ಕಾಡುವ ಸಮಸ್ಯೆ ಹಿಮ್ಮಡಿ ಒಡಕು-ಇಲ್ಲಿದೆ ಸಿಂಪಲ್ ಮದ್ದು

ವ್ಯಾಸಲೀನ್

ಪ್ರತೀ ರಾತ್ರಿ ಮಲಗುವ ಮುನ್ನ, ನಿಮ್ಮ ಹಿಮ್ಮಡಿಗೆ ವ್ಯಾಸಲಿನ್ ಅನ್ನು ಸವರಿಕೊಳ್ಳಿ ಈ ಪೆಟ್ರೋಲಿಯಮ್ ಜೆಲ್ಲಿ ತ್ವಚೆಯನ್ನು ಮೃದುವಾಗಿಸುವುದರ ಜೊತೆಗೆ ಕಡಿಮೆ ಸಮಯದಲ್ಲೇ ಬಿರುಕಿನ ಸಮಸ್ಯೆಯನ್ನು ದೂರಮಾಡುತ್ತದೆ.

ಆಲೀವ್ ಆಯಿಲ್

ತ್ವಚೆಯ ಮೇಲೆ ಪರಿಣಾಮಕಾರಿಯಾಗಿ ಆಲೀವ್ ಆಯಿಲ್ ಕೆಲಸ ಮಾಡುತ್ತದೆ. ಸ್ನಾನದ ನಂತರ, ಬೆಚ್ಚಗಿನ ಆಲೀವ್ ಆಯಿಲ್ ಬಳಸಿಕೊಂಡು ಹಿಮ್ಮಡಿಯನ್ನು ಮಸಾಜ್ ಮಾಡಿಕೊಳ್ಳಿ. ಪಾದ ಮತ್ತು ಹಿಮ್ಮಡಿ ಈ ಎಣ್ಣೆಯನ್ನು ಹೀರಲು ಬಿಡಿ. ನಂತರ ಸಾಕ್ಸ್‎ನಿಂದ ಪಾದವನ್ನು ಮುಚ್ಚಿ ಮರುದಿನ ಬೆಳಗ್ಗೆ ಕಾಲುಗಳನ್ನು ತೊಳೆದುಕೊಳ್ಳಿ.

ತೆಂಗಿನೆಣ್ಣೆ

ನಿಮ್ಮ ಒಣ ತ್ವಚೆಗೆ ತೆಂಗಿನೆಣ್ಣೆ ಉತ್ತಮವಾದುದು. ಬಿಸಿಯಾದ ತೆಂಗಿನೆಣ್ಣೆಯನ್ನು ಹಿಮ್ಮಡಿಗೆ ಹಚ್ಚಿಕೊಂಡಿ ಮಸಾಜ್ ಮಾಡಿಕೊಳ್ಳಿ ನಂತರ ಬೆರಳು ತುದಿಯವರೆಗೆ ಚೆನ್ನಾಗಿ ನೀವಿಕೊಳ್ಳಿ ಕನಿಷ್ಟ ಪಕ್ಷ 15 ನಿಮಿಷಗಳು ಕಾಲನ್ನು ಮಸಾಜ್ ಮಾಡಿ ನಂತರವಷ್ಟೇ ಮಲಗಲು ಹೋಗಿ.

ಮೀನಿನ ಪೆಡಿಕ್ಯೂರ್ಸ್

ಗಾರಾ ರೂಫಾ ಅಥವಾ ಡಾಕ್ಟರ್ ಫಿಶ್ ಒಣ ತ್ವಚೆಗೆ ನೈಸರ್ಗಿಕ ವರವಾಗಿದೆ. ನಿಮ್ಮ ಬಿರುಕುಂಟಾದ ಪಾದವನ್ನು ಈ ಮೀನಿನಿಂದ ಉಪಚರಿಸಿಕೊಳ್ಳಬಹುದು ತಿಂಗಳಿನಲ್ಲಿ ಎರಡು ಬಾರಿ ಮೀನಿನ ಪೆಡಿಕ್ಯೂರ್ ಮಾಡಿಸಿಕೊಂಡು ಒಣ ತ್ವಚೆಗೆ ಪರಿಹಾರವನ್ನು ಕಂಡುಕೊಳ್ಳಬಹುದು.

