ಮೈದಾ, ಮೊಟ್ಟೆ ಎರಡೂ ಬೇಡ! ಈ ಹೊಸ ರುಚಿಯ ಕೇಕ್ ಮಾಡಿ ನೋಡಿ.. ಶುಗರ್ ಇರುವವರು ತಿನ್ನಬಹುದು

ಮೈದಾ, ಮೊಟ್ಟೆ ಎರಡೂ ಬೇಡ! ಈ ಹೊಸ ರೀತಿಯ ಕಡಲೆಹಿಟ್ಟಿನ ಕೇಕ್ ಟ್ರೈ ಮಾಡಿ ನೋಡಿ. ಡಯಟ್ ಮಾಡುವವರಿಗೂ ಇದು ಬೆಸ್ಟ್ ಆಪ್ಷನ್. ಹೌದು, ಮಫಿನ್ಸ್ ಅಥವಾ ಕೇಕ್ ತಯಾರಿಸುವಾಗ ಮೈದಾ ಮತ್ತು ಮೊಟ್ಟೆಗಳು ಪ್ರಮುಖ ಪದಾರ್ಥಗಳು ಎಂಬ ನಂಬಿಕೆ. ಆದರೆ, ಇಲ್ಲಿ ಕಡಲೆಹಿಟ್ಟನ್ನು ಮಾತ್ರ ಬಳಸಿ, ಮೈದಾ ಮತ್ತು ಮೊಟ್ಟೆ ಎರಡನ್ನೂ ಹೊರತುಪಡಿಸಿ, ಅತ್ಯಂತ ರುಚಿಕರ ಹಾಗೂ ಆರೋಗ್ಯಕರ ಮಫಿನ್ಸ್‌ಗಳನ್ನು ಮಾಡುವ ವಿಧಾನವನ್ನು ತಿಳಿಸಲಾಗಿದೆ.

ಈ ಪೌಷ್ಟಿಕಾಂಶಭರಿತ ಕಡಲೆಹಿಟ್ಟಿನ ಮಫಿನ್ಸ್ (Besan Muffins) ಚಹಾದ ಜೊತೆಗೆ ಅಥವಾ ಮಕ್ಕಳಿಗೆ ಆರೋಗ್ಯಕರ ತಿಂಡಿಯಾಗಿ ಉತ್ತಮ ಆಯ್ಕೆ. ಈ ಕಡಲೆಹಿಟ್ಟಿನ ಮಫಿನ್ಸ್ ಪಾಕವಿಧಾನ ಮೈದಾ ಮತ್ತು ಮೊಟ್ಟೆ ಎರಡನ್ನೂ ಬಳಸುವುದಿಲ್ಲ. ಇಂದಿನ ದಿನಗಳಲ್ಲಿ ಅನೇಕರು ಗ್ಲುಟನ್-ಫ್ರೀ (Gluten-free) ಆಹಾರಗಳನ್ನು ಹೆಚ್ಚು ಆದ್ಯತೆ ನೀಡುತ್ತಿರುವ ಸಂದರ್ಭದಲ್ಲಿ, ಈ ರೆಸಿಪಿ ಸಂಪೂರ್ಣವಾಗಿ ಗ್ಲುಟನ್-ಮುಕ್ತ ಮತ್ತು ಮೊಟ್ಟೆರಹಿತವಾಗಿದೆ.

ಏಲಕ್ಕಿಯ ಆಕರ್ಷಕ ಸುವಾಸನೆ ಮತ್ತು ಮೃದುವಾದ ವಿನ್ಯಾಸವು ಇದನ್ನು ಯಾವುದೇ ಸಾಂಪ್ರದಾಯಿಕ ಬೇಕರಿ ಕೇಕ್‌ಗಿಂತಲೂ ಹೆಚ್ಚು ವಿಶೇಷವಾಗಿಸಿದೆ. ಕಡಲೆಹಿಟ್ಟಿನ ಮಫಿನ್ಸ್ ತಯಾರಿಸಲು ಬೇಕಾದ ಸಾಮಗ್ರಿಗಳು ಮತ್ತು ಸರಳ ವಿಧಾನ (Besan Muffin recipe) ಇಲ್ಲಿದೆ.

