ಗಂಡ-ಹೆಂಡತಿಯರ ನಡುವೆ ಇಂತಹ ಕಮಿಟ್‌ಮೆಂಟ್‌ ಇದ್ದರೆ, ಸುಖವಾಗಿ ಇರುವಿರಿ...

ಒಬ್ಬರನ್ನೊಬ್ಬರು ಬಿಟ್ಟು ಕೊಡದಿರುವುದು

ನಿಜವಾದ ಸಂಬಂಧವೆಂದರೆ ಅಲ್ಲಿ ಒಬ್ಬರನ್ನೊಬ್ಬರು ಬಿಟ್ಟುಕೊಡುವುದಿಲ್ಲ ಮತ್ತು ಇಬ್ಬರ ಪ್ರೀತಿಯ ಸೇತುವನ್ನು ಗಟ್ಟಿಯಾಗಿಸಿಕೊಳ್ಳುವುದು. ನಿಜವಾಗಿ ಪ್ರೀತಿಸುವಂತಹ ವ್ಯಕ್ತಿಯು ಯಾವತ್ತಿಗೂ ತನ್ನ ಸಂಗಾತಿಯ ಬಿಟ್ಟುಕೊಡಲ್ಲ. ಸಂತೋಷ ಹಾಗೂ ದುಃಖದ ಸಮಯದಲ್ಲಿ ಪರಸ್ಪರರು ಜತೆಯಾಗಿರುವುದೇ ಸಂಬಂಧದ ಗುಟ್ಟು ಮತ್ತು ಹೊರಗಿನ ಶಕ್ತಿಗಳು ಸಂಬಂಧದ ಮೇಲೆ ಪರಿಣಾಮ ಬೀರದಂತೆ ನೋಡಿಕೊಳ್ಳುವುದು.

ನನ್ನ ವೈಯಕ್ತಿಕ ಜೀವನ ಕಳಕೊಂಡೆ

ಯಾರಾದರೂ ನಿಮಗೆ ಇಷ್ಟವಾಗಿದ್ದಾರೆ ಎಂದಾದರೆ ಆಗ ನಿಮ್ಮತನ ಕಳೆದುಕೊಳ್ಳಬೇಡಿ. ನಿಮ್ಮ ಮನಸ್ಸನ್ನು ನೋಡಿ ಸಂಗಾತಿಯು ನಿಮ್ಮನ್ನು ಪ್ರೀತಿಸಿರುವುದು. ಆಕೆ/ಆತನನ್ನು ನಿಜವಾಗಿಯೂ ಪ್ರೀತಿಸಿ. ಇದೇ ವೇಳೆ ನಿಮ್ಮನ್ನು ಕೂಡ ಪ್ರೀತಿಸಿ. ನಿಮ್ಮ ಸಮಗ್ರತೆ ಕಳೆದುಕೊಳ್ಳುವುದು ಸಂಬಂಧಕ್ಕೆ ದೊಡ್ಡ ನಷ್ಟ. ಪ್ರತಿಯೊಂದು ಸಂಬಂಧವು ನಾಣ್ಯದ ಎರಡು ಮುಖಗಳೂ ಇದ್ದಂತೆ. ಸಂಬಂಧದಲ್ಲಿ ನಿಮ್ಮ ಭಾಗವನ್ನು ಮುಂದಿಡಬೇಕು.

ಹೋಲಿಕೆ

ನಿಮ್ಮ ಸಂಬಂಧವನ್ನು ಮತ್ತೊಬ್ಬರ ಸಂಬಂಧದೊಂದಿಗೆ ಯಾವತ್ತಿಗೂ ಹೋಲಿಕೆ ಮಾಡಿಕೊಳ್ಳಲು ಹೋಗಬೇಡಿ. ಇದರಿಂದ ಅದರ ಅನನ್ಯತೆ ಮತ್ತು ಪರಿಶುದ್ಧತೆ ಕಳೆದುಹೋಗುವುದು. ಇದು ಸಂಬಂಧ ಕಾಪಾಡಲು ಆರೋಗ್ಯಕಾರಿ ವಿಧಾನವಲ್ಲ ಮತ್ತು ಹೆಚ್ಚು ಕಾಲ ಇದು ಬಾಳದು.

