ಮಕ್ಳಿಂದ ಟೆಕ್ಕಿಗಳವರೆಗೆ ಎಲ್ರಿಗೂ ಇಷ್ಟ ಆಲೂಟಿಕ್ಕಿ

Snacks

oi-Reena

By Hema S

Published: Saturday, February 4, 2012, 13:10 [IST]

ಆಲೂ ಟಿಕ್ಕಿ ತಿನ್ನಲು ತುಂಬಾ ರುಚಿಕರವಾಗಿರುವುದರಿಂದ ಡಯಟ್ ನಲ್ಲಿದ್ದವರೂ ಇವತ್ತು ಒಂದು ದಿನ ಆಲೂ ತಿಂದರೆ ಅಷ್ಟೇನು ದಪ್ಪವಾಗುವುದಿಲ್ಲ ಎಂದು ಕಣ್ಣು ಮುಚ್ಚಿ ತಿಂದು ಬಿಡುತ್ತಾರೆ. ಈ ಆಲೂಟಿಕ್ಕಿ ಮಕ್ಕಳಿಗಂತೂ ಪಂಚಪ್ರಾಣ. ಆದರೆ ತಿಂಡಿಗಳನ್ನು ಹೊರಗೆ ತಿನ್ನುವುದಕ್ಕಿಂತ ಮನೆಯಲ್ಲಿಯೆ ಮಾಡಿ ಸೇವಿಸುವುದು ಆರೋಗ್ಯಕ್ಕೆ ಒಳ್ಳೆಯದು. ವೀಕೆಂಡ್ ನಲ್ಲಿ ಆಲೂ ಟಿಕ್ಕಿಯನ್ನು ಹೊರಗಡೆ ಹೋಗಿ ತಿನ್ನುವುದರ ಬದಲು ಮನೆಯಲ್ಲಿಯೆ ಮಾಡಿ ರುಚಿಯನ್ನು ಸವಿಯಿರಿ.

ಬೇಕಾಗುವ ಸಾಮಾಗ್ರಿಗಳು:
* 2 ಆಲೂಗೆಡ್ಡೆ ( ಬೇಯಿಸಿ ಚೆನ್ನಾಗಿ ಹಿಸುಕಿದ್ದು)
* 1/2 ಕಪ್ ಜೋಳದ ಹಿಟ್ಟು
* 1/2 ಕಪ್ ಬಟಾಣಿ ( ಬೇಯಿಸಿದ್ದು)
* 2-3 ಹಸಿ ಮೆಣಸು ( ಚಿಕ್ಕದಾಗಿ ಕತ್ತರಿಸಬೇಕು)
* ನಿಂಬೆರಸ 1 ಚಮಚ
* ಜೀರಿಗೆ ಪುಡಿ 1 ಚಮಚ
* ಕೆಂಪು ಮೆನಸಿನ ಪುಡಿ 1 ಚಮಚ
* ಸ್ವಲ್ಪ ಕೊತ್ತಂಬರಿ ಸೊಪ್ಪು
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ

ತಯಾರಿಸುವ ವಿಧಾನ:

1. ಎಣ್ಣೆ ಹೊರತು ಪಡಿಸಿ ಉಳಿದ ಎಲ್ಲಾ ಸಾಮಾಗ್ರಿಗಳನ್ನು ಒಂದು ಬಟ್ಟಲಿನಲ್ಲಿ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

2. ಅದರಿಂದ ಮಿಶ್ರಣವನ್ನು ಉಂಡೆ ಮಾಡಿ ಸ್ವಲ್ಪ ಚಪ್ಪಟೆಯಾಕಾರದಲ್ಲಿ ತಟ್ಟಿ.

3. ಎಣ್ಣೆಯನ್ನು ಬಿಸಿ ಮಾಡಿ ಕುದಿಯುತ್ತಿರುವ ಎಣ್ಣೆಗೆ ಆಲೂ ಮಿಶ್ರಣವನ್ನು ಹಾಕಿ ಕಂದು ಬಣ್ಣ ಬಂದ ಮೇಲೆ ತೆಗೆಯಬೇಕು.

ಈಗ ರೆಡಿಯಾದ ಆಲೂಟಿಕ್ಕಿಯನ್ನು ಪುದೀನಾ ಚಟ್ನಿ ಜೊತೆ ಸವಿಯಲು ತುಂಬಾ ರುಚಿಕರವಾಗಿರುತ್ತದೆ.