ಮೊಟ್ಟೆ ಬೇಡವೇ ಬೇಡ.. ಮನೆಯಲ್ಲೇ ಮಾಡಿ ಬೇಕರಿ ಸ್ಟೈಲ್ ಎಗ್‌ಲೆಸ್ ಕುಕೀಸ್! ರುಚಿಗೆ ಎಲ್ಲರೂ ಫಿದಾ

ಕ್ರಿಸ್‌ಮಸ್ ಸ್ಪೆಷಲ್.. ಮೊಟ್ಟೆ ಬಳಸದೆ ಮನೆಯಲ್ಲೇ ಮಾಡಿ ಬೇಕರಿ ಸ್ಟೈಲ್ ಕುಕೀಸ್! ಇದರ ರುಚಿಗೆ ಎಲ್ಲರೂ ಫಿದಾ. ಹೌದು, ಕ್ರಿಸ್‌ಮಸ್ (Christmas) ಎಂದರೆ ಕೇವಲ ಅಲಂಕಾರ ಅಥವಾ ಉಡುಗೊರೆಗಳ ವಿನಿಮಯವಲ್ಲ. ಇದು ಪ್ರೀತಿ ಹಂಚುವ ಮತ್ತು ಸಿಹಿ ತಿನಿಸುಗಳನ್ನು ಸವಿಯುವ ಸಂಭ್ರಮದ ಹಬ್ಬ. ಈ ಹಬ್ಬದ ಸಂದರ್ಭದಲ್ಲಿ ಮನೆಯಲ್ಲೇ ತಯಾರಿಸಿದ ಕುಕೀಸ್‌ಗಳ (Christmas Cookies) ಸುವಾಸನೆಯು ವಾತಾವರಣವನ್ನು ಇನ್ನಷ್ಟು ಆಹ್ಲಾದಕರವಾಗಿಸುತ್ತದೆ.

ಸಾಮಾನ್ಯವಾಗಿ ಬೇಕರಿಗಳಲ್ಲಿ ಮೊಟ್ಟೆಗಳನ್ನು ಬಳಸುವುದರಿಂದ, ಅನೇಕ ಸಸ್ಯಾಹಾರಿಗಳು ಕುಕೀಸ್‌ಗಳಿಂದ ದೂರವಿರುತ್ತಾರೆ. ಆದರೆ, ಈ ಕ್ರಿಸ್‌ಮಸ್‌ಗೆ ನೀವು ಚಿಂತಿಸಬೇಕಿಲ್ಲ. ಮೊಟ್ಟೆ ಬಳಸದೆ (Eggless), ಮನೆಯಲ್ಲೇ ಬೇಕರಿಗಿಂತಲೂ ರುಚಿಕರ ಹಾಗೂ ಗರಿಗರಿಯಾದ ಕುಕೀಸ್‌ಗಳನ್ನು ಸುಲಭವಾಗಿ ತಯಾರಿಸಬಹುದು. ಇವು ಸಸ್ಯಾಹಾರಿಗಳಿಗೆ ಅತ್ಯುತ್ತಮ ಆಯ್ಕೆ.

ಹೊರಗಿನಿಂದ ಗರಿಗರಿಯಾದರೂ ಒಳಗಿಂದ ಮೃದುವಾಗಿರುವ ಈ ಕುಕೀಸ್‌ಗಳು ಮಕ್ಕಳು ಹಾಗೂ ಹಿರಿಯರು ಎಲ್ಲರಿಗೂ ಇಷ್ಟವಾಗುತ್ತವೆ. ಇವುಗಳ ತಯಾರಿಕೆಗೆ ಹೆಚ್ಚಿನ ಶ್ರಮದ ಅಗತ್ಯವಿಲ್ಲ. ಅಡುಗೆಮನೆಯಲ್ಲಿ ಲಭ್ಯವಿರುವ ಸಾಮಾನ್ಯ ಸಾಮಗ್ರಿಗಳನ್ನೇ ಬಳಸಬಹುದು. ಮೊಟ್ಟೆ ರಹಿತ ಕ್ರಿಸ್‌ಮಸ್ ಕುಕೀಸ್‌ಗಳನ್ನು ತಯಾರಿಸಲು ಬೇಕಾಗುವ ಸಾಮಗ್ರಿಗಳು ಮತ್ತು ತಯಾರಿಸುವ ಸರಳ ವಿಧಾನ (Eggless Cookies Recipe) ಇಲ್ಲಿದೆ.