ಮೂರನೇಯವರಿಗೆ ಹೆಚ್ಚಿನ ಆದ್ಯತೆ ನೀಡುವುದು

ನೀವು ಮತ್ತೊಬ್ಬರನ್ನು ಪ್ರೀತಿಸುವಾಗ ಅವರಿಗೆ ನೀವು ಮೊದಲ ಆದ್ಯತೆಯಾಗಿರುವಿರಿ ಮತ್ತು ಅವರಿಗೆ ನೀವು ಮೊದಲ ಆದ್ಯತೆ. ನಿಮ್ಮ ಸಂಗಾತಿಯನ್ನು ಬಿಟ್ಟು ಬೇರೆಯವರಿಗೆ ಹೆಚ್ಚಿನ ಆದ್ಯತೆ ನೀಡಿದರೆ ಆಗ ಸಂಬಂಧದಲ್ಲಿ ಬಿರುಕು ಮತ್ತು ಕಲಹ ಉಂಟಾಗಬಹುದು. ಇದು ಸಂಬಂಧದ ಅಂತ್ಯಕ್ಕೂ ಕಾರಣವಾಗಬಹುದು.

ಗೂಢಚಾರಿಕೆ

ಸಂಗಾತಿಯು ನಿಮ್ಮ ಜತೆಯಲ್ಲಿ ಇಲ್ಲದೆ ಇರುವಾಗ ನೀವು ಗೂಢಚಾರಿಕೆ ಮಾಡುವುದು ಸಂಬಂಧದಲ್ಲಿ ಸರಿಯಾದ ವಿಧಾನವಲ್ಲ. ನೀವು ಗೂಢಚಾರಿಕೆ ಮಾಡುತ್ತಾ ಇರುವಾಗ ಸಿಕ್ಕಿ ಬೀಳಬಹುದು ಅಥವಾ ನಿಮಗೆ ಚಿಂತೆ ಮೂಡಿಸುವಂತಹ ವಿಷಯ ಸಿಗಬಹುದು. ಇದರಿಂದ ಸಂಬಂಧದಲ್ಲಿ ಹಲವಾರು ಸಮಸ್ಯೆಗಳು ಉಂಟಾಗಬಹುದು. ನೀವು ಭಾವಿಸಿರುವ ರೀತಿಯು ಬೇರೆ ಆಗಿರುವ ಕಾರಣದಿಂದ ಅದು ಸಂಬಂಧದಲ್ಲಿ ಹಲವಾರು ಸಮಸ್ಯೆ ಉಂಟು ಮಾಡಬಹುದು.

ಬದಲಾಗಲು ಒತ್ತಾಯಿಸುವುದು

ನಿಮ್ಮ ಸಂಗಾತಿಯು ಹೇಗೆ ಮತ್ತು ಯಾವ ರೀತಿಯಲ್ಲಿ ಇದ್ದರೂ ನೀವು ಅದನ್ನು ಸ್ವೀಕರಿಸಬೇಕು. ಕೆಲವರು ಪ್ರೀತಿಯಲ್ಲಿ ಬಿದ್ದ ಬಳಿಕ ತಮ್ಮ ಸಂಗಾತಿಯಲ್ಲಿರುವ ತಪ್ಪುಗಳನ್ನು ಹುಡುಕಲು ಆರಂಭಿಸುವರು. ಈ ಜಗತ್ತಿನಲ್ಲಿ ಯಾರು ಕೂಡ ಪರಿಪೂರ್ಣರಾಗಿಲ್ಲ. ಸಂಗಾತಿಯನ್ನು ಬದಲಾಯಿಸುವುದು ತಪ್ಪು. ಇದು ಸಂಬಂಧದ ಮೇಲೆ ಪರಿಣಾಮ ಬೀರಬಹುದು.

