ಪಕ್ಕಾ ಹೈದರಾಬಾದಿ ರುಚಿ.. ಅತಿಥಿಗಳು ಬಂದ್ರೆ ಈ ಚಿಕನ್ ಯಖನಿ ಪುಲಾವ್ ಮಾಡಿ! ಸಿಂಪಲ್ & ಸೂಪರ್ ರುಚಿ

ಪಕ್ಕಾ ಹೈದರಾಬಾದಿ ರುಚಿ.. ಅತಿಥಿಗಳು ಬಂದ್ರೆ ಈ ರೆಸಿಪಿ ಟ್ರೈ ಮಾಡಿ! ಒಮ್ಮೆ ತಿಂದರೆ ಮತ್ತೆ ಮತ್ತೆ ಮಾಡ್ತೀರಾ.. ಈ ರುಚಿಕರವಾದ ಚಿಕನ್ ಯಖನಿ ಪುಲಾವ್ ಮಾಡುವ ಸುಲಭ ವಿಧಾನ ಇಲ್ಲಿದೆ. ಸಾಮಾನ್ಯ ಚಿಕನ್ ಬಿರಿಯಾನಿ ಅಥವಾ ಪುಲಾವ್‌ಗಿಂತ ಈ 'ಯಖನಿ' ಪುಲಾವ್ (Chicken Yakhni Pulao) ಭಿನ್ನವಾಗಿದೆ.

ಹೈದರಾಬಾದಿ ಚಿಕನ್ ಯಖನಿ ಪುಲಾವ್ ಅತಿಥಿ ಸತ್ಕಾರಕ್ಕೆ ಉತ್ತಮ ಆಯ್ಕೆಯಾಗಿದೆ. ಇದು ಸಾಮಾನ್ಯ ಚಿಕನ್ ಬಿರಿಯಾನಿ ಅಥವಾ ಇತರೆ ಪುಲಾವ್‌ಗಿಂತ ವಿಭಿನ್ನ. ಇದರ ವಿಶೇಷತೆ 'ಯಖನಿ' ಅಂದರೆ ಚಿಕನ್ ಸಾರಿನಲ್ಲಿ ಅಡಗಿದ್ದು, ಅನ್ನಕ್ಕೆ ಅದ್ಭುತ ಸುಗಂಧ ಮತ್ತು ವಿಶಿಷ್ಟ ಸ್ವಾದ ನೀಡುತ್ತದೆ. ಈ ರುಚಿಕರ ಪುಲಾವ್ ತಯಾರಿಸುವ ಸುಲಭ ಹಂತಗಳು (Hyderabadi Chicken Yakhni Pulao Recipe) ಮತ್ತ ಬೇಕಾಗುವ ಪದಾರ್ಥಗಳು ಇಲ್ಲಿವೆ.

ಚಿಕನ್ ಯಖನಿ ಪುಲಾವ್ ತಯಾರಿಸಲು ಬೇಕಾಗುವ ಪದಾರ್ಥಗಳು

• ಮೂಳೆ ಸಹಿತ ಚಿಕನ್
• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್
• ರುಚಿಗೆ ತಕ್ಕಷ್ಟು ಉಪ್ಪು
• ನೀರು
• ಬಾಸ್ಮತಿ ಅಕ್ಕಿ
• ಈರುಳ್ಳಿ
• ಹಸಿ ಮೆಣಸಿನಕಾಯಿ
• ಜೀರಿಗೆ
• ಸಾಸಿವೆ
• ಪಲಾವ್ ಎಲೆ
• ದಾಲ್ಚಿನ್ನಿ
• ಲಕ್ಕಿ
• ಲವಂಗ
• ತುಪ್ಪ ಅಥವಾ ಎಣ್ಣೆ
• ಕೊತ್ತಂಬರಿ ಸೊಪ್ಪು
• ಪುದೀನ

ಚಿಕನ್ ಯಖನಿ ಪುಲಾವ್ ತಯಾರಿಸುವ ವಿಧಾನ

- ಒಂದು ಪಾತ್ರೆಯಲ್ಲಿ ಚಿಕನ್, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಸ್ವಲ್ಪ ಉಪ್ಪು ಮತ್ತು ಇಡೀ ಮಸಾಲೆಗಳನ್ನು ಹಾಕಿ ಇಪ್ಪತ್ತು ನಿಮಿಷ ಬೇಯಿಸಿ.

- ಚಿಕನ್ ಬೆಂದ ನಂತರ, ನೀರನ್ನು ಪ್ರತ್ಯೇಕವಾಗಿ ಸೋಸಿ ಯಖನಿ ಪಡೆಯಿರಿ. ಬೆಂದ ಚಿಕನ್ ತುಂಡುಗಳನ್ನು ಪಕ್ಕಕ್ಕೆ ಇರಿಸಿ.

