ಕ್ರಿಸ್ಮಸ್ ವಿಶೇಷ: ನೀವು ತಿಳಿದಿರದ ಅಮೋಘ ಸಂಗತಿಗಳು

ಮಧ್ಯರಾತ್ರಿಯಲ್ಲಿ ಕ್ರಿಸ್‌ಮಸ್ ಆಚರಣೆ

ಕ್ರಿಸ್‌ಮಸ್ ಸಾಮಾನ್ಯವಾಗಿ ಮಧ್ಯರಾತ್ರಿಯಿಂದ ಆರಂಭವಾಗುತ್ತದೆ. ಏಸು ಜನ್ಮತಾಳಿದ್ದು ಮಧ್ಯರಾತ್ರಿಯಲ್ಲಿ. ಆದ್ದರಿಂದಲೇ ಪ್ರತೀ ಚರ್ಚ್‌ನಲ್ಲಿ ಕೂಡ ಮಧ್ಯರಾತ್ರಿಯಿಂದಲೇ ಆಚರಣೆಗಳು ಪ್ರಾರಂಭಗೊಳ್ಳುತ್ತದೆ.

ಕೊಡುಗೆಗಳನ್ನು ನೀಡುವುದು

ಕ್ರಿಸ್‌ಮಸ್‌ನಂದು ಕೊಡುಗೆಗಳನ್ನು ಏಕೆ ನೀಡುತ್ತಾರೆ? ಎಂಬುದು ನಿಮಗೆ ಗೊತ್ತೇ? ಮ್ಯಾಗಿ ಅಥವಾ ಪುಟ್ಟ ಏಸುವಿಗೆ ಕೊಡುಗೆಗಳನ್ನು ನೀಡಿದ ಮೂರು ಬುದ್ಧಿವಂತರಿಂದ ಈ ಆಚರಣೆ ಮುಂದುವರಿದಿದೆ.

ಕ್ರಿಸ್‌ಮಸ್ ಟ್ರೀ

ಅಂದವಾಗಿ ಕ್ರಿಸ್‌ಮಸ್ ಟ್ರಿಯನ್ನು ಅಲಂಕರಿಸುವುದು ಮಾತ್ರವೇ ಉದ್ದೇಶವಲ್ಲ. ಚಳಿಗಾಲದ ಸಮಯದಲ್ಲಿ ಹಸಿರಿನಿಂದ ಕಂಗೊಳಿಸುವ ಈ ವೃಕ್ಷವು ಹೊಸ ಜೀವನದ ಹೊಸ ಭರವಸೆಯ ಸಾರವಾಗಿದೆ.

ಸಾಂತಾರ ನಿಜವಾದ ಹೆಸರು

ಕ್ರಿಸ್‌ಮಸ್‌ನೊಂದಿಗೆ ತಳುಕು ಹಾಕಿಕೊಂಡಿರುವ ರಹಸ್ಯಗಳಲ್ಲಿ ಸಾಂತಾ ಕ್ಲಾಸ್ ಕೂಡ ಒಬ್ಬರು. ಮಕ್ಕಳನ್ನು ಪ್ರೀತಿಸುವ ಗಿಡ್ಡನೆಯ ಮತ್ತು ಪ್ರಿಯವಾದ ವ್ಯಕ್ತಿಯ ಹೆಸರು ಸಂತ ನಿಕೋಲಸ್ ಎಂದಾಗಿದೆ.

ಕ್ರಿಸ್‌ಮಸ್ ಸ್ಟಾಕಿಂಗ್ಸ್

ಒಂದು ನಂಬಿಕೆಯಂತೆ ಸಾಂತಾ ಕ್ಲಾಸ್ ಚಿಮಿಣಿಯ ಮೂಲಕ ಮಕ್ಕಳ ಮನೆಗೆ ಬರುತ್ತಾರೆ ಎಂದಾಗಿದೆ. ಆದ್ದರಿಂದಲೇ ಸಾಂತಾ ಕೊಡುಗೆಗಳನ್ನು ಇರಿಸುವುದಕ್ಕಾಗಿ ಚಿಮಿಣಿಯ ಪಕ್ಕದಲ್ಲಿ ಸ್ಟಾಕಿಂಗ್‌ಗಳನ್ನು ನೇತಾಡಿಸುತ್ತಾರೆ.