ಎಗ್‌ಲೆಸ್ ಕುಕೀಸ್‌ಗೆ ಬೇಕಾಗುವ ಸಾಮಗ್ರಿಗಳು

• ಮೈದಾ ಹಿಟ್ಟು
• ಸಕ್ಕರೆ (ಪುಡಿ ಮಾಡಿದ)
• ಬೆಣ್ಣೆ
• ವೆನಿಲ್ಲಾ ಎಸೆನ್ಸ್
• ಬೇಕಿಂಗ್ ಪೌಡರ್
• ಹಾಲು
• ಉಪ್ಪು (ಒಂದು ಚಿಟಿಕೆ)
• ಚೋಕೋ ಚಿಪ್ಸ್ ಅಥವಾ ಒಣ ಹಣ್ಣಿನ ಚೂರುಗಳು

ಎಗ್‌ಲೆಸ್ ಕುಕೀಸ್‌ ತಯಾರಿಸುವ ವಿಧಾನ

- ಒಂದು ದೊಡ್ಡ ಬೌಲ್‌ನಲ್ಲಿ ಮೃದುವಾದ ಬೆಣ್ಣೆ ಹಾಗು ಪುಡಿ ಸಕ್ಕರೆ ಸೇರಿಸಿ. ಮಿಶ್ರಣ ತಿಳಿ ಬಿಳಿ ಬಣ್ಣಕ್ಕೆ ತಿರುಗಿ, ಕೆನೆಯಂತಾಗುವವರೆಗೆ ಚೆನ್ನಾಗಿ ಮಿಸ್ಕ್ ಮಾಡಿ. ನಂತರ ವೆನಿಲ್ಲಾ ಎಸೆನ್ಸ್ ಸೇರಿಸಿ ಮತ್ತೊಮ್ಮೆ ಕಲಸಿ.

- ಈ ಮಿಶ್ರಣಕ್ಕೆ ಮೈದಾ ಹಿಟ್ಟು, ಬೇಕಿಂಗ್ ಪೌಡರ್ ಮತ್ತು ಒಂದು ಚಿಟಿಕೆ ಉಪ್ಪನ್ನು ಜರಡಿ ಹಿಡಿದು ಸೇರಿಸಿ. ಜರಡಿ ಹಿಡಿಯುವುದರಿಂದ ಹಿಟ್ಟಿನಲ್ಲಿ ಯಾವುದೇ ಗಂಟುಗಳಿಲ್ಲದೆ, ಕುಕೀಸ್‌ಗಳು ಹೆಚ್ಚು ಮೃದುವಾಗಿ ಸಿದ್ಧವಾಗುತ್ತವೆ.

- ಹಗುರವಾದ ಕೈಗಳಿಂದ ಎಲ್ಲಾ ಪದಾರ್ಥಗಳನ್ನು ಬೆರೆಸಿ ನಯವಾದ ಹಿಟ್ಟು ತಯಾರಿಸಿ. ಹಿಟ್ಟು ಹೆಚ್ಚು ಒಣಗಿದಂತೆ ಅನಿಸಿದರೆ, ಒಂದು ಚಮಚ ಹಾಲು ಸೇರಿಸಬಹುದು. ಆದರೆ, ಹಿಟ್ಟನ್ನು ಅತಿಯಾಗಿ ಕಲಸಬಾರದು. ಇದು ಕುಕೀಸ್‌ಗಳ ಗರಿಗರಿತನಕ್ಕೆ ಅಡ್ಡಿಯಾಗಬಹುದು.