- ಒಂದು ದೊಡ್ಡ ಕಡಾಯಿ ಅಥವಾ ಕುಕ್ಕರ್‌ನಲ್ಲಿ ತುಪ್ಪ ಅಥವಾ ಎಣ್ಣೆ ಬಿಸಿ ಮಾಡಿ. ಅದಕ್ಕೆ ಜೀರಿಗೆ ಮತ್ತು ಪಲಾವ್ ಎಲೆ ಸೇರಿಸಿ.

- ನಂತರ ಉದ್ದಕ್ಕೆ ಹೆಚ್ಚಿದ ಈರುಳ್ಳಿಯನ್ನು ಚಿನ್ನದ ಬಣ್ಣ ಬರುವವರೆಗೆ ಚೆನ್ನಾಗಿ ಹುರಿಯಿರಿ. ಇದಕ್ಕೆ ಹಸಿ ಮೆಣಸಿನಕಾಯಿ ಮತ್ತು ಉಳಿದ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ, ಹಸಿ ವಾಸನೆ ಹೋಗುವವರೆಗೆ ಬಾಡಿಸಿ.

- ಈಗ ಮೊದಲೇ ಬೇಯಿಸಿಟ್ಟ ಚಿಕನ್ ತುಂಡುಗಳನ್ನು ಒಗ್ಗರಣೆಗೆ ಸೇರಿಸಿ ಮೂರು ನಿಮಿಷ ಚೆನ್ನಾಗಿ ಹುರಿಯಿರಿ. ನಂತರ ನೆನೆಸಿಟ್ಟ ಬಾಸ್ಮತಿ ಅಕ್ಕಿಯನ್ನು ಹಾಕಿ, ಅಕ್ಕಿ ಮುರಿಯದಂತೆ ನಿಧಾನವಾಗಿ ಕೈಯಾಡಿಸಿ.

- ಪುಲಾವ್‌ಗೆ ಸಾಧಾರಣ ನೀರಿನ ಬದಲು, ನಾವು ಸೋಸಿ ಇಟ್ಟುಕೊಂಡಿರುವ 'ಯಖನಿ' (ಚಿಕನ್ ಸಾರು) ನೀರನ್ನು ಅಳತೆಗೆ ತಕ್ಕಂತೆ ಬಳಸಿ. ಉಪ್ಪನ್ನು ಮತ್ತೊಮ್ಮೆ ಪರೀಕ್ಷಿಸಿ ಅಗತ್ಯವಿದ್ದರೆ ಸೇರಿಸಿ.

- ಪಾತ್ರೆಯನ್ನು ಮುಚ್ಚಿ, ಉರಿಯನ್ನು ಸಣ್ಣದಾಗಿ ಇಟ್ಟು ಹತ್ತು ನಿಮಿಷ ಬೇಯಿಸಿ. ಅನ್ನ ಹದವಾಗಿ ಬೆಂದ ನಂತರ, ಕೊತ್ತಂಬರಿ ಸೊಪ್ಪು ಮತ್ತು ಪುದೀನಾದಿಂದ ಅಲಂಕರಿಸಿ. ಫರಾ ಖಾನ್ ಅವರ ರುಚಿಕರ ಚಿಕನ್ ಯಖನಿ ಪುಲಾವ್ ಸವಿಯಲು ಸಿದ್ಧ.

ಈ ಟಿಪ್ಸ್ ಫಾಲೋ ಮಾಡಿ

ಯಖನಿ ನೀರು ಸಾಕಾಗದಿದ್ದರೆ ಮಾತ್ರ ಸಾಧಾರಣ ನೀರನ್ನು ಬಳಸಬೇಕು. ಏಕೆಂದರೆ, ಹೆಚ್ಚು ಯಖನಿ ನೀರು ಪುಲಾವ್‌ಗೆ ಅತಿ ಹೆಚ್ಚು ರುಚಿ ನೀಡುತ್ತದೆ. ಈರುಳ್ಳಿಯನ್ನು ಸರಿಯಾಗಿ ಕೆಂಪು ಬಣ್ಣಕ್ಕೆ ಹುರಿಯುವುದು ಪುಲಾವ್‌ಗೆ ನೈಸರ್ಗಿಕ ಬಣ್ಣ ಮತ್ತು ಸಿಹಿಯನ್ನು ನೀಡಲು ಬಹಳ ಮುಖ್ಯ.

ಈ ರುಚಿಕರ ಯಖನಿ ಪುಲಾವ್‌ನ್ನು ಬಿಸಿಬಿಸಿಯಾಗಿ ಮೊಸರು ಬಜ್ಜಿ (ರೈತಾ) ಅಥವಾ ತಾಜಾ ಸಲಾಡ್ ಜೊತೆ ಸವಿಯುವುದು ಅತ್ಯುತ್ತಮ ವಿಧಾನವಾಗಿದೆ. ಇದು ನಿಮ್ಮ ಭೋಜನಕ್ಕೆ ವಿಶೇಷ ಸ್ಪರ್ಶ ನೀಡಿ, ಅದನ್ನು ಮತ್ತಷ್ಟು ಸ್ಮರಣೀಯವಾಗಿಸುತ್ತದೆ.