ವೈರತ್ವ ಇಟ್ಟುಕೊಳ್ಳುವುದು

ಕೆಲವೊಂದು ಸಲ ಸಂಬಂಧಲ್ಲಿ ಪರಸ್ಪರ ವೈರತ್ವ ಇಟ್ಟುಕೊಳ್ಳುವುದು. ಹಿಂದಿನ ವಿಷಯಗಳನ್ನು ಜಗಳ ಮಾಡುವುದು ಸಾಮಾನ್ಯ. ಆದರೆ ಸಂಬಂಧದಲ್ಲಿ ಇದು ನಿಷಿದ್ಧ. ವೈರತ್ವ ಇಟ್ಟುಕೊಂಡರೆ ಆಗ ನಿಮ್ಮ ಸಂಗಾತಿ ಬಗ್ಗೆ ಅಸಹಿಷ್ಣುತೆ ಭಾವನೆ ಉಂಟಾಗುವುದು. ಇಲ್ಲಿ ಪ್ರೀತಿ ಒಳಗೊಳಗೆ ಉಸಿರುಗಟ್ಟಿ ಸಾಯುವುದು ಮತ್ತು ಕ್ರೋಧ ಹೆಚ್ಚಾಗುವುದು. ಕ್ರೀಡೆಯಲ್ಲಿ ಸೋಲಿಗೆ ಪ್ರತೀಕಾರ ಸರಿ. ಆದರೆ ಜೀವನದಲ್ಲಿ ಅಲ್ಲ. ಕ್ಷಮಿಸಿ ಹಾಗೂ ಮರೆತುಬಿಡಿ. ಇದು ಜೀವನದಲ್ಲಿ ಪಾಲಿಸಬೇಕಾದ ನಿಯಮ.

ಮೋಸ

ಸಂಬಂಧಲ್ಲಿ ಮೋಸ ಮಾಡುವುದು ಅನೈತಿಕ ಹಾಗೂ ತಪ್ಪು. ಪರಸ್ಪರ ಪ್ರೀತಿಸುವುದು ಇಬ್ಬರು ಸೇರಿಕೊಂಡು ಮಾಡಿರುವ ನಿರ್ಧಾರವಾಗಿರುವುದು. ಅದೇ ಮೋಸ ಎನ್ನುವುದು ಒಬ್ಬನಿಂದ ಆಗುವಂತದ್ದಾಗಿದೆ. ಸಂಗಾತಿ ಜತೆಗಿನ ಸಂಬಂಧ ಕಳೆದುಕೊಳ್ಳಲು ಬಯಸದೆ ಇದ್ದರೆ ಆಗ ನೀವು ಮೋಸ ಮಾಡಲೇಬಾರದು. ಈ ಎಂಟು ವಿಚಾರಗಳನ್ನು ಪಾಲಿಸಿಕೊಂಡು ಹೋದರೆ ಆಗ ಖಂಡಿತವಾಗಿಯೂ ನಿಮ್ಮ ಜೀವನದಲ್ಲಿ ಸುಖ, ಸಂತೋಷವಿರುವುದು. ಈ ಲೇಖನದ ಬಗ್ಗೆ ನಿಮ್ಮ ಅಭಿಪ್ರಾಯಗಳು ಏನು ಎನ್ನುವುದರ ಬಗ್ಗೆ ಕಮೆಂಟ್ ಬಾಕ್ಸ್‌ನಲ್ಲಿ ತಿಳಿಸಲು ಮರೆಯಬೇಡಿ. ಅದೇ ರೀತಿ ನಿಮ್ಮ ಪ್ರೀತಿಪಾತ್ರರ ಜತೆಗೆ ಇದನ್ನು ಶೇರ್ ಮಾಡಿಕೊಳ್ಳಿ.