ಮಕ್ಕಳ ಪ್ರೀತಿಯ ಸೀಬೆಕಾಯಿ ಜೆಲ್ಲಿ!

Published: Thursday, March 22, 2012, 15:06 [IST]

ಜಾಮ್, ಜೆಲ್ಲಿ ಇವೆಲ್ಲ ಮಕ್ಕಳ ಫೇವರೇಟ್. ಮಕ್ಕಳನ್ನು ಓದು, ಗಲಾಟೆ ಮಾಡಬೇಡ ಅಂದಾಗ ಹೆಚ್ಚಿನ ಮಕ್ಕಳು ಲಂಚ ಕೇಳುತ್ತಾರೆ. ಅಂದರೆ ತಿನ್ನಲು ಚಾಕಲೇಟ್ ಬೇಕು, ಜೆಲ್ಲಿ ಬೇಕು ಅಂತ ಕೇಳುತ್ತಾರೆ. ಮಕ್ಕಳಿಗೆ ಇಷ್ಟವಿರುವ ಈ ಜೆಲ್ಲಿಯನ್ನು ಅನೇಕ ಬಗೆಗಳಿವೆ. ಅವುಗಳಲ್ಲಿ ಸೀಬೆಕಾಯಿ ಜೆಲ್ಲಿ ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಒಂದೂವರೆ ಕೆಜಿ ಸೀಬೆಕಾಯಿ
* 6 ಕಪ್ ನೀರು
* 1/2 ಚಮಚ ಸಿಟ್ರಿಕ್ ಆಸಿಡ್ (ನಿಂಬೆರಸ)
* ಸಕ್ಕರೆ

ತಯಾರಿಸುವ ವಿಧಾನ:

1. ಸೀಬೆಕಾಯಿಯನ್ನು ತೆಳುವಾಗಿ ಕತ್ತರಿಸಿ ನೀರು ಹಾಕಿ ಮೃದುವಾಗುವವರೆಗೆ ಬೇಯಿಸಬೇಕು.

2. ಬಟ್ಟೆಯನ್ನು ಬಟ್ಟಿಲಿನ ಬಾಯಿಗೆ ಕಟ್ಟಿ, ಬಟ್ಟೆಯಲ್ಲಿ ಬೇಯಿಸಿದ ಸೀಬೆಕಾಯಿಯನ್ನು ಹಾಕಿ, ಸೀಬೆ ರಸ ಬಟ್ಟಲಿನಲ್ಲಿ ಬೀಳಲು ಬಿಡಬೇಕು. ಬಟ್ಟೆಯನ್ನು ಹಿಂಡಲು ಹೋಗಬಾರದು.

3. ಈ ರಸವನ್ನು 12 ಗಂಟೆವರೆಗೆ ಇಡಬೇಕು.

4. ಒಂದು ಗ್ಲಾಸ್ ನಿಂಬೆ ರಸಕ್ಕೆ 3 ಗ್ಲಾಸ್ ಸಕ್ಕರೆ ಹಾಕಬೇಕು.

5. ಈಗ ಈ ಮಿಶ್ರಣನ್ನು ಕುದಿಸಬೇಕು. ಸಕ್ಕರೆ ಸಂಪೂರ್ಣವಾಗಿ ಕರಗುವವರೆಗೆ ತಿರುಗಿಸುತ್ತಾ ಇರಬೇಕು.

6. ಈಗ ಈ ಜ್ಯೂಸ್ ಅನ್ನು ಸೋಸಿ ನಿಂಬೆ ರಸ ಸೇರಿಸಿ ಪುನಃ ಕುದಿಸಬೇಕು. ಆಗ ಈ ಮಿಶ್ರಣ ಗಟ್ಟಿಯಾಗುವುದು. ಈಗ ಉರಿಯಿಂದ ತೆಗೆದು ಆರಲು ಇಡಬೇಕು.

7. ತಣ್ಣಗಾದ ಮೇಲೆ ಗಾಜಿನ ಡಬ್ಬದಲ್ಲಿ ಹಾಕಿ ಮುಚ್ಚಳವನ್ನು ಗಟ್ಟಿಯಾಗಿ ಹಾಕಿಡಬೇಕು.