಮದ್ದು ಪ್ರಯತ್ನಿಸಿದರೆ ಮಚ್ಚೆ ಶೀಘ್ರ ಮಾಯವಾಗುವುದು

ಮಚ್ಚೆ ನಿವಾರಣೆಗೆ ಇರುವ ನೈಸರ್ಗಿಕ ಔಷಧಿಗಳು

ಹೂಕೋಸಿನ ಜ್ಯೂಸ್ ನೈಸರ್ಗಿಕ ರೀತಿಯಲ್ಲಿ ಮಚ್ಚೆ ತೆಗೆದುಹಾಕುವುದು. ಹೂಕೋಸಿನ ಜ್ಯೂಸ್ ಮಾಡಿಕೊಂಡು ಅದನ್ನು ಪ್ರತೀ ದಿನ ಮಚ್ಚೆ ಮೇಲೆ ಹಚ್ಚಿಕೊಳ್ಳಿ. ಮಚ್ಚೆ ನೈಸರ್ಗಿಕವಾಗಿ ಕಿತ್ತು ಬರುವುದು.

ಕೊತ್ತಂಬರಿ ಪೇಸ್ಟ್

ಮಚ್ಚೆ ತೆಗೆದುಹಾಕುವ ಮತ್ತೊಂದು ಸರಳ ವಿಧಾನವೆಂದರೆ ಕೊತ್ತಂಬರಿ ಪೇಸ್ಟ್ ಅನ್ನು ಮಚ್ಚೆಗೆ ಹಚ್ಚಿಕೊಳ್ಳುವುದು. ಕೊತ್ತಂಬರಿ ಎಲೆಗಳ ಪೇಸ್ಟ್ ಮಾಡಿಕೊಳ್ಳಿ ಮತ್ತು ಇದನ್ನು ಮಚ್ಚೆಗೆ ಹಚ್ಚಿ. ಈ ಮದ್ದು ಸ್ವಲ್ಪ ಸಮಯ ತೆಗೆದುಕೊಂಡರೂ ಮಚ್ಚೆಯನ್ನು ಶಾಶ್ವತವಾಗಿ ತೆಗೆದುಹಾಕುವುದು.

ಬೆಳ್ಳುಳ್ಳಿ ಪೇಸ್ಟ್

ಬೆಳ್ಳುಳ್ಳಿಯ ಪೇಸ್ಟ್ ಮಾಡಿಕೊಂಡು ಮಲಗುವ ಮೊದಲು ಅದನ್ನು ಮಚ್ಚೆಯ ಮೇಲೆ ಹಚ್ಚಿಕೊಳ್ಳಿ. ಇದಕ್ಕೆ ಬ್ಯಾಂಡೇಜ್ ಹಚ್ಚಿಕೊಂಡು ಮರುದಿನ ತೆಗೆಯಿರಿ. ಶಾಶ್ವತವಾಗಿ ಮಚ್ಚೆ ತೆಗೆಯಲು ಈ ಮನೆಮದ್ದನ್ನು ನಿಯಮಿತವಾಗಿ ಬಳಸಿ.

ಹರಳೆಣ್ಣೆ

ಹರಳೆಣ್ಣೆಯನ್ನು ಮಸಾಜ್ ಮಾಡುವುದರಿಂದ ಮನೆಯಲ್ಲೇ ಮಚ್ಚೆಯನ್ನು ತೆಗೆದುಹಾಕಬಹುದು. ಹರಳೆಣ್ಣೆ ಹಚ್ಚುವುದರಿಂದ ಮಚ್ಚೆ ಕಡಿಮೆಯಾಗುವುದು ಅಥವಾ ಮಾಯವಾಗುವುದು.

ಆ್ಯಪಲ್ ಸೀಡರ್ ವಿನೇಗರ್

ಮುಖವನ್ನು 5-10 ನಿಮಿಷ ಕಾಲ ಬಿಸಿ ನೀರಿನಿಂದ ತೊಳೆಯಿರಿ. ಬಳಿಕ ಮುಖವನ್ನು ಒಣಗಲು ಬಿಡಿ. ಆ್ಯಪಲ್ ಸೀಡರ್ ವಿನೇಗರ್ ನಲ್ಲಿ ಹತ್ತಿ ಉಂಡೆ ಅದ್ದಿ ಮತ್ತು ಇದನ್ನು ಮಚ್ಚೆಗೆ ಹಚ್ಚಿ. ಹತ್ತು ನಿಮಿಷ ಕಾಲ ಹಾಗೆ ಬಿಡಿ ಮತ್ತು ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಮಚ್ಚೆ ಶಾಶ್ವತವಾಗಿ ತೆಗೆಯಲು ದಿನದಲ್ಲಿ ಎರಡು ಸಲ ಇದನ್ನು ಬಳಸಿ.

ಜೇನುತುಪ್ಪ

ಮಚ್ಚೆ ತೆಗೆಯಲು ಜೇನುತುಪ್ಪವು ಮತ್ತೊಂದು ನೈಸರ್ಗಿಕ ವಿಧಾನವಾಗಿದೆ. ಅಗಸೆ ಬೀಜವನ್ನು ಅಗಸೆ ಬೀಜದ ಎಣ್ಣೆಯಲ್ಲಿ ಮಿಶ್ರಣ ಮಾಡಿ ಮತ್ತು ಇದಕ್ಕೆ ಸ್ವಲ್ಪ ತಾಜಾ ಜೇನುತುಪ್ಪ ಹಾಕಿ. ಇದನ್ನು ಮಚ್ಚೆಗೆ ಹಚ್ಚಿಕೊಂಡು 5 ನಿಮಿಷ ಕಾಲ ಉಜ್ಜಿಕೊಳ್ಳಿ. ಬಿಸಿ ನೀರಿನಿಂದ ಮುಖ ತೊಳೆಯಿರಿ. ಜೇನುತುಪ್ಪವನ್ನು ಪ್ರತೀದಿನ ಮಚ್ಚೆಗೆ ಹಚ್ಚಿಕೊಂಡರೂ ನೈಸರ್ಗಿಕವಾಗಿ ಮಚ್ಚೆ ಮಾಯವಾಗುವುದು.

ಅನಾನಸ್ ಜ್ಯೂಸ್

ಮಚ್ಚೆ ತೆಗೆಯಲು ಅನಾನಸ್ ಜ್ಯೂಸ್ ಮತ್ತು ಅನಾನಸನ್ನು ಬಳಸಿಕೊಳ್ಳಬಹುದು. ಇದನ್ನು ನೇರವಾಗಿ ತ್ವಚೆಗೆ ಹಚ್ಚಿಕೊಳ್ಳಿ.

ಅಡುಗೆ ಸೋಡಾ

ಅಡುಗೆ ಸೋಡಾದೊಂದಿಗೆ ಹರಳೆಣ್ಣೆ ಮಿಶ್ರಣ ಮಾಡಿದರೆ ಮಚ್ಚೆಗಳಿಗೆ ಇದು ತುಂಬಾ ಒಳ್ಳೆಯ ಚಿಕಿತ್ಸೆಯಾಗಿದೆ. ಇದನ್ನು ರಾತ್ರಿ ಹಚ್ಚಿಕೊಂಡು ಬೆಳಿಗ್ಗೆ ತೊಳೆಯಿರಿ.