ಕಡಲೆಹಿಟ್ಟಿನ ಮಫಿನ್ಸ್‌ಗೆ ಬೇಕಾದ ಸಾಮಗ್ರಿಗಳು

• ಕಡಲೆಹಿಟ್ಟು
• ಪುಡಿ ಮಾಡಿದ ಸಕ್ಕರೆ
• ಬೆಣ್ಣೆ
• ಮೊಸರು
• ಬೇಕಿಂಗ್ ಪೌಡರ್
• ಬೇಕಿಂಗ್ ಸೋಡಾ
• ಏಲಕ್ಕಿ ಪುಡಿ
• ವೆನಿಲ್ಲಾ ಎಸೆನ್ಸ್
• ಚಾಕೊಲೇಟ್ ಗನಾಶ್ ಅಥವಾ ಬಟರ್‌ಕ್ರೀಮ್

ಕಡಲೆಹಿಟ್ಟಿನ ಮಫಿನ್ಸ್‌ ತಯಾರಿಸುವ ವಿಧಾನ

- ಮೊದಲು, ಓವನ್ ಅನ್ನು 180°C ಉಷ್ಣತೆಯಲ್ಲಿ ಪ್ರೀ-ಹೀಟ್ (Pre-heat) ಮಾಡಿಕೊಳ್ಳಿ. ಇದು ಮಫಿನ್ಸ್ ಸಮವಾಗಿ, ಸರಿಯಾದ ರೀತಿಯಲ್ಲಿ ಬೇಯಲು ಅಗತ್ಯವಾಗಿದೆ. ಉತ್ತಮ ಫಲಿತಾಂಶಕ್ಕೆ ಸಹಕಾರಿ.

- ಒಂದು ದೊಡ್ಡ ಮಿಶ್ರಣ ಪಾತ್ರೆಯಲ್ಲಿ, ಮೃದುವಾದ ಬೆಣ್ಣೆ ಮತ್ತು ಸಕ್ಕರೆ ಪುಡಿಯನ್ನು ಸೇರಿಸಿ. ಈ ಮಿಶ್ರಣವು ತಿಳಿ ಬಿಳಿ ಬಣ್ಣಕ್ಕೆ ತಿರುಗಿ ನಯವಾದ ಕ್ರೀಮ್‌ನಂತೆ ಆಗುವವರೆಗೆ ಚೆನ್ನಾಗಿ ಮಿಸ್ಕ್ ಮಾಡಿ.

- ಈಗ ತಯಾರಾದ ಬೆಣ್ಣೆ-ಸಕ್ಕರೆ ಮಿಶ್ರಣಕ್ಕೆ ಮೊಸರು ಮತ್ತು ವೆನಿಲ್ಲಾ ಎಸೆನ್ಸ್ ಸೇರಿಸಿ. ಎಲ್ಲವನ್ನೂ ಚೆನ್ನಾಗಿ ಬೆರೆಸಿಕೊಳ್ಳಿ. ಮೊಸರು ಇಲ್ಲಿ ಮೊಟ್ಟೆಯ ಬದಲಿ ಪದಾರ್ಥವಾಗಿ ಕಾರ್ಯನಿರ್ವಹಿಸುತ್ತದೆ, ಮಫಿನ್ಸ್‌ಗೆ ಅಗತ್ಯವಾದ ಮೃದುತ್ವ ಮತ್ತು ತೇವಾಂಶವನ್ನು ಒದಗಿಸುತ್ತದೆ.

- ಮತ್ತೊಂದು ಬೌಲ್‌ನಲ್ಲಿ ಕಡಲೆಹಿಟ್ಟು, ಬೇಕಿಂಗ್ ಪೌಡರ್, ಬೇಕಿಂಗ್ ಸೋಡಾ ಮತ್ತು ಏಲಕ್ಕಿ ಪುಡಿಯನ್ನು ಜರಡಿ ಹಿಡಿಯಿರಿ. ಈ ಪ್ರಕ್ರಿಯೆಯು ಹಿಟ್ಟಿನಲ್ಲಿ ಯಾವುದೇ ಗಂಟುಗಳು ಇರುವುದನ್ನು ತಡೆಯುತ್ತದೆ ಮತ್ತು ಮಫಿನ್ಸ್ ಹೆಚ್ಚು ಹಗುರ ಹಾಗೂ ನಯವಾಗಿ ಬರಲು ಸಹಾಯ ಮಾಡುತ್ತದೆ.

- ಜರಡಿ ಹಿಡಿದ ಒಣ ಮಿಶ್ರಣವನ್ನು ಹಂತ ಹಂತವಾಗಿ ದ್ರವ ಮಿಶ್ರಣಕ್ಕೆ ಸೇರಿಸುತ್ತಾ, ನಿಧಾನವಾಗಿ ಕಲಸಿ. ನೆನಪಿರಲಿ, ಬ್ಯಾಟರ್ ಅನ್ನು ಅತಿಯಾಗಿ ಕಲಕುವುದರಿಂದ ಮಫಿನ್ಸ್ ಗಟ್ಟಿಯಾಗಬಹುದು. ಹಿಟ್ಟು ಸೇರಿಸಿದ ನಂತರ ಸಮವಾಗಿ ಬೆರೆಯುವಷ್ಟು ಮಾತ್ರ ಕಲಸಿ.

