ಮತ್ತೆ ಹಳೆ ಪ್ರೇಮಿಯ ಸಂಗ ಮಾಡಬೇಡಿ

ಅದರಿಂದ ನೀವು ಮುನ್ನಡೆದಿದ್ದೀರಿ

ಪ್ರೇಮಿಯಿಂದ ದೂರವಾಗಿರುವ ಆ ಕೆಟ್ಟ ಸಮಯದಿಂದ ನೀವು ಈಗಾಗಲೇ ದೂರ ಸಾಗಿದ್ದೀರಿ. ಆದರೆ ಪ್ರೇಮಿ ಈಗ ಕ್ಷಮೆ ಕೇಳುತ್ತಾ ಇದ್ದಾನೆ. ಆತ ಮತ್ತೆ ನಿಮ್ಮ ಜತೆಗಿರಲು ಬಯಸುತ್ತಿದ್ದಾನೆ. ಆದರೆ ಮತ್ತೆ ಅದೇ ವಿಚಾರವನ್ನು ನೀವು ಬಯಸುವುದಿಲ್ಲವೆಂದು ನೀವು ನೆನಪಿಟ್ಟುಕೊಳ್ಳಿ. ದೂರವಾದ ಈ ಸಮಯದಲ್ಲಿ ಇದು ಮತ್ತಷ್ಟು ಕಠಿಣವಾಗಲಿದೆ.

ಮರಳುವುದಕ್ಕಿಂತ ನೀವು ಎಷ್ಟೋ ಉತ್ತಮ

ಪ್ರೇಮಿಗಳು ದೂರವಾಗಲು ಏನಾದರೂ ಒಂದು ಕಾರಣ ಇದ್ದೇ ಇರುವುದು. ಇದನ್ನು ಯಾರು ಬೇಕಾದರೂ ಆರಂಭಿಸಿರಬಹುದು. ಆದರೆ ದೂರವಾದ ಕೆಲವು ಸಮಯದ ಬಳಿಕ ನೀವು ಸಂಪೂರ್ಣ ಜೀವನ ಸಾಗಿಸಲು ಬಯಸಿದ ವ್ಯಕ್ತಿ ಆತನಲ್ಲವೆಂದು ಅರ್ಥಮಾಡಿಕೊಳ್ಳುತ್ತೀರಿ. ಆತ ಮತ್ತೆ ನಿಮ್ಮ ಜೀವನದಲ್ಲಿ ಮರಳಿ ಬರಲು ಬಯಸುತ್ತಿದ್ದರೂ ನಿಮಗೆ ಅದಕ್ಕಿಂತ ಒಳ್ಳೆಯ ಆಯ್ಕೆಯಿದೆ ಎನ್ನುವುದು ನೆನಪಿರಲಿ. ನಿಮ್ಮ ಬಗ್ಗೆ ಕಾಳಜಿ ವಹಿಸದೆ ಇರುವ ವ್ಯಕ್ತಿಯೊಂದಿಗೆ ಜೀವನ ಸಾಗಿಸಲು ಬಯಸುವುದಿಲ್ಲವೆಂದು ನೀವು ಅರ್ಥ ಮಾಡಿಕೊಳ್ಳಿ.

ನೀವು ಯಾವುದೋ ಒಂದು ಕಾರಣಕ್ಕೆ ದೂರವಾಗಿರಬಹುದು

ಮಾಜಿ ಪ್ರೇಮಿಯು ನಿನ್ನನ್ನು ತುಂಬಾ ಪ್ರೀತಿಸುತ್ತಿದ್ದೇನೆ ಮತ್ತು ಮರಳಿ ನಿನ್ನ ಜತೆಗಿರಲು ಬಯಸುತ್ತೇನೆ ಎನ್ನುವ ಸಂದೇಶಗಳನ್ನು ನಿಮಗೆ ಕಳುಹಿಸಬಹುದು. ಆದರೆ ದೂರವಾಗಿರುವ ಕೆಟ್ಟ ಕಾರಣ ಮತ್ತು ಅದರ ಬಳಿಕದ ಕಠಿಣ ಸಮಯವನ್ನು ನೀವು ಎಂದಿಗೂ ಮರೆಯದಿರಿ. ನೀವು ಯಾವ ಪರಿಸ್ಥಿತಿಯಲ್ಲಿ ಇದ್ದೀರಿ ಎಂದು ತಿಳಿಯಲು ನಿಮ್ಮ ಮಾಜಿ ಪ್ರೇಮಿ ಪ್ರಯತ್ನಿಸದೆ ಇರಬಹುದು. ಆತ ತನ್ನ ಗೆಳೆಯರು ಅಥವಾ ಹೊಸ ಹುಡುಗಿ ಜತೆಗಿನ ಫೋಟೊಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ ಲೋಡ್ ಮಾಡುತ್ತಿರಬಹುದು. ಒಮ್ಮೆ ನಿಮ್ಮಿಂದ ದೂರವಾದತ ಮತ್ತೊಮ್ಮೆ ನಿಮ್ಮಿಂದ ದೂರವಾಗಬಲ್ಲ.

