ಫಟಾಫಟ್ ತಯಾರಿಸಿ ಘಮಘಮಿಸುವ ಘೀ ರೈಸ್ ರೆಸಿಪಿ!

ಮಸಾಲ ಘೀ ರೈಸ್ ರೆಸಿಪಿಯು ಅನ್ನದ ಪ್ರಕಾರಗಳಲ್ಲಿಯೇ ಅತ್ಯುತ್ತಮವಾದ ಒಂದು ರೆಸಿಪಿಯಾಗಿದೆ. ಈ ಘೀ ರೈಸನ್ನು ನೀವು ಎರಡು ಬಗೆಯಲ್ಲಿ ಸವಿಯಬಹುದು. ಒಂದು ಇದು ಹೇಗಿದೆಯೋ ಹಾಗೆಯೇ ಸವಿಯಬಹುದು ಅಥವಾ ಸೋಯಾ ತುಣುಕುಗಳನ್ನು ಇದರಲ್ಲಿ ಹಾಕಿಕೊಂಡು ತಿನ್ನಬಹುದು. ಆದರೆ ಯಾವುದು ಇದ್ದರು ಇಲ್ಲದಿದ್ದರು ಈ ಅನ್ನದ ಪ್ರಕಾರವು ನಿಮ್ಮ ಬಾಯಿಯಲ್ಲಿ ನೀರೂರಿಸುವುದರಲ್ಲಿ ಯಾವುದೇ ಸಂಶಯವಿಲ್ಲ.

ಪಲಾವ್ ಎಲೆ ಮತ್ತು ಜೀರಿಗೆಯಂತಹ ಮಸಾಲೆ ಪದಾರ್ಥಗಳು ಈ ಖಾದ್ಯವನ್ನು ಮತ್ತಷ್ಟು ರುಚಿಕರ ಮಾಡುತ್ತವೆ. ಈ ಮಸಾಲಾ ಘೀ ರೈಸನ್ನು ತಯಾರಿಸುವುದು ಸಹ ಸುಲಭ. ಈ ಖಾದ್ಯವನ್ನು ನೀವು ಸಹ ತಯಾರಿಸಬೇಕು ಎಂದಾದಲ್ಲಿ, ಮುಂದೆ ಓದಿ, ಒಮ್ಮೆ ಪ್ರಯತ್ನಿಸಿ ನೋಡಿ. ಮತ್ತೆ ಮತ್ತೆ ಇದನ್ನು ನೀವು ಮಾಡುತ್ತಲೆ ಇರುತ್ತೀರಾ. ಮುಂಬಯಿ ಶೈಲಿಯ ಟೊಮೇಟೊ ಪಲಾವ್ ರೆಸಿಪಿ

ಮೂವರಿಗೆ ಬಡಿಸಬಹುದು
*ತಯಾರಿಕೆಗೆ ತಗುಲುವ ಸಮಯ: 15 ನಿಮಿಷಗಳು
*ಅಡುಗೆಗೆ ತಗುಲುವ ಸಮಯ: 20 ನಿಮಿಷಗಳು

ಅಗತ್ಯವಾದ ಪದಾರ್ಥಗಳು
*ತುಪ್ಪ - 2 ಟೀ. ಚಮಚ
*ಜೀರಿಗೆ - 1 ಟೀ. ಚಮಚ
*ಪಲಾವ್ ಎಲೆ - 3
*ಗೋಡಂಬಿ - 3 ಟೀ. ಚಮಚ (ಕತ್ತರಿಸಿದಂತಹುದು)

*ಕರಿ ಬೇವು ಸೊಪ್ಪು - 4 - 5
*ಹಸಿ ಬಟಾಣಿ - ½ ಕಪ್
*ಈರುಳ್ಳಿ - 2 (ಕತ್ತರಿಸಿದಂತಹುದು)
*ಹಸಿ ಮೆಣಸಿನಕಾಯಿ- 3 (ಸಣ್ಣಗೆ ಕತ್ತರಿಸಿದಂತಹುದು)
*ರುಚಿಗೆ ತಕ್ಕಷ್ಟು ಉಪ್ಪು

*ಅರಿಶಿನ - 1 ಟೀ. ಚಮಚ
*ಖಾರದ ಪುಡಿ - 1 ಟೀ. ಚಮಚ
*ಅನ್ನ - 1 ½

ಕೇವಲ 15 ನಿಮಿಷದಲ್ಲಿ ತಯಾರಿಸಿ ಮೊಟ್ಟೆ ಪುಲಾವ್ ರೆಸಿಪಿ!

