ತಮಿಳು ಕಾರ್ಮಿಕರ ಶೆಡ್ ಅಡುಗೆ

ಪ್ರಿಕ್ಯಾಸ್ಟ್ ಕಾಂಕ್ರೀಟ್ ಕ್ಯೂಬು 2
ಖಾರಾ ಅರೆಯಲು ಕಲ್ಲು
ಉರುವಲಿಗೆ ಪುರಲೆ, ಸೌದೆಕಡ್ಡಿ
ಅಲ್ಯುಮಿನಿಯಮ್ ಪಾತ್ರೆ 1
ಅಲ್ಯುಮಿನಿಯಮ್ ಸೌಟು 1

ಮೊಳಕೆ ಬಂದ ಕಡಲೆಕಾಳು 50 ಗ್ರಾಂ
ಬದನೆಕಾಯಿ 2
ಆಲೂಗೆಡ್ಡೆ 1
ಈರುಳ್ಳಿ 1
ನಾಟಿ ಟೊಮೆಟೋ 2
ಬೆಳ್ಳುಳ್ಳಿ 4 ಎಸಳು
ಹಸಿಮೆಣಸಿನಕಾಯಿ 6
ಉಪ್ಪು ಸ್ವಲ್ಪ

ವಿಧಾನ

ಎರಡು ಕಾಂಕ್ರೀಟ್ ಕ್ಯೂಬಿನಿಂದ ಒಲೆ ಮಾಡಿಕೊಂಡು ಸೌದೆ ಬೆಂಕಿ ಹಾಕುವುದು. ಹೊಗೆ ಕಮ್ಮಿಯಾಗಿ ಬೆಂಕಿಜ್ವಾಲೆಗಳು ಬಂದನಂತರ ನಂತರ ಪಾತ್ರೆ ಮೇಲಿಟ್ಟು ಕಾಳು, ತರಕಾರಿ ಹೆಚ್ಚಿ ಇಬ್ಬರಿಗಾಗುವಷ್ಟು ನೀರು ಹಾಕಿ ಬೇಯಲು ಇಡುವುದು.

ಹಸಿಮೆಣಸು, ಈರುಳ್ಳಿ, ಬೆಳ್ಳುಳ್ಳಿಯನ್ನು ಕಲ್ಲಿನ ಮೇಲೆ ಜಜ್ಜಿಕೊಳ್ಳಬೇಕು. ಚಟ್ನಿಯನ್ನು ಬಳಿದುಕೊಂಡು ಒಂದು ತಟ್ಟೆಗೆ ಹಾಕಿಕೊಳ್ಳಬೇಕು. ಇದನ್ನು ಕುದಿಯುತ್ತಿರುವ ತರಕಾರಿ ಸಾರಿಗೆ ಬೆರೆಸಿ, ಟೊಮೆಟೋ ಮತ್ತು ಉಪ್ಪು ಹಾಕಿ ಮತ್ತೆ ಚೆನ್ನಾಗಿ ಕುದಿಸಿ ಅನ್ನದ ಜತೆಗೆ ಊಟಮಾಡಬೇಕು. ಶೆಡ್ಡಿನಲ್ಲಿ ವಿದ್ಯುತ್ ದೀಪ ಸಂಪರ್ಕ ಇಲ್ಲದವರು ಸೂರ್ಯ ಮುಳುಗಿ ಕತ್ತಲು ಕವಿಯುವ ಮುನ್ನ ಸಾಂಬಾರು ಅನ್ನ ಮಾಡಿಡಬೇಕು.