ಮತ್ತೆ ಹಾಗೆ ಇರದು

ಒಮ್ಮೆ ಪ್ರೇಮಿಯಿಂದ ದೂರವಾದ ಬಳಿಕ ಮತ್ತೆ ಜತೆಯಾದರೂ ಕೂಡ ಆ ಸುಂದರ ಕ್ಷಣಗಳು ಮರಳಿ ಬರುವುದಿಲ್ಲ. ಹಿಂದೆ ನೀವು ಪ್ರೀತಿಸಿದಷ್ಟು ಪರಸ್ಪರ ಪ್ರೀತಿಸಲು ಸಾಧ್ಯವಿಲ್ಲ. ಪ್ರೀತಿ ಕೊನೆಯಾದ ಕಾರಣ ನೀವಿಬ್ಬರು ದೂರವಾಗಿದ್ದೀರಿ.

ಅವಕಾಶಗಳು

ನಿಮ್ಮನ್ನು ಬಿಟ್ಟು ಹೋಗದಂತೆ ಮತ್ತು ಸಂಬಂಧ ಕಡಿದುಕೊಳ್ಳದಂತೆ ನೀವು ಗೋಗರೆದು ಬೇಡಿಕೊಂಡರೂ ಆತ ನಿಲ್ಲಲಿಲ್ಲ. ಕಾರಣ ಏನೇ ಆಗಿದ್ದರೂ ಮರಳಿ ಬರಲು ಆತನಿಗೆ ಹೆಚ್ಚಿನ ಸಮಯ ಇದ್ದೇ ಇರುತ್ತದೆ. ಒಂದು ವರ್ಷ ಅಥವಾ ಅದರ ಬಳಿಕ ಮರಳುವುದರಲ್ಲಿ ಯಾವುದೇ ಅರ್ಥವಿಲ್ಲ. ಯಾಕೆಂದರೆ ನೀವು ಆಗಲೇ ಎಲ್ಲವನ್ನು ಮರೆತಿರುತ್ತೀರಿ.

ಏಕಾಂಗಿಯಾಗಿರಿ

ತುಂಬಾ ಕೆಟ್ಟ ಸಂಬಂಧ ಅಥವಾ ತುಂಬಾ ಭಯಾನಕವಾಗಿ ನೀವು ಪ್ರೇಮಿಯಿಂದ ದೂರವಾಗಿರಬಹುದು. ಇದರಿಂದ ನೀವು ಏಕಾಂಗಿಯಾಗಿರಲು ಬಯಸಬಹುದು. ಆತ ನಿಮ್ಮೊಂದಿಗಿನ ಸಂಬಂಧಕ್ಕೆ ಮರಳಲು ಎಷ್ಟೇ ಸಲ ಬೇಕಾದರೂ ಮೆಸೇಜ್ ಮಾಡಿದರೂ ನೀವು ಮಾತ್ರ ನಿರ್ಧಾರ ಹಿಂತೆಗೆದುಕೊಳ್ಳಬೇಡಿ.

ಆತನಿಗೆ ಬೋರ್ ಆಗಿರಬಹುದು

ಆತ ನಿಮ್ಮೊಂದಿಗಿನ ಸಂಬಂಧದಿಂದ ಬೋರ್ ಆಗಿರಬಹುದು. ನಿಮ್ಮ ಸಂಬಂಧದಲ್ಲಿನ ಆಕರ್ಷಣೆ ಕಳೆದುಕೊಂಡಿರಬಹುದು. ನಮ್ಮೊಂದಿಗೆ ಮರಳಲು ಬಯಸಿರುವುದು ಕೇವಲ ಟೈಂ ಪಾಸ್ ಆಗಿರಬಹುದು ಅಥವಾ ನನ್ನ ಜತೆಗೂ ಸಂಗಾತಿ ಇದ್ದಾಳೆ ಎಂದು ತೋರಿಸಲು ಹೀಗೆ ಮಾಡಬಹುದು. ಮಾಜಿ ಪ್ರೇಮಿಯ ಜತೆಗೆ ಮತ್ತೆ ಸಂಬಂಧ ಬೆಳೆಸುವುದು ತುಂಬಾ ಕೆಟ್ಟ ವಿಷಯ. ನೀವು ಆತನನ್ನು ಬಿಟ್ಟು ಕೂಡ ಚೆನ್ನಾಗಿದ್ದೀರಿ ಎಂದು ನೆನಪಿಸಿಕೊಳ್ಳುತ್ತಿರಬೇಕು.