- ಓವನ್ ಅನ್ನು 180°C ಉಷ್ಣತೆಯಲ್ಲಿ ಪ್ರೀ-ಹೀಟ್ ಮಾಡಿ. ಬೇಕಿಂಗ್ ಟ್ರೇ ಮೇಲೆ ಬಟರ್ ಪೇಪರ್ ಹರಡಿ.

- ಈಗ ತಯಾರಿಸಿದ ಹಿಟ್ಟಿನಿಂದ ಸಣ್ಣ ಉಂಡೆಗಳನ್ನು ಮಾಡಿ, ಲಘುವಾಗಿ ಒತ್ತಿ ಚಪ್ಪಟೆ ಆಕಾರ ನೀಡಿ. ಇವುಗಳ ಮೇಲೆ ಚೋಕೋ ಚಿಪ್ಸ್ ಅಥವಾ ಒಣ ಹಣ್ಣುಗಳಿಂದ ಅಲಂಕರಿಸಿ.

- ಸಿದ್ಧಪಡಿಸಿದ ಟ್ರೇ ಅನ್ನು ಓವನ್‌ನಲ್ಲಿಟ್ಟು 12 ರಿಂದ 15 ನಿಮಿಷಗಳ ಕಾಲ ಬೇಯಿಸಿ. ಕುಕೀಸ್‌ಗಳ ಅಂಚುಗಳು ತಿಳಿ ಚಿನ್ನದ ಬಣ್ಣಕ್ಕೆ ತಿರುಗಿದ ತಕ್ಷಣ ಅವುಗಳನ್ನು ಹೊರತೆಗೆಯಿರಿ. ಓವನ್‌ನಿಂದ ತೆಗೆದಾಗ ಕುಕೀಸ್‌ಗಳು ಮೃದುವಾಗಿದ್ದರೂ ಚಿಂತಿಸಬೇಡಿ.

- ಓವನ್‌ನಿಂದ ಹೊರತೆಗೆದ ನಂತರ, ಕುಕೀಸ್‌ಗಳನ್ನು ಬೇಕಿಂಗ್ ಟ್ರೇನಲ್ಲೇ ಕನಿಷ್ಠ 10-15 ನಿಮಿಷಗಳ ಕಾಲ ಸಂಪೂರ್ಣವಾಗಿ ತಣ್ಣಗಾಗಲು ಬಿಡಿ. ಸಾಕಷ್ಟು ತಣ್ಣಗಾದ ನಂತರವೇ ಅವು ಸರಿಯಾದ ಗರಿಗರಿತನ ಮತ್ತು ಸ್ಥಿರತೆಯನ್ನು ಪಡೆಯುತ್ತವೆ. ಇದನ್ನು ಅನುಸರಿಸುವುದರಿಂದ ರುಚಿ ಮತ್ತು ಗುಣಮಟ್ಟ ಉತ್ತಮವಾಗಿರುತ್ತದೆ.

ಈ ಸುಲಭ ರೆಸಿಪಿಯೊಂದಿಗೆ ಈ ಕ್ರಿಸ್‌ಮಸ್ ಹಬ್ಬವನ್ನು ನಿಮ್ಮ ಕುಟುಂಬದೊಂದಿಗೆ ಸಿಹಿಯಾಗಿ ಆಚರಿಸಿ. ಮನೆಯಲ್ಲಿ ಪ್ರೀತಿಯಿಂದ ತಯಾರಿಸಿದ ಈ ಮೊಟ್ಟೆ ರಹಿತ ಕುಕೀಸ್‌ಗಳ ರುಚಿಗೆ ಪ್ರತಿಯೊಬ್ಬರೂ ಖಂಡಿತವಾಗಿಯೂ ಮಾರುಹೋಗಿ, ಹಬ್ಬದ ಸಂಭ್ರಮವನ್ನು ಹೆಚ್ಚಿಸುತ್ತಾರೆ.