- ಮಫಿನ್ ಟ್ರೇ ಅಥವಾ ಮೋಲ್ಡ್‌ಗಳಿಗೆ ಎಣ್ಣೆ ಅಥವಾ ಬೆಣ್ಣೆ ಹಚ್ಚಿ ಗ್ರೀಸ್ ಮಾಡಿಕೊಳ್ಳಿ. ಸಿದ್ಧಪಡಿಸಿದ ಬ್ಯಾಟರ್ ಅನ್ನು ಮೋಲ್ಡ್‌ಗಳ ಮುಕ್ಕಾಲು ಭಾಗದವರೆಗೆ ತುಂಬಿಸಿ. ನಂತರ, ಇದನ್ನು ಪ್ರೀಹೀಟ್ ಮಾಡಿದ ಓವನ್‌ನಲ್ಲಿ ಇಟ್ಟು ಸುಮಾರು ಇಪ್ಪತ್ತು ನಿಮಿಷಗಳ ಕಾಲ ಬೇಕ್ ಮಾಡಿ.

- ಮಫಿನ್ಸ್‌ಗಳು ಸರಿಯಾಗಿ ಬೆಂದಿವೆಯೇ ಎಂದು ಪರೀಕ್ಷಿಸಲು, ಒಂದು ಟೂತ್‌ಪಿಕ್ ತೆಗೆದುಕೊಂಡು ಅದರ ಮಧ್ಯಕ್ಕೆ ಚುಚ್ಚಿ ನೋಡಿ. ಟೂತ್‌ಪಿಕ್ ಸ್ವಚ್ಛವಾಗಿ ಹೊರಬಂದರೆ, ನಿಮ್ಮ ರುಚಿಕರ ಮಫಿನ್ಸ್‌ಗಳು ಸಿದ್ಧವಾಗಿವೆ ಎಂದು ಅರ್ಥ.

- ಮಫಿನ್ಸ್‌ಗಳು ಸಂಪೂರ್ಣವಾಗಿ ತಣ್ಣಗಾದ ನಂತರ, ನಿಮ್ಮ ಇಚ್ಛೆಗೆ ಅನುಗುಣವಾಗಿ ಚಾಕೊಲೇಟ್ ಗನಾಶ್ ಅಥವಾ ಬಟರ್‌ಕ್ರೀಮ್‌ನಿಂದ ಅಲಂಕರಿಸಬಹುದು.

ಈ ಮಫಿನ್ಸ್‌ಗಳು ಏಕೆ ಬೇಕು?

ಸಾಮಾನ್ಯವಾಗಿ ಬೇಕರಿ ಉತ್ಪನ್ನಗಳಲ್ಲಿ ಬಳಸುವ ಮೈದಾ ಹಿಟ್ಟಿನಲ್ಲಿ ಪೌಷ್ಟಿಕಾಂಶಗಳು ಕಡಿಮೆಯಿರುತ್ತವೆ. ಆದರೆ, ಈ ಮಫಿನ್ಸ್‌ಗಳಲ್ಲಿ ಬಳಸುವ ಕಡಲೆಹಿಟ್ಟು ಪ್ರೋಟೀನ್ ಸಮೃದ್ಧವಾಗಿದೆ. ಅಲ್ಲದೆ, ಮೊಟ್ಟೆಗಳನ್ನು ಬಳಸದಿರುವುದರಿಂದ, ಇದು ಸಸ್ಯಾಹಾರಿಗಳಿಗೆ ಅತ್ಯುತ್ತಮ ಆಯ್ಕೆಯಾಗಿದ್ದು, ಪೌಷ್ಟಿಕಾಂಶ ಮತ್ತು ರುಚಿಯ ಪರಿಪೂರ್ಣ ಸಮತೋಲನವನ್ನು ಒದಗಿಸುತ್ತದೆ.

ಏಲಕ್ಕಿಯ ಬಳಕೆ ಜೀರ್ಣಕ್ರಿಯೆಗೆ ಸಹಕಾರಿಯಾಗಿದ್ದು, ಒಟ್ಟಾರೆ ಆರೋಗ್ಯಕ್ಕೆ ಒಳ್ಳೆಯದು. ಜೊತೆಗೆ, ಬೆಣ್ಣೆಯು ಆರೋಗ್ಯಕರ ಕೊಬ್ಬನ್ನು ಒದಗಿಸುತ್ತದೆ. ಹೀಗಾಗಿ, ಈ ಕಡಲೆಹಿಟ್ಟಿನ ಮಫಿನ್ಸ್‌ಗಳು ಕೇವಲ ರುಚಿಕರವಲ್ಲದೆ, ದೇಹಕ್ಕೆ ಅಗತ್ಯ ಪೋಷಕಾಂಶಗಳನ್ನು ಪೂರೈಸುವಂತಹ ಆರೋಗ್ಯಕರ ತಿಂಡಿ.