ಜಾಯಿಕಾಯಿ ಸಿಪ್ಪೆಯ ಉಪ್ಪಿನಕಾಯಿ ರೆಸಿಪಿ

ಮಾಡುವ ವಿಧಾನ:

ಜಾಯಿಕಾಯಿ ಸಿಪ್ಪೆಯನ್ನು ತೊಳೆದು ಒಂದು ಬಿಳಿಯ ಬಟ್ಟೆಯ ಮೇಲೆ ಹರವಿಡಿ.

ಅದರ ನೀರು ಒಣಗುವವರೆ ಕಾಯಿರಿ.

ನಂತರ ಸಣ್ಣ ಸಣ್ಣ ಹೋಳುಗಳಾಗಿ ಕತ್ತರಿಸಿ.

ಅದಕ್ಕೆ ಉಪ್ಪು ಹಾಕಿ ಕೈಯಾಡಿಸಿ.

ಉಪ್ಪಿನಕಾಯಿ ಆಗಿರುವುದರಿಂದಾಗಿ ಅಧಿಕವೇ ಉಪ್ಪು ಬೇಕಾಗುತ್ತದೆ ಎಂಬುದು ನಿಮ್ಮ ಗಮನದಲ್ಲಿ ಇರಲಿ.

ನಂತರ ಅದಕ್ಕೆ ಖಾರಕ್ಕೆ ಅನುಗುಣವಾಗಿ ಅಚ್ಚಖಾರದಪುಡಿಯನ್ನು ಸೇರಿಸಿ.

ನಂತರ ಎಣ್ಣೆ ಹಾಕಿ ಸಾಸಿವೆ, ಇಂಗಿನ ಒಗ್ಗರಣೆ ಮಾಡಿ.

ಮಿಶ್ರಣವನ್ನು ಚೆನ್ನಾಗಿ ಕಲಸಿ.

ಒಂದೆರಡು ತಾಸಿನ ನಂತರ ಗಾಜಿನ ಇಲ್ಲವೇ ಪಿಂಗಾಣಿ ಬಾಟಲಿಗೆ ಉಪ್ಪಿನಕಾಯಿಯನ್ನು ತುಂಬಿಸಿ ಇಡಿ.

ಇವೆರಡೂ ಇಲ್ಲದೆ ಇದ್ದರೆ ಪ್ಲಾಸ್ಟಿಕ್ ಡಬ್ಬಿಯಲ್ಲಿ ತುಂಬಿ ಇಡಿ.

ಆದರೆ ಡಬ್ಬದಲ್ಲಿ ನೀರಿನ ಪಸೆ ಇರುವಂತಿಲ್ಲ.

ಉಪ್ಪಿನಕಾಯಿಗೆ ನೀರು ತಗುಲಿದರೆ ಹೆಚ್ಚು ಕಾಲ ಬಾಳಿಕೆ ಬರುವುದಿಲ್ಲ.

ಒಂದು ವಾರದ ನಂತರ ಸವಿಯಲು ಸಿದ್ಧವಾಗಿರುತ್ತದೆ.