ತಿಂದು ನೋಡಿ ಗರಿ ಗರಿ ಮಸಾಲಾ ಟಚ್ ಪಾಪ್ ಕಾರ್ನ್

Snacks

oi-Sumalatha

By Sumalatha

Published: Tuesday, December 6, 2011, 16:44 [IST]

ಸಂಜೆ ಚಳಿಗೆ ಪಾಪ್ ಕಾರ್ನ್ ಒಳ್ಳೆ ಸಂಗಾತಿ. ಟೀ ಜೊತೆ ಪಾಪ್ ಕಾರ್ನ್ ಇದ್ದರೆ ತಿನ್ನಲು ಬಲು ರುಚಿ. ಆದರೆ ಕೇವಲ ಪಾಪ್ ಕಾರ್ನ್ ಮತ್ತು ಉಪ್ಪು ಮಿಶ್ರಿತ ಪಾಪ್ ಕಾರ್ನ್ ಗಿಂತ ಖಾರಾ ಬೆರೆಸಿದ ಪಾಪ್ ಕಾರ್ನ್ ನಾಲಿಗೆಗೆ ಹೆಚ್ಚು ಹಿತ. ಮೆಣಸಿನಕಾಯಿ ಪುಡಿ ಮತ್ತು ಬೆಳ್ಳುಳ್ಳಿ ಪುಡಿಯ ಮಸಾಲ್ ಟಚ್ ಪಾಪ್ ಕಾರ್ನ್ ಗೆ ನೀಡುವುದರಿಂದ ಟೇಸ್ಟ್ ಹೆಚ್ಚಾಗುತ್ತೆ. ಚಿಲ್ಲಿ ಪಾಪ್ ಕಾರ್ನ್ ಮಾಡುವುದು ಹೇಗೆ ಎಂದು ತಿಳಿದುಕೊಳ್ಳಿ.

ಚಿಲ್ಲಿ ಪಾಪ್ ಕಾರ್ನ್ ಗೆ ಬೇಕಾಗುವ ಸಾಮಾಗ್ರಿ:
* 1 ಬಟ್ಟಲು ಪಾಪ್ ಕಾರ್ನ್ (ಹುರಿದಿದ್ದು)
* 2 ಚಮಚ ಮೆಣಸಿನಕಾಯಿ ಪುಡಿ
* 1 1/2 ಚಮಚ ಬೆಳ್ಳುಳ್ಳಿ ಪುಡಿ
* ಉಪ್ಪು
* ಚೀಸ್ (ಬೇಕಿದ್ದರೆ)
* ವನಸ್ಪತಿ ಬೆಣ್ಣೆ (ಮಾರ್ಗರೈನ್)

ಚಿಲ್ಲಿ ಪಾಪ್ ಕಾರ್ನ್ ತಯಾರಿಸುವ ವಿಧಾನ:
* ಮೊದಲು ಒಂದು ಬಟ್ಟಲಿನಲ್ಲಿ ಮಾರ್ಗರೈನ್ ನೊಂದಿಗೆ ಪಾಪ್ ಕಾರ್ನನ್ನು ಬೆರೆಸಬೇಕು. ಪಾಪ್ ಕಾರ್ನ್ ಮಾರ್ಗರೈನನ್ನು ಚೆನ್ನಾಗಿ ಹೀರಿಕೊಳ್ಳಬೇಕು.

* ಈಗ ಅದಕ್ಕೆ ಮೆಣಸಿನಕಾಯಿ ಪುಡಿ, ಬೆಳ್ಳುಳ್ಳಿ ಪೌಡರ್ ಮತ್ತು ಉಪ್ಪನ್ನು ಬೆರೆಸಿ ಪಾಪ್ ಕಾರ್ನನ್ನು ಚೆನ್ನಾಗಿ ಬೆರೆಸಬೇಕು. ಚೀಸ್ ಕೂಡ ಬಳಸಬಹುದು.

ಇದೀಗ ಚಿಲ್ಲಿ ಪಾಪ್ ಕಾರ್ನ್ ತಿನ್ನಲು ರೆಡಿ. ಇದನ್ನು ತಯಾರಿಸಿದ ತಕ್ಷಣವೇ ತಿಂದರೆ ಗರಿ ಗರಿಯಾಗಿರುತ್ತೆ.