ಪೆಡಿಕ್ಯೂರ್ಸ್

ಪೆಡಿಕ್ಯೂರ್ ಮಾಡಿಸಿಕೊಂಡ ನಂತರ ವಾರದಲ್ಲಿ ಎರಡು ಬಾರಿ ಪಾದಗಳನ್ನು ಫೂಟ್ ಬ್ರಶ್‎ನಿಂದ ಸ್ವಚ್ಛಮಾಡಿಕೊಳ್ಳಿ. ಪಾದಗಳನ್ನು ಬ್ರಶ್ ಮಾಡುವಾಗ, ಒಣ ತ್ವಚೆಯು ತೊಲಗುತ್ತದೆ. ನಿಮ್ಮ ಕಾಲು ತುಂಬಾ ಒಣಗಿದೆ ಎಂದಾದಲ್ಲಿ, ಉತ್ತಮ ಫಲಿತಾಂಶಕ್ಕಾಗಿ ವಾರದಲ್ಲಿ ಮೂರುಬಾರಿ ಪಾದಗಳನ್ನು ತೊಳೆದುಕೊಳ್ಳಿ.

ಜೇನಿನ ಮಸಾಜ್

ನಿಮ್ಮ ಪಾದ ಒಣಗಿದ್ದು ತುರಿಕೆಯುಂಟಾಗುತ್ತಿದೆಯೇ? ಹಾಗಿದ್ದರೆ ಈ ಸರಳ ಪರಿಹಾರವನ್ನು ಅನುಸರಿಸಿ. ಒಂದು ಪಾತ್ರೆಯಲ್ಲಿ ಬಿಸಿ ನೀರು ತೆಗೆದುಕೊಂಡು, ಕಾಲನ್ನು 20 ನಿಮಷಗಳ ಕಾಲ ನೀರಿನಲ್ಲಿರಿಸಿ. ನಂತರ ಕಾಲುಗಳನ್ನು ಹೊರತೆಗೆದು ಒಣಗಿಸಿಕೊಳ್ಳಿ. ಈಗ ಪಾದಗಳಿಗೆ ಜೇನಿನಿಂದ 15 ನಿಮಿಷ ಮಸಾಜ್ ಮಾಡಿ. ಪುನಃ ನೀರಿನಲ್ಲಿ ಕಾಲುಗಳನ್ನು ಇರಿಸಿಕೊಂಡು ನೀರನಿಂದ ಹೊರತೆಗೆದು ಒಣಗಿಸಿಕೊಳ್ಳಿ.

ಬೇವಿನ ಪೇಸ್ಟ್

ಬ್ಯಾಕ್ಟೀರಿಯಾ ವಿರೋಧಿ ಮತ್ತು ವೈದ್ಯಕೀಯ ಅಂಶಗಳನ್ನು ಹೊಂದಿರುವ ಬೇವು ನಿಮ್ಮ ಪಾದದ ಬಿರುಕಿಗೆ ಉತ್ತಮ ಮದ್ದಾಗಿದೆ. ನಿಮ್ಮ ಪಾದದ ಬಿರುಕು ತುಂಬಾ ಆಳವಾಗಿದೆ ಎಂದಾದಲ್ಲಿ ಈ ಪೇಸ್ಟ್ ಅನ್ನು ದಿನಕ್ಕೆರಡು ಬಾರಿ ಹಚ್ಚಿಕೊಂಡು ತ್ವಚೆಯ ಸಮಸ್ಯೆಯನ್ನು ನಿವಾರಿಸಿಕೊಳ್ಳಿ.