ತಯಾರಿಸುವ ವಿಧಾನ
*ಒಂದು ತಳ ಆಳವಿರುವ ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆಯನ್ನು ತೆಗೆದುಕೊಳ್ಳಿ. ಆ ಎಣ್ಣೆ ಬಿಸಿಯಾಗುವವರೆಗೂ ಕಾಯಿರಿ. ಇದು ಚೆನ್ನಾಗಿ ಕಾದಮೇಲೆ ಇದಕ್ಕೆ ಜೀರಿಗೆಯನ್ನು ಹಾಕಿ. ಅವು ಒಗ್ಗರಣ್ಣೆಯಂತೆ ಆದ ಮೇಲೆ ಅದಕ್ಕೆ ಪಲಾವ್ ಎಲೆ, ಗೋಡಂಬಿ ಮತ್ತು ಕರಿಬೇವು ಸೊಪ್ಪನ್ನು ಹಾಕಿ. ಈ ಎಲ್ಲಾ ಪದಾರ್ಥಗಳನ್ನು ಮಧ್ಯಮ ಗಾತ್ರದ ಉರಿಯಲ್ಲಿ ಹುರಿದುಕೊಳ್ಳಿ.
*ನಂತರ ಬಾಣಲೆಗೆ ತಾಜಾ ಹಸಿ ಬಟಾಣಿಗಳನ್ನು ಹಾಕಿ, ಜೊತೆಗೆ ಕತ್ತರಿಸಿದ ಈರುಳ್ಳಿ ಮತ್ತು ಹಸಿ ಮೆಣಸಿನಕಾಯಿಗಳನ್ನು ಸಹ ಹಾಕಿಕೊಳ್ಳಿ.
*ತದನಂತರ ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಅರಿಶಿನವನ್ನು ಹಾಕಿ. ಈ ಪದಾರ್ಥಗಳನ್ನು ಚೆನ್ನಾಗಿ ಕಲೆಸಿಕೊಡಿ.
*ಇನ್ನು ಈ ಬಾಣಲೆಗೆ ಖಾರದ ಪುಡಿಯನ್ನು ಹಾಕಿ. ಚೆನ್ನಾಗಿ ಕಲೆಸಿಕೊಡಿ, ಆನಂತರ ಇದಕ್ಕೆ ಅನ್ನವನ್ನು ಹಾಕಿ.
*ಇನ್ನು ಬಾಣಲೆಯಲ್ಲಿರುವ ಪದಾರ್ಥಗಳ ಜೊತೆಗೆ ಚೆನ್ನಾಗಿ ಅನ್ನ ಬೆರೆಯುವ ರೀತಿಯಲ್ಲಿ ಕಲೆಸಿಕೊಡಿ, ಹಾಗೂ ಬಾಣಲೆಯಲ್ಲಿರುವ ಮಸಾಲೆಯೊಂದಿಗೆ ಬಿಳಿ ಅನ್ನ ಚೆನ್ನಾಗಿ ಬೆರೆತಿದೆಯೇ ಇಲ್ಲವೇ, ಎಂಬುದನ್ನು ಖಾತ್ರಿ ಪಡಿಸಿಕೊಳ್ಳಿ.

ಪೋಷಕಾಂಶದ ಪ್ರಮಾಣ
*ಈ ಖಾದ್ಯದಲ್ಲಿ ಗೋಡಂಬಿಗಳನ್ನು ಬಳಸುವುದರಿಂದ ಇವು ಆರೋಗ್ಯಕರ ಮತ್ತು ನಿಮ್ಮ ರಕ್ತದೊತ್ತಡವನ್ನು ಸಮತೋಲನದಲ್ಲಿಡುತ್ತವೆ. ಜೊತೆಗೆ ನಿಮ್ಮ ಮೂಳೆಗಳ ಆರೋಗ್ಯವನ್ನು ಸಹ ಇವು ಸುಧಾರಿಸುತ್ತವೆ. ಇದೆಲ್ಲಕ್ಕಿಂತ ಮುಖ್ಯವಾಗಿ ಇದು ನಿಮ್ಮ ತೂಕವನ್ನು ಇಳಿಸಲು ನೆರವಾಗುತ್ತದೆ.

ಸಲಹೆ
ಅನ್ನವನ್ನು ಕೇವಲ 4 ವಿಷಲ್‌ವರೆಗೆ ಮಾತ್ರ ಕುಕ್ಕರಿನಲ್ಲಿಡಿ.