ಮಿಸ್ಟಿಲೋಟ್ ಚುಂಬನ

ಮಿಸ್ಟಿಲೋಟ್ ಎಂಬುದು ವಿಶೇಷ ಮರವಾಗಿದ್ದು ಇದನ್ನು ಓಕ್ ಮರಗಳಿಂದ ಕತ್ತರಿಸುತ್ತಾರೆ ಮತ್ತು ಬಾಗಿಲು ಹಾಗೂ ಕಮಾನುಗಳಲ್ಲಿ ಇದನ್ನು ಇರಿಸುತ್ತಾರೆ. ಒಮ್ಮೆ ಈ ಮಿಸ್ಟಿಲೋಟ್ ಅಡಿಯಲ್ಲಿ ಹುಡುಗ ಯಾ ಹುಡುಗಿ ಬಂದಲ್ಲಿ ಅವರು ಚುಂಬಿಸಬೇಕು ಎಂದಾಗಿದೆ. ಅನಾದಿ ಗ್ರೀಕ್ ವಿವಾಹ ಸಂಪ್ರದಾಯಗಳಿಂದ ಇದು ಆಚರಣೆಗೆ ಬಂದಿದೆ.

ಕ್ರೈಸ್ಟೇಂಗಲ್

ಏಸುವಿನ ಬೆಳಕನ್ನು ಕ್ರೈಸ್ಟೇಂಗಲ್ ಪ್ರತಿನಿಧಿಸುತ್ತದೆ. ಕಿತ್ತಳೆ ಬಣ್ಣದ ಚೆಂಡು (ಭೂಮಿ ತಾಯಿ) ಇದಾಗಿದ್ದು ಇದರಲ್ಲಿ ಕೆಂಪು ರಿಬ್ಬನ್ (ಏಸುವಿನ ರಕ್ತ) ಅನ್ನು ಸುತ್ತಲೂ ಕಟ್ಟುತ್ತಾರೆ. ಇದು ಮೇಣದ ಬತ್ತಿಯನ್ನು ಮೇಲ್ಭಾಗದಲ್ಲಿ ಒಳಗೊಂಡಿದ್ದು ನಾಲ್ಕು ಕೋಲು ಇರುತ್ತದೆ (ನಾಲ್ಕು ದಿಕ್ಕುಗಳನ್ನು ಸೂಚಿಸುತ್ತದೆ).

ಪವಿತ್ರ ಹೂಮಾಲೆ

ಹೋಲಿ ಎಂಬುದು ಕ್ರೈಸ್ತರಿಗೆ ಪವಿತ್ರ ಸಸ್ಯವಾಗಿದ್ದು ಪವಿತ್ರವೆಂದು ಕರೆದಿದ್ದ ಮುಳ್ಳಿನಿಂದ ಮಾಡಿದ ಕಿರೀಟವನ್ನು ಏಸುವಿಗೆ ತೊಡಿಸಿದ್ದರು.

ಕ್ರಿಸ್‌ಮಸ್ ಕ್ಯಾರಲ್ಸ್

ಇತ್ತೀಚಿನ ದಿನಗಳಲ್ಲಿ ಹಾಡುವ ಕ್ಯಾರಲ್ಸ್ ನಿಜವಾಗಿಯೂ ಕ್ಯಾರಲ್ ಹಾಡುಗಳಲ್ಲ. ಮೂಲ ಕ್ರಿಸ್‌ಮಸ್ ಕ್ಯಾರಲ್ಸ್ 'ಸೈಲೆಂಟ್ ನೈಟ್' ಮೊದಲಾದ ಸೊಲೆಮ್ನ್ ಶ್ಲೋಕಗಳಾಗಿವೆ.

ಕ್ರಿಸ್‌ಮಸ್ ವೈನ್ಸ್

ಕ್ರಿಸ್‌ಮಸ್‌ನಂದು ಎಲ್ಲಾ ಕ್ರೈಸ್ತ ಬಾಂಧವರು ವೈನ್ ಸೇವನೆಯನ್ನು ಮಾಡುತ್ತಾರೆ. ಏಕೆಂದರೆ ಇದು ಏಸುವಿನ ರಕ್ತವನ್ನು ಪ್ರತಿನಿಧಿಸುತ್ತದೆ. ನಮಗಾಗಿ ಏಸುವು ತಮ್ಮ ರಕ್ತವನ್ನು ಸುರಿಸಿದರು ಎಂಬ ತಾತ್ಪರ್ಯ ಕೂಡ ಇದರಲ್ಲಿದೆ.