ಮಡಹಾಗಲಕಾಯಿ ಪೋಡಿ ಬೋಂಡಾ

Recipes

lekhaka-Sushma charhra

Posted By: Sushma Chatra

Published: Monday, August 31, 2020, 13:12 [IST]

ಕರೋನಾ ಸಮಯದಲ್ಲಿ ಕರುಂಕುರುಂ ತಿಂಡಿಗಳನ್ನು ಹೊರಗಿನಿಂದ ತಂದು ತಿನ್ನುವುದಕ್ಕೂ ಭಯವಾಗುತ್ತದೆ. ಮೊದಲೆಲ್ಲಾ ಶಾಪಿಂಗ್ ಗೆ ಹೋದಾಗ, ಬೀದಿ ಸುತ್ತುವಾಗ ಅಲ್ಲೇ ಹತ್ತಿರದ ಬೋಂಡಾ ಅಂಗಡಿಗೆ ಎಂಟ್ರಿ ಕೊಟ್ಟು ಒಂದೆರಡು ಪ್ಲೇಟ್ ಭಜ್ಜಿ ಬೋಂಡಾ ತಿಂದು ಬಂದ್ರೆ ಮನಸ್ಸಿಗೆ ತೃಪ್ತಿ ಅನ್ನಿಸುತ್ತಿತ್ತು. ಆದರೆ ಈಗ ಹಾಗಿಲ್ಲ. ಹಾಗಂತ ತಿನ್ನದೇ ಇದ್ರೆ ಬಾಯಿ ಕೇಳುತ್ತದೆಯೇ? ಬಾಯಿ ತನ್ನ ಚಪಲವನ್ನು ಬಿಡುವುದಿಲ್ಲ. ಬಾಯಿಗೆ ತೃಪ್ತಿಯಾಗಬೇಕೆಂದರೆ ನೀವು ಮನೆಯಲ್ಲೇ ರುಚಿರುಚಿ ಅಡುಗೆ ಮಾಡಿಕೊಳ್ಳುವುದನ್ನು ಕಲಿಯಲೇಬೇಕು.

ಎಣ್ಣೆ ಬಾಣಲೆಗೆ ಸ್ವಲ್ಪ ಕೆಲಸ ಕೊಡಬೇಕಾ? ಹಾಗಿದ್ದರೆ ಈ ಸ್ಟೋರಿ ಪೂರ್ತಿ ಓದಿದರೆ ಖಂಡಿತ ಸಾಧ್ಯವಾಗುತ್ತದೆ. ರುಚಿರುಚಿಯಾದ ಮತ್ತು ಆರೋಗ್ಯಕ್ಕೂ ಹಿತವಾದ ರೆಸಿಪಿಯನ್ನು ನಾವಿಲ್ಲಿ ನಿಮಗೆ ತಿಳಿಸಿಕೊಡುತ್ತಿದ್ದೇವೆ. ಅದುವೆ ಮಡಹಾಗಲಕಾಯಿಯ ಪೋಡಿ ಅಂದರೆ ಕಾಡುಹಾಗಲ ಎಂದು ಕರೆಯುವ ಚಿಕ್ಕಚಿಕ್ಕದಾಗಿರುವ ಕಹಿ ಇಲ್ಲದ ಹಾಗಲಕಾಯಿಯ ಬೋಂಡಾ ರೆಸಿಪಿ.

ಹಾಗಲಕಾಯಿಯಲ್ಲೂ ಬೋಂಡಾವೇ ಎಂದು ಹುಬ್ಬೇರಿಸಬೇಡಿ. ತಿಂದರೆ ತಿನ್ನುತ್ತಲೇ ಇರಬೇಕು ಎನ್ನುವಷ್ಟು ಯಮ್ಮಿಯಾಗಿರುತ್ತದೆ ಇದು. ಹೌದು, ಶುಗರ್ ಇರುವವರೂ ಕೂಡ ಸೇವಿಸಬಹುದಾದ ಅಧ್ಬುತ ಅಡುಗೆ ಇದು. ಟೊಮೆಟೋ ಸಾರು, ಅನ್ನ ಮತ್ತು ಇದೊಂದು ಬೋಂಡಾವಿದ್ದರೆ ಊಟಕ್ಕೆ ಎರಡು ಕೈ ಸಾಲದು ಎಂಬಷ್ಟು ರುಚಿ. ಹಾಗಿದ್ದರೆ ಇದನ್ನು ತಯಾರಿಸುವುದು ಹೇಗೆ ನೋಡೋಣ.